كل ليلة تزيّن قصيدي ذهبك

بارت 19

غلا شهقت وبدت تقول لهم وش الي صار بالسوق من الالف للياء طارت عيون ابو سعود بصدمه وهو يسمع الي تقوله بنته كملت غلا وهي تمسح دموعها : هذا الي صار لو ما لحقونا متعب و تميم كان الله اعلم وش الي سووه فيني
~ : " نرجع لـ قبل كم يوم تحديداً يوم السوق وقت انقسموا مجموعات المجموعه الاولى متعب وتميم مع شيخه وغلا بالجهة الاولى من السوق وباقي البنات بالجهة الثانية من السوق متعب وتميم كانو واقفين عند شاهي الجمر في وصل السوق وشيخه وغلا وراهم نطقت شيخه وهي في بالها خطه تقدر فيها تكسب متعب وتخليه يحبها ناظرت تميم : تميم انا بروح ذاك المحل فيه اشياء حلوه وعنده زحمه بعد
تميم هز راسه : طيب روحي لا تطولين
هزت شيخه راسها بفرحه وناظرت غلا الي تسولف مع وحده من بنات الحاره وتضحك معها ابتسمت بخبث تستغل الموقف والوقت نطقت بتمثيل : غلا بروح المحل ذاك تجين
غلا هزت راسها بالنفي وضحكت : باخذ علوم بنات الحاره
اشرت لها شيخه بمعنى " طيب " وبهمس : يس والله وجاء اليوم الي اخلي متعب خاتم ب اصبعي وياخذني من ورا خشوم الكل ماكون بنت ثامر ابتسمت ودخلت المحل الي كان جنب محل الي فيه حريم وزحمه اوهمت تميم انها بتكون في ذا المحل لكن راحت لمحل  الفاضي ابتسمت من دخلت وناظرت للعامل ابتسم من شافها ونطق : حياش الله اختي ادخلي
ضحكت شيخه وهي تلعب ب اظافيرها وبدلع تمثيل لاجل تنفذ الي في راسها الي زاد ثقتها بان خططتها تنجح ان العامل كان سعودي تقدمت وهي تسند نفسها على طاوله العامل : وش عندك ؟
عض شفايفه العامل السعودي وناظر لعيونها : كل شي عندي لبى عيونش السود
شيخه عضت شفتها من ورا نقابها وهي تاخذ الاسوار الي قدامه مدت يدها له بوزت شفايفها : امم لبسني اخوي عجزت البسها
تنهد من مسك يدها وقربها له يسكرها استنشق ريحه عطرها الي على يدها ضحك بخبث : ماعليش امر بغيت عطرش لبى كبدش
ابتسمت بخبث وغمزت له : بعطيك اسمه وبعطيك اربع ميه ريال بس بشرط
طارت عيونه العامل ويعتبر اربعة مية ريال مبلغ شبه مغري للمحلات الي في الديرة ابتسم وهو يقترب لها : اعتبري شرطش موافق عليه
شيخه ابتسمت وبدت تسرد له الخطه من الالف الى الباء ابتسم بخبث وضحك : حلوين حلوين
توترت شيخه من شافت غلا جايه لها ابتسمت وهي تلوح لها وهمست للعامل : مجرد ما نطلع تبدي الخطه طيب
شيخه ابتسمت وبدت تسرد له الخطه من الالف الى الباء ابتسم بخبث وضحك : حلوين حلوين
توترت شيخه من شافت غلا جايه لها ابتسمت وهي تلوح لها وهمست للعامل : مجرد ما نطلع تبدي الخطه طيب
العامل شاف غلا دخلت وهز راسه وبدء يشغل نفسه وشيخه تسولف مع غلا ومن هنا نعرف ان كل الي صار مع غلا وشيخه مدبره له "
~ : " نرجع للحاضر "
نطق ابو سعود بتهديد وهو يقبل راس بنته ويمسح عليها : راسي وراسي الي يشم الهوى لا اخذ حقتس منه وادفنه لتس هذاني حلفت
غلا زاد بكاءها : لا يبه اخاف يسوي فيك شي
ابتسم بحنية لها وهو يمسح دموعها : من كبرتي للحين ماشفت دموعتس الا اليوم كسرتني بدموعتس والله
غلا ضمت ابوها ومسكت امها وضمتها تنهد ابو سعود وهو يقبل راسه زوجته ويدينها : يا عساني ما خلا منتس لا انتي ولا بناتي ولا عيالي
تنهدت ام سعود وهي تمسح دموع غلا : يلا لازم تصحصحين وتنزلين معنا بعد شوي نتسحر كلنا
ابتسمت بتعب : حاضر
