« عند البنات »
بعد ما جابت ورّد لابتوب لهمس بدت همس تدخل الموقع لتقديم الجامعات وجنبها ورّد فتح معاها الموقع حطت بياناتها وطلعت لها الرغبات والتخصصات المفتوحه لها شهقت همس بفرحه من شافت جميع التخصصات مفتوحه لـ ورّد ناظرت لها : ما شاء الله جميع التخصصات مفتوحه لتس
نجد رفعت يدينها لسماء : يارب يارب تنقبل لتخصص الي تبيه وتصير دكتوره يارب يارب بلغنا بشوفت الدكتوره ورّد بنت فزاع بن سليمان بن عبدالعزيز ال عبيان
ابتسمت ورّد ورددت بتوتر : اللهم امين
همس كانت ترتب رغبات ورّد بتقديم الجامعة بحرص وتركيز ابتسمت وانقرت على اخر خطوة والي هي " طباعة ورقة تقديم الطلب " حفظت الصوره باللابتوب والتفت لـ ورّد : وقدمنا لتس يا بنت العم
ابتسمت ورّد وهي تضم همس وتتشكرها : يعطيك العافيه همس
ضحكت همس وهي تهبدها بخفه : وشدعوه عادي مابينا
التفتو لاسيل الي جاي لهم ومعاها هوت تشوكلت ونطقت غلا : يهلا يهلا
انهار : اوه اوه اخيراً هوت تشوكلت ام تميم
ضحكت اسيل : داريه انه ودكم فيه وسويته لكم
ورّد : يعطيك العافيه تسلم يدينك
ابتسمت لها اسيل وهي تمسح على كتفها وتجلس : الله يعافيتس ايه وش كنتم تهرجون فيه
همس التفت لاسيل وبحماس : تخيل اسيل ورّد ما شاء الله فتحو لها كل التخصصات كل شي
اسيل : يالله باذن الله القبول يطلع
ابيار زمت شفايفها وناظرت انهار : وحنا ليه مانرجع الرياض ونكمل الجامعه !
نجد ضحكت بسخرية : عند سليمان مستحيل ترجعون الرياض
ورّد حست بالقهر على حال بنات عمامها كيف ان جدهم متسلط عليهم ويهابون منه : ياخي ليه من الاول جابكم لديرة مو معقوله ترا يوقف مستقبلكم عشان الديرة وشفيها من زود كلها بيوت قديمه مافي مستقبل
تنهدت غلا بضيق سندت راسها على كتف ورّد : ودي ارجع افتح قيدي الجامعي واكمل بس خوفي سليمان نمبر تو يرفض
ضحكت اسيل باستغراب : من سليمان نمبر تو
كشرت غلا ونطقت : اخوتس
همس بحده : يهبى بس اقول كملي بس كملي اليوم افتحي معاه الموضوع !
ورّد ابتسمت : عاد يارب اكون بجامعتك
غلا : ونصير انا وياتس نطلع ونتسوق وكل شي
ورّد : وناديه معنا
ابتسمت غلا بعدم معرفة ناديه : من ناديه
انهار : عسل يا غلا عسل البنت تجننن اول شي هي مو منقبه وتسوق سيارة وتدرس تمريض سحب دم بالرياض وجايه زياره لديرة
غلا : حمستوني اتعرف عليها
اسيل ناظرت غلا و ورّد : ورّد ابي اوصيتس انتي وعمتي على غلا وذياب مالهم غيركم برياض !
ورّد ابتسمت وهي تناظر غلا وتناظر اسيل وتناظر البنات : لا تشيلون هم غلا تراها اختي مب بس بنت عمي غير كذا بكلم نايف يكلم ذياب تصيرون قراب من عندنا عشان مانخليك بروحك
نجد تنهدت براحه : اذا على كذا بتطمن على اختي
ضحكت همس : بنات نهج ؟ بالله خلونا نهج
ضحكوا كلهم بصوت واحد على كلام همس نطقت انهار : وناسه تم تم خلونا نسويها
ضحكت ورّد : اخ بس
اسيل فتحت جوالها وهي تشوف الاخبار بتويتر ناظرت البنات بفرحه : بنات
ناظرولها البنات ونطقت ابيار : هلا ؟
اسيل : اعلنو بعد بكره العيد
شهقو البنات بفرحه طيرت عيونها همس شهقت : احلفييييييي
اسيل مدت لهم جوالها : هاه شوفو
ابيار : يسسسسس يسسسس
ضحكو بفرحه لان العيد بعد بكره واخذتهم السوالف و الضحك
YOU ARE READING
كل ليلة تزيّن قصيدي ذهبك
General Fiction-نبذة تعريفية عن رواية : روايتنا تتكلم بين الديرة وبين المدينة الي هي الرياض قرر الجد سليمان استقراره هو وعياله وأحفاده برجوعهم لديره بطلتنا ترجع ورد لسعودية بعد ترك ابوها ديارهم وانتقل فيها هي واخوها نايف لاستقرار في الكويت تخطط لانتقام لابوها...
