كل ليلة تزيّن قصيدي ذهبك

بارت 40

خالد بانفعال : لا يا متعب لااااا لاااا اهدا لا تعترض طريقنا ومهمتنا بناخذ حقك منهم كلهم صدقني
متعب مسح على لحيته يهدى ويركز ويفكر انه عرفها قبل العرس بيطلقها ويروح لورّد جوفه وده ينهي شيخه من الوجود الحين مسك شعره ومسح على لحيته من طرت عليه فكره ناظر لخالد : اقبضو عليهم هالحين وبالعرس راح افضحها قدام الاهل كلهم والله مايرف لجفني نوم ان ماطفيت ناري فيها
اربت كتفه خالد : مثل ماتبي يا متعب بيصير
قام متعب وهو يقول : حقك كثير وكبير يا خالد تبشر بالي يرضيك
ابتسم له خالد : الي ابيه انك تكون هادي ومحد يحس انك فيك شيء وصل
هز راسه متعب ومشى خالد ومشى متعب وراه وهو منذهل من فعايل شيخه

-
« الرياض / بالمطعم »
شهقت غلا من ذاقت الاكل : لذيذ مره
ورّد ابتسمت لهم : فعلا مره لذيذ ذويقه ناديه
ناديه وهي تبعد خصلات شعرها ورا اذنها بغرور نطقت : من يومي ذويقه بس تسوون نفسكم ماتعرفون
ضحكت ورّد تناظر غلا : يوه صدقت نفسها شفيك انتي والذوق ما تجتمعون
هزت راسها ناديه : اي قولي كذا من الغيره
غلا : اقول انتي وياها وش رايكم نروح بعد المطعم الصالون ابي اسوي اظافري قبل لا نسافر بكره
ناديه باستغراب : وين رايحه
غلا ضيقت عيونها : تسوي نفسها ماتعرف شفيتس نسيتي زواج متعب بعد يومين
بلعت ريقها ورّد تكمل اكلها وتسكت عضت شفتها ناديه من طاري متعب وناظرت ورّد الي تاكل بصمت وغمزت لغلا تسكت هزت راسها غلا بتفهم ناظرت لهم ورّد وعرفت نظراتهم لها تاففت وهي تترك الاكل شبكت يدينها : نظراتكم ذي وش تفسيرها
ناديه عضت شفتها : مو قصدها تجيب طاري متعب قدامك
غلا مدت يدها ليد ورّد : اسفه
ابتسمت ورّد : غلا على وش تتاسفين حبيبتي ماله داعب وبعدين متعب خلاص من الماضي انا تخليت عنه وعن حبه الي بقلبه حالياً مين متعب مااعرف متعب صدقيني معاد يهمني تنهدت وهي تسكت بلعت ريقها تكبح نفسها وكذبها هي مانسته كيف تنساه بين ليله وضحاها هو شاعرها هو ساهر ليلها تحاول بقدر المستطاع بلع ريقت رجعت تكمل اكلها
رجعت غلا تسالهم : وش قلتو تروحون ولا ؟
هزت راسها ناديه وهي تمسك اطراف شعرها : ايوه انا ابي اروح بسوي رينساج لشعري
ناظرت لها ورّد : اممم غيري صبغتك احس اصبغي هايلايت
ناديه ناظرت غلا : تحسينه حلو ؟
غلا : جربي احس بيطلع حلو
ابتسمت ورّد بفكره : ابي اقص شعري
شهقت غلا بالنفي تنطق : لا لا لا ياويلتس
ضحكت ورّد : موب القصير مره ترا عند ظهري العلوي عرفتي
غلا تنهدت براحه : اي كذا عادي
ناديه ناظرت ورّد : وشرايك بعد تخلين غرتك مدرجه مره بتطلع واو مع الڤوليوم
ورّد هزت راسها بالموافقة : تم بسويه ومره بعد خلاص مابقى على الجامعة غير اسبوع صح ؟
غلا هزت راسها بحماس : يوه بنات متحمسه للجامعة
ورّد حطت يدها على خدها : متوتره احس بضيع
ناديه رجعت ظهرها للخلف : ماعليك محزمك ودرعك يتوسط لك عند كل دكاتره التخصص
ضحكت ورّد : رخيها يالفتامين واو
كشرت ناديه : ماش ماتعرفين للفزعات المهم ابي قهوه راسي مصدع ماشربت قهوه
غلا ضحكت : مسويه راعية كيف وراسها مايسوى ريال حتى
طارت عيون ناديه ورفعت الملعقه بوجه غلا : برجعك كعابي بيتك
