كل ليلة تزيّن قصيدي ذهبك

بارت 42

-
« بيت ابو تميم »
صحت من النوم بتعب بلعت ريقها التفت على ذياب الي باقي حاضنها ونايم بعمق اخذت نفس تفك نفسها عنه حررت جسمها من يدينه بهدوء وقامت فتحت الشنطة وطلعت لها بنطلون ماسك من الخصر و وسيع من الساق لتحت باللون الابيض واخذت قميص حريري باللون السماوي جهزتهم دخلت دورة المياه تتوضى وتغسل وجهها وغسلت جسمها طلعت غلا تراقب ذياب الي باقي نايم وجلست ترطب جسمها وتثبتها بالباودر ومسك الجسم لبست ملابسها جلست على التسريحه تحط ميكب خفيف قلوس ومسكرا وبلاشر سوت شعرها ويفي اخذت عطرها ورشته عليها والمسك على اماكن النبض لبست عبايتها وطرحتها واقتربت لذياب تقومه : ذياب قوم ذياب
فتح عيونه وهو يشوفها قدامه وقايمه تنهد : الساعة كم
غلا : الساعة ١ ونص استحي انزل بروحي انزل معاي
هز راسه وقام وهو يرمي ملابسه واخذ المنشفة يلفها على خصره نطق : طلعي ثوبي وملابس
بلعت ريقها تناظر وهزت راسها وهي تصد للجهة الثانيه وجناتها تنحرق من الخجل انتظرته يدخل وراحت طلعت ملابسه وجهزتهم وجلست تنتظره دخل ذياب واخذ له شور سريع وطلع وهو لاف المنشفه على خصره ناظرلها وناظر ملابسه الي طلب منها تجهز وجهزتهم تنهد وهو يشوف صدودها وخجلها ضحك : غلا
ردت عليه غلا بدون لا ترفع عيونها له : وش
ابتسم وهو يقترب لها وشعره المبلل : ناظريني
رفعت عيونها له وتجمدت بمكانها بلعت ريقها بتوتر تنطق وهي تنزل نظرها على جوالها كتم ضحكته وهو يرجع لورا ويلبس ملابسه خلص : ناظري خلاص لبست
رفعت راسها تأكدت انه فعلا لبس اخذت نفس وهمست : اشوا عقدت حاجبيها وهي تشوفه يمشط شعره وباقي مويه عضت شفتها بتردد وحيره من انها تقوم تنشف شعرها لا يمرض وبالاخير قامت له راحت خلف ظهره ووقفت : اجلس
التفت لها ورفع حاجبه : بسم الله شعندتس جايه هنا
غلا ضحكت بخفه : شايف جني ؟ اقول اجلس بنشف شعرك مو زين تمشطه كذا وهو باقي مويه
ابتسم باستغراب وجلس يناظرلها اخذت الاستشوار وبدت تنشف شعره بكل دقه وتتاكد انه نشف وبدت ترجع شعره للخلف بترتيب نزلت نظرها لازارير ثوبه المفتوحه بلعت ريقها ب ارتباك ويدينها ترتجف قفلت الازارير ورفع نظره لها يشوف كيف هي مهتمه بادق تفاصيل وتحب كل شي يكون مرتب زيها قام اخذ جواله وتعطر وهي لفت الحجاب على راسها ونطق : يلا طلع وطلعت وراه وهو يقفل الغرفه ومد لها المفتاح عقدت حاجبينها: ليه خله معاك
هز راسه بالنفي : خليه معاتس انا اطول عند العيال وانتي خليه عندتس
هزت راسها وسكت مشى ومشت جنبه ناظرلها وكتم ابتسامته المخفية من شافها تمشي جنبه نزلو وشافوهم كلهم يتغدون باستثناء همس وابيار الي باقي نايمين نطق ذياب وغلا : السلام عليكم
