كل ليلة تزيّن قصيدي ذهبك

البـارت 1

في احدى احياء الرياض الهادية في بيت الجد سليمان وولده عبدالعزيز ( ابو سعود ) جالس بعصاته وبملامح جامده نطق بصوت جهوري وبنفاذ صبر : يااا عيالل اخلصو خلونا نلحق على الطريق بعز النهار
ام سعود تاففت وهي ترفع صوتها : يبناتتتتت اخلصن ما صارت عاد !
الجد سليمان زفر بغضب وهو يوجهه انظاره لـ فيصل وسيف الي ضامين بعضهم ونايمين ردفهم بالعصا : قومو يا تيوس قومو النوم لرخوم
تاففف فيصل : ياجد فكنا من عصاتك ذي ذبحتنا ترا
سيف قام وهو يفرك عيونه : حنا للحين بالبيت ماطلعنا !
الجد سليمان شمقه بنظره النقد : قم قم يلا حمل الاغراض مع متعب وسعود !
سيف : بالله ياجد وش محببك بالديره ؟
غمز له ابوه بغضب ضحك سيف وهو يهز راسه بمعنى " دقيقه " ورجع يتكلم : هاه يا جد علمني وشفيها من زين الديره ؟
ضرب الجد سليمان بالعصا بالارض واخذ نفس بغضب : الديره فيها كل خير وفيها تجارتي كلها وممتلاكاتي وحلالي وبكره انت وهالسلتوح من عز الفجر تقومون للعزبة
شهق فيصل : ياوك من الفجر ليه ياجد الظاهر بتعذبنا هناك
التفتو لتميم الي جاي يركض ومعه شنطته الصغيره لفيصل وسيف مسكه فيصل : مسكتك يا ورع
تميم بحركات طفوليه و صوت طفل : عمو فيصل ثوف معي ثنطه وفيها ايبادي عشان العب مع عمه انهاري
ضحك سيف وهو يقبص خشم تميم : والله يا روح عمك هذا وجهي ان لقيت نت هناك ماغير بتلحق ورا الغنم
الجد سليمان : اترك الورع عنك وقوم شوف خواتك !
ام سعود بصوت عالي وبعصبية : يبنات اخلصن
نزلت انهار تجري وهي مندمجه بالايباد ترد على امها : ماما خلصت ونجد نازله برضو بس ست الحسن ودلال غلا للحينها تسوي شعرها
ابو سعود وهو يقبل انهار : انا محد يبرد كبدي غير انهاري
الجد سليمان بنقد : اتركه لتدللها
انهار بوزت شفايفها بزعل : جدو شفيك علي
الجد سليمان شمقها : امحق جدو
نزلت نجد وراها غلا ودخل متعب عليهم وهو يلهث من تعب حمل الاغراض : هاه جهزتو ؟
الجد سليمان ناظر لمتعب وهو عاصب راسه بالشماغ ورافع ثوبه نظره شموخ وفخر وحب لحفيده : انا قايل كلمة وحده ماتتغير مابهم نفس متعب
ابتسم متعب وهو يقترب يقبل راس جده بهدوء : تسلم يالغالي جعل ربي يديمك لنا
ابو سعود : يلا وين سعود واسيل ؟
سعود واسيل نزلو مع بعض : هذانا نزلنا يبه
قام الجد سليمان : يلا مشينا
غلا تاففت بقرف : اف يعني لازم نستقر بالقرف والبيت القديم ؟
شمقتها نجد : انتي بروحه صوتك مقرف اسكتي بس
غلا دفتها : وشرايتس انتف شوشتس هنا ؟
فيصل : توم وجيري تهاوشو
ركبوا السيارة وتوزعو على سيارتين
السيارة الاولى : سعود ومتعب و اسيل و تميم و انهار و نجد
السيارة الثانية : الجد سليمان عبدالعزيز و فيصل و سيف و غلا و ام سعود
~ بسـيارة الاولى : الجد سليمان وقصيدته الي يقول فيها :
والله اني مانسيتك يا فقيدي ولا سهيت
كيف بنسى حرقه فراقك وانا بعدك كسير
من بعد موتك مريض وكل ماتطري بكيت
ماحسبت حساب فقد ولا هقيت انه يصير
وكل ماحاولت ابا سلى من همومي ما سليت
عودت بي ذكرياتك تطحن الضلع القصير
تنهد ابو سعود بضيق وهو عارف القصيدة الي قصدها الجد سليمان
رفع تظره على هواش سيف و غلا : غلا سيف وجع توجعكم اسكتو بركز بالسواقه
تافف سيف : يبه لو اني رايح مع متعب ابرك ذي كرييها هي واسلوبها التبن ذا
ام سعود مسكت راسها بصداع: ذالحين كيف بنتحمل 7 ساعات مع هذول
غلا بغضب وتحلطم : بروحه ان موديني الديره المخيسه ذي يع يع
الجد سليمان شمقها : اعقبي وقصري صوتس فاهمه التفت لولده عبدالعزيز: كلمت اخوك مشى هو واهله امس وصلو الديره
ام سعود : قبل لا نركب كلمتني ام تميم وقالت انهم فتحو البيت ونظفوه وبخروه لنا ياعم
سيف عقد حاجبينه وتقدم لجده : جدي الحين بنجلس في بيت واحد ؟
الجد سليمان : لا حنا في بيت وقدامنا بيت عمك ثامر
فيصل وهو يناظر الطريق : يوه والله مافيه ازين من الديره واجواءها البارده عزاه تذكرت يوم كنا صغار وعمي فزاع كان ياخذنا ل..
