كل ليلة تزيّن قصيدي ذهبك

بارت 23

ام نايف وهي تتامل بنتها : ياعيوني انتي ابي اعلمتس ان بكره الصباح ماشين لديره
شهقت ورد بفرحه : والله ؟ ماما صدق
ام نايف هزت راسها : اي والله واخوتس نايف خلص له كم شغله وبعنا البيت الحمدلله
ورد تنهدت براحه : اخيراً ماما بترجعون اخيراً وعسى البيت جاب مبلغ كويس ؟
ام نايف بلعت ريقها وهي فعلا ماودها تعلمها بالي ناويه نايف ابتسمت : ايه الحمدالله زود عن الي توقعناه
ورد سندت ظهرها على الجدار : الحمدلله يارب الحمدلله كويس والله تدرين اليوم ملكت غلا على ذياب و شيخه على متعب
ام نايف تنهدت : اي  بالله ادري علمني نايف هو الصدق غاصبهم جدتس
ورد تنهدت وهي تلعب باظافرها سكت ماودها تعلم وش الي صارلها مع شيخه ونطقت : ماما والله صار فوضى فوضى امحق جد صدق جبرهم على بعض يعيد غلطته بالي سواه ببابا بيسويه لأحفاده
ام نايف : مدري وش اقول الصدق
ورد شهقت بخوف : ماما من الحين ذا الي يسمي نفسه جد ماله دخل لا فيني ولا بنايف طيب
ام نايف : ماعليتس انتي عندتس سند تسندين عليه عسى ربي يحفظه لنا ويخليه لنا لا عمامتس ولا جدتس بيتحكمون فينا ولا يجبرونتس انتي واخوتس على شي
ورد ابتسمت : الله يطول بعمركم ويحفظكم لي يا اغلى مكسب بالحياه انتم الحياه بس انتي وبابا الله يرحمه واخوي نايف
ابتسمت ام نايف : يلا وانا امتس ابي انام لي قبل لا نحرك
ابتسمت ورد وهي تقبل امها : الله يحفظكم ويستر عليكم استودعتكم الله
قفلت منها ضمت الجوال لصدرها ونطقت : يارب انك تحفظهم لي يارب ترجعهم لي سالمين غانمين
-
« بعد ساعتين / عند الحريم »
قامت ورد تلبس عبايتها ونقابها اخذت شنطتها وناظرت لها نجد قامت معها من فهمت ان ورد بترجع بيتها التفت نجد لامها : يمه بنمشي
ام سعود : وين تو الناس ورد
ورد تنهدت : والله ياعمه اهلي بيرجعون بكره ولازم اروح من الحين
ام تميم : بالله راجعين بكره ؟
ابتسمت ورد : اي ان شاء الله
ام سعود رفعت جوالها: اجل اصبري بشوف سيف وينه فيه !
ورد ناظرت ابيار ونجد ونطقت بهمس : روحو البسو عباياتكم
ابيار ونجد قامو يلبسون عباياتهم ونقاباتهم تاففت همس : خير ابي اروح معكم !!!!
ضحكت ورد بتفكير : اممم وشرايكم تجون تسهرون معنا ؟
انهار طيرت عيونها لامها ضحكت ام سعود : اعوذبالله روحي روحي
فزت انهار بفرحه : يس يس
همس ناظرت غلا وغمزت لها : نروح معهم
غلا تكتفت بهدوء : عادي والله تم نروح ؟
همس : اي اي قومي خلينا نروح
ورد ابتسمت : والله انكم كفو يلا يلا
تجهزو البنات كلهم باقل من خمس دقايق وام سعود للحينها تتصل على سيف تنهدت : مايرد سيفوه نجد قولي لواحد من اخوانتس يوصلكم سيف مايرد
نجد ضيقت عيونها : رايح يدوج بالحاره داريه
ام سعود : روحي رواتس بس قالت يدوج
ضحكت نجد وطلعو البنات وكالعاده ب استثناء شيخه الي جالسه تناظرهم بحسد وغيره تكره ورد تكره وجودها بينهم تحس ان ورد اخذت بنات عمها وخواتها عنها حتى اقرب وحده لها اخذتها غلا ودها تمحيها من الوجود رجعت تطقطق على جوالها
~ نجد والبنات طلعو للحوش وهم يشوفون مجلس الرجال فيه ازعاج العيال وجت تبي تروح لهم الا على دخلت متعب للبيت ناظر لهم عقد حاجبينه ب استغراب من منظر البنات بعباياتهم رفع حاجبه يناظر نجد : نجد ؟
نجد : اشوا جابك الله لنا يا حبيبي متعب نبي نروح لبيت عمي فزاع مع ورد
تنهد من لمحها واقفه ورا وماسكه جوالها يلمح اهدابها النازله ومندمجه بالجوال ولا هي بحولهم تنهد وهو ينطق : امشو
ورد ما كانت مندمجه مع الجوال ابداً شتت نظراتها بالجوال ماودها تناظره تعجزت فهم نظراتها له تجهل ليه يطول بالنظر فيها بلعت ريقها ومشت معاهم ركبوا السيارة البنات وحرك متعب السياره وتنهد ناظرت نجد يده خاليه من دبلته بلعت ريقها وابتسمت بفرحه بينها بين نفسها : معقوله رماها ؟
وبفضول نطقت له بتمثيل : ما شاء الله الدبلات مره روعه ورني حقتك متعب
متعب كشر بسرعه وعطى نجد نظره خلها تبلع العافيه وكمل يناظر قدام نجد شبه خافت : مو لازم هههه بعدين اشوفها
عدل المنظره الاماميه لعلى يلمحها لو جزء بسيط لو عيونها كافي عيونها قدر يلمحها تناظر الشباك بشرود مسح لحيته بتنهيد بلع ريقه من ناظرته
~ ورد كانت تناظر الشارع بهدوء وصمت تفكر بنظرات متعب لها في كل مره تشوفه صارت تخاف منه وتنفر بخوف منه من نظراته لها يجيها بوقت ضيقتها وقت بكاءها الي تخبيه عن اي احد تكره احد يشوف دموعها ماتبي احد يشوفها ضعيفه من داخل لو تقوم الدنيا عليها وتصير الحياه ضدها ماتشكي ولا تبكي قدام احد تنهدت وهي تذكر ربها والتفت تناظر قدام بلعت ريقها من شافته يسرق بنظراته لها من المنظره شدت على يدينها ونزلت راسها بينها وبين نفسها : ليه يناظر ؟
نطقت بهمس مسموع : اسغفر الله واتوب إليك
انهار ناظرتها باستغراب : شفيتس
هزت ورد راسها بالنفي والتفت تشوف انهم وصلو بيتها وهي تحس انها منكتمه بسياره والسبب نظراته لها وجوده يربكها يوترها يلعب باعصابها نزلت بسرعه وقبل الكل البنات ناظرو بعضهم ب ستغراب نطقت نجد : شفيها !
