احبَبْتُكْ بقدر ما كَرِهتُكْ.

الحلقه السابعه

" على فكره انا مكنتش اقصد ابوظ عليكى الروايه زى كل مره بس انتِ الى كنتى بتوقعينى بالكلام ..اسف ياا"
قالت
" نَغم ..اسمى نَغَمْ "
وسابتنى واقف فى مكانى ومشيت
رحت اشوف احمد .. اه رحت العب معاهم علشان احمد مش علشان حاجه تانيه
..نغم اسم نغم حلو ونادر جدا متهيألى اول مره اسمعه
بس هو لايق عليها علشان هي عامله زى درجات الموسيقى بالظبط ساعات بتبقى هاديه ورايقه وساعات تبقى عاليه ومزعجه
ابتسم احمد وبص عليا وقال
" ايه يا يوسف جيت ليه "
ابتسمت وعدلت شعرى وقلت وانا بقعد
" لأ ولا حاجه يعنى حاسس ان القعده لى واحدى ممله"
لقيت بنت بعد كده بتقول
" طيب هنلعب اللعبه تانى من اول .. طبعا كلكم عارفين اللعبه "
وبعدها البنت لفت الازازه والازازه جت على بنت وفضلو يسألو بعض واسأله هيفا جدا
واخيرا الازازه جت على 'نَغَم '
وسألتها بنت من البنات الى قاعده
" ايه هو الحب بالنسبه ليكى يا نغم "
فكرت شويه وقالت
" بصي هو انا عمرى كا فكرت احب علشان احس بشعور وكده .. بس الى انا اعرفه عن الحب وان الحب بالنسبه ليا ايه فهو متقسم لى كتير اوى
فى الحب من طرف واحد والحب من طرفين وفى الحب المكابره .."
قطعت كلامها صحبتها وقالت لها
" لأ ثانيه ايه هو حب المكابره ده "
قالت
" ده الحب لما يكون انتِ بتكابرى فى حبك ليه وهو نفس الحكايه ..اما الحب من طرف واحد ده الى هو البنت او الولد يكون هو بس الى بيحب اما الطرف التانى لأ ..اما الحب العادى بقى بالنسبه ليا ..ذُل "
ضحكو البنات الى قاعده وقالو
" الحُب ذُل .. ازاى يعنى "
ابتسمت هي وقالت
" الحب غريب ودايما بيقوللك ان الحب لما يقلب يدق
والكلام الفراغ ده لكن اصلا القلب ده قلاب
انتٍ او انتَ اياً من الطرفين هيجى يحب مش هيكون عارف هل الى انتَ بتحبه هيكون بيحبك بنفس مقدار الحب الى بتحبهولو ولا لأ .. الحب ده فى ناس كتير اوى بيقولو ان مافيش احلى منه لكن هو اصعب حاجه
لأنه بيجى على فترات انتِ بتكونو مثلا فى الاول اصدقاء بعد كده إعجاب بعد كده حب وبعد الحب فى حاجه اسمها تعلق .. واصعب حاجه انك تتعودى على الشخص ده فى حياتك ..لأنك بعد ما هتتعودى عليه ممكن متلأهوش فى يوم من الايام معاكى ..ومش عاوزه اقولكم ايه هو هيبقى وقتها الشعور .. بس كده "
ضحك احمد وقال
" بالله عليكى ده جواب "
بصيتلو وغمزتلو فى دراعه وقلت بصوت واطى
" بس يا احمد خلاص اهدى "
قال
" اهدى ايه دى مش كانت بتجاوب دى كانت بتدى محاضره عن الحب "
ضحكو شويه من القاعدين .. وفى واحد منهم قال
" بس هي عندها حق فى حاجات كتير اوى "
ابتسمت انا بقى وبصيتلها وبعد كده بصيت على الى بيتكلم وقلت
" انا بقى الحب بالنسبه ليا .."
