كل ليلة تزيّن قصيدي ذهبك

بارت 7

-
«  بيت الجد سليمان »
همس وهي ماسكه صينية الفطور اقتربت من مجلس الرجال بصوت منخفض لكن مسموع : سياف يا سياف
تميم سمع صوت همس وفز ناظرلها بحده : ابطيتو ما صار فطور صار مفطحه
همس بتافف : اقول احمد ربك خذ بس انخلع كتفي
تميم : اصبري من مسوي الشكشوكه !
همس خزته بنفاذ صبر  : انااا
تميم : حلو كفو يعطيكم العافية
همس : يعافيك
~ عند البنات انهار وهي تخصر خزت شيخة بغضب : يا رفله يا رخمه حتى علبة موية ماتوزعينها
وقفت شيخة ب انفعال على انهار : وانتي وش حار دامتس يا البزر حتو الفاين ماني بـ شايلته موتي بحرتس
ضحكت انهار بسخرية : مو منتس من رفالتس لعنباتس اسيل المتزوجه تقوم وتحط وتشيل وانتي هاجده !
شيخة ناظرت انهار من فوق لتحت: انتي كذا نفس الخدامة فاهمه يلا كملي شغلتس وانتي ساكته انا الي اخبره ان الخدامات يسكتون
طيرت عيونها انهار بعصبية رفعت كمومها : انا بنت عبدالعزيز تقولين عني خدامه انا اعلمتس سحبت شعر شيخة بالارض وبدت تصفق شيخة
شيخة صرخت وهي تخمش يد انهار : يا دفشه يا الخدامه
ام سعود فزت وفزت معاها ام تميم نجد وهمس الي بدو يفرقون بينهم
نجد بصراخ : الله يلعنتس يا شيخة فكيهااا
شيخة : وهي تدف انهار بقوة على الباب طاحت انهار من حست بان كتفها الالمها صرخت بالالم : اه اههه كتفيييييييي
شهقووو الكل وفزووو لـ انهار الي تبكي وتصرخ : اهه كتفي ماما كتفي !
نجد بعصبية وهي تدف شيخة على الارض : وجع جعل يدتس للكسره يا المخنسه
شيخة تخصرت بصراخ وشعرها منفوش : والله عاد هي طاحت مب اناااا !!!
همس بحده طيرت عيونها : يابنت فكينا من شرتس
ام سعود وهي تصرخ على نجد : اركضي نادي ابوتس اركضي
ركضت نجد بخوف من شكل انهار الي تبكي وتصيح وقفت عند باب المجلس ورفعت صوتها : بابا بابا الحق الحق شيخة كسرت يد انهار
قامو كلهم وقام ابو سعود وابو تميم ناظر لها ابو سعود : وش تقولين
نجد : شيخة كسرت كتف انهار
طلع سيف لـ نجد : وش فيتس ؟
نجد : الملعونه شيخة كسرت كتف انهار
~ دخل ابو سعود لـ صالة بعد ما تنحنح وتغطت ام تميم انحنى لها وهو ميت خوف على بنته واصغر عياله وبناته الا انهار هي خط احمر عنده انهار ابتعدت عن امها وهي ترتمي بحضن ابوها : بابا يوجع كتفي مااحس فيه
ابو سعود بخوف : بسم الله عليتس التفت سعود لـ شيخة بحده : هذي سوات تسوينها بنت عمتس !
شيخة برفعة لسان : ماسويت شي ياعم بنتك تهجمت علي
شهقت نجد وهمس وابيار نطقت اسيل : لا والله ياعم انا اعد الحق شيخة الي بدت
نجد : ايه بابا تقول عن انهار انها شغله بس عشان تطبخ وترتب الصحون
ابو تميم زفر بـ عصبية التفت لشيخة : شيخة انقلعي البسي عبايتس وقدامي على البيت
شيخة رفعة صوتها على ابوها : اوههه عاددد من زين هالبيت
ابو تميم رفع كفه بصراخ : شيييييخة وضرب شيخة كف برد ملامحها وجهها ناظرت للبنات ب قهر وعصبية رص على اسنانه وهي تاخذي عبايتها وطرحتها على وجهها ابتسمت نجد ب ارتياح وانتصار وبهمس : وتستاهلين اكثر بعد !
