كل ليلة تزيّن قصيدي ذهبك

بارت 35

هز راسه واشر له يجي وجاء الرجال عند نايف ناظرله نايف وهو يمد له مفتاح السيارة وابتسم الرجال : الحين تشحنونها لي لمطار الملك خالد الدولي بعد وصلونا بكم يوم ؟ ابتسم الرجال : صباح اليوم الثاني
ابتسم نايف ناظر اهله : تمام يعطيك العافية مشى الرجال ومشى نايف ومعه امه و ورّد دخلوا المطار تنهدت ورّد لمحت سوبرماركت والكوفي ابتسمت ناظرت نايف ونطقت : نايف ابي اشياء اكلها بطياره ماافطرت ابتسم نايف لها وهو ياخذها لتحت ذراعه ويده اليمنى سحب البوك حقه وطلع البطاقة المصرفية حقته مدها لها : امشي وخذي الي تبينه
ضحكت ورّد بفرحه : يس مشينا
ام نايف جلست على الكراسي : انا بنتظركم هنا بس جيبو لي مويه بارده
هز راسه نايف : ابشري
مشت ورّد ومعاها نايف ناظرت ورّد لاخوها بتنهيد : نايف تتوقع بنقبل هنا ؟
زفر نايف بهدوء وهو يمسح على شنبه : باذن الله المعدل حقتس مره مرتفعه وحلوه ف توكلي على الله واقدمي يا ورّد
ابتسمت بارتياح لاخوها تناظر الحنية الي فيه والحب الي فيه ماخذه من ابوهم دايماً تشوف حركات نايف وتفكير نايف حنيته واهتمامه فيها نفس اهتمام ابوهم فيهم هي قادره تعيش بسعادة دام امها واخوها معاها مكسبها بالحياة امها واخوها ناظرلها نايف اشر لها وهم يدخّلون السوبرماركت : يلا انطلقي
ضحكت وغمزت له : بتندم ياقميل !
هز راسه بالنفي وهو يتكتف قدامها يناظر بعيونه لسوبرماركت : شفتي السوبرماركت ذا كله يفداتس
ابتسمت له وهي تدخل سوبرماركت وبدت تاخذ الاغراض الي تبيهم واخذت ردبول ثلاث حبات وغيره من السناكز مشت وحاسبت وطلعت من السوبرماركت وراحو للكوفي الي جنب السوبرماركت تقدمت تطلب ما كانت تميز ملامح الموظف بسبب الكمامة والكاب تكلمت بالانجليزي : مرحباً صباح الخير
ابتسم الموظف لها : تفضلي اختي وش طلبك ؟
هزت راسها ورّد : سعودي !
ضحك الموظف : ايوا نعم سعودي وش طلبك يا اختي
زمت شفايفها تفكر وهي تقرا المنيو قررت تجرب
الـ قهوة السوداء البرازيلية : اخوي ابغى v60 برازيليه
الموظف هز راسه وهو يسجل الطلبات : الحجم ؟ وش كمان ؟
ورّد : لارج اممم وابغى دونات تشوكلت وتشيز كيك
التفت ورّد لنايف : نايف وش تبي
نايف جاء لها وهو يفكر : والله ابي انا لاتيه بس
هز راسه الموظف وهو ياخذ البطاقة من ورّد لاجل يحاسب رجعها لها : تمام ربع ساعه وطلب بيكون جاهز ناظرت نايف واشرت له انها بتروح لامها : بروح لاماما جيب الطلب ضحك نايف وهو يرفع حاجبه : اشتغل عندتس يا ابوي انتي ؟
ضحكت : تكفى تكفى هز راسه مشت تجلس عند امها عقدت حاجبينها من شافت امها شارده بتفكيرها : ماما ماما وعت ام نايف على مناداة ورّد لها : هلا وشفيتس
ورّد زمت شفايفها : انتي الي وش فيك سرحانه فيك شيء ماما !
