ابتسم وهو يتأمل السلسال وزخرفته وتذكر زخرفته لسلسال ابيار سند ظهره على الدرج وهي تطري على باله شكلها وعيونها وشعرها وغمازاتها المنحوته بوجناتها ولا توترها وارتباكها بكل مره يصادفها تهرب منه تنهد وهو ينطق : عزاه ان حبيتها تكفى ربي وانت ربي لا تعلقني باحد يارب ماابي احبها يارب لا تزرع حبها في قلبي وروحي وعقلي
استغفر ربه وهو يمسح وجهه وتنهد واخذ علبة السلسال وحطها في كيس واخذ مفاتيح سيارته ومشى لبيت الجد سليمان ال عبيان
-
« بيت ابو تميم »
شيخه بالغرفه وضامه نفسها بشماغ متعب وتستنشق ريحته ريحة عطره والابتسامات على وجهها همس وابيار يساعدون امهم تحت دخلت عليها همس بحده وعصبيه : شيخههههه !!!
فزت شيخه بخوف تحسب امها او واحد من اخوانها ولا ابوها كشرت بعصبيه لهمس : خير ان شاء الله ليه داخله كذا عليييي !
همس تخصرت بسخرية : كيف تبيني ادخل عليتس ان شاء الله
شيخه شمقتها وهي تجلس على تسريحة وتحط ميكب وبدلع وهي ضامه شماغ متعب وتدندن : خلاص ماني متهاوشه معاتس بتركتس اليوم بس
همس رمشت بعدم استيعاب من شافت الشماغ على كتوف شيخه : مجنونه انتي ؟ فيتس شي ليه الشماغ عندتس للحين
شيخه ناظرتها من فوق لتحت : وش تقصدين ليه عندي نسيتي متعب عطاني
همس رصت على اسنانها : ياوجه استح رجعي حق الرجال شماغه
شيخه : شفيتس انتي عطيته وهو قال خليه عندتس واضح واضح يحبني
ضحكت همس بضحكات عالي وسخريه : انا لو عندي ثقه زي ثقتس ذي كانت ذبحت نفسي وافتكيت صدق وجهتس بارد قومي ساعدينا بنودي فطورنا لبيت جدي ورد هناك
فزت شيخه وشهقت من طيرت عيونها : هاه !!!!! وش قلتي ؟؟؟
همس ابتسمت بخبث وناويه تغيض شيخه : شفيتس ورد هناك بتقعد بيت جدي اسبوع نايف وامها سافرو الكويت
شهقت شيخه بحده : خير وش جابها لبيت جدي تروح تقعد بيتهم
همس طيرت عيونها بصدمه : لا لا لا لا انتي مجنونه بنت كيف تجلس بروحها بالبيت
شيخه عضت شفتها بتوتر : عادي انتم تروحون عندها
همس : اقول اتركي ورد عنتس وانزلي ساعدينا
شيخه تاففت : طيب طيب انزلي وانا لاحقتس
نزلت همس وهي تكش على شيخه وتتحلطم طلع بوجهها تميم ضحك على شكل همس وهي تتحلطم : اف اف شفيتس تتحلطمين ؟
همس بتكشير : العله الي فوق مامنها فايده لا تساعد لا تطبخ لا تنظف وجع
تميم بحده : تبيني اهاوشها
تاففت همس : لا اتركها ذي مجنونه محنا بناقصين
ابتسم تميم وربت على كتفها : قواكم الله
نزلت همس وصعد تميم يرتاح بغرفته دخلت المطبخ وناظرت لها ابيار : هاه ماهي بنازله ؟
نزلت همس وصعد تميم يرتاح بغرفته دخلت المطبخ وناظرت لها ابيار : هاه ماهي بنازله ؟
تاففت همس والتفت تناظر امها : يمه شوفي لتس حل مع هالمهووس بنتس مجنونه تخوف صدق
ضحكت ابيار : ليه شصار
همس اقتربت لابيار وهمست لها : تخيلي للحينها ضامه شماغ متعب !
