سياف واقف بمكانه يترجف من الي سمعه كذلك العيال وجيهم تجمدت بصدمة ام تميم حست بالدوخة وطاحت عليهم شهقت ام سعود وهي كذلك ترتعش برعب : ام تميم ام تميم قومي ام تميم
ورّد مسكت غلا الي ضامه نفسها وترتجف وهي تتذكر الليلة المرعبة كانت تخطيط من شيخه غدرت فيها لاجل نفسها تبكي غلا بشكل هستيري
نجد ماتحملت ونزلت دموعها على اختها شيخه سبب عذاب اختها بتوعد تركض لها وبصراخ : اختي الي صار فيها الله يلعنتس يالوصخة يالقذرة غلا انظلمت بسببتس
ذياب صراخ مسكها من شعرها بقوة : انتي سويتي بزوجتي كذا انتي غدرتي فيها
غلا ترتجف وتصرخ تغطي اذونها وتردد : كان بيلمسني كان بيلمسني
انهار بصراخ توقف حالة غلا و ورّد تساعدها بكت ورّد بقهر على غلا ابيار صرخت : ذياب ذياب غلا غلا تعال شوفها
التفت ذياب يشوف غلا ترتجف وتصرخ وتبكي ترك شيخه وركض لغلا ابتعدو البنات عنهم مسكها وهو يهديها : غلا غلا اهدي غلاااا
رفعت راسه لذياب بدموع وصراخ : ذياب كان بيلمسني كان بيلمسني ذياااااب ذياابب
مسكها وهو يضمها لصدره يطمنها : انتي عندي انتي بذراي محد جاي صوبتس
همس لامها وبدموع : يمه قومي يمه قومييييي قوميي
سياف تميمم يبه
ثامر مسك ام تميم وشالها وركض فيها السيارة للبيت مع اسيل وتميم الصغير نجد بصقت على شيخه : الله يلعنتس الله ينتقم منتس
الجد سليمان شهق وهي يغمى عليه صرخ نايف : جدي سعود و نايف و فيصل وفيصل وتميم شالوه وهم يطيرون فيه للمستشفى
متعب مشى لغلا وهو ينحنى لمستواها : غلا ابوي انتي غلا
غلا ابتعدت عن حضن ذياب وناظرت متعب نطق متعب : انتهى انا اخذت حقتس وزود انتهى كل شي
هزت راسها غلا ورجعت تدفن راسها بصدر ذياب شدت على ثوبه وذياب وده يذبح اخته بقهر غلا همست لذياب ترتجف بشهقاتها : ذياب خذني من هنا خذني تكفى
مسكها وهو يطلعها من العزبة وركب سيارته ومشى فيها همس وابيار راحو لشيخه الي ضامه نفسها وتبكي نزلت همس بمستواها ونطقت : ليتس ماصرتي بنتنا
شيخه ناظرت لها وبقت ساكته بس تبكي جت بتقوم طاحت مغمى عليها والنزيف نزل من ملابسها شهقت ابيار بخوف وتبكي التفت لام سعود واقفه وماسكها راسها بعد تصديق : عمه تعالي شوفي عمه
ركضت لهم ام سعود وشهت من شافت الدم ينزل من شيخه ناظرت سياف : سياف شيلها شيلها المستشفى شالها سياف وهو يشتم فيها ويلعنها وطار فيها للمستشفى
انهار راحت لهمس وابيار ضمتهم وهي تبكي ابيار : ماتوقعت اختي بهالنجاسة ماتوقعتها
ورّد كانت تناظر متعب الي واقف عند باب الخيمة نزلت دمعتها ومسحتها من اشر لها : لا تبكين
هزت راسها ونطق متعب بعد ما اخذ حقه من الجد سليمان : انهار نجد ابيار همس و ورّد امشو خلوني ارجعكم البيت
مشو يركبون الي بالمستشفى والي بالبيت حالة بيت سليمان آل عبيان يرثى لها انكشفت الستاير عن الحقائق وعرفو انه شيخه شيطان مو انسانه مافيها رحمة ولا فيها حياء
