كل ليلة تزيّن قصيدي ذهبك

بارت 32

همس تخصرت : عشان تعرفون لمساتي
نجد : اخلصي بسرعه سويلي ابي ناعم
بدت همس ترسم عيون نجد وانتهت منها دخلت غلا عليهم وناظرو لها البنات وكلهم شهقو صرخت انهار : اويلي اويلي اموت من الحريقه الحين غلا وشذا الميكب الشعر الفستان
غمزت ابيار : محد متهني الليله غير ذيابووو
كشرت غلا وهي تهبدها : اسكتي بس
غمزت لها نجد : طولتي ليكون تعايدينه قبلنا
ضحكت غلا : وجع بس لا اخلصو
ورّد قفلت على الروج والتفت للبنات : انا خلصت كيف ؟
طارت عيونهم كلهم وشهقت همس : هي لابسه احمر وانا ثوره هجت
انهار وهي تمسك راسها : موتٍ حمر اموت على الاحمر اموت يزاهتس هاللون
ضحكت ورّد : بالله ؟ يعني شكلي ضابط
همس هزت راسها: اي اي ضابط
ابتسمت غلا : يلا خلونا ننزل
نزلو البنات تحت وهم يضبطون قهوة العيد وحلا العيد 
-
« بعد صلاة العيد الي صلوها العيال بالمسجد الي قريب من المزرعة ورجعوا من المسجد »
وهم يسلمون على بعض ويهنون بعض ام سعود وام تميم وام نايف فرشوا السفرة للرجال وحطو لهم الفطور والكبدة وكل مالذ وما طاب الجد سليمان وهو يشوف احفاده حوله وسعد معاهم : الله يديمها من جمعه وعساه كل سنة يعود علينا بصحة وسلامة
كلهم رددو كلمة " امين " والتفت سيف بغمزه لجده : جعلني افدا لحيتك الشيبه لا تنسى قروش العيد
عبدالعزيز غمز لولده يسكت : لا ماعليك منه يا يبه
سيف طير عيونه لابوه وهز راسه رجع يكمل كلامه : الا ياجدي ماتكمل العيد الا بفرحة القروش عاني اتحرى العيديه منك
ضحك الجد سليمان : ابشر بعد الفطور ابي اعايد البنيات ثم اعايدك
سيف كشر : احنا اول يا جدي
~ بعد ما افطرو وخلصوا الجد سليمان دخل عند الحريم بصالة هو وعياله ثامر وعبدالعزيز تقدموا البنات يعايدون جدهم بـ استثناء ورّد مشت تعايد عمامها نجد عايدت وقبلت راسه  : كل وانتم بخير وسلامه
الجد سليمان : وانتي بخير وسلامه مدلها العيديه وجت وراها همس وبعدها غلا ثم ابيار ثم انهار ثم اسيل والاخيرة كانت شيخه التفت يشوف ورّد تعايد عمامها ولا تعايده تنهد بضيق وهو عارف ان ورد للحينها شايله عليه بقلبها نده على نجد : نجد
ناظرت له نجد ومشت له : لبيه جدي
مدلها عيدية ورّد وبهمس : هذي عيدية ورّد عطيها لها
هزت راسها نجد بتفهم : ابشر جدي
عبدالعزيز يضحك مع ورّد : هاه ياورّد بتتركينا بعد بكره
ضحكت ورّد : اي الحمدالله بعد بكره ماشين
ثامر : وشصار على الجامعات قدمتي
ابتسمت ورّد : اي همس قدمت لي وبنتظر القبول متى يطلع
عبدالعزيز : يا عسى ربي يوفقتس واذا تبين شي عاد لا تنسين ورارتس عمام
ضحكت ورّد هزت راسها بالنفي : لا ابشر ماعليك
عبدالعزيز ناظر لثامر : يلا اجل حنا بنطلع نعايد مقرن ال عتيق ولا يبه