طيرت عيونها ابيار بصدمه : اسالتس بالله صادقه ؟
همس : ايه يعني امزح ؟؟
ابيار ناظرت امها ورجعت تناظر همس : تخوف
همس وهي تغلف الاكل : اسكتي طار عقلها من قلت ان بنودي الفطور لبيت جدي نفطر هناك ورد موجوده
ابيار : اختس ذي بتجيب لنا مصيبه من ورا حبها المسموم ذا
همس عضت شفايفها: هذي شيخه توقعي اي شي يطلع منها
ام تميم قفلت حافظة المعجات وناظرت ابيار : ابيار روحي اسبقينا لبيت جدتس وخذي ذي
همس : ايه صح اسبقينا هذاني خلصت الي معي بقى بس الشوربه
ابيار تنهدت : طيب طيب ، ركضت تلبس عبايتها ونقابها وطرحتها واخذت الحافظة المعجنات وطلعت برا فتحت الباب ومعاها الحافظة وجت بتمشي وقفت من شافت سيارة وقفت قدام بيت جدها وعمها عقدت حاجبينها وسرعان ماوسعت عيونها بذهول من شافت رعد نازل من السياره ابتسمت بتوتر وهي تقترب ناظر لها رعد ابتسم ابتسامه جانبيه مخفيه من شافها عرفها عرفتها من عيونها ومن عبايتها الي حفظها حفظ كامل ارتعش قلبه وزادتت نبضات قلبه من ناظرت بعيونها عيونها اهلكته اهلكت قلبه وضيعت صوابه من ثاني نظره شافها تمر من قدامه نطق بتردد : ابيار وقفي
وقفت ابيار بخوف ورجفه ونطقت : وش تبي رعد ؟
رعد رمش بدون استيعاب من صوتها ولا من نطقها لاسمه بلع ريقه وهو يحس كل خلايا جسمه ارتحت من نطقها لاسمه حس انه غير عن الكل وكان للاسم لذه نطق : هاه ؟
ابيار رفعت حاجبها : قلت وش تبي
وعى على نفسه وتنحنح مد لها الكيس : خلص سلسالها تفضلي
تنهدت وهي تاخذ وتمشي ب استعجال تخفي توترها منه : تمام يعطيك العافيه
ابتسم رعد وضحك من شافها تمشي ب استعجال : الله يعافيتس شوي شوي لا تطيحين معتس الاكل
ابيار كشرت بوجهه : مالك دخل !
رعد حك راسه باحراج وضحك بخفه : يجي منتس اكثر
ابيار ناظرت له نظره سريعه ورفع راسه لها علطول وابتسم من التقت عيونهم وضحك : ادخلي يابنت
ابيار شمقت له : وجع تراك جاي بيت جدي انت المفروض تروح
طير عيونه بصدمه : جايه اوصل غرض وهذا هو معتس لكن انتي ليه تدوجين بالقايله بين البيوت
شهقت ابيار وهي تناظر له من طرف الباب : وجع وجع ترااا بيت جدي وتوني طالعه من بيتنا
ضحك رعد وهو وده يطول الحكي معها رغبته وقلبه وعقله تحت طلب اكمال الحكي معاها لانه بالمختصر حكيها عسل على قلبه ابتسم وهو يودعها : يلا سلام
ابيار بتهديد رفعت اصبعها : يويلك تعود لنا
غمز لها بضحك : ياوجه الله خفت
شهقت وطيرت عيونها قفلت الباب بسرعه وهي تسند ظهرها على باب البيت تنهدت وهي تحط يدها على صدرها الي يصعد وينزل وانه يدل على توترها رفعت يدها وهي تتحسس وجناتها الي اشتعلو حراره عضت شفايفها : اخ رعد يا رعد يا قليل الخاتمه
دخلت داخل وهي ترفع صوتها : يا اهل البيت
رد عليها الجد سليمان : ادخلي ادخلي
دخلت وهي تركض تحضن جدها : جديدوه اشتقت لك
ضربها الجد سليمان بخفه بعصاته بحده : ابكيتس يا ضفعه ويش جديدوه
ضحك ابو سعود : والله انه ابوي صدق الله يسامحتس يا ابيار تاجر وشيخ معرب الانساب صيته في كل الاديار تجين انتي وتقولين جديدوه لا يسمعونتس الناس بالله
