-
مازن بتفكير : بروح للعيال بتيجي معي
سيف : ايه بس مافي اغاني ولاشي الدنيا رمضان
مازن شهق بخفه : ايوا اشفيك عارفين مافي اغاني ولا في سمره بنجلس نسولف ونضحك وننبسط وصاحبنا دوبه جاي من جيزان وجايب حاجات مره كثيره وغريبه
ضحك سيف : ايه كذا زين
مازن : وانتو ماتجون معانا
ذياب هز راسه بالنفي بسرعه : لا لا انا ان جلست معك خمس دقايق بتجيب لي الفري
ضحك سيف وضحك معه مازن نطق سيف : اجل بروح مع مازن
سياف : وحنا محنا مبعدين بنتمشى هنا ونعود البيت
سيف وهو يمشي مع مازن نطق فيصل : السحور تعال له بدري
سيف اشر له بمعنى : طيب
ذياب ناظر لفيصل وسياف : ابلشنا بـ الجداوي
ضحك فيصل : والله ونيس وخفيف دم
ذياب : ما اختلفنا لكن لهجته تحوم الكبد ياوجه الله بس
سياف : امش بس امش اليوم وحنا جايين من المسجد شفت واحد يبيع شاهي جمر ورا الحاره الثانيه
ذياب : يالبيه مشينا بس
-
« بالسوق متعب وتميم والبنات »
كانو البنات يتمشون مع بعضهم وتميم ومتعب وراهم وقدامهم شيخه وغلا شيخه الي كانت تسرق نظراتها لمتعب تنهدت بحب وهي تنطق لغلا بهمس : عقبال اتمش معه بالسوق وهو زوجي
بلعت ريقها غلا بضحك مكتوم : ايه ايه امين
ورد كانت تناظر الاجواء ابتسمت خلف النقاب وناظرت البنات من نطقت همس : وردتي عسى عجبتس الاجواء ؟
ضحكت ورد : وردتي ؟ دلع جديد ذا
همس بنغزه لشيخه مقابل تغيضها : اي يحق لتس ندلعتس
ورد ابتسمت بتنهيد وهزت راسها وكملت تناظر الاجواء بهدوء وشرود
انهار تنهدت وهي تسند راسها على كتف ابيار ناظرت لها ابياررب استغراب : وشفيتس
ابتسمت انهار : مافيني شي
ابيار تنهدت وهزت راسها : طيب
نجد رفعت راسها من الجوال وابتسمت وهي تصور الاجواء التفت تناظر البنات الي كانو هادين وناظرت شيخه وغلا الي يضحكون ويصورون وجهت نظرها لتميم ثواني وابعدتها بتوتر نطقت بهمس : بنات وشفيكم هاجدات ؟
ورد : مافي شي
همس : يمكن لان الطلعه فيها نفس ثقيله
انهار تاففت : صادقه
ضحكت ابيار وهي تطقطق بجوالها : الله يعينا عليهم بس
بدو البنات يتمشون واقتربو من محل الذهب ال عتيق
~ رعد كان متكي ظهره برا الابتسامه على شفاه وهو يشوف الوراعين يلعبون بطراطيع واصوات الحريم الكبار فعلا كانت اجواء رمضان التفت من طاحت عيونه على احفاد سليمان ال عبيان تميم و متعب ومعاهم بنات جايين من ناحيته صد بنظراته عن البنات تنهد وهو يعتدل بوقفته واخذ جواله يطقطق فيه
~ نجد التفت لـ ابيار من شافت محل الذهب : ابيار سلسالتس من هنا
رفعت نظرها ابيار لنجد وناظرت محل الذهب والي واقف قدام المحل بلعت ريقها بخفوت وهي تناظر لرعد واقف قدام باب المحل ويطقطق فيه شدت على كفوفها وهي تدف انهار بتافف همست : ابعدي
انهار فزت : وجع توجعتس
نجد ناظرت ابيار ب استغراب : ابياروه ردي علي اخلصي
ناظرت لها ابيار نص نظرها على نجد والنص الثاني على رعد : اي هو
نجد بترجي : تكفون تكفون خلونا ندخل بسوي لاسيل منحرجه منها
همس ب استغراب عقدت حاجبينها : وشدخل اسيل
نجد : بنات عيد ميلادها بكره وباخذ لها سلسال هديه هي اعجبت بحقي
ورد ضحكت : يا حياتي هي مسكينه ماتقدر تحتفل
همس بنفس ضحكه ورد : اي ياحرام
غمزت لهم نجد : ماعليه هي مانزلت معانا وسعود فوق عندها
طيرت عيونها ورد بصدمه من فهمت مقصد نجد : بنت قليله ادب اتركي سوالف المتزوجين عنك
كشرت نجد بوجه ورد : مالت عليتس امشو ندخل
ابيار على كانت شاده على يدينها نطقت بتسرع : ادخلو انتو ماني جايه
انهار عقدت حاجبينها: انطمي وادخلي التفت انهار وهي ماتشوف لا متعب ولا تميم ولا غلا ولا شيخه هي بنات متعب وتميم والشياطين راحو ؟
تاففت ابيار وهي تنزل راسها ونطقت نجد بشهقه : وين راحو
رفعت انهار كفوفها : مدري الظاهر مع غلا وشيخه
ورد كشرت : ماني مرتاحه !