ابو تميم ب احراج من بنته : يا اخوك السموحه من ومن بنتك الظاهر ماعرفت اربي انا
ابو سعود تنهد وهو يمسح على لحيته : حصل خير يا ابو تميم حصل خير قومي قومي خلينا نسري فيتس المستشفى
قامت انهار بمساعدة نجد وهمس لها جت لهم اسيل ومعاها نقاب انهار وعبايتها وطرحتها
-
«عند مجلس الرجال »
الجد سليمان رفع حاجبه وهو يوقف فطوره بحده : وجع وشعندهن رافعتن صوتهن
سيف وهو ياكل : اختي انهار انكسرت يدها
شهقو متعب و سعود وفيصل عقد حاجبينه الجد سليمان : من لقافتها الظاهر ماغير تناقز
سيف هز راسه بالنفي : لا يا جد بنت عمي ثامر شيخة كاسره كتفها
متعب رفع حاجبه ب غضب : تكسر يدها ان شاء الله
تميم نزل راسه بفشله وناظرله متعب وسكت الجد سليمان بعصبية وغضب : الظاهر ربينا عيال مب بنات وجع توجعه علامها كسرت كتف بنت عمها
ناظرله نايف بلع ريقه وكمل فطوره
دخل ابو سعود عليهم والتفتو لهم كلهم فزو عياله له ناظر لهم : واحد يجي معي بروح المستشفى
الجد سليمان : عسى الي جاها خفيف
رفع كتوفه ابو سعود : والله يبكي البنت تبكي ولاهي قادره تحركه
متعب : انا انا بجي معك
سعود وقفه : اجلس انا بروح معها
سيف : وانا بجي معكم
ابو سعود : يلا مشينا بسرعه
راحو سعود وسيف مع ابوهم متعب وفيصل اجلسوا
~ بعد ربع ساعة بنفس المجلس الي كان فيه تميم و متعب و نايف وذياب وسياف و فيصل و ابو تميم تميم ناظر العيال وبلع ريقه متعب رفع حاجبه ب استغراب : وشفيك ؟
نايف شبك يدينه بتوتر : خابر الموضوع الي قد تكلمنا فيه امس ؟
متعب تذكر موضوع نايف : ايه ايه خابره يلا علمه
نايف التفت لجده : ياجد في موضوع ودي اقوله لك ؟
الجد سليمان : موضوع تم وحاضر وصل
نايف ابتسم بخفوت : ماتكلمت طيب !
الجد سليمان : اسلم قول الي عندك يا ابو فزاع
ابتسم نايف من مناداة جده له باسم ابوه تنهد : ياجد انا بفتح محل ابوي هاليوم محل الدلال و بيع حليب نياق تعرفه !
تنهد الجد سليمان بضيق ونزل راسه : وشلون مااعرف محلات ولدي
نايف بلع ريقه : موضوع دلال تم بس حليب النياق ماعندي النياق ان كانك اقدر احلب نياقك وابيع حليبهم والدخل الي يجي من الحليب بيني وبينك
رفع حاجبه الجد سليمان : افا بس افا نياقي تحت ماطاك رح وافتح رزقك فيهم كمل شغل ابوك جعل مثواه الجنة والفلوس مصرف مني لاختك ورد وامك
ابتسم نايف وهو يقوم يقبل راس جده : يعطيك العافيه جعلك تمد من زود
ابتسم الجد سليمان : ياولدي حلالي حلالكم عسى الله يلين قلب اختك وتجيني
نايف تنهد وهو يربت على يد جده : تزين يا جد تزين
متعب الي بلع ريقه من ان انذكر اسم ورد قدامه ارتبكت موازينه وانقلبت ملامحه اعتدل بوقفته وهو وده يطرد ورد من باله نطق لـ نايف : ودك نروح العزبه تشوف منهي الناقة الي درت هاليوم
ابتسم نايف : على بركة الله معك
تميم اعتدل : معكم جاي
ذياب التفت لـ فيصل : اجل انا وفيصل بنزل نفتح المحلات اليوم متاخرين
فيصل قام مع ذياب : يلا تم مشينا