انهار ونجد واسيل و ورد كانو يناظرو لهم وكل وحده حاطه يدها على خدها وتصيح ضحكت اسيل بوسط دموعها وسرعان ما مسحتها ناظرت البناتز: سوال ليه جالسين نبكي
ورد فعلا ضحكت لا شعورياً : الموقف يبكي
نطقت نجد وهي تمسح دموعها : لا بس الجدار دخل بـ عيني
عقدت حاجبينها اسيل : وشدخل
نجد خزتها بضحكه : ذبه ذبه اسيل قلنا متزوجه بس مو كذا سعود خلاتس تصيرين متاخره بالمنهج ترا
انهار صاحت بصوت عالي وهي تركض : وانا انا ضموني بعد ابيييي حضن
ضحك ابو سعود وهو يمسكها ويضمها معهم : تعالي تعالي
غلا ناظرت نجد وضحكت بعفويه نطقت : نجد تعالي
عضت شفايفها وهي تركض لهم : بجي تحسبين هالحضن لتس بروحتس
ضحكت ام سعود وهي تهبدها على راسها : اصص
تاوهت نجد بالالم وتاشر لابوها : امسك زوجتك ضربتني
ابو سعود اخذ يدين ام سعود وباسهم بعمق ونطق وهو يبعدهم عن شفاه : ياجعل يدينها ماتمسهم النار
جلسو يضحكون مع بعض وهم ضامين بعضهم فعلا ابو سعود يناظر بنات وزوجته ويشكر ربه على عطاياه عنده اربع اميرات بحياته واغلى اميرات
~ ورد ناظرت اسيل : امشي ننزل تحت نتركهم بروحهم ابتسمت لها اسيل ونطقت : العذر والسموحه منتس بروح اغسل بدلة دوام سعود
ورد عقدت حاجبينها : في دوامات برمضان ؟
تنهدت اسيل : لا بس سعود بالجيش و متعب وتميم و سياف بالداخلية زي الضباط عرفتي وهم كانو ماخذين اجازه بس خلصت اجازتهم وبكره بيرجعون لدوام
تنهدت ورد بتفهم : اها اجل ماابي اشغلك روحي شوفي شغل زوجك
ابتسمت اسيل وهي تترك ورد بروحها
« عند ورد > غلا »
نزلت ورد تحت وفضلت انها تشم هوى مشت للحوش الخلفي من البيت جلست على الكرسي ناظرت الجو وهدوء المكان ابتسمت بخفوت من استنشقت ريحه الجو الي كانت ريحته نفس ريحة المطر نزلت راسها بتعب مسحت على عيونها برقة ونعومه ودارت عليها الاحداث الي صارت اليوم كانت فوضى بهمس : ودي ارجع لبيتنا متى يرجعون ماما ونايف
التفت على خطوات شخص غلا الي كانت تدور ورد بإرجاء لبيت الين حصلتها جالسه على الكرسي بالحوش الخلفي وسمعت كلامها جلست جنبها بهدوء ناظرت لها بتوتر : ممكن اجلس
ابتسمت لها ورد : لا تسالين اذا ممكن ولا اكيد عادي بس كيفك الحين
غلا ناظرت ورد ورفعت ناظرها لسما شبكت يدينها بندم : بخير حمدالله ارتحت شوي من علمت اهلي كل شي ورد مره اشكرتس مره موقفتس معي مستحيل انساه
ورد ناظرت لها ميلت راسها ابتسمت : مابينا يا غلا تراك بنت عمي بعد
غلا ابتسمت لها : اسفه على كل الي بدر مني عليتس تسامحيني ؟
ابتسمت ورد لها وهي فعلا شايفه الندم بعيون غلا ما تنكر ان فعلا كرهت غلا لمواقف كثير تلاشى كرهها من شافت حالتها مسحت على ظهرها : مسامحتك يا غلا انا يا غلا طبعي كذا اسامح الجميع حتى لو انه ضرني دامه ما تعدى حدوده وتكلم عن بابا الله يرحمه وماما ونايف هنا لو اشوفه قدامي يموت والله لا ابتسم بوجهه ولا اسامحه هذول اغلى من روحي علي
غلا نزلت دمعتها لا شعوريا ً ماتوقعت ان ورد تحمل هالكم من الطيبه بقلبها كانت تظن انها مجرد شيطان جاي يخرب بينهم محد زرع هالافكار براسها غير شيخه عضت شفايفها بندم وضمت ورد : طيبه والله انتس طيبه انا كنت مغشوشه وكنت احسب انتس حيه جايه تخربين بينا والله شيخه هي الي وصلتي للي انا فيه