ناظرو لها البنات انهار : شفيتس ؟
ورد تنهدت : خلاص ولاشي خلونا ندخل
نجد شافت رعد واقف ونطقت : اخوي ماعليك امر بسالك المحل مفتوح ؟
رعد رفع راسه لنجد وللبنات الي معاها وسرعان ماصد بنظره : اي اختي تفضلي وراح يدخل المحل ودخلو وراه البنات دخلو كلهم وابيار كانت الاخيره واقفه تناظر المحل بتشتيت نجد نطقت : اخوي شوف انتم مسوين سلسال ذهب للبنت ذي اشارت نجد على ابيار طيرت عيونها ابيار بصدمه وبنفسها : الله يقلع ذا الوجه يا نجد !
رعد التفت لابيار وناظر لها بلع ريقه وهو يركز فيها وهو يشوفها معاهم ما كان مركز انها ممكن تكون معاهم لان ما لمحها رفعت عيونها له بلع ريقه للمره الثانيه بدون تفكير سهى وطال النظر بعيونها الي زاد جمالها الكحل الاسود و المسكرا ابيار حست بنظرات رعد لها مسكت يد انهار بدون وعي وارجعت للخلف لفت عليها انهار من حست بشدت يد ابيار لها وبهمس : شفيتس
ابيار : مافيني شي بس اخلصو
رعد ابتسم لا شعورياً على توترها وربكتها وكمل يناظر نجد : اي سلسال ؟
نجد بملل : لو سمحت ركز قبل رمضان ب اسبوع وصلتو سلسال لبيت ثامر سليمان ال عبيان ب اسم ابيار
رعد وهو فعلا كان قاصد يسال نجد عن اي سلسال مع انه عارف لكن حب يشوفها تناظره نطق : اها ب اسم ابيار
ابيار سمعت اسمها من منطوقه بلعت ريقها وكشرت بينها وبين نفسها : لذي الدرجه اسمي دفش كذا ! امحق بس
خابت ضنون رعد وللاسف ما ناظرت له ابيار تنهدت وهو يمسح على لحيته : اي حاضرين بس ممكن الاسم
نجد بدت تعطيه التفاصيل والاسم والعنوان والخ ..
« الجهة الثانيه »
متعب وتميم الي كانو ورا غلا و شيخه وقفو ينتظرونهم يتشرون بواحد من المحلات تميم ناظر متعب وضحك : الظاهر مطولين
متعب تنهد : ماعليه
تميم رفع حاجبه : مو من عوايدك يا متعب تودي الحريم لسوق خابر انك تكره هالشي ؟
متعب ناظر لسماء وهو فعلا كلام تميم صحيح مايقدر ينكر او يبرر لتميم وهو حاس انه متغير من ناحيه اطباعه وحركاته بلع ريقه ونطق بكذب لتميم : لا يا رجال عادي
ابتسم تميم وهو يربت على كتف متعب : طيب طيب
شيخه كانت واقفه ومتكيه على طاولة صاحب المحل يدها على خدها وتناظر متعب : غلا والله مقدر اخوتس اخذ الحب كله
غلا بتافف وهي تاخذ الاغراض الي تبيها : يليل انتي ابلشتيني باخوي كرهته بسبتس خلاصصصصص
شيخه كشرت رفعت حاجبها ب استغراب من ردة فعل غلا استنكرت انفعالها عليها تقدمت لغلا : شفيتس وين الي كانت تتحمس لي ولمتعب وتخطط تجمعنا بمواقف ؟
غلا تنهدت : يا شيخه انا للحيني ابيكم مع بعض بس انتي اثقلي
شيخه ضحكت بسخرية تشمق لغلا : ليه انتي ثاقله على ذياب اخوي ؟
بلعت ريقها غلا بصدمه وتوتر وكان احد صب عليها مويه حاره ما كانت متوقعه ان ممكن احد يعرف بهالسر غير خواتها والان انفضح لشيخه وبدت تطلع مخاوفها من حركات شيخه بتلعثم وتمثيل للنكران ضحكت : وش دخلني ب اخوتس ؟
شيخه تخصرت بوزت شفايفها: ليه تسوين نفستس غبيه واضحه تراتس
غلا بعدم فهم بتوتر : وش الي واضحه جالسه تخبصين بكلامتس ترا ؟
