كل ليلة تزيّن قصيدي ذهبك

بارت 12

-
ابيار : ليه ما تاكلين
ورد ابتسمت : الحين باكل
همس ناظرت البنات : بنات بنصلي ونخلص المواعين ثم تنجهز
انهار : ليه ؟
همس : بلا غباء انهار مو قلنا بنضبط جلسة بالحوش ونلبس مخاوير اماراتيه ؟
انهار تذكرت : ايه توني اتذكر طيب طيب
نجد : حماسسسسس ابي البس واصووررر
ضحكت ورد : ليه ماقد جربتي تلبسينه من قبل ؟
نجد : لا تخيلي ذي اول مره نلبسها
ورد ضحكت ب استغراب: غريبه انا احيانا البسه ب رمضان لان هناك بالكويت كان المخور شبه مشهور رغم انه المخور اماراتي
همس : ايه الكويتين والاماراتين نفس بعض
ام تميم ناظرت حافظة الجريش الي فضت تماماً من عندهم : تسلم يدينتس ورد بنيتي خوش جريشه
ابتسمت ورد : الله يسلمك بالعافيه
ام سعود : عاد عمتس عبدالعزيز ومتعب وفيصل يموتون بالجريش
ابتسمت ورد : اجل بالعافيه
شيخة الي كانت تخز ابتسامة ورد ونطقت ب اندفاع : بس ياعمه خابره متعب مايحب الجريش ؟
ام سعود بنص عين : هو من قالتس هالكلام
نجد طيرت عيونها بصدمه من جرأت شيخة وبخبث لاجل تقهرها التفت لورد : ايه ياورد بعلمه ان انتي الي مصلحه الجريش دايماً متعب يطلب امي تسوي له جريش ويتلذذ فيه يموتتتتتت يموتتتت
همس ضحكت وابيار شرقت بالمويه من فهمت مقصد نجد ورد ابتسمت لنجد وكملتها معاها : ايه اجل بالعافيه عليه
شيخة والشر بعيونها همست لغلا : تمسعين اختس تسمعينها
غلا كشرت : يابنت ماعليتس مارح تقوله اعرفها وبعدين شدعوه متعب بيهتم !
شيخة ابتسمت : صح راحت عن بالي ذي
-
مجلس الرجال وكلهم يفطرون بدون صوت والهدوء يعم المجلس ابتسم تميم بعدم فهم وهو يشرب من حليب النياق وطلع صوت الرشفه نزل السحله : الحمدالله
ناظرو له كلهم وضحكو على شكله وحركته ابتسم تميم بطفوله : ليه تضحكون ؟
سيف بضحكه : تميموه طلع لك شنب بس ياهو مشيب هالشنب
تميم بفرحه : الله صرت كبير طلع لي شنب زي جدي سليمان ابيض
شرق فيصل بالمويه واحمر وجههه بضحك من كلام تميم
سيف يضحك بصمت وهو يلتفت لفيصل وسياف وبهمس : اح انلقم جدي
سياف ماسك بطنه لا ينفجر من الضحك دمعت عيونه : يا عيال مقدر بنصرع صدمه
متعب ناظر لهم برفعة حاجب وبلعو العافية سيف قام : الحمدلله سفره دايما لحقوه فيصل وسياف وذياب
سعود ناظر لولده تميم مطير عيونه : وجع قم مناك قم
تميم بوز شفايفه بزعل : بابا وش قلت انا قلت شنب زي شنب جدي سليمان ابي شوف شعره بعد ابيض
نايف مسك ضحكته وهو يكمل اكله قام سعود بسرعه هو ويشيل تميم : قم قم خلصت انت
الجد سليمان بحده : امحق معاد فيه احترام
متعب : العذر والسموحه امسحها بوجهي يا جدي
الجد سليمان: ايه ايه قومو يلا على المسجد

-
«  بعد صلاة التراويح »
نزلو البنات من فوق وهم لابسين المخاوير ومتزينات مخور ورد ابيض وعليه ورد بالالوان الاحمر والوردي وطرحته الحمرا وبناجر الذهب بيدينها همس مخورها بالالوان الهاديه همس باللون الاصفر الفاتح ابيار وانهار كانو مثل الشي بالالوان الازرق الفاتح و الموفي الفاتح
ام سعود وام نايف وام تميم ناظرو للبنات وزينهم ام سعود : يا حلوكن حلواه ما شاءالله
ابيار وهي تدور : يمه شوفي مخوري حلو ولا ؟
ام تميم ابتسمت : حلو حلو
شيخه ناظرت ورد من فوق لتحت ماتنكر ان جمال ورد غير بياضها و جسمها الي تخصر بالمخور ونحرها الصافي الي يكسيه سلسال الذهب باسمها وبناجرها الذهب واظافرها الحمر شعرها الاسود المنسدل على ظهرها مكتفيه بماسكرا وبلشر وروج احمر عضت شفايفها بقهر وبهمس لغلا : وشدعوه عليها كذا كاشخه
ضحكت غلا بعدم فهم من كلام شيخه : مافهمت بس احس ميكبها عادي هي مو حاطه ميكب ترا بس روج و ماسكرا و بلاشر بس
شيخه بكرهه : مدري ماعجبني مخورها يفشل
رفعت غلا كتوفها : مدري
طلعوا البنات وجلسوا بالحوش الخلفي بعد ماضبطو الجلسة لهم
ابتسمت ابيار وهي ترفع الجوال : يلا بنات تضبطو بنصور
همس وهي تعدل طرحتها : هصبري دقيقه اضبط طرحتي
تاففت ابيار : اخلصي
همس : يلا هاه
خلصو تصوير وبدو البنات يسولفون ويحشون
شهقت نجد من تدور اسيل : وين اسيل ؟
انهار : ماخلصت تسوي شعرها وقبل شوي دخلت لقيتها تغير لتميم
ورد : يوه الله يعينها
همس : لا والله تميمي يروحي هادي وعاقل
انهار طيرت عيونها بصدمه : مين هادي ؟ تميم هادي خير ان شاء الله
نجد وهي تشرب قهوه : انهار وسيف وتميم ماغير تسمعين ازعاجهم كل يوم
ضحكت ورد : اما عاد
نجد ضحكت بخفه : والله
فزو من سمعو صوت الرجال لبسو طرحاتهم وثم ناظرو بعض
عقدت حاجبينها همس ب استغراب : ليه تغطينا ؟ هم قدام وحنا جالسي بالحوش الي وراء
ضحكوا البنات كلهم بصوت واحد وماتو ضحك
ابيار دمعت من الضحك: غبيات صدق
انهار تاففت : بنات خلونا نروح السوق اجواء السوق الحين غير وراعين يلعبون بطراطيع و حريم واجد
همس بحماس لفكرة انهار : صدق بنات خلونا نكلم جدي
ورد ناظرتهم : مدري كيفكم
نجد : يوه لا يطوفتس اجواء الديرة برمضان حلو حلو
ورد ميلت راسها تناظرها : احلفي ؟
نجد : وجع ليه تناظرين كذا ؟
ورد ضحكت طيرت عيونها : انتي خير ماتبيني اناظرك
نجد ضحكت وهي ترجع شعرها : اعترفي خاقه علي ؟
ورد : اكيددد ولا مين مايخق عليك
قاطعتهم ابيار وهي تصغر عيونها : الحين وش صار تبون نروح ولا ؟
نجد : طيب طيب بنروح بس نكلم جدي اول ؟
انهار قامت : اجل مشينا نكلمهم
همس : بس العيال عنده
خزتها ابيار : ماعليتس نطردهم امشي بس