تنهدت ورد : اعرف يا غلا اعرف كل هالاشياء من تحت راسها ضحكت لثانيه ورد ورجعت تكمل كلامها : مدري وشفيها حاطه علي كارهتني وانا ماسويت لها شي مرات صدق اطنشها بس حقيقيي ان كلامها يوجع اذا تكلمت على بابا كل شي الا بابا
غلا مسكت كفوف ورد وناظرت فيها بصدق : تدرين ليه شيخه تسوي كل ذا ؟
ورد عقدت حاجبينها ونطقت : ليه هو ادري ان السالفه فيها متعب وكل حركاتها لي تفسر ذا الشي
غلا تنهدت وسندت نفسها على الجدار : بعلمتس مارذي اكذب عليتس
ورد : بوش ؟
غلا : تعرفين ليه شيخه تكرهتس انا اعلمتس من اول يوم جيتو فيه لنا كانت عشاء جدي لديرة وقتها كنتي بالمطبخ وصارت بينكم هوشه وقتها كنت ادور على شيخه وقالت لي ان شافتس جايه من باب السيم وقتها متعب كان ياخذ اغراض وهي كانت تبي تروح تشوفه ومن ذيك اللحظه وهو حاقده عليتس وكارهتس مو بس كذا يوم رحنا لسوق ووقت ركبنا السياره متعب فتح عنتس المرتبه وهي منجنه كيف كلمتس  بالمختصر خايفه انتس تاخذين متعب منها او يحبتس متعب بدالها
ضحكت ورد بصدمه من تفكير شيخه وفكره ان ورد تاخذ متعب : مين لاعب عليها وقايل لها اني ميته بمتعب مادريت عن هوى داره معليش بس مستحيل مستحيل احب متعب وش يعني حب اساسا محد يحب خليها تطمن ماني مقربه له ولا جايه لطرفه اف منها مريضه وتفكيرها مريض نفسها والله يضحك انا ممكن احب متعب
رفعت كتوفها غلا : مااعرف والله
غمضت عيونها من بدت ترمش وهي مغمضه طاحت عليها قطرة مطر ابتسمت ورد : مطر !
غلا ناظرت السما وفعلا بدت تمطر عليهم خفيف ضحكت غلا : ايوااا مطررر
جلسوا يضحكون ويلعبون من اشتدة نزول المطر وتبللت ملابسهم وشعورهم وكانه الحزن والهم انزاح من قلب غلا ورجعت لها الحياه غلا لورد : امشي ندخل برد
ورد تنهدت : اسبقيني شوي
ابتسمت غلا ومشت : لا تطولين بتمرضين
ورد هزت راسها وضحكت تقدمت بوسط الحوش وبدت ترفع كفوفها لسما وتفيض باادعيتها انتهت من الدعاء ومسحت على وجهها بخفوت : ريحتك وشوفتك تزيح من صدري هموم وحزن
مشت تدخل داخل البيت وبدت تمشي وهي ترجف من البرد وشعرها المبلل كانت تمشي بخطواتها المستعجله استوقفها صوت شخص ينادي عقدت حاجبينها بـ استغراب وخوف ناظرت لورا
-
« عند متعب »
منسدح بغرفته ويده على جبينه وهو يحس بحراره تسري بانحاء جسمه غمض عيونه بتعب وعجز من حرارته المرتفعه مد يده ولحسن حظه قدر يوصل يده تفتح الباب نطق بصوت مبحوح وتعب ينادي امه او خواته بما ان غرفتهم قريبه لهم : يمه يمه نجد فيصل احد قايم
تافف بتعب وهو يرجع يخبي وجهه بالبطانيه وينتفض جسمه من حرارته : يالله استغفرالله واتوب اليه
~ ورد التفت وراها وهي تسمع صوت يناذي شدت على لبسها بخوف بلعت ريقها بدت تمشس لمصدر صوت وصلها لغرفه متعب عقدت حاجبينها من شافت الباب مفتوح بلعت ريقها بتردد ناظرت نفسها لا عليها شال ولا عليها عبايه غمضت عيونها بينها بين نفسها : الولد ينادي باخر الليل اكيد فيه شي ورد هو ساعدك وقت اغمى عليك ردي له جميله مشت
مشت بشويش فتحت الباب عليه اجتاحتها برودة الغرفه ارتجف جسمها بالبرد شدت على نفسها وهي تمشي ولا هي عارفه وش جالسه تسوي كل الي يهمها تعرف وشفيه نطقت بصوت رجفه من البرد وهمس : متعب
