بلع ريقه متعب تنهد رفع يده لاثار روجها يمرر اصابعه حول اثر الروج ويمسح بخفوت يحس بشعور الغيره المفاجئ حس بغبنه وقهر وضيق بلع ريقه وهو يناظر اثار روجها الاحمر تامل الروج لدقايق معدوده يكره وضعه والي جالس يمر فيه ليه هو يفكر فيها ليه بدا يغار ليه يشتاق ويحن اذا ما شافها ليه يحس بالشوق ليه كم يوم ماسمع صوتها العذب الي يهلكه وياخذه لعالم ثاني صوتها الي يجيبه من اقصاه تسلب روحه وعقله بضحكتها وريحة عطرها الي حفظه حفظ تنهدت يوعى على نفسه على منادات تميم له : عمي عمي
متعب نزل تميم وهو ينحني لمستواه ونطق : روح لامك وقولها امسحي ذا الشي الي على وجهي عيب الرجال يشوفوني
تميم بحزن نزل راسه بطفوليه : بس ورد باثتني
غمض عيونه متعب يتمالك نفسه من غيرته الغير مفهومه ومعروفه نطق : لا مايصير انت مو رجال ؟
هز راسه تميم : الا رثال ثوفني كبير
ضحك متعب وهو يقبل راسه: اجل يلا رح لامك تمسحه عيب تدخل عند الرجال
هز راسه تميم بالموافقه وركض يدخل داخل ضحك عليه وسرعان ما تلاشت ضحكته واطلق تنهيدات الضايقه الموجعه لقلب متعب مسح على وجهه : اعتقيني من بالي وعقلي تكفين مافيني حيل
سند ظهره على الجدار ونطق بقصيده كعادته ينثر مشاعره على هيئة قصايد :
..
من باب الإعجاب لا تسأل عن إعجابي
إسألنّي تحب ؟ وبجاوبك حبيتك
اي والله إني عشقتك يا آخر أحبابي
وصديت عن مجمل الناس من جيتك
في وجه غيرك مسكر عيني وبابي
غالي و زاد الغلا يوم إني أغليّـتك
شفني ليا مر طيفك فزة أهدابي
وشلون لا منّك ندهت إسمي و لبيتك
..
طلع سعود وابتسم من سمع ابيات قصيدة متعب جلس جنبه بهدوء وصفق : صح لسان شاعرها
تنهد متعب : صحبدنك
سعود ناظر لاخوه ربت على كتفه : فكها يا اخوك فكها تهون والله انها تهون
نزل راسه متعب وضحك بسخرية : ماضنتي تهون
سعود عقد حاجبينه : حتى لو انك مجبور يا رجال اعرس وافتح لك بيت وعايله ابي ورعاينك يلعبون مع ولدي
متعب ابتسم : افتح لي بيت مع الي قلبيي يبيها مو مع الي مجبوراً عليها يا سعود انت اخذت الي تبيها وتحبها ليه انا انجبرت ؟
ابتسم سعود واربت على كتفه : ماعليه لا صرت انت وياها بغرفه وحده بتحبها
ابتسم سعود واربت على كتفه : ماعليه لا صرت انت وياها بغرفه وحده بتحبها
هز راسه متعب النفي : ما ابي احبها القلب مايتحمل شخصاً ثاني هو واحد وسلبه والي سلبه جايزاً لي
سعود بلع ريقه بصدمه مسح على لحيته : وشهو ! انت تحب ؟!!
ضحك متعب بعدم معرفه يجهل مشاعره لها معاد يعرف يفسرها هو يحبها ولا مايحبها ليه يفكر فيها ليه تجيه باوقات يكون ضايق ليه يفز من يسمع اسمها وطاريها ليه وده يسمع صوتها في كل اوقاته ضحكتها ترن في عقله دايماً طيفها وخيالها الي يمر قدامه بوقت سجته تنهد يكمت الي بداخله ولا يبوح فيه الا بالقصايد نطق بقصيده ويرفع راسه لسما ونطق :
..
الحُب تلميحه و تلميحته يا هي
ألذّ من كلمة أحبك مية مرّه
جاني من الحب ما يلفت تنبّاهي
و أخاف يطغى الشعور و ينكشف سرّه
شيءٍ طرح قلبي و شيءٍ طرح جاهي
و غدرٍ ماهو يغدره جساس بن مُرّه
..
تنهد سعود : انساها يا متعب انساها الحين انت ارتبط اسمك مع اسم شيخه زوجتك حرمتك
كشر متعب من طاريها وهمس : الزوجه الي ماني مرغوب فيها عزاه ويا شقى قلبي
تنهد سعود وهو يقوم ويترك متعب لحاله جالس شبك يدينه متعب ويدخل بس سجاته المعروفه
![](https://img.wattpad.com/cover/362457497-288-k562926.jpg)
YOU ARE READING
كل ليلة تزيّن قصيدي ذهبك
General Fiction-نبذة تعريفية عن رواية : روايتنا تتكلم بين الديرة وبين المدينة الي هي الرياض قرر الجد سليمان استقراره هو وعياله وأحفاده برجوعهم لديره بطلتنا ترجع ورد لسعودية بعد ترك ابوها ديارهم وانتقل فيها هي واخوها نايف لاستقرار في الكويت تخطط لانتقام لابوها...