لاڤندر .

26

لاڤـندر ..
لزهـراء أل عـلي .
-----------
- تفاعلو .

هبه : رجف حيلي و خفت حيل ، اتقربت لمَصدر الصوت واني اردد المُعوذات و بهدوء ، و شفتها منار گاعده ترش سَـحر بالصاله !

خفت حيل احجي و اتعارك وياها خل تلطه على وجهي و اروح بيها ، ختلت و ظليت اباوعلها لمن كملت و راحت لـغرفتها و سمعت صوت أيلين بالمطبخ ..

رحتلها ركض لگيت البنات بالحديقه گاعدات و أيلين دخلت تغسل ، من شافتني فزت و گالت ..
أيلين : شبيج لونج مخطوف !

هبه : هاي المسمومه !!!

أيلين : ياهيي ؟؟

أيناس : هاي شبيها هاي ؟

هبه : ولجن منار ترش سحر بالبيت !

أيلين : اني اعلمها هاي الـ...... وينها خل اروح اوكلها نعل .

نرجس : اششش تعاي وين موليه .

أيلين : جاا شلون نسكت ؟

نرجس : لٱ نگل لبيبيتي تروح تفكه .

أيناس : اكيد هاي مو اول مره .

هبه : اشش تعالن بسكوت خل نروح لبيبيتي .

طلعنه من المطبخ كلنه و رحنه لغرفة بيبيتي دگيناها و دخلنه لگينه جدي موجود گالت بيبيتي ..
الشيخه زهره : فوتن يبعد بيتي فوتن .

دخلنه گعدنه بالگاع بس أيلين راحت گعدت يم بيبيتي على الجربايه و گالت ..
أيلين : السموحه منك جدي بس السالفه چايده واذا سكتنه نروح بيها كلنه .

الشيخ قحطان : گولي جدي شنيه ؟

أيلين : هبه مساعه شافت مرت فلاح منار ترش سحر بالبيت .

الشيخه زهره : يُمه صدگ تَحجين !!

هبه : أيي والله بيبي شفتها بـهاي عيني ترش و مدري شتقره .

الشيخ قحطان : گوي جدي صيحيها .

راحت نرجس تصيحلها و اجت دخلت وهي دخلت وراها مبين عليها مُتوترة ..

منار : جدي طالبني ؟

الشيخه زهره : فوتي فوتي .

دخلت گعدت گبال جدي و بيبي بالگاع ، گال جدي بغضب ..

الشيخ قحطان : المن سويتي سحر ؟

منار : يا سحر جدي ؟

الشيخ قحطان : لٱ حول ولا قوة الا بالله .

الشيخه زهره : احجي ولج يـطايحت الحظ احجي ندري بيج جنتي ترشين بالبيت .

منار : ما سويت بيبي جنت نايمه بغرفتي .

الشيخ قحطان : تحجين لٱ بالله العلي العظيم هسه اخليه يرجعج لاهلج مدمايه مطلگه .

منار : جديي غلطت سامحني ..
گامت تتبجبج تحاول تكسب استعطاف جدي عليها بينما هي توهم نفسها بـهاي الافعال ، جدي جان ڪُلش معصب منها وهي تنوح گدامه گوه لازم روحه .