كل ليلة تزيّن قصيدي ذهبك

البارت 4

-
«  عند الحريم بالمجلس »
جاء لهم تميم يركض وينادي امه : ماما ماما
فزت اسيل له : هلا تعال تعال
تميم : ماما بابا راح هو عمي متعب وخالي تميم وجداني
ام سعود عقدت حاجبينها ب استغراب : وين راحوو؟
تميم رفع كتوفه بعدم معرفه : مااعرف ابي مويه
اعطته اسيل مويه ورجعت تاكل ام سعود التفت لام تميم : الله يستر شعندهم راحو كلهم !
نجد بهمس لـ همس اردفتها خفه : بنت نقولهم ؟
همس طيرت عيونها بمعنى لا : اص لا هم بيعرفون بعدين
شيخة شمقتهم : وش تتهمسون فيه انتي وياها
همس بحده : خير وش دخلتس انتي ؟
غلا بخبث : ياحبيبتي من رجعو السوق وهم ماغيرو يسولفون بين بعضهم عندكم هرج اهرجو قدامنا
نجد رصت على اسنانه : اقول انتي يا الكمخه حطي لسانتس بفمتس لا اكب الفلفل ذا بفمتس ياورعه
ام سعود بعصبية : وجعي انتي وياها انثبرووو
ام تميم ناظرت همس : همسوه وش عندتس وراتس بلا انتي والخبله الي معتس !
همس بتلعثم : ولا شي شفيكم انتم
نجد انفجرت : يوه لازم تعرفون انا بقولكم يا ماما اليوم التقينا بعيال عمي فزاع نايف واخته ورد وسلمو عليه متعب وتميم و غير كذا سأله متعب زياره ولا ويش نايف قال ان خلاص استقرو والظاهر متعب علم جدي وفزو كلهم وراحو لهم
ام سعود شهقت وسعت عيونها بصدمه : وشتقولييين انتييي عيال فزاع بالديرة
ام تميم بفرحة : يارب الحمدالله يارب يتم الصلح يارب
اسيل بفرحة : اي والله يارب
ام سعود : والله خطي هالعيال تيتمو وهم صغار وامهم وحيده مالها احد والعيال لازم يرجعون لاهله وديارهم عسى ربي يلين قلب عمي
ام تميم : جدهم ولازم يحتويهم كلنا بنحتويهم هذول عيالنا
غلا بتكشير و بـ همس : يليل بتجي بنت بعد
شيخة بتوتر بلعت ريقها : وش تقصدين
غلا : اف شفيتس تنحتي فجاة خافييي يابنت يمكن تاخذ حبيبتس منتس
شيخة طيرت عيونها وبحقد على ورد الي ما شافتها حتى : لا تهبى محد يقدر ياخذه دام شيخه موجوده
ابيار بقرف : هذا الي يهمكم صح لعنباكم بس
انهار شمقتهم بنظراتها : اتركيهم التستسات
نجد قامت : الحمدالله انا خلصت
همس اعتدلت بوقفتها وردفت انهار وابيار وغمزت لهم انهم يهربون لاجل يخلون غلا وشيخه ينظفون شيخة ناظرت لهم بعدم فهم وكملت اكلها ام سعود : نجد وين رايحه مين بيغسل المواعين
نجد تخصرت : ماما انا و اسيل و همس و ابيار وانهار جهزنا الغداء وزينا السفره الحين السلحة ذي والي معها ينظفون المواعييين ويرتبون المطبخ
غلا بقرف : والله مااقرب له
ام سعود هزت راسها : تلايطي بس واهجدي انتي وشيخة بتنظف المواعين دام هن الي طبخن
شيخة وغلا بتافف غلا بقرف : ماماااا ماما مااابي
- < عند البنات فوق >
نجد جلست وهي ترمي على سريرها : بنات انا مصدومه
همس : بـ وش مصدومه ؟
نجد عدلت جلستها : يا غبيه وش الي بيصدمني غير ان اليوم التقينا ب ولد عمنا وبنت عمنا بعد طول هالسنين لا وبعد بالديرة
همس وهي تصبغ اظافرها : الا والله صادقه هالشي صادمني
انهار تنهدت وهي تناظر السقف : تصدقون شايله هم شي واحد !
التفتو لها بالبنات باستغراب همس عقدت حاجبينها : وشنهو
انهار زفرت : ورد بنت عمي هي اسمها ورد صح ؟
نجد : اي ورد اتذكر اسمها
انهار : يبنات خايفه عليها من غلا وشيخة البنت واضح هاديه
ضحكت ابيار : بسمالله امداك تحللين شخصيتها ماتدرين يمكن تطلع تستس نفسهم
شهقت نجد : لا ان شاء الله يمه مااتخيل ثلاث تستسات عندنا يويلي بس