شيخه : حبيبتي غلا انا اكثر وحده اعرفتس واعرف وش بقلبتس من خمس سنين وانا ملاحظه كيف تتوترين لما تشوفين ذياب و تسهين بنظراتس له ولا ننسى يوم ساعدتس لما طحتي من الدباب تذكرين شتاء العام كيف كنت تناظرينه ومتمسكه بكتوفه لين تنحنح و لا عطره الي عندتس تحسبيني مااعرف بسالفه العطر الي قلت لتس ذياب كان يتعطر عندي بالغرفه ونسى العطر وانتي اخذتيه ؟ ولا سالفه تميم لما عطيتيه حلاوة العيد وخليتيه يعطيها ذياب ؟ كل ذي المواقف والاشياء كانت قدام عيوني وعارفه وساكته عشان ما اشوفتس كذا متوتره
شدت غلا على كفوفها بتوتر نزلت راسها ونطقت : لا انتي واضحه تهبدين
شيخه وهي خايفه تخسر غلا واذا خسرت غلا فهي خسرت متعب وغير ان غلا كانت معها من هم صغار الى الان غلا اقرب شخص لشيخه مسكت يدين غلا : لا تحسبين بوقف ضد هالحب والاعجاب الي بقلبتس لاخوي هو لو يعرف ان في انسانه تحبه من خمس سنين كان الحين هو اسعد انسان وصدقيني مهما يصير بينا او بيني وبين متعب مستحيل بيجي يوم واقلب عليتس تطمني
ابتسمت غلا ودمعت لا شعورياً من كلام شيخه وصدقها وهي تناظر عيونها غلا تعرف ان شيخه فيها شراره وحقد وكره لكن مو عليها هي لانهم من طلعو على الدنيا وهم مع بعض تنهدت براحة وضمت شيخه : احبتس والله ثم والله انتس غير غير انتي اقرب لي من خواتي حتى ماعمرتس صرتي بس بنت عم الا وصرتي اختي
ضحكت شيخه وهي ضامتها : يلا عاد ماتعودت على كلامتس الحلو
ابتعدت غلا وهي تضحك وتدف كتف شيخه بخفه : وجع حتى الكلام الحلو ماتبينه
شيخه : ايه ايه هذي غلاوي الي اعرفها امشي خلينا نشوف وشفيه بعد
غلا ابتسمت وهي تضم ذراعها بذراع شيخه وطلعو من المحل وماحصلو متعب وتميم واقفين تنهدت غلا : متعب وتميم يتمشون الظاهر هزت راسها شيخه بالموافقه على كلام غلا لمحت شيخه نظرت العامل لها ما كانت نظره عاديه نظرة خبث نظرة مقرفه العامل ابتسم وغمز لشيخه وسعت عيونها بذهول وسرعان ما شمقت له وهمست : وجع قليل حياء
غلا ناظرتها : مين ؟
شيخه وهي تلتفت ورا وتشوف العامل يطلع من المحل حقه ويمشي بهدوء ويطقطق بجواله شهقت وهي تشد على ذراع غلا عضت شفايفها بخوف : غلا يمه يلحقنا امشي بسرعه
جت غلا تبي تلفت شيخه قبصتها : لا تلتفتين يخوفففف
غلا بلعت ريقها : طيب وين نروح شايفه السوق وشكبره وفيه جهتين
شيخه بتوتر : وين راحو ذول يالله
غلا لمحت ممر يودي للجهة الثانيه تنفست براحه وهي مسرعه يخطواتها مع شيخه : شيخه شوفي هناك ممر يودينا للجهة الثانيه عند البنات
شيخه هزت راسها : يلا يلا
العامل لاحظ ان شيخه وغلا اسرعو بخطواتهم وضحك بخبث وهو يرفع جواله ويتصل على خويه ورد عليه : الو وينك
خويه : وصلت وينك
العامل ضحك وحك جبينه بخبث : لقيت لك غزالتين يا عليهم عيون وبياض وصوت
خويه بنفس الضحكه ضحكت خبث وشر : يلبيه هذاني شفتك
جاء خويه ومشى مع خويه يلحقون غلا وشيخه
غلا وشيخه الي لاحظو انهم صارو اثنين شهقت غلا بخوف ورجفه : صارو اثنين
شيخه عضت شفايفها برعب : جاب خويه قليل الخاتمه كملي وصلنا