اعتدل بوقفته الجد سليمان وارتكى على عكازته : الا يلا سرينا
مشى الجد سليمان وعياله ثامر و عبدالعزيز جلسوا البنات يتقهون ويتحلون تقدمت نجد لـ ورّد مدت لها العيديه : ذي من جدي
رفعت حاجبها ورّد : ما ابيها
نجد هزت راسها بالنفي : بتاخذينها عيديه ترا عادي خذيها العيديه ماتنرد ترا
تنهدت ورّد بتردد واخذت العيديه منها : عشانك ترا
ابتسمت نجد وضمت ورّد : اهم شي انتس اخذتيها
ام سعود التفت لـ همس رفعت صوتها : همس يا همس
همس الي كانت مشغوله بالحلا والقهوه سمعت ام سعود تناديها فزت : هلااا عمه
ام سعود : ياهمس جيبي المويه البارده الي ف ثلاجه
تاففت همس وهي تترك صحن الحلا : ما مداني اتحلى الحين يجون المشافيح ويلهطون الحلى كله
ضحكت غلا : تبيني اخذلتس والفهم بـ فاين
ضحكت همس : تعجبني حركات الجدات تم تم تم
غلا : افا عليتس ذكيه ذكيه
~ عند العيال الي يتضبطون قبل لا يدخلون عند الحريم لاجل يسلمون على امهاتهم سعود التفت لـ سيف الي وراء يرقص ضحك : ولد انثبر بس
سيف وهو يرقص وسياف يرقص معاه نطق سيف : سعود فكها خلني اتنكس ياخي
تنهد متعب : يلا ادخلو
سعود بالنفي نطق : لا هصبرو خلنا نعطيهم خبر عشان البنات
دخلت همس المطبخ التفتو البنات على الي تنحنحو ونطق سعود : يمه عمتي ام تميم عمتي ام نايف موجودات
ام سعود : ايه ايه موجودات
سعود ناظر العيال : ماعليتس امر يمه قولي حق البنات يدخلن بندخل نسلم عليكم
البنات سمعو سعود وتاففت انهار وهي تخزهم وتكش عليهم : وع وع مشينكم
نجد عضت شفتها : يويلي بنات خذو الحلى والله لا يفضونه سيف وفيصل وسياف
غلا : اي بالله صادقه خلونا ناخذه
انهار ناظرت الحلى وناظرت لها ام سعود : انهار وجع اتركي الحلى العيال بيتقهون
انهار بضجر : يمه الحين الدفش سيف وفيصل وسياف يبلعونه كله ولا يبقى لنا شي
ام سعود بحده : فارقي اقولتس ما هم مخلصين
ابيار تخصرت وهي تاشر على ذراعها : اقص ايدي اقصها اذا مانفضو الحلى نفض مشافيح هالثلاثه
ام تميم : ابياروه وقص هاللسان فارقي خلصيني
ورّد ضحكت على اشكال البنات : امشو بنات امشو
دخلو البنات داخل ونطقت ام سعود تناديهم : ادخل يا سعود ادخلو
دخلوا العيال بكامل هيبتهم و كشختهم وترسيمهم وكلهم يسلمون وجلسو يتقهون ويسولفون مع امهاتهم ضحكت ام نايف وهي تشوف العيال وكشختهم رفعت يدينها تدعي : يارب مايجي العيد الثاني الا وكلن مع حرمته
سياف وسيف وفيصل بصوت واحد : امين
ضحكت ام سعود : تقهوى تقهوى
سيف شاف الحلى مخبينهه تحت الطاوله ضحك عرف ان البنات خبوه عنهم  وناظر لسياف وفيصل وضحك لهم وهو ينطق : شوفو وين حاطين الحلى
سياف شاف الحلى بعدم فهم نطق :ويعني؟
فيصل ضحك : غبي صدق ليه حاطين الحلى هنا عشان ما نتقهوى عليه
