ဝါဆိုဝါခေါင်လဆိုတော့ မိုးအားကောင်းတော့ ကျုပ်တို့လို
တောသူတောင်သားတွေကလည်း အကြိုက်တွေ့နေ
တာပေါ့ဗျာ။ မနက်က မိုးလေးဖြိုက်ဖြိုက်ရွာတာနဲ့ ကျုပ်
လည်းထွန်တုန်းပြင်ပြီး မနက်ဝေလီဝေလင်းကတည်းက
ကနေယာတောထဲရောက်နေပြီလေ။ လယ်ယာဆိုတာ
ကျုပ်တို့တောသူတောင်သားတွေရဲ့ ဘဝပဲလေ။ ထွန်း
ရေးငင်ကောင်းပြီး မြေဆီလွှာပေါ်မှစိုက်တဲ့သီးနှံက
ကောင်းပြီးအောင်မှာဗျ။ ဒါ့ကြောင့်ကျုပ်လည်းအဘ
ယာ
ကွက်လေးမှာနွားတစ်ရှဉ်းနဲ့ ဂရုတစိုက်ထွန်ရေးငင်နေ
တာပေါ့ဗျာ။သတိထားမိတော့မှ နေကထန်းတဖျား
ရောက်နေပြီ။ ယာကလည်း တစ်ရေးပဲကျန်တော့တာ
ဗျ။ ကျုပ်လည်းနွားတစ်ရှဉ်းကိုဖြူတ်လှမ်းပြီး ထနောင်းပင်
ရိပ်စပ်စပ်မှာအမေထဲ့ပေးလိုက်တဲ့ ထမင်းထုပ်လေးဖြည်
စားလိုက်တာပေါ့ဗျာ။ စားသောက်ပြီးတာနဲ့
ကျုပ်အကြိုက် နဂါးဆေးပေါ့လိပ်လေးဖွာပြီးမှိန်းနေတာ
ပေါ့။ မှိန်းနေရုံပဲရှိသေး ကျုပ်နားထဲမှာခြေသံကြားလို့
ခေါင်းထောင်ကြည့်လိုက်တော့ ဆရာမနိုင်ရွာက ကို
အောင်ဘုကိုတွေ့လိုက်ရတယ်ဗျ။သူ့ပုံစံက ရေးကြီး
သုတ်ပြာနဲ့ဗျ။ ကျုပ်လည်းမှိန်းနေရာကနေ ထလိုက်ပြီး
လှမ်းမေးလိုက်တယ်ဗျ။
''' ဟာ! ကိုအောင်ဘုပါလား ဘယ်ကိုလည်းဗျ ''
'' ဘယ်ကိုမှမဟုတ်ဘူးဟေ့ မင်းဆီကိုပဲလာတာဟ
တာတေရ ''
'' မင်းအိမ်ရောက်တော့ အရီးကမနက်ကတည်းကယာ
ထဲမှာဆိုလို့လိုက်လာတာဟ ''
'' ဒါဆိုဘာကိစ္စလည်းဗျ '' ဆိုပြီးမေးလိုက်တော့ကိုအောင်
ဘုက '' ဒီလိုကွ ငါတို့ရွာမှာထူးထူးခြားခြား ကိစ္စပေါ်လာ
လို့ကွ ''
YOU ARE READING
Myanmar Ghost Stories
Horrorကိုယ်တိုင်ဖတ်ချင်လို့စုရေးထားခြင်းဖြစ်ပါသည်။တစ်ခုမှမပိုင်ပါ။ #Allcrd
