« تابع لبارت السابق »
زفر متعب بـ عصبية وبحده : شوفي عاد ماني بناقص ورعان وخري خليني اخذ الاغراض
تافف ورد : طيب بدخل واذا قلت ادخل ادخل طيب مو تدرعم كذا ؟
متعب بقلة صبر : طيب خلصينا بس
ورد راحت داخل ورفعت صوتها : يلا ادخل
تنحنح وهو يدخل داخل المجلس التفت على صناديق الدلال واخذهم جاء بيطلع استوقفه صوت ورد بلع ريقه من صوتها الناعم الانثوي غمض عيونه تنهد ونطقت ورد بتوتر : لو سمحت
رفع حاجبه وهو صاد عنها : وش لو سمحت اظن عندي اسم
ورد بتوتر بكذب : مااعرف اسمك
ضحك متعب بسخرية : امحق ولد عمتس ولا تعرفين اسمي على العموم اسمي متعب
عقدت حاجبينها من ضحكته : طيب يا متعب خواتك موجودين بالبيت ولا
متعب ب استغراب : ايه وش عندتس
ورد : ابي اروح لهم مشي ولا اعرف الطريق
متعب بحده : هذا الي ناقص تروحين مشي ان كانتس تبين تجين معي اقطتس على بيتنا امشي اما مشي تهبين
شهقت ورد طيرت عيونها: خير اركب معك وش بيقولون الناس !
متعب مسح على دقنه : الحين الكل بشغله بتسرين معي ولا ؟
تنهدت ورد وهي ماعندها غير الحل ذا وماحبت انها تجلس بالبيت بروحها : شسمه انتظرني بسيارة
متعب : زين
خرج متعب وهو يركب السيارة تنهد وهو يطلع دخانه من جيبه وبدء يدخن رفع انظاره لورد الي جت له ناظرلها بالنقاب لثواني وصد بنظراته عنها ناظرته وماعطته اي اهتمام قفلت باب بيتهم وراحت ركبت ورا كشرت من ريحة الدخان صدت بنظرها لشباك
في نص الطريق كان الصمت سيد الموقف متعب حس ان الوقت المناسب انه يعتذر لها على الموقف الي صار فينهم بلع ريقه ونطق : اعتذر منك بسبب الموقف الاول
عقدت حاجبينها ب استغراب : حصل خير لكن المره الثالث شددت على كلمة الثالثة لان قبل شوي شايفها رجعت تتكلم : صد بعيونك او غض البصر !
متعب تمالك نفسه لا يصرخ عليها ناظرلها بحده : اسمعيني زين لا تحسبيني اني سربوت وراعي هالحركات
ورد ببرود : بس انا ما قلت انك سربوت الي اقصده غض البصر وبس
متعب مسح على لحيته : وصل
تنهدت ورد التفت لـ متعب من وقف السيارة نزلت وهي تقفل الباب بقوة
طير عيونه بغضب صرخ متعب : وجع توجع هاليد
صرخت ورد بخوف وهي تهرب : يما مااقصد
كتم ضحكته على خوفها وركضتها بسخرية : حمد الله وشكر صدق
حرك متعب من البيت متجهة لسوق عند نايف
-
« عند البنات »
دخلت ورد البيت وشافت ام سعود وام تميم وامها جالسين يسولفون نطقت: السلام عليكم
ابتسمت ام سعود وهي تقوم تسلم : يهلا وعليكم السلام يمرحبا
ورد ناظرت امها ورجعت ناظرت ام سعود : مرحبا فيك كيفك يا عمه
ام سعود : بخير وانتي عساتس طيبه
ورد ابتسمت : طيبه الحمدالله