سياف ناظر لفيصل باستغراب : طيب مافهمت
سيف ضرب جبينه : انت غبي هذا الشي لازم تعرفه انت بهيمه
سياف ضربه من ظهره : والله ما البهيمه الا انت
سيف : ياغبي ياحمار يحسبون بناكله كله
سياف : اها فهمت اقول خلونا نطلع وناكله
سيف غمز لهم بخبث : انا اعلمكم فيهم
فيصل ضحك : وش بتسوي يعني ؟
سيف مسك دقنه واشر له بمعنى " شوف " مسك الحلى سيف ورفع صوته وهو ينطق : الا يا عيال الحلى الي تحت الطاوله ياحلوه ذقوه ذقوه
سياف يكمل مع سيف رفع الصوت : اشهد انه حلو هذا خامس حبه اكل منه
تميم ناظر لهم : وين ناكل وانتم حاضنين في ذا الصحن
البنات الي كانو يناظرون للعيال من فتحت الباب شوي كل همهم الحلى لا يخلص شهقت انهار وهي تحط يدها على صدره : قفطو مكانه هالسلنتح
كشرت ورّد : يالليل من البقر امداهم يشوفونه
نجد عضت شفتها : يبنات انا حاطه عيني على اخر حبه فيها كندر الحين بتروح
انهار رفعت صوتها وهي ماتهاب احد وبجرأة : سيففففف وفيصلللللل اتركووووا الحلى يااااا المشافييح
فز متعب من صوت انهار : ابو عز
فز معاه ذياب : ابو ناصر ابوه
طارت عيونه سعود من صوت انهار فيصل و سياف ماتو ضحك شرق سيف بالحلى تقدم فيصل وهو يهبده على ظهره تميم و نايف حكو جبينهم وهم يتصددون باحراج عض شفته متعب وبتهديد : انهار صوتس لا اقصه لتس
انهار بغضب : متعب قل للحمير الي عندك الثلاثه لا يخلصون الحلى علينا
ام سعود : ام لسان انا اعلمتس اطلعي بس
سيف وهو ميت ضحك وتوه شرقان بالحلى : يمه يا هيب من عينها
نايف تنحنح وهو يكتم ضحكته وهو يدور مويه قدامه بهمس : ابلش مافي مويه
تميم جنبه : رح للمطبخ فيه مويه
قام نايف متجه للمطبخ يبي مويه مشى بيدخل وبيده سبحته يلعب فيها تصنم بمكانه وهو يشوف الي قدامه واقفه تناظره بصدمه همّس انحشرت المطبخ ولا هي قدرت تطلع بسبب ان العيال برا وقفت عند الباب دخل نايف بوجهها شهقت بخوف : يمههههه
فز نايف يمسك قلبه : ابو فزاع الله يروعتس اي بالله
بلع ريقه من شاف همّس قدامه بفستانها الوردي ماسك على الجسم يفصل جسمها تفصيل يظهر نقاوه وبياض بشرتها الصافيه شعرها الكثيف منسدل على كتافها ميكبها الي بارز حلاوة ولُطف ملامحها اتسعت حدت عيون همّس وهي تنطق بعصبيه : غض البصر وجع يا نايف غضها
ناظر لها وهو مطير عيونه عليها نطق : وش الي وجع مجنونه انتي انا بغضها بدون لا تقولين لي
همس تخصرت بحده : ايه خير ان شاء الله تبي تغضها وللحينك واقف قدامي
اخذ نفس يتمالك غضبه : اقول انتي مهبوله فيتس بلا ماني جاي صوبتس انتي الي طلعتي في وجهي
همّس كشرت : لا تعقب انت الي طلعت مب انا
اقترب نايف بشويش يسمعها تقوله اعقب طار عقله : عيدي وش قلتي عيدي !