« المستشفى »
وصلو العيال وهم يحطون الجد سليمان ودخلوه غرفة الانعاش وابتداء الدكتور ينعش قلب الجد سليمان وبعد مدة دامت ربع ساعة من محاولة الانعاش رجع النبض له ومجرد مافحصه عرف الدكتور وش الي تعرض له الان التفت للعيال ونطق بكامل الاسف : للاسف المريض دخل غيبوبة
تجمد وجه نايف بصدمة من الي سمعه ! جده دخل غيبوبة بلع ريقه يمسك راسه سعود يمشي ويجي بعدم تصديق نزلت دمعته : يارب صبرك يارب تستر علينا يارب الهمنا الصواب
سيف نزل بالارض طايح ومسكه فيصل : جدي لا جدي مافيه شيء
تميم ضرب الجدار بقوة وصرخ : والله لا اذبحها والله لا ادفنها مثل ماوطت راسنا وينها وينها
جاء لهم سياف ومعاه شيخه الي تنزف دم وطايحه ركضو له الممرضات واخذوها : انا اخوها انا اخوها
هزت راسها الدكتورة وركضت بشيخه : تعال معاي
ركض وراها سياف دخلت الممرضه ابتدت تفحص شيخه نبضها بدء ينزل الممرضة : دكتورة نبضها بدء ينخفض
الدكتورة صرخت : عمليات بسرعه عمليات نحتاج نوقف النزيف باسرع وقت
سحبو السرير فيه شيخه ودخلوها غرفة العمليات ناظر لها سياف وهو ماسك راسه : شصار شفيها
هزت راسها الدكتورة : كونو مستعدين بندخلها غرفة العمليات
دخلت الدكتورة غرفة العمليات ويدين سياف ترتجف بعدم تصديق من الي صار اليوم مشى بالممرات يدور على اخوانه يرتكي عليهم يردد : لا لا مافي شيء لاا كذب كل هذا كذا بدء يمشي وقف عند الاستقبال : قبل شوي وصل سليمان آل عبيان وينه فيه
موظف الاستقبال نطق : قسم الغيبوبة هز راسه ومشى لقسم الغيبوبة شاف تميم وسعود ونايف وسيف وفيصل ناظرو لسياف الي على ثوبه بقع من الدم تميم عيونه محمره من الدموع عقد حاجبه وركض لسياف يمشي سياف بترنح من الصدمة الي صارت اليوم مسكه تميم : سياف وشفيه ليه ثوب كذا انطق
سيّاف وهو يرتجف : جبت شيخه نزفت ودخلوها غرفة العمليات قالت الدكتورة كونو مستعدين !
تجمدت عروق دمه من الي يسمعه اخته على فراش الموت بعد ما انكشفت خططها وجده الي دخل غيبوبة مسك راسه تميم بتعب : امشى ودني لها امش
سعود ونايف يناظرون بعضهم همس سعود : استغفرالله واتوب اليه
نايف بعدم تصديق بلع ريقه : اعوذبالله من هاليوم
سعود ناظر اخوانه : قومو يلا قومو مابيدنا شيء خلونا نرجع البيت
هزو رووسهم وقامو كلهم مع بعض وطلعو من المستشفى راجعين البيت بستثناء سياف و تميم الي جلسو عند شيخه
YOU ARE READING
كل ليلة تزيّن قصيدي ذهبك
General Fiction-نبذة تعريفية عن رواية : روايتنا تتكلم بين الديرة وبين المدينة الي هي الرياض قرر الجد سليمان استقراره هو وعياله وأحفاده برجوعهم لديره بطلتنا ترجع ورد لسعودية بعد ترك ابوها ديارهم وانتقل فيها هي واخوها نايف لاستقرار في الكويت تخطط لانتقام لابوها...
