بعد مرور 7 ساعات في المطار نزل نايف ومعاه امه واخته ورد الي اجتاحها شعور الحنين لديرتهم وطنهم ابتسم نايف وهو يناظر مطار المملكة العربية السعودية تنهد تنهيدة شوق وحنين التفت بنظره لامه ولاخته ورد الي كانت ساهيه تماماً ردف بصوته لهم : يلا مشينا السيارة تنتظرنا برا يبي لنا على الاقل ساعتين على مانوصل الديرة
ام نايف : على خير يلا امشو
ورد وقفت عند قهوة والتفت لامها ولنايف : وقفو ابي اخذ بُن بالديزه مافي بُن وانا مقدر اعيش بدون قهوه
ضحك نايف بخفه : بس تبين بنُ ماتبين نجيب لك الكوفي كله ؟
ابتسمت ورد : وشدعوه الكوفي كله انا جايبه اغراض الـ v60 بس ابييي بنُ الي معي مايكفي اسبوع حتى
ام نايف : مدري وش حببك بذي القهوه لكن مشينا ناخذ لك
مشى نايف ورد وامه للقهوة ودخلت ورد المحل وهي تنادي الموظف : لوسمحت " بالانجليزي "
الموظف : مرحبا " رد عليها بالانجليزي "
ابتسمت بتوهيق : يوه كيف بقوله ابي بُن مو مطحون ابلش
ضحك الموظف وتكلم : تفضلي يا اختي وش تبغين
شهقت ورد بصدمه وطارت عيونها باحراج : سعودي؟
الموظف : اي اختي سعودي قلتي تبين بُن مو مطحون
حكت راسها ب احراج : اي ابي بُن
الموظف : كم كيلو ؟
ورد : امم خمس كيلو
اخذ الموظف بُن وقدمه لها : تفضلي
ابتسمت ورد : يعطيك العافية
خرجت ورد وابتسمت بارتياح ناظرت لها امها : هاه ارتحتي
ورد : ايه مره ارتحت
نايف : يلا يلا مافي ورانا طريق مشينا
خرجو من المطار وركبوا السيارة الي كان نايف حاجزها وحركوا متجهين لديرة
YOU ARE READING
كل ليلة تزيّن قصيدي ذهبك
General Fiction-نبذة تعريفية عن رواية : روايتنا تتكلم بين الديرة وبين المدينة الي هي الرياض قرر الجد سليمان استقراره هو وعياله وأحفاده برجوعهم لديره بطلتنا ترجع ورد لسعودية بعد ترك ابوها ديارهم وانتقل فيها هي واخوها نايف لاستقرار في الكويت تخطط لانتقام لابوها...