همس بدت ترجع للخلف بخوف وتوتر : اقولك اعقب ياخي فكني روح ارجع داخل لا يشوفونا ويحسبون شي ثاني
ضحك نايف وهو يتخصر : مثل وش يعني بيفكرون ؟
همس شمقت له : مطولك يا بال نايف انت مجنون ؟ اقولك اطلع لو احد يدخل هنا وش بنسوي
نايف ضحك : بيجينا سليمان يازوجنا
ضحكت همّس على كلامه لا شعوريا : غبي والله ما اوافق عليك
نايف وهو يعدل نسفته غمز لها : لابو بليتس وشفيني شوفي وش زيني وشملحي ومعي فلوسس
كشت عليه همّس : مشينك ماني ميته عليك لو يخيرون بين الموت ولا اتزوجك بروح للموت
شهق نايف طارت عيونه : افا والله اني حليل
شهقت همس من كذبته رفعت يدها على صدرها : لا تكذب الكذب زي السلام عندك تبيني اذكرك انك رفعت صوتك علي يوم جيت غرفتك
ضحك نايف يناظر شكلها الي بدت تعصب للحينها متذكره الموقف : انتي للحينتس ذاكره الموقف
همّس : ايه روعتني والله معليش دعيت عليك لا وش معليش الا تستاهل 
نايف : افا يا همّس بس ليكون دعيتي علي بالموت
همّس ضحكت على جنب: شدعوه ماني قاسيه لدرجه ذي
نايف رفع كتوفه وهو يناظرلها : انا ادري عنتس
همّس تاففت : نايف ترا غلط انك جالس تسولف معاي كذا
نايف بلع ريقه و وعى على نفسه : ايه بالله العذر والسموحه
همس هزت راسها ناظرلها ومشى بيطلع طاح عند الباب وطاح شماغه وعقاله ضحكت همّس بعفوية من طيحته : اللقممم
عض شفته نايف بـ احراج وناظرلها : لا تضحكين بنت !
همّس هزت راسها : طيب طيب رح بس
طلع نايف من عندها عض على شفته باحراج ونطق وهو يتذكر شكلها : موتٍ وردي الناس تقول موتٍ حمر وانت يا نايف موتٍ وردي امحق ضحك على نفسه ومشى وهو يعتدل بمشيته ناظر العيال قاموا نطق سعود : يلا مشينا نسلم على العم مقرن وعياله
هز راسه متعب ومشو وراهم كلهم طالعين من البيت
فتحوا البنات الباب من شافو العيال طلعو ركضوا يطلعون من الغرفه انهار مسكت الحلى وهي تناظر شهقت طيرت عيونها : مابقى شي
ورّد : تكذبيييين!!!!
نجد : لااااا اتركوووووو الكندر حقتيييييي
ضحكت ورّد من شافت ان الصحن باقي مليان هبدت انهار : يا حيوانه خوفتيني احسب صدق خلص
انهار ماتت ضحك وجتهم همس الي تركض : راحوو؟
غلا : بسم الله انتي وينتس
همس عضت شفتها : ابكم بنات انحشرت داخل المطبخ
ضحكت نجد : احسن
همس تاففت : تتوقعون مين دخل علي ؟
ناظرو لها البنات ناظرت همس ورّد واشرت عليها : السربوت اخوها
ضحكت ورّد بقوه : نااايييف !!!!
نجد : يلعن ام الاحراج
ابيار بضحك : انا سمعت بمواقف وقت العيد بس ماتوقعتها تصير على ارض الواقع يمه همس ضحكن
همس مسكت راسها : جاني هبوط اص اص عطوني الحلى
اسيل جت لهم وهي ماسكه تميم الي توه صاحي وجهه مفقع نوم ولابس ثوب العيد وشماغه ناظرو له البنات وركضت له ورّد انحنت له ورفعت لها جت بتبوسه صدمها تميم بكلمته : عمي متعب يقول لا تخلي ام الروج الاحمّر تبوسك عيب انت رجال
طارت عيون ورّد بصدمه بلعت ريقها وهي تناظر امها ام سعود وام نايف وام تميم وشيخه الي طيرت عيونها بصدمه نجد ضحكت وهمست للبنات : تميم جاب العيد
انهار عضت شفتها : يويلي راحت فيها ورّد
غلا بنفس الهمس : مسكين حتى من البزر غار يويلي عنه بس
انهار ضحكت وهي تشرق بالحلى ضربتها غلا من ظهرها : بشويش مابيطير الحلى
انهار وهي تضحك : شوفو وجهه شيخه قلب اسود
همس : اخ انصدمت
نجد : كفو عليه تربية عماته
ام سعود عقدت حاجبينها وابتسمت بخفوت وهي تنطق لاجل ترقع الموضوع : ايه ايه متعب دايما يهاوش انهار ونجد وغلا لا يبوسون تميم وهم حاطين روج
ام تميم : اها اي بالله ماهو حلو يعدم وجه الورّع
شيخه عضت شفتها والتفت تنطق لام سعود ضحكت بمياعه : ايوا تذكرت متعب قالها يوم ملكتنا بسته انا الظاهر غار ههههههه
ام تميم ضحكت بترقيع لبنتها وقبصتها من فخذها : اص اص
نجد ناظرت البنات : كذابه مو هي !
