كل ليلة تزيّن قصيدي ذهبك

بارت 33

-
بسم الله الرحمن الرحيم ، لا اله إلا الله وحده لا شريك له
#كل_ليلة_تزيّن_قصيدي_ذهبك_

ابيار بتلعثم : ماله دخل تخطبها لاخوها الكبير يمكن موضوع يخص الجامعه
نجد : صدقيني لو السالفه فيها خطبه اتمنى توافق ورّد ابي متعب اخوي ينقهر اوك اخوي بس معلش مقهوره منه
همس تنهدت : لا يابنت ماله دخل بعدين وش علينا حنا
~
جلست ناديه وجلست معاها ورّد تنهدت ناديه وهي تناظر  ورّد كيف بتفتح الموضوع معاها شبكت يدينها بتوتر ناظرت لها ورّد : شفيك تكلمي
ناديه بلعت ريقها : ورّد بسالك شي
هزت راسها ورّد : اسالي طيب
ناديه تنهدت : ماتحسين الشبه بين امك وامي كبير !
ضحكت ورّد للحظه : اخيراً احد يتفق معاي بهالشيء اقول لماما تقول لا وين
ناديه تنهدت : ورّد تعرفين شي عن خوالك ؟
تلاشت ضحكتها ورّد من كلمة ناديه وبدت تستغرب : لا ليه ماما قالت ماعندها لا عمام ولا خوال عندها ام وتوفت امها وابوها متوفي من قبل لا تنولد
بلعت ريقها ناديه : ورّد امك احتمال كبير تكون خالتي !
ضحكت ورّد وهي تهبد كتف ناديه : اي غصبا عنك تقولين لها خالتك من باب الاحترام
سكتت ناديه تناظر ورّد بصمت ورّد ناظرت ناديه الي ساكته عقدت حاجبيها باستغراب وعدم فهم : لا انتي وش تهبدين
ناديه ناظرت ورّد بجدية : يمكن امك تكون اخت امي التوأم المخطوفه !
فتحت فمها بصدمه وذهول وعدم استيعاب توأم ومخطوفه بنت الجد مقرن واخت ام ناديه كيف : ناديه وش تقولين وش تخربطين انتي
ناديه عضت شفايفها : اقولك امك اخت امي امك اسمها مزون وامي اسمها مزنه ورّد امي وامك احتمال كبير يكونون توأم مستوعبه
ورّد ارتجف صوتها وشفايفها : ناديه كيف ؟ كيف كيف مستحيل ماما ماعندها لا خوات ولا اخوان
ناديه مسكت راسها : ورّد امك انخطفت من حرمه من يوم عمرها ٦ سنوات ركزي فيها ورّد امك فيها شامه تحت الحاجب وامي فوق الحاجب نفس الخشم نفس البياض حتى اصواتهم قريبه من بعض واساميهم اسماء توأم !!
ورّد مسكت راسها تهزه بالنفي : لا لا وشتقولين ناديه مستحيل مستحيل
تنهدت ناديه ومسكتها : تبين تعرفين القصة ؟ ترا انا ورعد وفهاد مثل حالك مصدومين بعد هالسنين كلها فجاه نعرف ان عندنا خاله مخطوفه
بلعت ريقها ورّد بصدمه : علميني وش القصة
بدت نادية تسرد لها القصة من الالف الى الياء غمضت عيونها تسمع القصه من ناديه بذهول انتهت ناديه من القصه ناظرت ورّد الي منصدمه
ورّد تحجرت دموع بعيونها على امها معقوله تكون مخطوفه معقوله بعد السنين ذي كلها بتعرف ان الي كانت معاها مو امها الحقيقه وان هذي خاطفتها بدت تهمس :
ورّد تحجرت دموع بعيونها على امها معقوله تكون مخطوفه معقوله بعد السنين ذي كلها بتعرف ان الي كانت معاها مو امها الحقيقه وان هذي خاطفتها بدت تهمس : لا يارب لا يارب الا ماما وش بيكون ردة فعلها لا عرفت تكفين يا ناديه قولي انه كذب لا تقولين ان ماما مخطوفه وعاشت السنين كلها عند خاطفتها
ناديه مسكت كفوف ورّد وضمتها دمعت ناديه : ورّد مين كان متوقع انك بتطلعين بنت خالتي طول عمري احسد صديقاتي واحسدكم انتم بعد لان عندكم بنات وكثار عكسي انا تربيت بين عيال وماعندي بنات خالات ولا بنات عمات
ورّد ناظرت ناديه : وش الي يأكد لنا ان فعلا هي بنت الجد مقرن المخطوفه
ناديه تنهدت وهي تمسح دموعها : الصدق جدي قالي اجيكم وافتح معاك الموضوع اقصد جدنا
ابتسمت ورّد تناظر بفرحه : انا عندي جد غير سليمان جد ماضرنا ولا ضر ماما وبابا جد لسنين طويله يدور بنته المخطوفه
ناديه ابتسمت : عشان كذا ابي شعر من امك نبي نرسله لتحاليل بتطلع بيوم واحد قبل لا تمشون
ورّد بلعت ريقها عضت شفتها : خليك هنا بروح اجيب من مشطها اكيد بحصل فيه
هزت راسها ناديه وطلعت ورّد من المجلس وبقت فيه ناديه ماسكه يدينها بتوتر وهي تدعي ربها ان تكون خالتها و ورّد بنت خالتها : يارب يارب طالبتك تطلع التحاليل ايجابية