كل ليلة تزيّن قصيدي ذهبك

بارت 38

نايف بفرحه : يا رجال اخيراً عندي احد اعرفه بشركة الموظفين نابذيني عشاني جاي من الكويت استوقف كلامه وهو يعقد حاجبه رفع حاجبه من عرف ليه الموظفين يتكلمون عليه ويقولون له انه جاي بواسطة : ايه الحين عرفت ليه ياعملوني كذا
رفع حاجبه سطام بحده : افا وش مسوين معاك علمني وابشر باللي يرضيك
نايف ناظر لسطام وهو يشوف الجدية فيه : ماعليه مزوح مزوح
التفتو لدخول مزون عليهم ابتسم سطام يناظرلها انصدم من كثر الشبه الي بينها وبين امه بلع ريقه وهو يوقف لها وقف نايف معاه وهو يناظر ملامح سطام المصدومه تنهد وهو يربت على كتفه بهدوء : رح سلم على خالتك مزون يا سطام رح
هز راسه وهو يمشي ورجوله ترتجف تقدم لها وهو يقبل راسها ويسلم عليها ابتسمت مزون ترحب فيه وتهلي فيه فرحه وهي تشوف الشبه بين سطام و بين ابوها الوحيد الي يشبه ابوها نطقت وعيونها تلمع : يمرحبا بولد اختي
سطام بفرحه : الله يحيك يا خاله كيفك عساك بخير
مزون مسكته وجلست قدامه وتسولف معه : ابشرك الحمدالله بخير وصحه وعافيه انت وشلونك عساك بخير
سطام : عسى نحمد الله
مزون : ايه يا ولدي ما شاء الله فيك من ابوي
ضحك سطام وهو يمسح على دقنه : داري والله جعلني فداه
مزون : عاد يا سطام منت ماشي منها الا وانت متعشي
سطام برفض هز راسه : لا والله ماني بمتعبك معاي
نايف وهو يطبطب على يده : لا لا والله ان تتعشى عندنا ماذقت طبخ خالتك بتذوق الحين الذ كبسة لحم من يدينها
ابتسم لها سطام : جعل يدينها ماتسمها النار
ابتسمت له وهي تقوم : اجل بروح اشوف العشاء