كل ليلة تزيّن قصيدي ذهبك

بارت 36

« يوم جديد في الرياض »
اخذت شنطتها وطلعت من الفندق مع امها واخوها وركبت سيارة ناديه الي كانت تنتظرها و وراهم بسياره الثانيه نايف وامه وانطلقو كلهم لمحلات الاثاث بسيارة ناديه كانت ناديه مشغله اغاني وترقص بحماس والطرحه على كتوفها ونظاراتها شمسيه ابتسمت ورّد لها : واووو شكلك يجننن كذا
ضحكت ناديه وهي تقصر على صوت الاغاني: صدق
ورّد هزت راسها : ايوه صدق اكذب عليك يعني
ناديه : ارمي النقاب يعني بس تحجبي
ورّد : افكر فيها الصدق تخصص الي ابيه طب وجراحه واكيد مايبون منقبه بس ابي اكلم نايف الايام ذي يارب يوافق هو وماما
ناديه وقفت عند المحل الكبير الي فيه الاثاث وناظرت ورّد : كلميه وشوفي وش يقول يلا خلينا ننزل
نزلت ورّد ومعاها نايف وامها وبدت ورّد تختار غرفتها مع ناديه وامها وطاح الاختيار على غرفة تمتاز بالالوان الهاديه ابيض و بيج ابتسمت وهي تناظر نايف واشرت له تبغاها هز راسه بالموافقة وحجز الغرفه الي تبيها وكذلك اثاث الصاله والمجالس والمطبخ وغرفته المؤقته و غرفة امه وحديقة البيت والخ ..
اقتربت ورّد لنايف بعد مادفع وخلص ناظرت له : متى بيحطونها نطق نايف : الحين بينقلونها للبيت نروح نقضي البيت ونفطر برا ؟
هزت راسها ورّد وناظرت ناديه : وش رايك
ابتسمت ناديه : تم موافقه بس علي انا بعزمكم
ام نايف بالرفض : لا يويلي مافي وش تعزمينا انتي اتركي عنتس بس
ضحكت ناديه وهي تمشي توقف جنب خالتها ام نايف وضمتها : تم تم افا عليك خلاص انتم عزموني
نايف نطق : يلا اجل عطينا مطاعم سنعه هنا
ناديه : اذا كذا بضبطكم مشينا
ورّد ضحكت وهي تسحب ناديه من عبايتها : يلا اجل مشينا يا بنت الرياض
نزلت نظارتها ناديه وناظرت ورّد : حبيبي ترا صرتي من اهل الرياض بعد انتي
هزت راسها ورّد : فعلا صرت بنت الرياض
ركبو سيارتهم وانطلقو للمطعم الي اخذتهم ناديه له وبعد نص ساعه وصلو المطعم و جلسو على الطاولة وبدو يطلبون الاكل وكل واحد فيهم اختار الي يبيه ام نايف تناظر المطعم واناقة المطعم والديكورات الي فيه مره رايق : ما شاء الله المطعم رايق بالمره
نايف ابتسم : اي بالله مره بطل
ناديه تنحنحت وهي تعدل طرحتها : احم احم
ضحكت ورّد : يالله يعنني ذوقي بذبحك ترا
ناديه خزتها وهي ترفع حاجب : اعترفي ذوقي قوي ولا مو قوي
ورّد بعناد : لا ماش ماعجبني وايوه الله يستر من الاكل
شهقت ناديه فتحت عيونها على كبرها هبدت ورّد من كتفها : اح قويه بحقي يا بزر
نايف ضحك على مناقرة ناديه و ورّد نطق : الا اخوتس وينه ؟
ناظرت له ناديه : مين هو
ضحك نايف على غباءها : ولد الجيران اخوك ؟
ناديه: معليش بس اي اخو ترا عندي ثلاثه ؟
نايف : سطام اتوقع
ناديه : ايييوه موجود وبعلمه بسالفه هو مايدري الى الان
ام نايف ابتسمت بشعور حلو شعور ارتياح ان لها اهل عندها عيال اخت وبنت اخت حست بالعزوة الي ماحستها طول هالسنين كلها نطقت : اجل بكره غداكم عندنا في البيت
ناديه هزت راسها بالرفض : لا والله يا خاله مانبي نكلف عليكم وانتم توكم ساكنين
ورّد ضيقت عيونها على ناديه : ماحسبتك قليلة ادب تردين عزيمة ماما
ناديه كشت على ورّد : تخسين ابد تم ابشري يا خاله
وصارت جلستهم بين ضحك وسوالف وبين مناقرات ناديه و ورّد وصل الاكل وانتهى الكل من الاكل وقام نايف يدفع الحساب وكلهم كانو وراه عقد حاجبيه من رنين جواله شاف رقم غريب يتصل عليه رد عليه : السلام عليكم
: انت نايف هزاع ؟
نايف : ايه نعم تفضل
: معاك شركة توصيل اثاث حنا قدام البيت نحتاج احد يفتح لنا الباب عشان نبدء نركب الاثاث
ابتسم نايف والتفت لامه واخته انذهل من سرعتهم بتوصيل الاثاث رد عليهم : تمام المفتاح تشوفه معلق على الباب من فوق
: ايه اخذته خلاص بنبدأ شغلنا بس نحتاجك حاليا  عشان نعرف وين غرف النوم
نطق نايف : يلا جايكم
: ان شاء الله
قفل منه نايف وناظر لامه واخته وابتسم : يلا مشينا
ام نايف : الفندق يا امك تعبت رجولي
ابتسم نايف : هالمره لا مو الفندق بنروح لبيتك يمه
ورّد فتحت عيونها بذهول ناظرت ناديه وشهقت وهي ترجع تناظر نايف : بيتنا؟؟؟؟؟
نايف ضحك عليها وعلى ردة فعلها : ايه بيتنا اتصلو شركة الاثاث وهم قدام البيت يبون يركبون الاثاث وصل كل الاثاث
ورّد بفرحه : يس يس
ناديه : ما شاءالله وش السرعه الي عليهم
نايف رفع كتوفه : والله حتى انا مستغرب منه هالشيء سرعتهم
ورّد اخذت نفس بـ ابتسامة : بيتنا الجديد متحمسه صدق
ناديه: عادي اجي معاك اشوف غرفتك ؟
ورّد بتمثيل حبت تطقطق عليها رفعت حاجبها والتفت لـ ناديه : لا طبع ماابيك تشوفين غرفتي ياخي فكي عني شوي يالله
ناديه عرفت حركة ورّد وضحكت : والله لا اجي من وراء خشمك بجي طيب
ورّد دفتها وهي تبادلها الضحكه : يع تقهرين
نايف : يلا يلا العمال ينتظرونا
مشو كلهم بنفس الوقت واتجهو لبيت ام نايف الي يبعد عن المطعم ما يقارب ٢٠ دقيقة فقط