قطعت كلامى البنت الى بتلف الازازه وقالت
" ده مش دورك يا حلو استنى لما الأزازه تقف عندك "
بنت اعوذ بالله
فضلت مستنى ربع ساعه قاعد معاهم ومع اللعبه البارده دى علشان اتسأل فى الاخر متسألتش وانا زهقت انا هطلع ارسم .. قمت وقفت من على الارض وقلت
" طيب يلا .. انا طالع "
واديتلهم ظهرى وكنت ماشى لقيت البنت بتقول
" يا يوسف الأزازه وقفت عندك اهو تعالا "
ابتسمت ورحت وقفت عند مكانى تانى وبصيت على الازازه لقيتها مش عندى
وفضلو الباقو يضحكو واصحابى قالو
" انتَ يا يوسف الى بتضحك على الناس كلها اضحك عليك "
ضحكت معاهم وقلت
" طيب يا اسمك ايه .. خلينى الف انا الازازه دى "
ضحكت وقالت
" ماشى "
مسكت الازازه و حدفتها فى البحر وقلت
" يا برودك انتِ والازازه واللعبه ..يلا روحى جبيها بقى"
ضحكو الى قاعدين ونغم ابتسمت
وقامت وراحت على مكان الاوضه بتاعتها
ومشيت انا جه احمد وانا ماشى نط على ظهرى وقال
" بوظت اللعبه يا جو .. عفارم عليك "
ابتسم وعدلت هدومى وقلت
" دى لعبه بارده "
ابتسم وقال
" اوى ..مافيش بس غير اول عشر دقايق دقايق هما الى حلوين فيها "
ابتسمت وقلت
" تقصد ايه يعنى "
وقف قدامه وقال
" يا جو .. ياجو انتَ فاهم وانا فاهمك "
مشيت الأتجاه التاني وقلت وانا طالع على السلم انا رايح ادرب على الرسم علشان خاطر بكرا شكلى كده انا الى هكسب "
ضحك وقال
" تكسب ..ياريت "
ولقيته اخد من الجيب الى ورا الروايه
وقال
" انتَ لي .. ايه يا ابنى ده .. انتَ رجعت للقراءه تانى "
ابتسمت واخدتها منه وقلت
" شوفت بقى .. يلا تصبح على غير "
قال
" انتَ هتنام من دلوقتى ده الساعه خمسه "
هزيت راسى ب 'اه '
ورانا ماشى فى الترقه وطريقى على الاوضه بتاعتى
سمعت صوت لحن جميل ..جميل جدا ..فتحت الاوضه بتاعتى واول ما فتحتها اللحن وقف
جبت اللوحه وفضلت احضر فيها وبعد كده فضلت افكر ارسم ايه
لكن كالعاده ملقتش عاندى افكار ارسمها
رميت الفرشه الفرشاه على الارض ورحت ارن على بابا
لقيته بيكلم حد 'المكالمه قيد الانتظار'
اه اكيد بيكلم ست هانم الى بيحبها .. مش لما انا احب الاول .. والله فؤاد ده غريب .
دخلت البلكونه لقيت فى البلكونه الى جمبى نغم واقفه ومديانى ظهرها
دخلت بسرعه الاوضه وعدلت شعرى وكنت جاى اطلع البلكونه لاحظت ان هي شافتنى بالتيشرت ده .. اه انا لازم اغيره .. البس انهى تيشرت .. اهاا اخدت التيشرت الى لونه ازرق فاتح
ولبسته وعدلت شعرى ودخلت البلكونه
لقيتها واقف بس مش بصيتلى
فضلت اخبط فى ازاز البلكونه وبرضو هي ولا حياة لمن تنادى .. طب ايه
وقفت على اول البلكونه كأنى داخل الاوضه
وقلت
" نَغَم "
وبعد كده بصيت على المرايه بسرعه وعدلت نفسى ودخلت
لقيتها باصه على البلكونه بتاعتى
وانا عملت كأنى مش شايفها
لفيتها بتقول
" يوسف ..يوسف "
انا اصلا كان قلبى حاسس ان هي هتموت وتكلمنى "
بصيتلها بأندهاش وقلت
" ايه ده نغم .. انتِ بتعملى ايه هنا "
قالت
