كل ليلة تزيّن قصيدي ذهبك

بارت 14

-

#كل_ليلة_تزيّن_قصيدي_ذهبك_

ابيار وانهار يتناقرون على المشروب همس وهي مشغوله تصور البطاطس وقفو للحظه من سمعو صراخ ناظرو بعضهم صراخ انثى صراخ بنت تستنجد باحد شهقت همس من سمعت الصراخ الثاني باسم تميم طاح البطاطس من يدها وسعت عيونها بصدمه صوت شيخه !!!!!!!!
نجد هزت راسها بالنفي : لا مو شيخه وش دخل شيخه يمكن مو شيخه
بلعت ريقها ابيار بتوتر وناظرت للبنات : بنات شيخه اختي مين بينادي تميم بصوت عالي ولا بعد بنت
همس بدت ترتجف وتركض : شيخه اختي صارلها شي والله
ركضوا وراها البنات ورد تصرخ على همس : يابنت اهدي وادعي ان مافيها شي او ماتكون هي
همس غلبتها دموعها وانهارت وهي تركض تدعي ربها ان مو شيخه اختها رغم افعال شيخه وقساوتها على خواتها واخوانها الا انها تبقى اختهم وقطعه منهم وهي ترتجف وتردد بصوت مهموس : يارب مو هي يارب انها بخير يارب
وصلوا للمكان الي صدر منها الصرخه وقفو البنات بصدمة وذهول وسعو عيونهم وهم يشهقون ويشوفون متعب وتميم طايحين ضرب وتكسير مع رجال و شيخه عبايتها مفتوحه من فوق ونقابها وطرحتها بالارض وضامه غلا تصحيها بين دموع وصراخ صرخت همس وهي ترتجف وتركض لتميم : تميم وش صايرررررر !!!!!
تميم وهو يضرب العامل كف على وجهه وكف ثاني وبدا انف العامل ينزف وفمه ينزف وبصراخ : تعتدي على اختي يا ابن الحرام منت برجال يا رخمه يا قليل الخاتمه
متعب الي بحالة غضب وشبه خلص على خوي العامل وتركه على الارض بقوة مرمي وركض لغلا وشيخه
ناظر شيخه غصباً عنه لاجل يتطمن عليها بلع ريقه وهو يشوفها بدون الطرحه ولا نقابها ونحرها الي تركز فيها علامات العامل القذره غمض عيونه بغضب ومسك شماغه وحذفه عليها ناظرت له شيخه وهي تبكي وترتجف غطت نفسها بشماغ متعب وبشهقات : متعي غلا غلا خدرها القذر شوفها
متعب وهو يحاول يهديها وبدا يصحي غلا : غلا يابوي قومي يا غلا وصد بنظراته لنجد والبنات الي واقفين متصنمين صرخ متعب عليهم بحده : تعالن اخلصن
ركضو البنات له بخوف نجد ناظرت متعب وناظرت شيخه الي ضامه نفسها وتبكي وهي منزله راسها بشماغ متعب : وش صاير يا متعب
ابيار بكت ولا قدرت تتحمل منظر شيخه ولاول مره تحن على اختها ضمتها بقوه وصاحت وهي تمسح على راسها : خلاص شيخه حبيبتي اهدي حنا معتس
نجد وهي تحاول تقوم غلا بخوف وبدت ترمي عليها من المويه صحت غلا بصعوبه وناظرت حولها شافت اخوها متعب قدامها وشيخه جنبها وخواتها قدامها ناظرتهم وانهارت بدموع وخوف انهار اول مره تشوف غلا تبكي كذا وتنهار لكن مين يلومها صرخت وهي تشهق بصوت تعبان : متعب !!!
ضمها متعب بقوة يعلمها انها بخير وبامان مسح على راسها ويهديها : اهدي اخذنا حقكم منهم اخذناه الحمدالله الي ربي نجاكم
نجد بعدم فهم واستغراب ناظرت شيخه وناظرت غلا : وش صار ليه ماتنطقون