ناظرلهم ونطقو كلهم يردون السلام وثامر ابتسم برضا على شوفتهم مع بعض : وعليكم السلام صحنوم
ذياب جلس وجلست جنبه غلا : صحبدنك
ام تميم وهي تاخذ صحن غلا وتغرف لها : والله ماحبينا نقومكم نقول متى ما قامو ماسكين خط وتعب
نطق ذياب يناظر غلا ويرجع يناظر امه : والله غلا قايمه بدري بس انها مستحيه تنزل بروحها وانتظرتني اقوم
طارت عيون غلا بخجل واحراج وطاحت نظرها بشيخه كشرت وصدت للجهة الثانيه ام تميم : افا تستحين ليه ليت نازله ماغير انا قايمه بروحي بهالصاله
نطقت غلا والخجل ماكله وكونها جالسه على السفره ومع تميم وسياف وذياب جنبها يتغدى : ابشري الا وين ابيار وهمس ودي اشوفهم
ام تميم : بالله عليتس تسوين فيني اجر وبعد الغداء تداهمين غرفتهم وتقومينهم
ضحكت غلا وهزت راسها : ابشري ما طلبتي شي
سياف لغلا : والله اتحداتس يا زوجة اخوي تقومين ابيار هذا اذا ما جاتس طشار
ذياب ابتسم من كلمة " زوجة اخوي " وناظرلها يشوفها تاكل بخجل وحياء مُفرط تنهد يمسح على لحيته التفتو كلهم على صوت جوال ثامر رد ثامر على الاتصال وكان اخوه عبدالعزيز : ياهلا
عبدالعزيز : ثامر ام سعود ودها بكشتة العزبة تقول نغير جو ونصفي البال قبل العرس وغير انه ذياب و غلا جو ونايف واهله موجودين ودنا نجتمع وانا كلمت التوأم يكلمون سياف ياخذون لهم خروف ويذبحونه يبوونه شوي هاه ودكم تطلعون معنا ؟
هز راسه ثامر : الا ابد تم بنطلع هذاني بعلم العيال
قفل جواله من اخوه وناظر لعياله : سياف تميم وذياب جدكم وعمكم واهله بيطلعون كشتة العزبة وحنا بنطلع معهم تولمون هالحين
ام تميم بفرحه : اي بالله انشهد انه ام سعود راعية التخطيط جت بوقتها هالكشتة بقوم اجهز الجريش والمرقوق نطبخه هناك
غلا ناظرت ذياب ورجعت ناظرت ام تميم قامت : خاله اساعدتس
ابتسمت لها ام تميم : تم ساعديني بقومة ابيار وهمس ذبحهم هالنوم
ضحكت غلا هزت راسها : ابشري بقومهم
ناظرلها ذياب يشوف تضحك مع امه ومبسوطه تنهد براحه شيخه كانت تناظر ذياب وترجع تناظر غلا بقهر تمنت متعب يعاملها كذا تاففت وهي تقول قام ذياب وقف قدام غلا ناظرت له باستغراب : وش فيك
ذياب : هالصدق ابيتس تكوين لي ثوب شتوي هذا خفيف والهوى بالعزبة يضرب
هزت راسها عطته نظره ثم نطقت : طيب طلعه لي مااعرف اي واحد بس بقوم البنات اول
هز راسه ومشى ومشت وراه هو دخل الغرفة وهي مشت تقوم البنات فتحت الغرفة دخلت عليهم مثلت انها تدق الباب ونطقت : ابيار همس بنات
همس فتحت عيونها بانزعاج وكذلك ابيار ناظرت ابيار غلا الي قدامها وشهقت : غلا !!
