احبَبْتُكْ بقدر ما كَرِهتُكْ.

الرابعه والثلاثون

" انا مش عاوزه اروح .. انا اصلا مبحبش تاج "
خبط يوسف على باب الأوضه ودخل
قلت
" انتَ دخلت ازاى من باب الشقه "
قال
" استنيت مامتك تيجى "
قلت لى سلمى الى كنت بكلمها فى التليفون
" طيب يا سلمى هكلمك بعدين "
وقفلت
ابتسم يوسف وقال
" ما كنتى تكملى كلام "
قلت
" لا شكراً "
اخد هدوم خروج ليه بصيتلو بأستغراب وقلت
" هو انتَ خارج "
ابتسم وقال
" اه .. خارج مع صاحبى "
قلت
" هتتأخر "
قال
" بتسألى ليه "
قلت
" عادى يا يوسف "
قال
" لا مش هتأخر .. ولو فى حاجه رني عليا "
وكتب رقمه فى ورقه ولزقها على المرايه
وقال
" اطلع ولا تطلعى انتِ  "
قلت
" لا .. هطلع انا "
طلعت برا وكلمت سلمى وقلت
" هو امتى عيد ميلاد تاج "
قالت
" كمان ساعه "
قلت
" طيب ماشى .. هاجى معاكِ "
ضحكت وقالت
" ايوا كده .. والبسى فستان شيك علشان تغيظى الى اسمه يوسف .. وتعرفيه ان انتِ مش حاطه موضوع الفوز ده فى دماغك "
ابتسمت وقلت
" يوسف .. يوسف ده ميهمنيش اصلا .. وبعدين اشوفه ولا مشفهوش ميهمنيش "
لقيت يوسف ورايا بيقول
" على اساس ان انا مش معاكِ هنا "
بصيتلو وقلت
" صوتك .. انا مش عاوزه اعرف حد يا يوسف "
قفلت مع سلمى
وهو ضحك وقال
" ماشى .. انتِ هتروحى فى حته "
قلت
" لا .. هاروح فين يعنى "
قال
" طيب متخرجيش "
قلت
" هحاول .. انا مبحبش حد يتحكم فيا "
ابتسم بأستفزاز وقال
" انا مش حد ..انا جوزك "
قلت
" وانا بكرهك "
ضحك وقال
" كذابه .. لو كنتي بتكرهينى كنتي ترفضى الجواز يا نغم .. انتِ بتضحكى على نفسك "
وخرج من البيت
ده مستفز .. ييحاول يستفذنى .. بكرهك يا يوسف بكرهك ..
رنيت على سلمى وهي ردت وقالت
" ايه يا بنتى كان صوت مين ده .. هو مش باباكى متوفى "
قلت
" اه .. ده كان صوت قريبى "
قالت
" طيب ايه .. استناكى ونروح سوا على عيد ميلاد تاج"
قلت
" ماشى عادى .. انا هلبس اهو "
قالت
" تمام .. بس اوعى تتهزى لو شفتى يوسف .. لأنه اكيد هيبقى موجود علشان يعتذرلك ويتأسفلك .. ويقنعق ان هو مسرقش نغمتك "
ابتسمت وقلت
" هو مش هايروح اطمنى .. وبعدين هو مبيحبش تاج ولا بيرتاح لها .. شايفها مُتَكَبِره .. متقلقيش "
قالت
" ماشى يا ستى .. نتقابل بعد ساعه "