انهار رفعت كتوفها : مدري والله خلونا نزل
نزلو البنات متعب سند راسه على المرتبه واخذ زقاره ولعها ونفث دخانها  من فمه باستغراب وعيونه على باب بيتها : شفيها ؟ ليه تصد عني كثير !
تنهد وهو يحرك سيارته ويتجه للبيت
دخلو البنات ورمو عباياتهم ورد ناظرت لهم : تعالو غرفتي اعطيكم بجايم قامو البنات معها ودخلو غرفتها
فتحت دولابها وبدت تعطيهم من بجايمها ناظرت لهم مدتها لكم : شوفو ذي ترا كلها جديده ما لبستها ولا مره من الكويت شريتها
ابتسمت نجد وهي تاخذ لها بجامه : وشدعوه بنتقرف منتس لو انها قديمه عادي
غلا : صح والله عادي
همس اخذت بجامه وهي تناظر الغرفه تدور على شاحن تاففت لمحتها ورد تتافف : همس شفيك ؟
همس بوزت شفايفها : نسيت اجيب الشاحن وجوالي فيه ٣ بس
ابيار شافت شاحن ورد مرمي تحت السرير فزت واخذته ضحكت ب انتصار : لقيته وانا باخذ اشحن قبلتس
خزتها همس : بزر صدق
ورد ضحكت : ولا يهمك ادخلي غرفه نايف اشحني جوالك فيه
همس بلعت ريقها بخوف وهزت راسها بالنفي من تذكرت موقف المطر : لا لا خلاص ماابي
ورد دفتها بقوه : روحي بس روحي قال ماتبي اتركيه يشحن محد بيجيه نايف مو هنا
تنهدت همس مرعب اجتاحها من وقفت امام غرفته ارتجفت يدها وهي تمسك مقبض اليد وتدخل الغرفة اجتاحها الهوا الحار لان الغرفه مقفله كم يوم لها شافت الشاحن على التسريحه تقدمت تاخذه تشبكه على الكهرباء الي بالجدار وتركته عقدت حاجبينها تناظر للعطورات كان بس اربع عطور واحد منه اثنين رفعت حاجبها بفضول : ليه ذا من اثنين الظاهر حلو
اخذته وهي ترش منه على يدها بخفيف غمض عيونها تستنشق ريحة العطر انذهلت من ريحته هو فعلا كان عطر رجالي لكن حلو وملفت بعد نطقت وهي ناسيه نفسها : حلووو مرههه مرههه ذوقيييي  عضت شفايفها بتردد كسرت ترددها واخذت ترش على فستانها الي لابسته قبل لا تغيره وتلبس بجامه ناظرت غرفته كيف هاديه ومرتبه ونظيفه وثيابه معلقه بدت تمشي بالغرفه لمحت شهادات تكريم وامتيازات مرتبة الشرف وانتبهت لصورت نايف بعمر 16 سنة مع عمها فزاع ورد بحضن عمها بعمر الـ 10 سنوات وام نايف ضامه نايف لها صوره سعيده حنونه دافيه تنهدت بضيق تناظر عمها بصمت ونطقت : ليه نجهل قصتك ياعمي ليه الكل رافض يعلمنا قصتك ودنا نعرف ودنا مانظلمك ليه بس نعرف ان جدي ندمان ! وحنا نجهل قصتك كلها الله يرحمك يارب ويغفرلك  اخذت بجامتها وطلعت تغير تركت جوالها بغرفة نايف يشحن
دخلت على البنات وشافتهم كلهم غيرو الا هي طيرت عيونها و شهقت : اح امداكم بسم الله
غلا ضحكت : ايه امدانا يلا اخلصي غيري
دخلت همس دورة المياة وتغير طلعت وهي تترك فستانها داخل شنطتها وانسدحت جنب نجد وكملو يتابعون الفلم همس كشرت : افيه فلم رعب ليه !
انهار : اص اص بذبحتس خلينا نندمج شوي