هزت راسها غلا بضحك : اي غلا زوجة اخوك جت ولا رحبتو فيها ماش
ركضت همس تضمها بفرحه : تكفين متى جيتو الحمدلله على السلامة
ابيار الي باقي نايمه ومو مستوعبه شي : جاب غلا عندنا
همس ناظرت غلا وهي صبغة شعرها بذهول لايقه عليها : شعرتس حلو يجنن غلا
ابتسمت غلا مسكت طرف شعرها وتتأمله : ذوق ناديه و ورّد
همس تنهدت من طاري ورّد : حيوانه مشتاقين لها
غلا رفعت حاجبها ونطقت تفاجئها : ورّد بالديرة
طارت عيون همس بعدم تصديق : تمزحين هي اصبرو
شهقت ابيار من غيبوبتها وقامت تسلم على غلا : اخيرا جيتو فقدناتس
ضحكت غلا : ياحبيبتي
انتبهت ابيار على شعر غلا المتغير من صبغته وغمزت : الله الله صابغته عشان تغرين اخوي
شهقت غلا من تذكرت ذياب طلبها تكوي ثوبه وهو بيطلع الحين عضت شفتها : صحصحو قومو بنروح كشتة كلنا يويلي بروح اكوي ثوب ذياب مشت وخلتهم يناظرون بفهاوه همس ناظرت ابيار : حنا كم ساعة نايمين
ابيار تتمغط : مانمت نومه زي كذا بس وش كشته
همس طلعت من الغرفة ورفعت صوتها لامها : يمه غلا تقول بنروح كشته صدق
ام تميم بصراخ على بناتها الي توهم يقومون : ايه نص ساعه ان ماخلصتو بمشي وخليكم
شهقت ابيار وهي تركض تاخذ ملابسها وأغراض الاستحمام ودخلت دورة المياه تصرخ : وش ذا طلعه بدون تخطيط
همس تقدمت دولابها واخذت بحيره ترينق اسود على قيص ازرق فاتح بعد ما طلعت ابيار وخلصت دخلت هي ابيار اخذت بنطلون وسيع وضيق من الخصر باللون البيج و بلوفر باللون البُني جلست على التسريحه ترطب وجهها وتستشور شعرها بعد ما اسشورته حطت واقفي شمس وبعدها ميكب كونسيلر وبلاشر ماسكرا وليب قلوس واكتفت اخذت عطرها تعطرت فيه لبست عبايها اخذت حلق مناسب لها ولبسته طلعت همس بسرعه وهي تنشف نفسها ولبست ملابسها لفت عليها ابيار : لبسي زين ؟
هزت راسها : اي مافيه شي حلو مرتب
دخلت شي وهي تستعد للكشخه ولا كان في طفل بطنها وانها حامل ممكن تنكشف لاي شخص
« ذياب & غلا »
دخلت الغرفة وهي تشوفه جالس والثوب على ظهره بلعت ريقها تقدمت له : عطني الثوب
ناظرلها ومدلها الثوب هز راسه ياشر لها المكواه : جبت هذي من عند امي هزت راسها وسكتت بدت تكويه يتأملها حتى وهي تكوي الثوب مسك شنبه وهو يتذكر كلامها وخوفها منه تنهد وبعد دقايق انتهت غلا من الثوب مدته له شالت العباية عنها وراحت زادت على ميكبها لمسات خفيفه لبس الثوب وقف يناظرلها ماينكر انه خصرها يربكه ويشتت تفكيره اخذ شماغه وقف جنبها وهو يلفها عصبه على راسه اخذ ساعته ويلبسها ناظرت له وهو بالعصبه وطاحت عينها بعينه صدت بنظرات بسرعه ونطق ذياب : بتجين معاي ولا مع اهلي ؟
قامت علطول ولبست عبايتها وطرحتها ونقابها نطقت : بجي معاك
ناظر لبسها الخفيف رفع حاجبه : لبستس خفيف والهوى بارد بالعزبة
هزت راسها بالنفي غلا : لا عادي ما ابرد انا
سكت يناظر لها مسح على شنبه ولحيته بالكامل فتح دولابه واخذ فروته احتياط لاخر الليل وطلع وطلعت وراه بضبط