بلعت ريقها بعدم استيعاب لكن مااهتمت للموضوع وقامت بصعوبة ناظرت لها امها : وين بتروحين
ورد بتعب : بجهز شنطتي
ام نايف هزت راسها بالنفي : لا انا ولا نايف ودنا انتس تروحين معنا
ورد رفعت حاجبها ب استغراب : ليه ماما مافيني شي
ام نايف بإصرار : للحينتس تعبانه وقد اني عطيت ام سعود خبر انتس بتروحين بيت جدتس اسبوع وراجعين باذن الله
ورد هزت راسها بالنفي : ماما انا بخير بجي معكم
ام نايف : ورد يا امي انتي اسمعي كلامي الخط طويل وانتي عليتس العذر الشرعي تعب عليتس وبروحتس الحين فيتس حراره
تنهدت ورد وهي تسمع كلام امها : طيب بروح اجهز شنطتي بس تقدرون لا تطولون اقل من اسبوع وتعالو
ضحكت ام نايف وهي تقفل الشنط : ان شاء الله بنعود قبل اسبوع الحين اجهزي لاجل نتركتس عند بيت جدتس بنمشي ذا الحين نايف برا يحط شنطته
ابتسمت لها ورد وهي تصعد دخلت الغرفة وتقدمت للمنظرة شالت الشال الثقيل وعضت شفايفها باحراج وفشله من شافت الشورت حقها فيه نزيف بلعت ريقها وشهقت بخفه وسرعان مابدت تنفض افكارها : لا لا لا لا ما شاف يارب ما شاف
تتاففت وهي تاخذ ملابس ثقيله وغامضه وتدخل دورة المياه تتنظف ~ طلعت بعد عشر دقايق ~ اخذت الاستشوار ونشفت شعرها فتحت شنطتها الصغيره واخذت ملابسها وشالها اللي كان هدية وذكرى من ابوها وجاكيت طويل ثقيل اخذت كم عطر وكم مسك وميكب قليل انتهت هي تقفل الشنطه لبست عبايتها ونقابها ونزلت تحت عند امها ناظرت لها ام نايف وقامت معاها : زين جهزتي نايف يحترينا برا يلا
طلعت ام نايف و ورد وراها وركبوا السيارة نايف التفت لـ ورد يتطمن عليها : وشلونتس ذا الحين
ورد تنهدت وهي تناظر الشباك : بخير مافيني شي
تنهد نايف ومد لها الفلوس : امسكي هذا مصرفتس يكفيتس ولا ازيد
ناظرته ورد واخذت الفلوس : كافي ماتقصر
عقد حاجبينه : علامتس ؟ ليه تكلميني بهالبرود
ورد ناظرت الشباك بغصه وضيق ماتعودت انها تفارق امها ونايف لو نص يوم بللت عيونها بدموع وهي تناظر الشباك وشارع عقد حاجبينه ب استغراب وناظر لامه يهمس لها : شفيها !
ام نايف : تبي تجي معنا وهي تعبانه وانا قلت لا
نايف ناظر لورد : ورد! وردتي ! وردة فزاع
التفت له ونطقت : هلا
نايف بحنية : يا ابوي انتي كيف تبين ناخذتس معنا وانتي تعبانه الخط طويل عليتس وتتعبين زياده
ورد مسحت دمعتها الا نزلت لا شعورياً : ادري بس ليه تخلوني بروحي بالديرة
نايف مسك يدها : ياورد منتي بروحتس انتي بين اهلتس جدي عمامي وحريم عمامي ما شاء الله عليهم بيحطونتس بعيونهم وبعدين كله اسبوع راجعين لتس
تنهدت وهي تمسح دموعها وابتسمت وهي تقترب تقبل راس نايف وراس امها: مااقوى على بعدكم اخاف تروح بعيد عني كافي بابا
ام نايف ناظرت لها بخوف : بسم الله وش ذا الهرج يا ورد
نايف ضحك وهو يقبل راسها : الحمدلله ان عندي اخت زيتس ياحظي بس
وصل نايف قدام بيت عمه ابو سعود وفتح الباب لورد وناظرلها : يلا انزلي
ورد صغرت عيونها : يعني للحين صامل تنزلين عندهم
ضحك نايف : ايه ايه صامل اخلصي علي يلا ورانا خط
تاففت ورد وضحكت : يعنني تقهرني انا اعلمك
نايف ناظرلها بضحكه : خفت منتس شوفيني ارجف
YOU ARE READING
كل ليلة تزيّن قصيدي ذهبك
General Fiction-نبذة تعريفية عن رواية : روايتنا تتكلم بين الديرة وبين المدينة الي هي الرياض قرر الجد سليمان استقراره هو وعياله وأحفاده برجوعهم لديره بطلتنا ترجع ورد لسعودية بعد ترك ابوها ديارهم وانتقل فيها هي واخوها نايف لاستقرار في الكويت تخطط لانتقام لابوها...