قرصته امه من زنده وشهق من تذكرت انه جاب طاري عمه فزاع قدام جده وابوه
الجد سليمان فز قلبه على طاري ولده وتنهد بضيق وحزن وشوق لولده الي انقطعت اخبار احفاده من وفاة ابوهم التفت له عبدالعزيز وبلع ريقه بتوتر وتضيع السالفه : ايه يبه قلت انك بتمسك ذياب و سيف وفيصل و سياف محل الذهب
الجد سليمان صحى على حاله ورد على ولده عبدالعزيز : ايه بخلي ذياب يرئسهم ويعلمهم الشغل هو السنع فيه بالذهب
تافف سيف : لا ياجد ماابي الذهب ابي محل البشوت انا
ابتسم الجد سليمان : تبي محل البشوت تم تبشر به
سيف بفرحه : كفوووو كفووو حيك يا جدي
غلا شمقت سيف : وعع كل ذي الفرحه بس عشان شغل الديره الحمدالله وشكر
فيصل طير عيونها بغضب عليها : انتي لو ماسكتي والله لا انتف شوشتس ذي
~ في السيارة الثانية طرب متعب ورقصه هو وسعود على شيلات وتضاحيك نجد واسيل و انهار وتميم الي عصبو له راسه مثلهم ويلعب معهم نجد وهي ترفع الجوال تصور متعب وسعود لقروب بنات عمها
تميم يصرخ : بابا انا ابي اصير زيكم كبار كذا كيف
ضحك سعود : يا بابا لا تكبرني تو الناس ليه تبي تكبر بسرعه ربي يعطينا طولت العمر
ابتسمت اسيل وهي مفهيه على شكل سعود بالعصبة انتبه لنظراتها وعطها بوسة بالهوى وضحكت بخجل
ضحك متعب وتنحنح : يا رجال معاكم عرب ترا
نجد ضحكت وهي تحط يدها على خدها: يالبيه صدق عقبال زوجي يعطيني بوسه كذا
قبصتها اسيل من زندها : وجع
طارت عيون متعب وسعود بغضب : وجع توجعتس وش ذا الحكي هاه؟
نجد بتلعثم وبخوف : هاه امزح يمه والله امزح
ضحكت انهار : احسن يلا القمي يا فالحه لسانتس متبري منتس
متعب ضحك على خوفها وشكلها المتروع التفت لجواله وشاف مكالمة من تميم ولد عمه ثامر رد عليه وشبكه بسيارة : ارحبببببب
تميم ضحك : يمرحبااااااااااا تراحيب المطر
فز قلب نجد وارتعشت من سمعت صوته الخشن وبحته الي تعشقها من 9 سنوات وهذي السنة العاشرة
متعب بحُب وتقدير وغلا لولد عمه تميم : يهلا تميم وشحالك وشحال عمي قدكم في الديره ولا ؟
تميم : ايه في الديره وصلنا امس وانا فا العزبة بين الابل والحلال والاجواء زينه وبارده وفيها نسمة مطر
متعب وهو ميت على الديره وعلى حلال جده والإبل: يوه ودي اني اوصل ذا الحين بسرعه عشان اشوف العزبة
تميم : يا متعب نصبت خيمة الشعر بالعزبة وفرشتها انا وذياب وسياف
متعب : يمال العافيه يعطيكم العافيه ان كانكم تقدرون تحطون لي فراش بالعزبه برقد بها
تميم : هبشر ماطلبت شي يا متعب ابي حط لك فرش هنا وارقد بالعزبة الي ودك فيه وانا والله ودي برقدتها دامك بترقد برقد انا فيها بعد
متعب : يا عين اخوك اي بالله
تميم ابتسم : يلا ماني مطول عليك لا قد وصلتو علمني
متعب : يلا سلام قفل من تميم وهو يناظر سعود الي في حضنه تميم ضحك ابتسم على نومت تميم : يا بعد روحي هالنومه علامه رقد
اسيل : والله يا متعب تراع قايم من 6 الصبح مزعجنا نبي نروح مع عمي متعب نبي نروح معه
ضحك متعب : يابعد عمه اي والله
سعود وهو يقبل ولده تميم : يا عساني اشوفك معرس واشوف عيال عيالك
ابتسموا كلهم : اللهم امين
نجد كانت في عالم ثاني وهي للحينها ماقدرتتتخطى ضحك تميم وصوته الي آسر قلبها وارتعش فيها قلبها وعيونها لفت على صوب انهار و ابتسمت انهار وغمزت لها بهمس : يوه الظاهر انتس ماتخطيت للحين هذا هو بس صوت وشلون لو شفتيه بكره !
نجد بنفس همس انهار لها : بتضيع موازيني والله