فتح عيونه متعب ورفع نفسه عن البطانيه وقام بتعب يوقف قدامها بلع ريقه بتوتر وصدمه من وجود ورد بغرفته عض شفايفه وهو يقفل الباب وراها رجعت لجسدها لورا تناظره بصدمه اقترب لها لحد ما صار وجه على وجها ناظرت فيه لجبينه الي يصب العرق منه جسمه الي ينتفض وشفايفه ترجف وجهه المحمر بلعت ريقها وتاكدت انه تعبان نطق بصوت تعبان وهو يناظر لها يناظر شكلها شعرها المبلل و ملابسها الي لصقت بجسدها وضحت تفاصيل جسدها له ناظر عيونها بغربه : ورد وش تسوين هنا
ورد بخوف والرعب يداهمها : سمعت احد ينادي وطلعت انت
هز راسه متعب : ايه انا انادي امي ولا من خواتي او اخواني
بدون تردد ولا شعورياً منها ماحست على نفسها الا وترفع يدها لجبينه تتحسس حرارته شهقت بخفه متعب الي كان يناظرها بصمت وذهول يناظر بعدم معرفه وش تسوي ليه هي تجيه باوقات غريبه ليه هو يحس انه شاعر مفتون بذات معاها ليه يحب الحكي الي يطلع من منطوقها يحب يطول النظر بعيونها الي هلكته واتعبته يموت ويحي على صوتها وضحكاتها بلع ريقه وارتخى جسده من نادته بهمسها لاسمه الي يهلكه  ويرخي كل خلايا جسده نطق وهو يناظر عيونها : لبيه
تنهدت وهي تمسكه من كتفه وتسند عليها رجعت لسريره وانسدح وهو يناظر لها بنظرات غرب واستغراب لها مسكت البطانيه ولحفته ناظرت الكنب وشافت فيه بطانيه ثانيه اخذتها وغطته قفلت التكيف ناظرت متعب الي يناظرلها بسكون وهدوء همس لها : ليه تجيني باوقات اكون محتاج احد !
ابتسمت ورد رفعت كتوفها : ماعرف والله انا بقوم اسوي لك شي حار واجيب لك بندول طيب ؟
هز راسه متعب ونطق : لا تعبين نفستس برقد وبقوم ماعلي خلاف انتبهي لنفستس انتي
ورد رفعت حاجبها : انا منتبه لنفسي
متعب تجرات يده ومسك طرف خصله من شعرها : شعرتس كله مويه وملابستس كذا غيري لا تمرضين
بلعت ريقها ورد وفزت من لمس طرف خصلتها شبكت يدينها بتوتر : انا بغير ملابسي وانزل اسوي لك شي حار
نطق متعب النفي : ماله داعي تتعبين نفستس
ورد نزلت راسها ومشت بتطلع نطقت له : رد الجميل واجب
عقد حاجبينه باستغراب : وش تقصد ؟ غمض عيونه بتعب وارهاق
دخلت ورد الغرفه وهي ترتجف وتناظر نفسها بصدمه وذهول بلعت ريقها بتوتر رفعت يدها على صدرها بينها وبين نفسها: خير ورد وش سويتي ؟!!! ورد كيف دخلتي غرفته فزت على طلعو غلا ناظرت لها غلا الي طلعت من دورة المياه باستغراب : شفيتس
ورد بلعت ريقها شبكت يدينها وهي تاخذ ملابسها من الشنطه : متعب اخوك ينادي سمعت صوته
تنهدت غلا تركت المنشفه ومشت تطلع برا الغرفه : بروح اشوفه
دخلت ورد تغير ملابسها وللحين تحس انها مو بوعيها
-
« يوم جديد »
كلهم بصاله يتقهوون قهوة مابعد الفطور طلباً من الجد سليمان لاجل يحل مشكلة غلا وشيخه البنات جالسين بنقاباتهم وعباياتهم والعيال صادين عنهم نزل فنجاله الجد سليمان ويناظر فيهم بصمت وهدوء والانظار عليه همس بخوف من الهدوء همست لـ  نجد : يمه الهدوء يخوف
نجد : اي بالله صدقتي
ابيار : هذي الي يسمونها هدوء ما قبل العاصفه ترا
ورد كانت تناظرهم شبه معهم وبالها في موقفها امس بغرفة متعب شيخه منزله راسها وغلا تناظر ابوها وامها تشتت نظراتها على شيخه تنهدت : بـ استغفرالله
الجد سليمان نطق من حس ان لازم يقطع الهدوء : تميم ومتعب مارجعو من دواماتهم
سياف نطق وبحكم انه بنفس الدوام : عندهم اجتماع والظاهر انهم جايين الحين
تنهد الجد سليمان : وسعود وينه
اسيل نطقت من طاري سعود : جدي سعود عنده دورة شهرين بدوامه
تمتم الجد سليمان وبقى يناظر بهدوء التفت على دخول متعب و تميم يتنحنحون نطق الجد سليمان وهو يناظر البنات : ادخلو