سلمت ورد على ام تميم وناظرت لامها وضحكت : وشسوي يا ماما طفشت من قعدة البيت بروحي
ام نايف رفعت حاجبها : جايه مشي ولا ؟
بلعت ريقها بخوف وتوتر وبكذب ماتبي تقول انه جايه بروحها مع متعب : اي جاء نايف وهو ولد عمي عبدالعزيز اتوقع اسمه متعب وصلوني هنا
ام سعود : ايه متعب مع نايف صح
ام نايف : اها
ورد ناظرت لهم وهي تدور البنات : وين البنات ؟
ام تميم : فوق روحي لهم اسمعهم يتحرون العصر انتم مخططين تروحون العزبة
ورد ابتسمت : اي بنروح يلا انا بصعد
صعدت ورد عند البنات وهي تبي تسوي لهم مفاجأة فتحت الباب : مرحبااااااا
صرخوا البنات بفرحة نجد ركضت تضم ورد : يهلا يهلا يهلا
ضحكت ورد : هلافيتس
همس بصوت عالي : ارحبي تراحيب المطر يا ورد بنت فزاع
ضحكت ورد : البقى يويلي كل ذي التراحيب لي
ضحكت ابيار وهي تسلم على ورد : ياورد تعالي شوفي عندنا وحده مكسره
شهقت ورد من شافت انهار وكتفها المجبر راحت لها وهي تسلم عليها رمت النقاب ونزلت الطرحه على كتفها : يابنت شفيك
انهار ضحكت : هدي مافي شي بس رضة طافتس ياورد بس
ناظرت لهم بفضول : وش طافني قولو
ضحكت نجد : تخيلي انهار و شيخة تصافقو وشيخة الدفشة كسرت كتف هالضعيفة
ورد بعصبية : ياخي ذي وش مشكلتها بعرف ! حتى علي ترمي كلام ماني عايزه عنها ترا بقوم ادق خشمها سكتت من التفت لهمس وابيار وناظرتهم ابيار وهمس ناظرو بعض وانفجرو ضحك
ضحكت همس وهي تضرب ورد بخفة : ياحبيبي عادي
ورد تنهدت : اشواا
التفتو على غلا الي دخلت ومعها شيخة الي شمقت ورد ونطقت : افيه البيت اكتئب !
غلا وهي تلف خصلات شعرها : صادقة تعالي بس سويلي ويفي
نجد غنض عيونها : غلا خذي التبن ذي وفارقي برا
شهقت شيخة : ماتبن الا انتي فاهمه !
نجد : يليل دزي بس يع ورعه صدق
غلا بعناد : اقول فارقي بسوي شعري
همس : البخي بس متخلفات
-
نجد تذكرت : اي صدق ورد امتس عندنا جيتي مع من
ورد : اخوتس متعب
شهقت شيخة وهي تناظر ورد : وشنهووووو
صرخت غلا بالالم : اييي وجعععع اذنييييييييي الفير
شيخة تركت الفير وناظرت ورد بغضب وغيرة : نعم وش قلتي جايبه بروحتس مع متعب شعندتس هاه ؟؟؟ وش ناويه عليه بعرف !
ورد بسخرية ناظرتها من فوق لتحت ناظرت لها همس : ماعليتس منها كملي
ورد تنهدت وهي تتمالك اعصابها : اي اقولكم نايف ومتعب وصلوني هنا
شيخة تركت الويفي وطلعت برا الغرفة بغضب وكره لـ ورد غلا شمقتها بتكشير : يليل شفيها ذي
ابيار تاففت : تكفين سوي خير بحياتس وفارقي معها
ورد : لا لا خليها تجلس خلونا ننزل تحت الجو يجنننن
همس : صادقه عادي يقولون في امطار اليوم
انهار بهمس : لا تنسوون بنروح العزبه العصر !
