ဖဲသမားစကား
ရေးသားသူ...တာတေ
အစကတည်းက တာတေ ပြောခဲ့ပါတယ်။
တာတေက လူစုံပါလို့။ ကိုပေသီးလို ပရောဂဆရာတွေနဲ့
လဲ တွဲခဲ့ဘူးတယ်။ ဘိန်းစားဘစိန်လို ဘိန်းစားတွေနဲ့လဲ
တာတေ တွဲခဲ့ဘူးတယ်။ အဲ့ဒီလိုဘဲ ကိုအောင်ချစ်တို့လို့
အရပ်တကာလှည့်ပြီး ဖဲချနေတဲ့ ဖဲသမားအကြီးစားတွေနဲ့လဲ
ပေါင်းဖူးတာပဲ။ ကိုအောင်ချစ်ဆိုတဲ့ လူက ကျုပ်တို့ ထနောင်း
ကုန်းကပါဘဲ။ အသက်က လေးဆယ်လောက် ရှိပြီဗျ။
လူပျိုကြီးတစ်ယောက်ဘဲ။ ကိုအောင်ချစ်တို့ မိဘတွေက
လူချမ်းသာတွေလေ။ ပိုင်လိုက်တဲ့ ယာတွေဆိုတာ
နည်းပါဘူးဗျာ။ ထန်းတော တစ်တောကလဲ အမွေရထား
သေးဗျာ။ ကိုအောင်ချစ်တို့မှာ မောင်နှမ သုံးယောက်ရှိတယ်။
ကိုအောင်ချစ်က အလတ်ဗျ။ အစ်မတစ်ယောက် နဲ့
ညီတစ်ယောက် ရှိတယ်။ သူ့ညီ ကိုအောင်သစ်ဆိုတာ လွှတ်
အလုပ် လုပ်တဲ့သူဗျ။ ယာကိစ္စတွေဆိုရင် သူဘဲ တာဝန်ခံ
လုပ်နေတာ။ ကိုအောင်ချစ်ကတော့ အလတ်ဆိုတဲ့ အတိုင်း
လတ်နေတဲ့လူဗျို့။ အလကားနေ လတ်ယား လတ်ယား
လုပ်နေတာဗျ။ကိုအောင်ချစ်ရဲ့ တစ်ခုတည်းသော ဝါသနာပါ
တာကတော့ ဖဲချတာဘဲဗျို့။ ဖဲဝိုင်းရှိလို့ကတော့ ကိုအောင်ချစ်
တို့က မသာခုနှစ်ရက် အောင်ချစ်ရှစ်ရက် ဆိုတဲ့ လူမျိုးဗျ။
တစ်ခါတစ်လေ အနီးအနားရွာတွေမှာ
အသုဘတွေ ဆက်နေလို့ ကိုအောင်ချစ်တစ်ယောက်
ဖဲလှည့်ရိုက်ရတာ ရွာမှာ နှစ်လလောက်တောင် ပျောက်နေ
တတ်တယ်ဗျို့။ တစ်ခါတစ်လေကျတော့လည်း ကျုပ်ကို
အဖော်ခေါ်သွားတယ်။ ကျုပ်ကတော့ သူ့လို မိုးလင်းမနေနိုင်
ဘူးဗျို့။ အိပ်ချင် လာပြီဆိုရင် ဘေးဝိုင်းဘေးတင် လှဲအိပ်လိုက်
YOU ARE READING
Myanmar Ghost Stories
Horrorကိုယ်တိုင်ဖတ်ချင်လို့စုရေးထားခြင်းဖြစ်ပါသည်။တစ်ခုမှမပိုင်ပါ။ #Allcrd