دخلو متعب وتميم بالزي الرسمي لدوام بلعت ريقها نجد من رفعت راسها لتميم حاولت تصد بنظراتها ماقدرت شكله بالزي الرسمي لدوام مُلفت بلعت ريقها بتوتر ونطقت بهمس : عزاه قلبي تقطع ياويلي بس
ضحكت همس : لعنبو بليستس يالخفيفه
نجد كشرت بوجهه همس بتوتر ونزلت راسها
ورد الي ما كانت منتبه ان متعب وصل تناظر بفراغ ومنزله راسها متعب الي من اول مادخل لمحها جالسه بزاويه ومنزله راسها بسرحان ابتسم من تذكر اخر موقف معاها وشكلها وهي متغرقه بالمويه كل شي كان فيها مثير بالنسبه لمتعب ابتسم وناظر لجده : سم ياجد بغيتني؟
الجد سليمان رفع حاجبه : اقعد بمكانك
تنهدت متعب وهو يجلس ويشتت نظراته بين جده وبين ورد الي جالسه بمكانه ومنزله راسها بسرحان
نطق الجد سليمان بصوت جهوري : اسمعوني زين هي اربع كلمات مابها تراجع علماً جاكم وتعداكم والي بيعترض كلامي وقرارتي يطلع من الديره ولا يعود البيت والله لا اتبرى منه لا هو بحفيد ولا اني بجده وكذلك للبنات
نطق ابو سعود بعدم فهم : الهرج وش يا يبه
ابو تميم بحده ناظر لابو سعود : الهرج علمه يبه علمه
الجد سليمان : بكره بعد الفطور عقد قران ذياب على غلا و شيخه على متعب
طارت عيون الكل بصدمه واعتلت اصوات الشهقات عض متعب شفته بقهررر وحده وصدمه مصدوم من جده كيف قدر يزوجه شيخه ليه يزوجها له ليه شيخه من بينهم ليه قام اعتدل بوقفته : بس يا جد هالفكره ماهي داخله راسي والزيجه من بنت العم ماابيه
ذياب ناظر ابوه بصدمه خابت ضنونه بابوه وصدق كلام ابيار فعلا ابوه جبره نزل راسه بخيبة امل من ابوه ونطق : ولاني معرس العرس ماابيه ولا ابي هالفكره
ابو سعود طارت عيونه بصدمه لابوه وبغضب : يبه انت تتكلم من جدك ؟
الجد سليمان ضرب بعصاه وبحده : اجل تبي الناس تعرف باللي صار بالبنات ونحذفهم على الغريب وعيال عمامهم موجودين
شهقت غلا ونزلت دمعتها ناظرت ذياب المصدوم والي تدل على وجهه علامة عدم القبول والرضا غمضت عيونها قامت توقف ونطقت بصعوبه وابتلى نقابها من دموعها  ناظرت جدها : الي صار لنا ماهو اخذ شرف ياجدي مااخذو شرفنا حنا باقيين بشرفنا مافينا شي ليه تزوجنا ليههههه تجبرنا على بعض ليههههه
شيخه رغم الضرب الي تعرضت له الا انها كانت في اسعد لحظات عمرها بس ساكته وجالسه بصمت
متعب صرخ : والله ماعرس بالله وتالله مااعرس
الجد سليمان ناظر متعب و ذياب بتهديد وجاء لهم على الوتر الحساس : اجل خذو عفشكم وفارقو برا الديره ان شفتكم بالديرة يا متعب و ذياب  والله لا ادعسكم وهذاني قد كلمتي والله بالله تالله ان ماعرستو ابوك يا ذياب وابوك يا متعب ان لا يطلقون حريمهم ذا الحين
شهقو الكل بصدمه ومحد كان متوعب ابداً الجد سليمان يسوي كذا نطق ابو سعود بحده : يبهه لا تجبرهم لا تجبررررررهمممممم حراااام عليييككك
صرخ متعب بقهر وبدا يناظر جده بنظرات حقد وغضب : دمرت عميييي فزاعععع وحرمته من اخوانه ماااات مقهوررررر ماتتتتت ويتمم عياله وهمم صغارررر شوفف بنته شوفهاااااا انت ذبحتتتتت ولدك بـ انانيتك والحين تبي تذبحناااا تبيييييي تذبحناااا
ذياب راح لابوه مو لجده ناظر لابوه ناظر بعيون ابوه بكسره : ليه تسوي فيني كذاااا لييييه اناااا وششش ذنبييييي تميم اكبر مني ماجبرته تجبرني على وحده ماابيها !!!!!!