" دى الاوضه بتاعتى .. ما هو انا الى انتَ كنت بتعمل الدوشه فى اوضتها "
قلت بأندهاش اكتر
" ايه ده بجد "
بصيتلى وكأنها عرفت ان انا بمثل وقالت
" على فكره انتَ كنت عارف .. علشان انتَ اتأسفت لى بعديها وقلت خلاص "
ابتسمت وقلت علشان اغير الموضوع
" امم طيب انتِ كنتى عاوزانى فى حاجه "
قالت
" كان فى حد بينادى عليا افتكرتك انتَ "
كتمت ضحكتى وقلت بأندهاش
" ايه ده بجد .. انا برضو طالع لى نفس السبب افتكرت حد كان بينادى عليا "
ابتسمت بسخريه وقالت
" متهيألى لأ ..مش انتَ ..ولا حتى انتَ افتكرت يا يوسف .. انتَ وزن اسمك غير اسمى "
سندت ظهرى على سور البلكونه وقلت
" هو انتِ ليه بتهتمى بالتفاصيل للدرجه دى "
قالت
" مش عارفه "
قلت
" طيب سؤال تانى بما ان احنا واحنا تحت مسألتكيش يعنى وكدا "
قالت
" اسأل "
ابتسمت وقلت
" هو انا ليه عمرى ماشوفتك بتضحكى "
ابتسمت وقالت
" انا بضحك عادى "
ابتسمت انا كمان وقلت
" لاا لا اسألينى انا بقى على الضحك الى انتِ بتعمليه ده اسمه ابتسامه بعنى انتى بتبتسمى كده رسمه فقط لا غير وكمان شكلها تمثيل كمان ..اما بقى الضحك الى هو بالقهقهه ..الى هي بصوت .. ودى انا عمرى ما شفتها فيكى بس هو ده الفرق "
بصيتلى بأستغراب وقالت
" معرفش .. بس كده كده انا ضحكتى وحشه "
قلت
" مافيش حاجه اسمها ضحكه وحشه وضحكه حلوه
الضحك كلو بيضحك بعضه اسألينى انا ده انا دارس الضحك بتفاصيلو ..عندك انا عمرى ما عيط غير مره واحده بس ساعت ما حسيت ان ماما فعلا مش موجوده معايا .. من ساعتها معيطش تانى .. حتى لما بابا بيضربنى بفضل اضحك وساعات بيمسك اى حاجه فى وشو ويجى يحدفها عليا ميعرفش يجيبها
انا قلت له يروح يدرب كرة يد مع 'الكابتن ملك' هو الى مش راضى .. فؤاد ده هيجبلى القلب والله .."
لقيتها بتبص لى بأستغراب وبتقول
" مين فؤاد "
ابتسمت وقلت
" فؤاد ده والدى العزيز "
قالت
" اهاا اصل انتَ بتحكى كل حاجه ورا بعض فخفت لتكون دى حكايه جديده دخلت "
قلت
" انا دخلت مواضيع فى بعض "
ابتسمت وقالت
" اه .. انتَ كنت فى الاول بتكلمنى على الضحك بعد كده دخلت على موضوع العياط الى انتَ عمرك ما طربته غير مره واحده ..وبعد كده دخلت على موضوع الضرب وبعديها على طول ' كابتن ملك ' بتاعت اليد .."
قطعت كلامها وابتسمت وقلت
" مين قالك على كابتن ملك .. انتِ كمان تعرفيها "
ابتسمت وقالت
" انتَ الى لسه قايل يا يوسف "
ابتسمت وقلت
" ايه ده بجد "
ابتسمت بعد كده قالت
" انتَ ايه الى طلعك البلكونه اصلا يا يوسف "
ابتسمت وعدلت شعرى وقلت
" ما انا افتكرت حد بينادى عليا "
رفعت حاجبها وقالت
" دى الحقيقه يا كذاب "
ضحكت وقلت
" لأ طبعا ..مش دى الحقيقه ... الحقيقه هي ان انا مكنتش عارف ارسم ايه معنديش اى صوره فى خيالى ارسمها .. ونفسى اكسب بيقولو ان اللوحه الى هتكسب خلال الاسبوع هيعلقوها وكده ..بس انا مش جاى اى حاجه فى دماغى خالص "
ابتسمت وقالت
" ثانيه واحده .. هو انتَ اصلا فى كُلية الرسم "