اخذتها الحرمه لسياره و كان في رجال يطالع فيها نظرات مرعبه و عصبيه و عيونه حمراء
مفلح : وراك طولتي كذا!!
سعاد : مو مني من المديرة
مفلح : وذي وش اسمها؟
سعاد : الهنوف
مفلح : زين ي الهنوف
وصلوا للبيت و اخذ مفلح الهنوف و دخلها البيت و قفل عليها الباب
مفلح سحب سعاد
مفلح : اسمعي يامره زيننن اسمعي زين
سعاد : سم
مفلح : البنت ذي انتي داريه ليش جبتها عشان تشتغل معك في المحل و تنظف و تغسل !
سعاد : بس هي صغيره
مفلح : و لا كلمه مو هي بنت ؟ و لا ليش مخلوقه !
سعاد : طيب
مفلح : لاتكلمينها الا في الشغل و اذا تعتب هي تداوي نفسها و لا تحنين عليها و لا تقربينها!
سعاد : طيب
كانوا يمكلون محل صغير حق خياطه
و مرت الايام و السنوات و صارت الهنوف تشتغل و تنضرب من مفلح اذا غلطت ولو في شي بسيط و كانت بعض الاحيان ماتاكل لانهم فقراء كانوا بس مابينوا هاذا للميتم زمان الهنوف و هي بكل مره تتذكر تركي و جميلة و تتسأل ليش ماجو يسألون عنها ليه ماانقذوها ليه مادوروها!
كانت الهنوف بعمر ١٤ تفكر تهرب بس بكل مره تنمسك صارت تتمنى تصير في عمر ١٨ في اسرع وقت و صارت ماتقدر تشتكي للشرطه بسبب تهديد مفلح المستمر و ماكان يخليها تطلع مكان ابد بس في البيت و على سعاد و بنسبه ل سعاد ماشافت الهنوف اي حنيه منها عليها و كانت ماتكلمها ابد غير في الشغل حتى ماعمرها طالعت عيونها في عيون الهنوف
بعد ثلاث سنوات
صار عمر الهنوف ١٧ و بعد يومين ١٨ تدخل و كانت سعاد حامل و بعد يومين جات الساعه ١٢ و دخلت الهنوف ١٨ كبرت الهنوف و صارت بنت كامله و الكامل الله تجنن بجمالها و اخلاقها و كانت الهنوف شخصيتها عنيفه شوي و مايفرق معها شي كانت تبي تحقق حلمها و تصير دكتوره ،و في ذيك اليله جهزت اغراضها و هي ماتدري وين بتروح بس بتهج و هي طالعه بحكم كانوا نايمين سعاد و مفلح و مفلح نسي يقفل الباب سمعت الهنوف صراخ سعاد يعني بتولد قام مفلح و شالها و يصرخ ينادي الهنوف كانت محتاره تهج و لا ترجع؟
الهنوف : ياربي وش اسوي الحين اروح و لا اهج؟؟
مفلح : هنوف و صمخ ان شاءالله بسرعه امشي
سعاد : مفلح بسرعه المستشفى
مفلح : لا اولدي هنا ماني موديك
سعاد بصدمه : صاحي انت !
طلعت الهنوف لِ سعاد
الهنوف : وش فيك؟
مفلح : شوفيها ولديها سوي اي شي
الهنوف بخوف : مااعرف شي مااعرف
مفلح سحب نفس و قال : حسبي الله عليكم قومي للمستشفى قومي
ركبوا السيارة
و الهنوف :تناظر الدنيا حواليها شلون تغيرت
مفلح : هنوف ووجع ماتسمعين !
الهنوف : ماسمعت
مفلح و هو ماسك فك سعاد و يعيونه على الهنوف
مفلح : اقسم بالله لو تهرجون احد او تعلمون احد بشي ياويلكم وسواد ليلكم!