هزت راسها ام نايف بالنفي : لا مافيه شب وينه اخوتس
بوزت شفايفها وهي عارفه ان امها فيها الكثير مو شيء : هناك ياخذ الطلب ويجي تنهدت و تفتح جوالها على بال ما ينتظرون نايف يجيهم

-
« بمزرعة الجد سليمان »
يفطرون على طاولة الطعام جميعهم بدون استثناء اخر فطور لهم بالمزرعة وبيرجعون لديرة ينجزون تجهيزات زواج متعب وشيخة الجد سليمان يناظر الفطور ويناظر الكراسي الي صارت خاليه من نايف واهله وغلا وذياب التفت له ثامر ولده من شاف ابوه مايفطر : يبه ليه ماتفطر
تنهد الجد سليمان : والله مالي نفس بالفطور
عبدالعزيز: افا وشفيك يا يبه وش الي مضيق خلقك
الجد سليمان ياشر بيدينه : تشوف الكراسي قد انها خلت
تنهد متعب وهو يشبك يدينه ويناظر لجده رفع حاجبه
و نطق : انا ماشي الديرة هالحين
التفت ام سعود له : ليه تروح هالحين اجلس لاخر الليل كلنا بنعود الليله
مسح على لحيته : ابي اسبقكم لاجل ارقد وارتاح عندي دوام بكره لزوم اني اداوم نجد عضت شفتها بتردد نطقت وهي ودها تروح البيت ناظرت متعب : بجي معاك
ناظرولها البنات ب إستغراب رفع نظره تميم لها بلع ريقه همس همست لها : اجلسي نرجع بالليل
نجد تاففت : همس ودي امشي الحين احسن
همس هزت راسها بتفهم : براحتس
التفت نجد لانهار : تجين معاي ؟
هزت راسها بالنفي انهار الي كانت تاكل فطوره و الطرحه على شعرها : لا لا ماابي ارجع لاحقه على الضيم
ضحك سيف وهو ياشر لها باصبعه " صح " ضحكت له شيخه ام تميم ناظرت شيخه وهمست لها : ارجعي مع متعب و نجد مو احسن تخلصين ترتيب الدبش ؟
شيخه طارت من الفرحة مشاعر السعادة تعتلي بقلبها من قالت لها امها روحي مع متعب : بس يمه اخاف يرفض
ام تميم : وشدعوه لا مايرفض انا بقوله رفعت صوتها لمتعب: متعب ماعليك امر ولا تكليف خذو شيخه معاكم ابيها تسبقنا للبيت
ناظرت متعب متعب تنهد وهو يهز راسه بالموافقة نجد طيرت عيونها بصدمة وهو تهمس لمتعب : ناوي تذبحني بطريق انا والمجنونه ذي جريمة قتل ثالثنا
متعب تافف بضجر وهو يناظر نجد وياشر على راسه : مالي خلق لتس ولا لها تفهمين
تميم سمع كلام نجد وفز وهو ينطق : اجل انا معكم جاي
الجد سليمان استغرب : علامكم انتم انثبرو هنا وليه مستعجلين
ثامر : الا ابرك يرحون دفعة وتبقى دفعة
هز راسه متعب : انتظركم بسيارة اخلصو علي
كشرت نجد وهي تتحلطم مرت تمشي من تميم وهي تتحلطم بصوت واضح : ابو الضيم الي فيه انا هي و اخوها نجد امسكي نفستس لا تذبحينهم
تميم ضحك على تحلطمها وهي مرت من جنبه نطق لها بهمس : يا دافع البلا ناويه تذبحينا مره وحده
بلعت ريقها بتوتر من سمعته يكلمها رمشت مرتين وهي تكمل مشيتها تصعد لدور الثاني و وراها شيخه
ضحكت انهار هزت راسها تناظر جدها : صادق يا جدي مدري على وش مستعجلين لايكون المالديف وانا مدري كلها ديرة مروحه