ورد ناظرت ان سؤال نجد صعب على شيخه وغلا عضت شفايفها و اقتربت من نجد الي جالسه جنب متعب بضبط  تهمس لها : لا تسالينهم الحين واضح مو بخير
همس بحده وعصبيه قامت تلبس شيخه عبايتها ونقابها وطرحتها وجت بتاخذ شماغ متعب منها وهزت راسها شيخه بالنفي رفعت همس حاجبها ب استغراب وهمست لها  : اتركيه اعطيه للرجال !
شيخه عضت شفايفها وهي تناظر متعب وتناظر شماغه وناظرت همس : ماابي هو عطاني اياه ابعدي يدتس
همس رفعت حاجبها : زين زين يلا قومي
تميم اعتدل بوقفته ومعه متعب ناظرهم متعب : يلا امشو بنرجع البيت
مشو البنات قدامهم و وراهم متعب وتميم تنهد تميم وهو يمسح على لحيته بجنون : لو مالحقنا كان سواها فيها
متعب غمض عيونه واخذ نفس بغضب : يخسي ربي نجاها منه الواطي
تميم : يامتعب طالبك ابوي وعمي وجدي لا يدرون بهالشي
متعب ربت على كتفه : الي صار اليوم يتقفل عليه ولا ينفتح هذاهم بخير
هز راسه تميم  ووصلو السيارة وشافهم واقفين ينتظرونه يفتح الباب والمراتب تقدم وهو يفتح وركبت انهار و ابيار و بقت شيخه وورد شيخه ناظرت ورد ورفعت حاجبها على انها تركب ورا ورد الي كانت تناظر شيخه وابتساماتها لمتعب  بسخرية بينها وبين نفسها : حتى وهي بمصيبه تسوي كذا الحمدلله وشكر
متعب تافف بملل وناظر ورد و شيخه : وحده فيكم تركب
شيخه : ورد اركبي ورا انا ابي اركب قدام كافي الي صارلي اليوم لو سمحتي
ورد بغثى وبهمس مسموع لمتعب ولشيخه : ياشيخه عاد هذي الي تبينه عشان تلفتين النظر
طارت عيون متعب بحده على ورد وغضب تقدم بشويش وهو يرد لها بهمس : لسانتس قصيه تفهمين وش الي تلفتين النظر البنت كانت بتروح فيها وانتي تحسبينها تكذب اشهد انتس مابتس عقل
وسعت عيونها بصدمه من كلام متعب عضت شفايفها ورد بقهر وصوت شبه حده : فارق بس اجل انت الي كامل العقل
غمض عيونه وهو يتمالك اعصابه لا ينفجر على ورد وقفل المرتبه وناظر شيخه : اركبي
شيخه بتمثيل للبكاء مدت شماغه له : خذ يا ولد العم تسلم ماقصرت
متعب : خليه عندتس مااحتاجه
فرحه شيخه وانتصارها وكانها بدايات خططها بدت تنجح وهمس : اخيراً اول شي شماغه بعدين قلبه  ركبت وحركو متجهين للبيت
~
بعد عشرين دقيقه وهم داخلين الحارات وودخلو حارة بيت ورد نطقت بتردد وبتسرع : ابي انزل بيتنا
متعب رفع نظره بالمنظره لورد الي تناظره مسح على د
لحيته وهو يرجع للخلف وقف عند باب بيت عمه فزاع نجد وهمس ناظرو ورد ب استغراب ابيار ناظرت ورد : ليه ماتجين عندنا ؟
همس : صاقه ابيار امتس عندنا تبقين بروحتس !
ورد ابتسمت لهم : اي افضل بروح بيتنا
انهار ضمتها : على راحتس يلا سلام
نزلت شيخه ونزل متعب يفتح المرتبه الي ورا لاجل تنزل ورد نزلت ورد وشمقت لمتعب بكره عض شفايفه من نظرتها وتركها مشت داخل بيتهم وهي تدخل البيت حركوا البيت سندت ظهرها على الباب وهي تتنفس بسرعه وحده من كلام متعب الي غبناها تنهدت وهي تدخل داخل البيت