همس ضحكت : شفيتس انتي كلنا ندري انها كذابه
ورّد ابتسم وهي تنزل تميم زمت شفايفها بزعل : خلاص معاد ابوسك زعلت
تميم : لا دام انتي تبوسيني عادي بس عمي متعب يهاوشني لاني علمته انك بستيني
شهقت اسيل وهي تتبوسم بترقيع حطت يدها على فمه عضت لسانها : اسكت تميم لا اهبدك الحين
ورّد بلعت ريقها بتوتر واحمر وجهها ناظرت للبنات : همس ما جابت مويه ابي اروح اجيب تبون ؟
ضحكت غلا : ايه ايه نبي امشي انا ابي بعد
ورّد عضت شفتها ومشت بـ استعجال للمطبخ لحقتها غلا البنات ضحكو على شكل ورّد و ملامحها الي توترت واحمرت نجد : ماتتتت البنت
انهار ضحكت وهي تمسك دموعها من الضحك : يمه والله متتت تميم يجيب العيد بورّد و نرقع له
ابيار : يوم الاحراج العالمي
شيخه ابتسمت رغم قهرها وغيضها من ورّد تناظر جوالها وبدت تصور نفسها
-
« غلا ورّد بالمطبخ »
ورّد تمشي وهي تدور وتهوي على نفسها من التوتر دخلت وراها غلا منكتمه من الضحك : اهخ تميم تحفه
ورّد بعصبيه ناظرت غلا : غلا اص اص يمه جاب لي هبوط
غلا مسكتها : خلاص اهدي شفيتس عادي
ورّد عضت شفتها : اخاف الحريم يفكرون شي ثاني
ابتسمت غلا : لا ماعليتس بسرعه ينسون
ورّد بتوتر : ان شاء الله
غلا ابتسمت وهي تناظر ورّد : تحبينه ؟
ورّد بلعت ريقها ناظرت غلا بغباء وكذب : مين ؟
غلا غمزت لها : الله و اكبر صار مين ؟ اكيد متعب
ورّد تنهدت وهي تسند ظهرها على الطاولة سندت ظهرها غلا الي لمحته واقف على طرف من الباب الخلفي للمطبخ الي يودي لدور الثالث من البيت يسمع ورّد وهذا سبب سوال غلا لها نطقت ورّد وهي تلعب بخاتمها : غارقة في بحر من المشاعر يا غلا مشاعر غريبة متناقضة  مرة احس ابيه واحبه أحياناً احس باني مااطيق اسمع اسمه وطاريه حتى و سرعان ما احن و أشتاق له فجأة ماابي اتعلق بهالحب المستحيل احياناً أتمنى لو اني ماعرفته لو اني ماسولفت معاه طفشت طفشت
ابتسمت غلا  تناظر عيونها : لا تقولين مشاعر غريبه انتي تحبينه فعلا
ضحكت ورّد بسخريه : ماني عارفه نفسي كيف حبيته بشهر
غلا تنهدت : اخيه يا ورّد الحب يزرعه ربي لو كان ايش
تنهدت ورّد : الي ابغاه اني انساه ولا عاد التفت له ولا اشتاق بالمره طول عمري كنت اقول كذب مين حب مجنون الي يمشي بطريق كله تعب غيره شكوك برود كنت اقول ما يفوز بقلبي غير الشجاع والحين فاز بقلبي  الي ماهو شجاع اف اف
ابتسمت غلا جت بتنطق نادتها ام تميم : غلا يا غلا
غلا رفعت صوتها : هلا عمه ؟
ابتسمت غلا جت بتنطق نادتها ام تميم : غلا يا غلا
غلا رفعت صوتها : هلا عمه ؟
ام تميم : تعالي ابيتس بشغله
غلا ناظرت لـ ورّد : لا تحسبين كلامنا خلص باقي بتفاهم معاتس طيب !