ابيار : ماعليتس بس انتي منتي رايحه
رفعت حاجبها انهار : نعم وليه ان شاء الله
همس : ماعليتس منها امشي يلا
طلعو البنات من الغرفة نزلو يتراكضون تحت ام تميم بصراخ على البنات : وجع وش كبركن وتهابدن
ضحكت ورد : ماعليش ياعمه اسفين
ام تميم : عشانتس يابنتي بسامحهم ترا
-
« بالسوق »
سيف وهو يحط صنادقين البشوت لرجال بسيارته حرك الرجال : ياوك تعبت ظهري تكسر
فيصل ضحك : شدعوه يا رجال
الجد سليمان : اقول عن الرباده وكمل شغلك
سيف تافف : يا جد شفيك علي هذاني اشتغل وين الرباده
الجد سليمان جاء بيتكلم وقطعه رنين تلفونه رد عليه ورفعه لاذنه : الو
نجد : جدي وينك
الجد سليمان: هلا والله نجد العذية
ابتسمت نجد بخجل تعشق جداها اذا نادها بهالاسم تحس انه غيرررر وبذات ان هو الي مسميها : هلافيك ياروحي ياجدي ممكن طلب
الجد سليمان بحُب لحفيداته ومستحيل يرفض لهم طلب : وصلتي
نجد بترجي : جدي بنروح العزبة بنشوف النياق وبنت عمي فزاع معنا ورد
فز قلب الجد سليمان من قالت نجد ان ورد معاهم : تم الحين برسلك سيف يجي يوديكم
الجد سليمان: هلا والله نجد العذية
ابتسمت نجد بخجل تعشق جداها اذا نادها بهالاسم تحس انه غيرررر وبذات ان هو الي مسميها : هلافيك ياروحي ياجدي ممكن طلب
الجد سليمان بحُب لحفيداته ومستحيل يرفض لهم طلب : وصلتي
نجد بترجي : جدي بنروح العزبة بنشوف النياق وبنت عمي فزاع معنا ورد
فز قلب الجد سليمان من قالت نجد ان ورد معاهم : تم الحين برسلك سيف يجي يوديكم
نجد : لا جدي اول شي بنروح ناخذ اغراض للعزبة حلويات وكذا من السوق وبعدها نطلع للعزبة
الجد سليمان : تم برسل لكم فلوس مع سيف لا تدفعن من عندكن الي تبنه خذوه طيب
نجد بفرحة : يا عسى ربي يحفظك لنا ويمدك بالصحه والعافية
ابتسم الجد سليمان وهو يقفل من نجد وقام من كرسيه يدخل المحل ينادي سيف : يا سيف يا سيف
سيف : عزاه سيف ماهو مرتاح دام جدي وراي يلاحقني
ضحك ذياب : يارجال شوف وش يبي
دخلوا متعب وتميم ونايف : السلام عليكم
الجد سليمان : وعليكم السلام الله جابكم
سيف رفع حاجبه طير عيونه : ياجد امر وش بغيت ؟
الجد سليمان : البنات يبون يروحون العزبة تميم و يا نايف ويا متعب اسبقوهم هناك وسياف وفيصل وسيف ياخذون البنات وذياب وسعود عندي
سياف : تم ابشر
سيف يتحلطم : لا والله وش يبون رايحين عزبة رجال
الجد سليمان بحده : اص بس اص كلمتي وحده خذوهم ورحو لسوق الديرة يبون اغراض وتعدو للعزبة
سيف طير عيونه بحده : نعم بعد يبون سوق الديرة ؟؟!
الجد سليمان خزه : عندك مانع ؟
ضحك متعب وهو يربت على ظهر سيف : خلاص باخذهم انا
سيف بتفكير : سياف وفيصل بسيارة معي بنتهاوش امش معي انت وتميم
سياف شهق وهو يناظر فيصل : حنا ندور هواش
ضحك فيصل : انا ادري عنه
سياف كشر بوجهه سيف : وخر انا وسياف ونايف بنروح العزبة وخذ الشياب معاك
سيف : الشياب ابرك منكم
طير متعب عيونه : ولد احترم من الشياب
سيف خزهم وهو ياخذ مفتاح سيارة جده وقفه تميم : وش وش بتاخذنا بسيارة جدي
سيف : ايه يلا امشو بسرعه
متعب : امش امش بس شنسوي يرجال
ركب متعب السيارة وتميم معه والي يسوق سيف بعد ماحلف عليهم ان هو الي يسوق فيهم متجهين لبيت جدهم * دقايق ووصلو عند البيت *
YOU ARE READING
كل ليلة تزيّن قصيدي ذهبك
General Fiction-نبذة تعريفية عن رواية : روايتنا تتكلم بين الديرة وبين المدينة الي هي الرياض قرر الجد سليمان استقراره هو وعياله وأحفاده برجوعهم لديره بطلتنا ترجع ورد لسعودية بعد ترك ابوها ديارهم وانتقل فيها هي واخوها نايف لاستقرار في الكويت تخطط لانتقام لابوها...