وصلو شيخه وغلا ممر الي يوديهم الجهة الثانية من السوق تنهدو براحه وهم يسندون نفسهم على الجدار وسط الممر المظلم الي فيه انارة خفيفه غلا تنفست براحه : اشوا رحنا عنهم
شيخه وهي حاسه ان في شي بيصير قلبها قارصها : ايه الحمدالله اش.. قطع كلامها وهي تشوفهم جايين لهم ويضحكون بخبث ويصفرون شيخه بلعت ريقها وصرخت وهي تمسك ايد غلا : غلاااااا ااركضي
شهقت غلا بخوف من شافتهم يركضون لهم لكن للاسف سرعة العامل وخويه كانت اسرع من سرعة غلا وشيخه مسكوهم واخذوهم نهاية الممر وسط صراخ شيخه وغلا الي يطلبو المساعده اقترب العامل بخبث من شيخه وضحك وهو ماسكها من خصرها ويشد عليه : وين بتروحين يعني بصيدش بصيدش
شيخه صرخت وهي تدفه بكل قواتها لكن ماقدرت بسبب بنية الجسم والفرق بينهم بصراخ ودموع : حسبيالله عليك كيف تمسك وحده مو من محارمك اتركني يا متحرش يا وصخ ياقذر ياعديم الرجوله
احتدت ملامح العامل بالغضب والشراره وصرخ : مين عديم الرجوله ون عصبيته مسك نقابها ورمها عن وجهها وانكشف وجهها له بلع ريقه لثانيه ورجع يضحك ويصفر بفرحه خبث : واووو يا كبر حظي الليله
خويه الي يضحك وهو ساد فم غلا الي تبكي ب انهيار وهي تشوف العامل يرمي نقاب شيخه ويقرب منها رفست خويه وتالمت من الرفسه عصب وهو يطلع المنديل الي فيه ماده مخدره وحطها على فمها وخشمها وارتخت غلا بين يدينه وهمستها قبل التخدير : لاااا تقرب منها
شيخه وسعت عيونها بصدمه وهي تشوف غلا طايحه على الارض صرخت باقوى ماعندها وبصوت يسمعه الكل من الجهتين صرخة هزت زوايا السوق كله : تميمممممممممممممممممممممممممم
العامل ماتحمل وصفقها كف وهو يقترب منها ويلمس جسدها ومناطقها الخاصه ويتحسس نحرها بيده اقترب وينحني لنحرها بقوة ويقبلها بقرف وخبث ويده الثانيه ماسكها بقوه شيخه كانت تضربه بقوه وتصرخ وترفسه فقدت الامل ان ممكن اخوها يحصلها لكن التفت بسرعه من سمعت صوت تميم يصرخ : اتركهااااا ياووووواطي
متعب احتدت ملامحه بغضب واشتعلت نيران قلبه وهو يشوف اخته على الارض وماسكها رجال وبنت عمه ماسكها رجال
متعب بصراخ وهو يطير لهم : يا عيال الذين يا الختاله
العامل ناظر لتميم ومتعب الي جايين يركضون لهم وناظر لخويه : جونا جونا
خويه بخوف وهو يرمي غلا بقوه على الارض : هذا الي كان ناقصنا
تقدمو بيركضون لكن ما مداهم انهم يركضون الا ومتعب وتميم مسكوهم وطاحو فيهم ضربت وصراخ شيخه الي نزلت لغلا ترتجف وتبكي وتشهق تضم نفسها بالعباية بقوة وهي تشدها عليها وتصرخ ب انهيار : غلا غلا قومي قومي قومييي تكفين
« عند البنات بالجهة الثانيه »
كانو يتمشون ويضحكون وهم ياكلون من البطاطس و الذره ورد بلذاذه : يمييي يمييي لذيذه لذيذه
ضحكت نجد على شكل ورد : شفتي قايله لتس لذيذه
YOU ARE READING
كل ليلة تزيّن قصيدي ذهبك
General Fiction-نبذة تعريفية عن رواية : روايتنا تتكلم بين الديرة وبين المدينة الي هي الرياض قرر الجد سليمان استقراره هو وعياله وأحفاده برجوعهم لديره بطلتنا ترجع ورد لسعودية بعد ترك ابوها ديارهم وانتقل فيها هي واخوها نايف لاستقرار في الكويت تخطط لانتقام لابوها...