كشرت ابيار : امحق وشفيها ادلع ياجدي كذا اصغرك بالعمر
ضحك الجد سليمان : اقول قومي بس قومي عزاه ياهيبتك يا سليمان لا تروح من ورا هالمجنونه
ضحكت ابيار وهي تقوم وتروح للمطبخ دخلت المطبخ ورفعت صوتها : هاييييييييي شهقت من شافت ورد وركضت لها بصراخ : وريده وريده
ضحكت ورد وهي تبادلها بحضن معقده حاجبها ب استغراب من دلع ابيار لها : سلمي قولي السلام عليكم
ابتعدت ابيار وهي تناظر : وريده علومتس
التفت لها انهار بتكشير وحده : وجع وجع وش وريده امحق
نجد ضحكت : اسم ورد فيها من الدلع والغنج والرقه والانوثه تجي ابيار وتعدمه لتس بدلعها المخيس
ضيقت عيونها وتخصرت لهم : شفيكم علي جدي هبدني لاني قلت له جديدوه وانتم علي لاني قلت وريده هذي دلع نادر
ضحكت ورد وهي تاخذ الحافظه منها وباستها من خدها : يالبيه قوليه عادي عادي
ضحكت ابيار : حيتس ناظرت المرقوق بلذاذه وركضت له اخذت ملعقه : يمييي ريحته ريحته
شهقو البنات وهبدتها انهار بعلبة المويه المقفله : الدنيا صيام منتي صايمه يا سربوته
شهقت ابيار وطاحت الملعقه ناظرت انهار بحده : يا لعنباتس اي بالله وحده رايحه تبلع بالله هذي صايمه عندي عذر
ورد شهقت بفرحه : يالبيه بالخوي حتنا عندي عذر
ابيار غمزت لورد واشرت لها تجي : اجل اقربي اقربي خلينا ناكل من المرقوق حق نجد يلعن ابليسها لذيذ
نجد هبدتها على راسها وضحكت : انتي الحين تمدحينه ولا تسبينه
ابيار وهي تاكل منه : همممم لذيذ يا حيوانه لذيذ
ضح كت نجد : عافيه عافيه
انهار عصبت: وجع استغفرالله لا تاكلون قدامنا ترا تجاهرون كذا
ورد : سهله شيلي عيونك عنا
ابيار هزت كتوفها : صح صح اصلا.. قطع كلامها دخول همس عليهم بروقان : اهلين صخلاتي
ضحكت انهار وهي تشمر كمومها وتستعد : تعالي جابتس ربي اجل حنا صخلاتس
صرخت همس وهي تترك الاكل وتركض بالمطبخ وتلحقها انهار : يمه يمه شفيهااااااا ذي
انهار وهي ماسكه مساحة المطبخ وتصرخ : والله لا افصل عليكم كلكم اذا حنا صخلات اجل انتي ثوره
همس وهي تتخبى ورا نجد : ابتس فكيني من مجنونتكم
ابيار و ورد دمعو من الضحك على همس و انهار نطقت ابيار : مجنونه والله
انهار التفت لها : خليني اخلص من اختس واجيتس
ابيار طلعت لسانها: اتحداتس
ورد قرصتها اخذت الحافظات وغمزت لابيار وهمست لها : خلينا نهرب
ضحكت ابيار وهي تاخذ حافظتين وتركض هي ورد نطقت ابيار : يلا الحقونا بالباقي
وقفت انهار عضت شفتها بتعب وهي تلهث : يمه تعبت شهقت من شافتهم منحاشات : لعنباهن انحاشن
ضحكت نجد : امشو بس امشو
اخذو الاكل والشرب وراحو يجلسون على سفرة الفطور وينتظرون اذان الافطار
YOU ARE READING
كل ليلة تزيّن قصيدي ذهبك
General Fiction-نبذة تعريفية عن رواية : روايتنا تتكلم بين الديرة وبين المدينة الي هي الرياض قرر الجد سليمان استقراره هو وعياله وأحفاده برجوعهم لديره بطلتنا ترجع ورد لسعودية بعد ترك ابوها ديارهم وانتقل فيها هي واخوها نايف لاستقرار في الكويت تخطط لانتقام لابوها...