تميم وسياف مسكو ذياب وهم يبعدونه عن ابوهم وتميم يصرخ : اخلاصصصص ذياب خلاصصصص
غلا ماتحملت كلام ذياب عنها بلعت غصتها وشهقت وهي تركض ركضو وراها همس ونجد وابيار وانهار ورد الي واقفه بمكانها وتناظر بصدمه ليه تحس بنغزه وجعتها ليه اجتاحها شعور الضيق بلعت ريقها وناظرت انفعال متعب وناظرت شيخه الي جالسه بمكانها ولا تحرك تنهدت من حست بضيق وكتمه تجهل سببها التفت متعب بوسط غضبه وصراخه لورد الي واقفه تناظره بصمت حست بنظراته مشت وتركته عض شفته بغضب وعصبيه من نظرتها الاخير وصرخ بقوه يضرب الجدار ابو سعود مسك ولده : خلاص خلاصصصص سوو الي قاله لك جدك خلاص فكنا من الفضايح !
ضحك متعب مسك راسه بصدمه : اي فضايح يبه اي فضايح تهقى اجيب الفضايح ولا ذياببب لا تذبحوني وانا حي طالبك يا يبه
ام سعود ماتحملت وضمت ولدها : خلاص يمه خلاص يا متعب اهدا
الجد سليمان نطق : تجهزو بكره بعد الفطور عقد القران
ضحك ذياب وناظر لابوه بخيبة امل بنظرة انكسار : بوافق عشان امي لا تصير مطلقه مو عشانك ومن الليله لا تعدني ولدك فاهم طلع ذياب ولحقه سياف وفيصل وتميم وسيف متعب ناظر لشيخه الي جالسه غمض عيونه بقهر ونطق : عساتس فرحتي اني باخذتس نلتي مرادتس ؟ شافها ما نطقت تقدم لجده وناظر له : اشهد انه خابت الهقوه فيك يا سليمان طول عمري وانا فعلا كان عندي يقين ان عمي فزاع مات مقهور بسببك والله لو مو عشان امي وابوي لو يحطون سيوف على رقبتي وتثور براسي يا سليمان ما وافقت فاهم مشى متعب يصعد لغرفته فوق
ام تميم ناظرت لابو تميم بغضب : انا قلت لك خلها تجي منهم ولا تجبرهم ان صار بولدي شي يا ثامر بينا ورقه طلاقه
ام سعود مسكتها : هدي يا مره هدي من روعتس محداً يبي هالزيجه والله
نطق ابو تميم : امش يا ابو سعود نجيب الذهب والشبكات والدبل لهم امش
ابو سعود : الشكوى لله الله يهديه ابوي ماله داعي وانت يا ابو تميم ماينفع الي سويته ترا وانا ماني جابر بنتي ان وافقت وافقت وان رفضت رفضت الكلمه لها
ابو تميم رص على اسنانه : من متى البنت لها راي لا بغت ولد عمها
-
« عند البنات فوق »
جالسين حول غلا الي تبكي بحضن نجد اسيا قدامها وتحاول تهديها : غلا ناظريني بقولتس شي ناظريني