هزت راسها ورّد وضحكت : طيب طيب انا بجيب المويه
طلعت غلا تنهدت ورّد بلعت ريقها وهي تتكتف صدت لجهة الباب تناظر بشرود هي بتترك الديرة وبنات عمامها بعد بكره خلاص معاد بترجع الديرة شدت على قبضة يدها تجهل حالتها انتبهت على وجود طرف قماش ابيض عند الباب عقدت حاجبيها وهي تمشي بـ اتجاه الباب طلعت وهي تشهق بقوة برهبة الخوف والتوتر اتسعت حدت عيونها من مسك خصرها بيده اليمنى ويدع اليسرى على ظهرها بلعت ريقها تناظره بذهول ترمش مره مرتين تستوعب الموقف وانها بين يدين متعب الي واقف متجمد بمكانه وهو يشوفها بالفستان الاحمر الفستان الي شافها باول مره بـ الصدفه الي جمعتهم الفستان الاحمر الي قدرت فيه تسرق قلبه وما ينكر من عيّنها الوسيعة الي تكساها الاهداب الكحيله للفستان الأحمر الزاهي اللي عليها ومبسمها ايقن باللحظه هذي قصيدة خالد الفيصل الي جرت كلماته  مثل الندى للورد بالقلب طاريك ربيع قلبي شوفتك ياغناتي أهوى نهارك واتعشق لياليك وازن على نبرة حديثك غناتي سحاب مالي طمعة يوم أناديك إلا إني ألقى في نباتك طراتي هي فعلا نهبته اخذت منه قلبه وعقله شتتات وتركيز وثقله هو مايقوى لها اخذت نفس بصعوبة وهي تفلت يدينه منها ارجعت للخلف بخطواتها بلعت ريقها تنطق له : ماعاد فيني شوق أو قلب يحبك ودعتك الله لا تجيني ولا أجيك يا متعب
هز راسه بالنفي وهو يسمع كلامها شد على قبضة يدها ونطق : ضحكتي غابت و عيت لا تجيني وش اسوي لا اسألوني الناس عنها؟ الغي قرار البعد يا ورّد مالتس ومال اللي يثور جروحي أنا دخيل اللي مكملتس بالزين يا ماخذه عقلي وقلبي وروحي لا توادعيني قبل ما تستخيرين ولاتستهينين بشواهق صروحي اذا نويتي تروحين أخذي يديني في يدينتس وروحي
ناظرت له ورّد وهي تتكتف ابتسمت ابتسامه ساخره ونطقت : بحضر عرسك وبرقص فيه وبلبس الفستان الاسود الي يعلمك بهات بسمتي فمان الله لعاد اشوفك
مشت وتركته متجمد بمكانه يناظر مكانها غمض عيونه ونطق :  عجزت افهم انا شسويت كاني بـ حكاية ضايع بين أوراقها و فصولها كل ما افكر بالبعد احس اني ما انتهيت اثاري هذا تأثير حبتس ياورّد و قوي
مفعولها الفرق بيني و بينتس انا جيتاس اذا حنيت و انتي تخفين مشاعرتس ما تقربين حولها
تنهد بضيق وهو يلملم شتاته مشى للعيال يجلس معهم