طلعت ناديه من عندهم وفهاد كذلك مشى لغرفته وبقى رعد جالس بالصالة تمدد على الكنب وهو يفكر بسالفة امه وجده وجدته ومن جهة ثانية يفكر بالانسانه الي قدرت تسلب عقله وتضيع صوابه بلع ريقه بخفوت وهو يغمض عيونه محاولة هروب من التفكير
-
« في بيت نايف و رد وامه »
جالسه بهدوء على الكنب اطقطق بجوالها وجنبها ابيار ونجد يتابعون فلم بهدوء فزت ورد من شافت اشعار مكالمة فيديو من نايف ردت علطول بفرحة : نايييف
فزت ابيار بخوف : يمههههههه
نجد شهقت بضحكه وهي تحط يدها على صدرها : وجع ورد شفيتس
ابيار : روعتينا
ضحكت ورد : اسفه بنات بس نايف اتصل
نايف رد على ورد : مرحبا يا وردتنااااا!!
ورد بشوق لنايف وامها ناظرت لهم وفيها البكية : خيررر خيرررررررر ليه ساحبين علي ؟ ماتقولون عندنا بنتت نتصل عليها نسال عنها ؟؟
ضحك نايف : والله مشتاقين لتس بس يا اختي مافضينا انا ماغير اللحق الي يبون يشرون البيت وامي تقفل الاغراض عشان نجيبها
ورد : كيفك انت اخبارك ؟
نايف مسح على وجهه وهو يثبت الكام : والله بخير ياروحي انتي وينتس ؟ عساتس مرتاحه ببيت جدي ؟
ورد بلعت ريقها وناظرت البنات من ناظرو لها نطقت : والله بيت جدي الحمدلله مرتاحه فيه بس انا ابي بيتنا وتوني راجعه له
شهق نايف بصدمه : بروحتس ؟؟؟
هزت ورد راسها بالنفي : لا معي نجد ومعي ابيار وسيف موجود نايم بالمجلس
تنهد نايف ب ارتياح سمع بوجود سيف معهم : اشوا على راحتس يومين وحنا راجعين على خير باذن الله
ورد تنهدت : ان شاء الله وين ماما ابي اكلمها ؟؟؟
نايف وهو يتثاوب معلن للنوم انهزامه : والله انها راقده ودي اني ارقد عندي شغل من الصباح؟
ابتسمت ورد : طيب بقفل بس بالله بكره اذا قامت ماما اتصل علي طيب؟
هز راسه نايف : ابشري يا غلانا ابشري
ورد قبلت اخوها : احبكم الله يحفظكم ويرجعكم سالمين غانمين
تنهد نايف : يلا استودعتس الله سلام
قفلت منهم وهي تترك الجوال ناظرت البنات وتنهدت وهي ترجع ظهرها سندت راسها على كتف ابيار ناظرت لها ابيار ب استغراب من تنهيداتها : شفيتس؟
ورد ناظرت بصمت بوزت شفايفها : مافي شي
نجد عقدت حاجبينها ورمت جوالها وناظرت البنات بضيق : بنات
ناظرو لها البنات تنهدت وهي تنطق : جدي ظلم متعب بشيخه والله ماعليش ابيار اعرف انها اختس بس ماينفع مايصلحون
ابيار ضيقت عيونها : ويعني اختي ؟ ترا عادي انا وهمس نفس رايتس نقول انهم ماينفعون لبعضهم
عضت شفتها نجد بقهر : يوه يبنات والله مدري مدري جدي يستهبل على رووسنا وش الافكار ذي ياخي زواج زواج مو لعبه
عضت شفتها نجد بقهر : يوه يبنات والله مدري مدري جدي يستهبل على رووسنا وش الافكار ذي ياخي زواج زواج مو لعبه
ورد شبكت يدينها بعدم معرفه ضحكت بسخرية : عادي يرجع غلطته الي سواها ب بابا الله يرحمه
ابيار فضول التفت لورد عدلت جلستها : ليومتس ذا نجهل سالفه عمي الله يرحمه اذا عادي تعلمينا ؟
ورد تنهدت ناظرت البنات : بعدين بعلمها ولا اسمعوها من جدكم
نجد غمزت لابيار بانها تسكت : اي خلاص مو لازم نعرفها المهم ورد وين بنام انا والخبله ذي
ابيار شهقت واخذت المخده ترميها على نجد : انتي الخبله يا سربوته
ضحكت ورد : اكيد بغرفتي امشوووو
فزت نجد وهي تركض قبلهم : انا بسبقكم
ابيار : مجنونه والله
ورد ضربت ابيار على راسها بخفيف : وانتي اجن منها
ضحكت ابيار : عفواً مو اجنً اعقل انا
ورد : اي اي خير ان شاء الله
YOU ARE READING
كل ليلة تزيّن قصيدي ذهبك
General Fiction-نبذة تعريفية عن رواية : روايتنا تتكلم بين الديرة وبين المدينة الي هي الرياض قرر الجد سليمان استقراره هو وعياله وأحفاده برجوعهم لديره بطلتنا ترجع ورد لسعودية بعد ترك ابوها ديارهم وانتقل فيها هي واخوها نايف لاستقرار في الكويت تخطط لانتقام لابوها...
