كل ليلة تزيّن قصيدي ذهبك

بارت 26

-
بسم الله الرحمن الرحيم ، لا اله إلا الله وحده لا شريك له
لايك فضلاً وليس امراً
#كل_ليلة_تزيّن_قصيدي_ذهبك_

ام نايف برفض : لا يا وليدي مانبي نتعبك ونشغلك عن شغلك
سعد وهو صاد عنهم ومنزل راسه باحترام : افا عليش يا خاله انتي مثل امي الله يرحمها
ابتسمت ام نايف : الله يرحمها والله يا وليدي مامعنا اغراض ثقيله ما يحتاج ماتقصر
ابتسم نايف وهو يربت على كتف سعد : هاه سمعت ام نايف وش تقول لا تعب نفسك وامش يا رفيق الجديد نتعرف عليك
ضحك سعد : ابد تم على هالخشم نتعرف وش ورانا
مشى سعد ومعه نايف يجلسون عند البوابه
ورد تناظر ارجاء المزرعه والهوى البارد وريحة الورد الفايحه بالمزرعه ابتسمت بارتياح دخلت عند امها داخل تناظر البيت من داخل بذهول من كبره وتصميمه : واوووو ماما يجنننن كبير ما شاء الله
ام نايف : اي والله كبير تبارك الرحمن يلا نزلي عبايتس انا وياتس بغرفه
هزت راسها ورد وراحت مع امها فوق دخلت ورد للغرفه مع امها ونزلت الشنطه وعبايتها لابسه بنطلون ضيق من فوق ووسيع  من تحت بيج عليه هاينوك وسيعه شوي ابيض وبالطو طويل بيج ووشاح اسود شعرها رافعه نصه بشريطه لونها ابيض على شكل فيونكا والباقي تاركته منسدل مموج بطريقه حلوه واكتفت بمسكرا وروج وبلاشر اخذت عطرها تحط منه ورجعته نزلت تحت وهي ماسكه جوالها ووشاحها الاسود ابتسمت ام نايف : اموت اموت على الاناقه
ضحكت ورد وهي تدور : بالله وشرايك ماما يجننن يجنن
ام نايف وهي تدور : وانا بعد وشرايتس حلوه ولا اغيرها
ورد هزت راسها بالنفي : لا ماما خليها تجننن والله انا بطلع اتمشى بالمزرعه واصور
ضحكت ام نايف : انتبهي لا يشوفتس سعد الحارس
ابتسمت ورد وغمزت : ان شافني اغمى عليه
ام نايف هبدتها بخفه : روحي وراتس يابنت قص هاللسان يبي له قص والله
راحت تركض ورد برا وتضحك بدت تتمشى بإرجاء المزرعه ابتسمت وهي تقترب للورد استنشقت ريحتهم تناظر مدى جمال الورد بالالوانه وروائحه ابتسمت بحُب من تذكرت ابوها ليه سماها " ورّد " اخذت تقطف ورد كان باللون الوردي الفاتح اخذتها قربتها لانفها وابتسمت بخفوت وعرفت انها من نوع ورد الروز وهمست : ريحتك حلوه زين لونك وشكلك مقدر اقاومك ومااقطفك انتي مميزه لانك جذبتيني وانا ورد بنت فزاع محد يقدر يجذبني له بسهوله اخذت الورده وحطتها ورا اذنها وصورت سناب وارسلتها علطول لقروب بنات عمامها وابتسمت وهي تكمل تصور وتتمشى بارجاء المزرعه
-
« الرياض / غلا & ذياب »
