-
ام نايف ناظرت ورد فعلا حواجبها ومكان الشامه زي ابوها ابتسمت من ردت عليها ام سعود : مرحبا
ام سعود : مرحبتين يهلا ام نايف
ام نايف : هلافيتس يا ام سعود شلونتس وشلون العيال
ام سعود : على ماتحبين ابشرتس انتي وشلونتس
ام نايف : الحمدالله بخير
ام سعود : الا صدق بتمشون الكويت
ام نايف : اي بالله بنمشي لكن عطل مشيتنا ورد تعبت
ام سعود شهقت : اي نجد راحت لكم مع متعب
ام نايف حطت يدها على خدها : اي وقد انهم رجعو الظاهر
ام سعود : وشفيها ورد عسى ماشر عسى مابها خلاف
ام نايف : والله يا ام سعود جيت البيت الا نجد عند ورد وحاطتن الكمادات البارده لها سالتها وشفيها قالت يا عمه ورد فتحت لنا الباب وطاحت علينا وحرارتها مرتفعه
ام سعود : بسمالله عليها ماتشوف شر يارب
ام نايف بتردد : الشر مايجيتس وانا ودي اني اتركها عندكم الفجر نجيبها مانقدر نمسك خط وهي معنا وانتي خابره خط السفر بين الديرة والكويت طويل
ام سعود : يا ام نايف ورد مثل بنتي احطها بعيوني قبل لا تقولين لي جيبيها لا قامت وانتو الله يسهل دربكم
ام نايف: يعطيتس العافيه وماقصرتي تعبتس معي
ام سعود : بزعل يا ام نايف ان قلتيها مابينا زعل خوات يا ام نايف
ام نايف ابتسمت وهي تقفل من ام سعود : اجل ماطول عليتس بجهز اغراضها يلا سلام
قفلت من ام سعود وهي تناظر ورد وناظرت نايف نطق نايف : هاه شقالت ؟
ام نايف نزلت الجوال : بنوديها لبيت جدك مالنا غير ذا الحل
نايف مسك راسه بضيق : لو اقدر اخلي مشيتي بعد يومين كان خليتها لكن البايع يبيه والمبلغ قوي ونحتاجه ماينفع نبقى على جدي انتم اهل وبرقبتي انتم وصاة ابوي الله يرحمه
ابتسمت ام نايف لولدها الي طول هالسنوات كان يشتغل ويعطي من مجهوده ويتعب عشان اخته وامه نطقت : عسى ربي يحفظك لنا ويديمك لنا سند وظهر لي ولاختك
اعتدل بوقفته نايف وانحنى يقبل راسه امه : اللهم امين انا بروح اريح شوي
هزت راسها وتنهدت وتجلس جنب راس ورد وتسمي عليها
« بعد مرور اربع ساعات عند بيت الجد سليمان »
الجد سليمان واحفاده عيال وبنات ابو سعود كلهم جالسين على سفرة وحده لاجل يتسحرون ب استثناء متعب الي توجه للعزبة نجد كانت تناظر الاكل بفراغ وكل باله مشغول عند ورد وهل هي صحت ولا باقي تنهدت تنهيدة عميقة ملحوظه للجميع عقد حاجبينه ابو سعود : نجد شفيتس ياعيني
نجد تنهدت وهي تترك الملعقه : ابد مافي شي بس مشغول بالي شوي
رفع حاجبه ابو سعود : افا ومين الي شغالن بالتس
سيف نطق بطقطقه : انا اكيد المهووسه تموت فيني
كشرت نجد بوجهه اخوها : وعع هذا الي ناقص مير مافيك جمال عشان انهووس فيك
كشرت نجد بوجهه اخوها : وعع هذا الي ناقص مير مافيك جمال عشان انهووس فيك
طير عيونه سيف وشهق والتفت لفيصل : شوف تراهي تغلط عليك
ضحك فيصل : وشدخلني انا ؟
سيف ضرب جبينه : اشهد انك داج بهالغباء نسيت اننا توأم وجهك نفس وجهي !
