احبَبْتُكْ بقدر ما كَرِهتُكْ.

الحلقه الثلاثون

بصيتلى بأستغراب وقالت
" انتَ ايه الى جابك هنا "
ابتسمت وبصيت لى بابا وقلت
" هي دى العروسه "
وقالت نغم
" هو ده الى انتِ عاوزه تجوزهولى .. انتِ تعرفيه منين اصلا "
قال بابا
" هو انتو تعرفو بعض "
قالت نغم
" لأ معرفهوش "
ابتسمت وقلت لى بابا
" هي دى الى انا هتجوزها يا فؤاد "
ابتسم وقال
" اه "
قعدت نغم وقالها خالها
" الولد ماشاء الله شكلو حلو "
بصيتلى نغم وبعد كده قالت
" ده شكلو حلو .. وبعدين ايه اللبانه الى هو عمال يمدغ فيها دى "
ابتسمت وقلت
" ده لبان سمارا .. عاوزه واحده "
ضحكت مامتها وقالت
" دمك خفيف زى باباك "
ابتسمت وقلت
" اه شوفتى اخدين خفة الدم وراثه "
وقالت نغم
" هو انتِ تعرفى باباه منين اصلا .. وبعدين هو اتقدم امتى و عرفتيه منين "
قالت مامتها
" هقولك بعدين .. بس يلا علشان تكتبو الكتاب "
قعد عمها جنب المأذون  .. وفعلا كتبنا الكتاب
قمت وقفت
وقلت
" يلا .. هنستأذن احنا بقى "
قال عم نغم
" لأ .. هو انتو هتاخدو البنت وتمشو كده وخلاص "
قالت مامتها
" انا بقول تعيشو هنا معايا فى الشقه وكده كده انا عايشه لواحدى "
قلت
" لاا انا مش هعيش فى بيت مراتى "
قالت نغم
" متقولش مراتك "
بصيتلها وقلت
" هو انتِ اسمك ايه "
رفعت حاجبها وقالت
" والله "
قالت مامتها
" هي اسمها نغم "
وقال عمها
" هما ازاى ميعرفوش اسامى بعض "
قالت مامتها
" البنت عادى لو راحت على بيت جوزها وكده كده انا هاروحلها بكرا الصبح "
وقال خالها
" يلا ياحبيببتى مبروك "
مسك بابا بوكيه الورد الى احنا كنا داخلين بيه الشقه وراح اداه لى مامت نغم وقال
" اتفضلى دى حاجه بسيطه "
ابتسمت مامت نغم وقالت
" شكرا .. ذوقك حلو فى الورد "
قالت نغم
" ماما ..انا مش عاوزه اروح لواحدى يا ماما "
محسسانى ان انا هاكلها
قال بابا
" انا بقول يا سهير انك تيجى معانا الشقه وكده كده احنا عندنا ثلاث اوض ..اوضه بتاعت يوسف والأوضه بتاعتى وللاوضه الثالثه للضيوف "
قام وقف عم نغم وقال
" انتو بتحبو تتكلمو كتير .. انا كده حضرت كتب الكتاب ويلا انا ماشى ..انا اصلا مش فاهم مين الى جاى يتقدم لمين .. ده جواز ده ولا انتو بتتعزمو "
وفتح الباب ومشى وهو مشى من هنا ومشى وراه خالها
قالت نغم
" ماما مش عاوزه اروح معاه البيت خلينا هنا "
قعدت على الكرسى وقلت
" انا مش هقعد انا فى الشقه دى "
لقيت بابا قعد جنبى وقال بصوت واطى
" يا يوسف يا حبيبى علشان خاطرى "
قلت
" هو ايه كل حاجه بالعافيه "
قال
" انا مش عارف قلبى بدأ يوجعنى كده ليه "
بابا ده ممثل عالمى
بصيت لى مامتها وقلت
" طيب بصى .. هو النهارده بس "
قالت
" طيب يا خبيببى علشان خاطرى انا خليها شهر .. وباباك هيبقى يجيلك متخافش "
لقيت بابا بيقول
" اه ياريت .. وكمان علشان تغير جو "
وبص لى مامت نغم وقال
" هو اصلا لسه نازل من السفر انهارده الفجر .. طلع المركز الأول ضد الكُليات التانيه "
بصيتلى نغم وقالت
" ما ممكن يبقى بالغش "
ابتسمت وقلت
" انا هسيبك تتكلمى مع نفسك "
قالت
" هو ايه الى هسيبك تتكلمى مع نفسك دى "
وقفت قدامى مامت نغم وقالت
" حبيبى بص انا عارفه ان انتَ هتاخد وقت عقبال ما تفهم دماغ نغم .. بس استحملها "
قلت
" طيب .. فين الأوضه "
شاورت مامتها على الأوضه الى فى النصف
كنت رايح ادخل لقيت بابا بيقول
" يا ابنى امسك ايد مراتك "
رحت وقفت قدام نغم وقلت
" هاتى ايديك "
فضلت بصالى ومتحركتش
مسكت ايديها انا وقلت
" يلا يا حبيببتى اسمعى كلام جوزك "
قالت
" متقولش جوزك يا يوسف مدايقنيش "
رحت قدام الأوضه وفتحتها ودخلت الأوضه وهي معايا ....