صحت من النوم بعجز وتعب فتحت عيونها بصعوبه ناظرت الغرفه بلعت ريقها بخوف ورعب وهي تتذكر ليلة امس مسحت على وجها تتنهد على حالها ووضعها رفعت لحاف ناظرت السرير عضت شفايفها بقهر من شافت النزيف وعرفت انها جاها العذر الشرعي دخلت دورة المياه اخذ شور سريع دافي و بعد ربع ساعه طلعت واخذت ملابسها لبستهم  تنهدت بمغص الالم تاففت مسكت راسها بضيق : مو وقتها يالله يالله مشت و تمسك مقبض الباب خايفه ويدينها ترتجف برعب خايفه تواجهه عضت شفايفها وقوت نفسها وهي تطلع برا ناظرته كان جالس على جواله كشرت بوجهه وهي تحس منقرفه منه ومن قربه تراودها ليله امس الي تذكرها في الشي الي كانت تحاول تنساه ليلة السوق اخذت نفس مشت من عنده محاوله تجاهله اخذت كوب و سوت لها شاهي يدفي بطنها وجلست على الكنب رفع نظره لها وطارت عيونه بصدمه وذهول بلع ريقه عقد حاجبينه يناظر لها تشرب شاهي : منتي صايمه ؟
تجاهلت ولا ردت عليه اخذت جوالها تطقطق عليه ارتفع ضغط ذياب وقام بحده وتكشير عليها : جعلتس ماتردين مشى للغرفه لاجل ياخذ له شور ويطلع لدوامه تنهدت وهي ترمي جوالها على الكنب مسكت راسها كشرت : مسوي مايعرف ان البنت اذا فطرت برمضان معناتها عندها عذر شرعي متخلف تاففت وهي تكمل تشرب شاهيها وتناظر بصمت وفراغ تتجاهل مغص بطنها
~ ذياب دخل الغرفه رمى جواله ومفتاح سيارته على السرير وثوبه لمح شي على السرير عقد حاجبينه رفع اللحاف وشاف النزيف بلع ريقه بغباء وتنهد مسح على شنبه ولحيته عرف ان عندها عذر شرعي اخذ اغراضه وحطهم في الدرج مسك اللحاف واخذه وهو يرميه على الارض حطه خلف الباب ضرب جبينه : وتسالها ليه فاطره يا ذياب اشهد انك داج بعقلك ذا امحق
تنهد وهو يدخل دورة المياه ياخذ شور
~ تمددت غلا بتعب من الالم بطنها متعوده اذا جاها العذر الشرعي امها تعطيها اعشاب شعبيه لكن الحين محد عندها لا امها لا خواتها ولا احد اخذت الوساده وضمتها لها غمضت عيونها بتعب وارهاق
~ ذياب طلع من دورة المياه واخذ ثوبه ولبسه وانتهى من ترسيمته للشماغ انتهى وهو ياخذ مفتاحه و جواله طلع من الغرفه شافها متمدده ومغمض عيونها وضحت له انه تتالم من المغص بلع ريقه واقترب لها بتانيب ضمير وانحنى لها بخفه ناظر لها تتمغص وترتجف والعرق يتصبب من جبينها بلع ريقه بتردد وهو يحط يده على جبينها غمض عيونه من حس بحراره جبينها اعتدل بوقفته واخذ جواله واتصل على مدير الدوام رد عليه : السلام عليكم ابو مسفر
مدير الدوام ابو مسفر : وعليكم السلام وينك يا ذياب متاخر
حك جبينه بتوتر وتردد ناظر غلا الي تعبانه : ابي اخذ اجازه اليوم الاهل تعبانين وانا معلمك وضعي ماعندي احد هنا
مدير الدوام ابو مسفر بتفهم : ابد خلك مع الاهل واليوم الدوام مافيه اجتماعات ولا فيه شي مهم خذ اجازه معذور وماتشوفون شر
تنهد ذياب وهو يتشكر مديره : يعطيك العافيه سلام
قفل من مديره ورمى شماغه اخذ لحاف الي موجود على الكنب وغطاها فيه انكسر قلبه بحنية عليها وشفقة : وش اسوي الحين بتردد ماله الا امه يتصل عليه لكن وش يقول لها ثلاث اسابيع ما كلمها ولا ودعها تنهد بضيق وضغط على رقمها