سعاد : طيب طيب بسرعه
نزلوا و اخذوها الممرضين عشان تولد
بعد ساعه ولدت سعاد و جابت ولد و طلعت من غرفه العمليات
عند مفلح و الهنوف
مفلح : ادخلي معها بروح و اجي
الهنوف : طيب
دخلت الهنوف عند سعاد
سعاد : ياهنوفي تعالي
دق قلب الهنوف بخوف اول مره تنادي اسمها كذا او تكلمها غير عن شغلها
الهنوف : هلا
سعاد : انسدحي على قلبي و لا تفتحين عيونك و لا تقاطعيني
الهنوف : طيب
جات الهنوف و حطت راسها على صدر سعاد عند قلبها يعني و هي تسمع نبض سعاد
سعاد ببكاء قوي: سامحيني سامحيني والله كل شي عشان ماابيه يذبحك سامحيني اخذتك من امك جميلة سامحيني كنت اشوفك تتعذبين و لا سويت شي سامحيني خليتك جيعانه ايام و لا سويت شي
سامحيني مامرست الامومه معك سامحيني ياهنوف سامحيني ياقلبي انتي سامحيني ماتكلمت معك و لا لحفتك يومنك صغيره و قلت لك وش لعبه تبين سامحيني ماعشتي طفولتك بس و الله مجبوره و الله مجبوره
الهنوف و دمعها على خدها و هي تتذكر كل شي صار لها
كملت سعاد و قالت : انا بروح للرحمن اخوك امانه عندك احميه من مفلح تكفين صح ماجبته برضاي بس ادري ماراح تعيشينه زي ماعشتي انتي كبريه وربيه على الطيب و الصلاه و حب الناس و عندي اختي روحي لها هاذا رقمها اكلمها ب السر طول عمري روحي لها ودوري امك جميلة و عيشي معها بس لاتتركين و خيك تكفين لاتسكتين عن حقك زي ماسكت انا! ارجوك يا الهنوف الحين اهربي اذا قلت لك لاتشوفين خذي اخوك ووديه عند اختي و روحي معها تدري عنك هي ترا شنطتي فيها فلوس خبيتها لك خذيها و عيشي فيها انتي و خوك
غمضت عيونها سعاد و الهنوف حست بشهقت روحها يوم طلعت
الهنوف ببكاء: سامحتك و الله لاصونه مااخليه سامحيني انتي
حبت راسها و اخذت اخوها و هجت
-
عند مفلح و هو راجع فتح باب الغرفه لقى سعاد مغطيه بشرشف ابيض و السستر عندها الدكتور يتقدم له
الدكتوره : عظم الله أجرك توفت سعاد
مفلح : وولدي وينه
الدكتور : مدري مو موجود
مفلح بعصبيه : شلون مو موجود تبيني اذبحك!
تقدم مفلح مسك ياقة الدكتوره
مفلح : ولدي وينن ويننن
الدكتور: ماادري دخلنا مو فيه
مفلح : و الحيوانه الهنوف ويننن؟
طلع مفلح يدورهم
-
عند الهنوف تركض ل ابعد مكان عشان تهرب من مفلح ركبت تكسي و هربت و هي خايفه دقت على اخت سعاد من جوال الرجال لان الهنوف ماعندها جوال كان و علمتها ووصفت لهم المكان فاطمه ( فاطمه اخت سعاد هي الي بتساعد الهنوف تهرب من مفلح )
الهنوف : الو
فاطمه : هلا من معي
الهنوف : انا انا الهنوف
فاطمه: الهنوف بنت سعاد !
الهنوف : اي بس سعاد راحت
فاطمه : لاتكفين قولي كل شي الا ان وخيتي ماتت
الهنوف ببكاء : اي ماتت
بكت فاطمه بعد هدوء و صفت البيت ووصلت الهنوف البيت
الهنوف دقت الباب و فتحت فاطمه
فاطمه : الهنوف ؟
الهنوف : اي
ضمتها بدون اي مقدمات فاطمه و قعدو يبكون و الطفل يبكي في حضن الهنوف
بعد هدوء دخلت الهنوف و علمتها بكل شي صار
فاطمه : وش سمته؟
الهنوف : ماقالت شي
فاطمه : سميه انتي
الهنوف : انا ؟
فاطمه : اي انتي اخته
الهنوف و هي تناظر فيه : عبد العزيز
فاطمه : يازين ماسميتي
الهنوف ابتسمت و فاطمه تطالع في الهنوف و تقول في نفسها لا اله الا الله مشاءالله تبارك الرحمن وش ذا الزين ياربي؟