فيصل ضحك وكمل ياكل : من قرادة الحظ انك توأمي
سيف شهق اكثر وضربه من كتفه بقوه : يا عديم المشاعر كذا تهرج عن اخوك الشكوى الله التفت لامه : اقول يمه ليه ماعطيتي هذا لدار الايتام
طارت عيون فيصل : وجع لعنبا ذا الخشه تراني اكبر منك
رفع حاجبه سيف وكشر : بخمس دقايق يا فالح مالت بس
سعود ناظرهم بحده : انطمو فاهمين ازعجتونا خلونا نتسحر
الجد سليمان ضحك : خلهم والله يونسوني
سيف غمز لجده وياشر باصابعه : نونسك ونسوي لك جوي بس كلن وحقه
ضربه ابوه بالخفه على ظهره : ايا الخسيس تاخذ على جدك فلوس
سيف تاوه بالالم : حقي يا يبه حقي انا اتعب اطلع افكار قبل لا اونسه ياخذ من وقتي
ضربه فيصل على راسه : كمل كمل ازعجتنا
كشر سيف وهو يكمل اكله نطق ابو سعود وهو رجع يكمل مع نجد : ماعلمتيني
نجد : وش ؟
ابو سعود : ابتس انتي علامتس انتي مفهيه وغلا من امس راقدتن بالغرفه
بلعت ريقها انهار وناظرت نجد بتوتر وخوف وتسرع نطقت انهار : ماعليه بابا تعبانه غلا شوي
ابو سعود لاحظ تعابير نجد وانهار كيف انقلبت وانغز قلبه مو مطمئن نطق لنجد : وش الي شاغلن بالتس قلتي
نجد وهو تغير الموضوع لورد : اي اقولك بابا ورد تعبانه اليوم رحت لها وفتحت الباب لي واغمى عليها وللحينها ما قامت
ام سعود : اي بالله صادقه وام نايف قالت اذا اقدر اتركها عندكم لانهم مضطرين يمشون اليوم ولا ودها تاخذها معاها وهي تعبانه
رفع حاجبه الجد سليمان : مافيها كلام تجي بيت جدها وكلنا حولها
وابتسم ابو سعود لام سعود وهو يناظرلها : وانتي منتي مقصره معاها ان شاء الله
ام سعود ابتسمت بخجل من نظرات ابو سعود لها : عادتها مثل بناتي يشهد الله علي وانا اصريت تجيبها عندي وهذا بيت جدها
ابتسم الجد سليمان : اشهد انتس اصيلة يا بنت الاجاويد بنت معربين الجدين والنسب يا ام سعود
مسك ابو سعود يدين ام سعود وناظرلها بحُب يحبها يموت بحنيتها على الجميع وطيبتها وطيبة اخلاقها ونظافة قلبها انسانه تحب العدل ولا ترضى بالظلم والباطل يحمد ربه للمره المليون انه صارت زوجته واختيار امه له كان صواب وهمس باذن الله : يا جعلني قبل يومتس
قبصته من رجله بخجل لايق عليها وعلى كبرة سنها : ابو سعود لا تهرجني قدام العيال وعمي كذا
ضحك ابو سعود وتنحنح سيف الي مندمج معهم ويسمع حوارهم ويناظر لهم ناظرله ابوه وضحك على شكل سيف المندمج ومعه تميم الصغير نطق تميم الصغير وناظر لابوه : بابا انا بتزوج بعد
ضحكو الكل من كلامه وابو تميم " سعود " رفع حاجبه بضحك : ابرك الساعات الي ازفك فيها معرس لكن علمني منهي بنته
تميم وهو يفكر بطفوليه : بنت عمي متعب
ضحكو بقوة على رده ابو تميم : يابوي انت عمك للحين مااعرس ولا قد انه صار عنده ورعان
تميم هز راسه بالنفي: الا هو بيتزوج ويصير عنده ورعان ويصير عندي عيال عم كثار وبنات عمام وعمي متعب اذا صار عنده بنت انا بتزوجها واسميها
الجد سليمان ضحك : اجل بنقوم لمتعب يستعجل بالزيجه ويجيب بنيه ونعطيها لك وانت الي بتسميها
نقز تميم بفرحه : يس يس
ضحكو كلهم والبعض قام والبعض باقي ياكل ام سعود ناظرت نجد وانهار واسيل : اسيل ولا عليتس امر ادخلي انتي وانهار نظفو المواعين والصاله
اسيل ابتسمت : ابشري
والتفت ام سعود لنجد : وانتي قومي معي نجهز فراش ورد عندكن
نجد قامت معاها : يلا طيب
YOU ARE READING
كل ليلة تزيّن قصيدي ذهبك
General Fiction-نبذة تعريفية عن رواية : روايتنا تتكلم بين الديرة وبين المدينة الي هي الرياض قرر الجد سليمان استقراره هو وعياله وأحفاده برجوعهم لديره بطلتنا ترجع ورد لسعودية بعد ترك ابوها ديارهم وانتقل فيها هي واخوها نايف لاستقرار في الكويت تخطط لانتقام لابوها...