طارت عيون الجد سليمان بغضب وهو يندها بعصاته وابو سعود يغمز لها بانها تسكت نطق الجد سليمان : مير مافيتس حيا وشنهي ! اجل الديرة مروحه وبعدين علامتس فاصختن الغطوه عن راستس ما تعاينين عيال عمتس معنا
رفعت كتوفها انهار وهي تتكلم بجرأة : والله انا من البداية ما اتغطى جبتوني الديرة بيوم وليله غصبتوني اتغطى لا مالي دخل انا نقاب ماني بمتغطيه وعيال عمهم كلهم كلهم زي اخواني ركز يا جدي اخواني
التفت الجد سليمان على ولده يناظره بحده يبيه يتكلم وينطق بشيء ضحك عبدالعزيز على انهار وشكلها وعنادها وجرأتها فعلاً هي دلوعته واخر العنقود مايقدر يرفض لها طلب شبك يدينه : والله يا يبه انهاري هذي تامر امر ومثل ما قالت عيال عمها مثل اخوانها
عمها ثامر ضحك وهو يناظر فيها من تحت الكاب : عزاه ماتبين عويناتها
سياف ناظر سيف وهو كاتم ضحكته من حركات انهار وجرأتها : يا ولد اختك ساطيه شوف كيف سكتت جدي
ضحك سيف : ذيبه على اخوها
سياف رفع حاجبه : تعقب اخوها مطي ماهو بذيب
سيف خزه : تعقب انت لابو ذا الوجه
ابيار ضربت كفها بكف انهار وهي تهمس لها : يا قوتس قواه
غمزت لها انهار : عجبتس هاه
ضحكت ابيار : مره مره مره
همس : هي بنات خلصتو ؟
هزت راسها ابيار ونطقت انهار : انا خلصت
همس : امشوا نطلع برا
ابتسمت انهار : تركبون الخيول ؟
همس : اي بالله امشو
قاموا البنات من طاولة الفطور واتجهو يتجهزون
~ « نجد » فوق بالغرفة قفلت على شنطتها واخذت اغراضها وطلعت من الغرفه وهي تصادف شيخه الي جايه كشرت نجد ونطقت : وعع بجيحه صدق
شيخه ضحكت ب استفزاز لنجد : والله يا نجد ماتهزين فيني شعره مبسوطه ورايقه بالمره
نجد عضت شفتها بغضب : اسكتي عني لا احطتس تحت رجالي تفهمين لابو ذا الوجه العجوز
ضحكت شيخه بصوت عالي ومشت تسبق نجد تحت ناظرت لها نجد وضربت رجلها بقهر على الارض بغضب : ساعتين ونص يارب الهمني الصبر لان عادي ممكن ارتكب فيها جريمة الان مشت تنزل من الدور الثاني صادفت تميم الي نازل من الدور الثالث كشرت بوجهه ورمقته بنظره منها عقد حاجبينه من تكشيرتها ورمقتها له : علامتس !
نجد تاففت : مالك دخل ؟
تميم كتم ضحكته من عرف انها معصبه من صوتها الواضح له فيه كمية غضب تنحنح : تدرين ليه جاي معكم ؟
نجد زفرت بطولت بال : مايهمني افف منك انت واختك عاد
طارت عيون تميم ماقدر يكتم ضحكته على عصبيتها : يساتر شفيتس انتي مين سارق حلالتس ودتس تذبحينه من عصبيتس
نجد التفت تناظرله : انت
حك جبينه منصدم منها : الله يستر منتس بس
تاففت بضجر وهي تنزل قبله ناظرلها والتفت يناظر اخته الي جايه عض شفته بخوف : كدينا خير من ورا هالرجعه والله دام هذيتس مولعه بالعصبيه
ركبت نجد ورا و معاها شيخه جت شيخه بتحط شنطتها فـالوسط نجد بتسرع نزلت المسنده حق السياره فالوسط ناظرت لها شيخه رفعت حاجبها : بزر !
نجد بحده طيرت عيونها : انكتمي لا اخنقتس هنا
ركب تميم كاتم ضحكته على نظرات نجد وحركاتها
تنهد متعب وهو يدعي أذكاره حرك السيارة متجهين الى الديرة