كل ليلة تزيّن قصيدي ذهبك

بارت 27

« بالمزرعة / اثناء الفطور »
البنات داخل يفطرون مع ام سعود وام تميم والعيال والجد سليمان وسعد وابو تميم وابو سعود برا يفطرون الجد سليمان ناظر سعد : سعد علامك مختفي منت مثل الاولي
ضحك سعد : كبرنا يا يبه كبرنا
ابو سعود ابتسم : اي بالله كبرتو لازم تفتحون لكم بيوت
ابو تميم : ذياب ومتعب وسعود نحمد الله الباقي على نايف وتميم
الجد سليمان : وسعد بعد اظن لازم ندور له بنت حلال
ضحك سعد حك راسه باحراج : لا والله ماني مفكر هالحين
تميم غمز لسعد وناظر لنايف وغمز له : يالخوي كلنا مثلك محنا مفكرين
ضحك سعود : اقول اترك عنك الغمزات ويلا شد حيلك واعرس يا خال ولدي
تميم ضيق عيونه : وشعليك مني انت ؟
سياف بمزح : الا وانا اخوك اعرس وفكنا خلني انا بروحي بالبيت
ضحك تميم طارت عيونه بصدمه : امحق اخو
سياف : قد انه ذياب اعرس باقي انت كبيرنا
تلاشت ضحكت ابو تميم وتنهد : ايه الله يعين بس
ابو سعود طرت على باله بنته الي مع ذياب مايدري هي مرتاحه معه ولا ماهي مرتاحه مسح على لحيته ونطق : الا يا اخوي ولدك ماله نيه يجي ؟
ابو تميم تنهد : الا بيجون بالعيد هنا واعتذر منه يمكن انه الحطب الي في راسه طاح
الجد سليمان : بيطيح ماعليكم اهجدو بس مرده بيعرف ان الي سويته انه صح
متعب ضحك بسخرية وهو مو متقبل حديث جده تنهد وهو يقوم : جعلها سفره دايمه
ابو تميم نطق : وين ما مداك تفطر ارجع مكانك بس
هز راسه بالنفي متعب : لا بالله نحمد الله شبعت والله ودي اني ارتاح
الجد سليمان نطق برفعة حاجب : لك غرفه بالدور الثالث وتميم مع نايف بغرفه وسياف وفيصل وسيف مع بعض اطلع الدور الثالث من باب الخلفي للمطبخ ان كان بتريح وترقد
سمعه متعب اكتفت بالسكوت ومشى يرتاح فوق
ابو سعود ناظر لابو ضيق عيونه : لا تضغط عليه يا يبه كافي بعد اسبوعين من العيد عرسه
الجد سليمان تجاهل كلام ولده ونطق برفعة صوت للحريم : يا حريم ياحريم
طلعت ام تميم وعليها جلالها وغطوتها : سم ياعم
الجد سليمان : بكره فطور ال عتيق عندنا بالمزرعة جهزن نفسكن
ام تميم : تبشر يا عم تبشر
« عند البنات داخل »
دخلت ام تميم عند الحريم والبنات وجلست تكمل فطورها
ناظرت لها ام سعود : وش يقول عمي ؟
ام تميم : يقول ال عتيق كلهم من حريمهم ورجالهم على السحور عندنا
الكل ساكت وعادي الوضع عندهم بـ استثناء ابيار طارت من الفرحه رعد بيكون موجود هنا بالمزرعه تسارعت نبضات قلبها فرحانه لدرجه معاد تقدر تكمل اكلها تشققت من اللهفه على شوفته وابتسمت انهار ضيقت عيونها بينها وبين نفسها : سربوته هذي وراها بلا لكن مصيري اعرف انا اعلمتس يا ابياروه
ورد تناظر الاكل بفراغ وهدوء التفت ام سعود الي كانت عيونها على ورد من اول ما جلسو على الفطور واضح على ملامحها البكي اخذت من المرقوق تحط بصحن ورد سرحانه نطقت ام سعود : ورد ذوقي المرقوق ماشفتتس تاكلين
!ورد وعت من نغزت نجد لها ا
ورد وعت من نغزت نجد لها ابتسمت بتسليك لام سعود وهي تاخذ الملعقه وتاكل لقمتين من المرقوق وتنزله بهدوء : يعطيك العافيه يا عمه لذيذ تسلم يدينك
تنهدت ام سعود وهي مو عاجبه وضع ورد ابتسمت لها : ماكلت شي جعله عافيه
ابتسمت ورد تتنهد قامت اخذت جوالها و الوشاح حقها نطقت بـ استاذن لامها : يمه ابي اصلي وودي اني ارتاح شوي
هزت راسها ام نايف بالايجاب : روحي وانا امتس
تنهدت وهي تروح للمغاسل غسلت يدينها وانتهت من يدينها دخلت المطبخ اخذت علبة مويه جت تطلع من الباب الخلفي للمطبخ لاجل تصعد لدور الثانيه بما ان الدور الثالث للعيال مشت وهي تصعد وبين كل دقيقه تتنهد عقدت حاجبينها بفضول وهي تناظر قسم الدور الثالث مفتوح بلعت ريقها ب استغراب : مين فتح الباب اذا كلهم يفطرون برا
صعدت ورد لدور الثاني دخلت الغرفه ورمت نفسها على السرير تناظر جدار الغرفه بفراغ