ضحكت غلا بقوة : غبيه وش كعابي الاوبر واحم زوجي يعني يقدر يجيني واصلا بنت عمي ماتتركني
خزتها ناديه : مستقويه بزوجها نسيت عندها زوج
ضحكت ورّد تناظر غلا بصدمه وذهول تقول " زوجي " : غلا متى الاعتراف ماتحسون طولتو ؟
غلا بعدم فهم : وش
ورّد ابتسمت : تسوي نفسها غبيه
ناديه وهي تاكل : تشوفين
ورّد : اقصد انتي وذياب متى ناوين تعترفون لبعضكم
غلا بلعت ريقها بـ ارتباك : بس هو مايحبني مااعرف مشاعره اتجاهي
ابتسمت ورّد : بس يمكن يحبك لازم تعرفين حركاته معاك وكلامه معاك لاجل تتأكدين اذا يحبك ولا
غلا رفعت كتوفها: مااعرف بس اجهل حياتي معاه مااعرف وش ممكن يكون مصيرنا بالمستقبل الزواج بيستمر
ورّد مسحت على كفوف غلا : بيستمر تمسكي بحبك الاولى والوحيد لا تخسرينه ولا تتركينه انتي يا غلا تقدرين تكسبين قلبه انتي هيمانه فيه منزمان خليك قوي واكسبي قلبه وحبه لك انتي مو لغيرك فهمتي
هزت راسها غلا وناظرت ناديه : يلا نروح لصالون خلصت
ناديه قامت : ايوه يلا مشينا بنات
طلعو البنات من المطعم وركبو السيارة وراحو لواحد من الصالونات وقفت صالون نزلو من السيارة ودخلوا ابتسمت الموظفة ترحب فيهم : يهلا نورتو وشرفتونا
ورّد ابتسمت للموظفة : اهلاً حابه اقص شعري وغرتي وابي خدمة بدكير ومنكير
هزت راسها الموظفة : تمام حاجة ثانيه مدام
نطت ناديه : ايوه انا ابي اسوي بدكير منكير وابي اسوي رينساج لشعري وهذي اشرت لغلا تبي بدكير منكير بلعت ريقها غلا ودها تتجرأ وتصبغ شعرها نطقت غلا : ابي بدكير منكير وابي اصبغ شعري مع قص اطراف
ناظرولها بصدمه ناديه و ورّد نطقت ناديه : شاطحه وش الي غير
رفعت كتوفها غلا ضحكت : ماعرف ودي اجرب
ورّد مسكت غلا من ذراعها : وش اللون الي ودك فيه
ابتسمت غلا : بُني فاتح
ناديه : اجل سويه هايلايت زي وقصي اطراه بيطلع واو
غلا ناظرت ورّد نطقت لها ورّد : جربي نيولوك الحياة نعيشها مره جربي
هزت راسها بالموافقة وبدو الموظفات يشتغلون بالبنات ورّد تنهدت تنزل الطرحه من على شعرها والموظفة مسكت شعرها وبدت تقصه غلا وناديه ابتدو يصبغون شعورهم وبعد دقايق معدودة انتهت ورّد من شعرها ابتسمت وهي تشوف نفسها وشكلها بالقصه شهقت : واوو يجننن يعطيك العافيه
الموظفة لبنانية : ولو تكرم عيني انتي حلوه كتير كتير لابئه عليكي
ضحكت ورّد بخجل : يسلمو قامت وهي تروح للبنات مشت قدامهم وهي توريهم ناظرولها ناديه وغلا شهقت غلا من حلاوة القصه على ورّد الي برزت جمالها اكثر وملامحها ميلت راسها ورّد تنتظر ردهم : حلوه مره تجننن
ناديه رفعت جوالها تصور ورّد : حلو حلو حلو
ضحكت ورّد وهي تدور بنفسها وتلعب بشعرها والضحكه على ثغرها وكانها خلقت لاجل تضحك نعومة ضحكتها ورقتها ابتسمت توقف عن الحركه اخذت نفس : اهخ اخيراً قصيته احس براحه وكذا انتعاش
غلا : والله جميل مره لايق عليك
ورّد ابتسمت لهم وهي ترسلهم قُبلات الهوى : شكرا شكرا يلا متى تخلصون بشوف شعوركم
ناديه : اصبري باقي ساعة روحي سوي اظافرك
هزت راسها ورّد ومشت تسوي أظافرها تقدمت لها الموظفه الفليبينه وفتحت لها درج المناكير : مدام اي لون يبي انتا
ورّد عضت شفتها بحيره وهي تشوف الالوان ابتسمت اخذت اللون الاحمر الحلو والمناسب لبشرتها البيضاء