                         ********
" كل سنه وانتِ طيبه يا تاج  "
ابتسمت وقالت
"وانتَ طيب يا يوسف .. كنت متأكده ان انتَ هتيجى"
ابتسمت وقلت
" البيت مش حلو زى بيت زمان "
ابتسمت وقالت
" بتحب بيت زمان "
قلت
" اكيد بحبه .. كان مليان ذكرى .."
قطعت كلامه وقالت
" وليه كان يا يوسف .. هو انتَ مسحت اسمى واسمك من على السلم "
ضحكت وقلت
" اكيد لأ "
قالت
" ممكن بكرا ابقى اروح لى عمتو .. وروح البيت بتاعى القديم واشوف اسمى "
جمله مش فى محلها .. اقولها ايه .. عزلت ولا ايه
قلت
" اه اكيد هبقى مبسوط "
ابتسمت وقالت
" يوسف .. انا اسفه لو كنت دايقتك واحنا فى الرحله بس .."
قطعت كلامها وقلت
" هو انتِ ليه دايما بتكونى عاوزه تتكلمى على الى فات يا تاج .. وانتِ عارفه ان خلاص .. طلاما اليوم عدى يبقى خلاص "
قالت
" زى ما انتَ يا يوسف متغيرتش "
ابتسمت وانا بديها هديتها وقلت
" هديتك "
كانت هتتكلم .. لكن تليفونى رن
بصيت على الرقم لقيته مش متسجل .. هو انا رقمى بيتوزع ولا ايه
رفعت وقلت
" همم "
لقيت الطرف التاني بيقول
" امم "
  ' امم ' انا الكلمه دى بتستفذنى
قلت
" مين معايا هو ايه الى امم "
قال الطرف التانى بزعيق
" انا نغم .. انتَ بتزعق كده ليه "
بصيت على تاج وعملت كتم للمكالمه قلت
" ثوانى يا تاج وهرجعلك .. بس هكلم صاحبى ثانيه "
وطلعت البلكونه وبصيت على الموبايل
لقيت المكالمه قفلت
رنيت تاني ولقيتها بتقول
" ايه بقيت فاضى خلاص "
قلت
" خير .. فى حاجه حصلت .. انتِ بخير "
قالت
" اه "
قلت
" رنيتى ليه يا نغم .. فاضيه ومش عارفه تتصلى على مين ولا ايه "
قالت
" لأ .. دى ماما هي الى قالت اتصل عليك اشوفك فين"
قلت
" طيب انا عند عمر .. عندك مانع "
ضحكت وقالت
  " ليه ناوي تسرق فكرة بنت تانيه ولا وايه "
قلت
" صدقينى انا مسرقتش فكرتك ولا الكلام الى انتِ فكراه ده كلو يا نغم "
قالت
" ماشى خلاص .. مش مهم تفتح الموضوع ده علشان ماما "
قلت
" طيب .. حضرتك فين "
قالت
" هكون فين .. سلمى شويه وهتيجى البيت نقعد شويه مع بعض "
قلت
" طيب لو هتنزلى فى حته قولى لى "
قالت
" ماشى يا استاذ يوسف خلاص "
قلت
" سلام "
وقفلت وادورت علشان ادخل لقيت عمر واقف بيقول بأندهاش
" هو انتَ ونغم ارتبطو "
دخلنا جوا وفضلت احكيلو كل حاجه لغاية ما اتجوزتها
فضل يضحك ويقول
" يعنى هي فضلت تقولك انتَ السبب فى انك بوظت المسابقه وانك سرقت لحنها وبعد كل ده وافقت بيك وبقيت جوزها .... وعلى كده بقى بتعرف تمشيها على مزاجك  يا جوو"
ابتسمت وقلت
" ايه يا ابنى .. اكيد بعرف انا قلت لها متنزليش النهارده تروحى فى اي حته .. وفعلا مش هتنزل "
لفت انتباهو وانتباهى البنت الى كانت واقفه مع احمد انا مشفتش شكلها لأنها كانت مديانى ظهرها لكن لفت انتباهي لون الفستان وشعرها .. فكرنى بأول مره قابلت فيها ' نغم ' كانت لابسه برضو نفس اللون
قال عمر
" احمد واقف مع بنت تانيه غير تاج ... هو مش قال انه بيحب تاج "
ابتسمت وقلت
" سيبك منه يا عمر "
وقفت قدامى تاج وقالت
" ايه يا يوسف مش هتيجى معايا نطفى الشمع ونقطع التورته "
وقفت وقلت
" يلا "
ورحت قدام التورته وتاج جنبى واصحابها قفلو النور
وبدأو يغنو اغنية عيد الميلاد ليها وبصيت على الى واقف قدامى لقيتها نغم وبتبصلى بأستغراب ... بعدها النور اتفتح وملقتش حد قدامى
فضلت امشى ابص على كل بنت
لغاية ما وقف قدامى عمر وقال
" ايه فى بنت وقعت منك ولا حاجه "
قلت
" لأ ..اه .. يا ابنى متهيألى شفت نغم "
قال
" يا ابنى نغم ايه .. مش انتَ قلت ان هي فى البيت "
قلت وانا بقعد على الكرسى 
" خلاص شكلى بيتهيألى .. اصلا هي معاها سلمى فى البيت "
وطلعت التليفون وفضلت علشان اكلمها
وقلت
" انا متأكد ان هي "
لقيت عمر بيقول
" احمد "
قلت
" احمد مين دلقتى بقولك .."
بصيت على احمد الى كانت واقفه معاه الأستاذه نغم ونفس الفستان والبنت الى كانت واقفه معاه قبل كده
وقفت وقلت
" نغم "
وقف عمر وقال
" براحه .. استهدى بالله يا يوسف "
قلت
" اسكت انتَ خالص "
مسكنى من ايدى وقال
" يا يوسف استهدى بالله "
قلت
" يا ابنى ماشى مش هزعقلها انتَ كده بدايقنى اكتر "
قال
" يا يوسف اهدى يا ابنى وحاول تتحكم فى اعصابك "
قلت
" عمر .. اسكت انتَ لحسن اتنرفز عليك انتَ "
وسبته ورحت وقفت قدام احمد وجنب نغم وقلت لى احمد
" كلم حبيببتك تاج بتناديك "
بص على نغم وقال
" بعد اذنك "
قلت
" اتفضل "
مشى احمد وجت تاج تمشى مسكت ايديها وقلت
" ايه الى جابك هنا .. انتِ كده مع سلمى .. وايه الى موقفك مع احمد "
جت صحبتها سلمى وقفت قدامى وقالت
" انت مالك بيها وبعدين انتَ ملكش كلام معاها "
سبت ايد نغم براحه وقلت
" انا كنت بس بستفسر منها على حاجه "
قالت سلمى
" لأ عندك بنات تانيه كتير استفسر منهم "
لقيت نغم ماسكه دماغها بصيتلها سلمى وقالت
" انتِ بخير يا نغم "
مردتش نغم لكن مره واحده لقيتها وقعت على الأرض
قعدت سلمى جنبها وفضلت تفوق فيها لكن هي مردتش عليها ووقف جنبى عمر ونص الحفله جت تشوف فى ايه
وقال عمر
" انا بشوف ان الى بيفقدو الوعى فى الأفلام بيبقو .."
قلت
" اسكت انتّ خالص "
وقلت
" انتَ معاك عرييه "
قال
" اه سرقت عربية بابا اقصد اخدت عربية بابا "