عند الجد بعد ماتقهوى و قعد يسولف مع جميلة
الجد : ودي ااجل الطلعه لين بعد تخرج الهنوف
جميلة : الي تشوف و الله بس انا عندي فكره
الجد : ويش؟
جميلة : بنسافر مع بعض كلنا و الهنوف معنا
الجد : وين؟
جميلة : نشوف جزيره اي شي ننبسط و منها تغير جو الهنوف
الجد : تم ابشري من عيوني انتي تأمرين
استحت جميلة و هي تدري ان حب عطالله لها باقي
-
عند الهنوف تذاكر لاختبارتها النهائيه و البنات كانوا طالعين عنها
دق الباب
الهنوف : ميينن
تركي : انا بدخل
الهنوف : وش تبي
تركي : افتحي و لا دخلت
الهنوف قامت عند الباب و مافتحت و قالت : روح مانيب فاضيه لك بذاكر
تركي : ترا بفتح الباب
الهنوف : تحداك
الهنوف ماكانت تدري انه بيسويها ويفتح الباب لانها ماقالت له ادخل و هي بدون حجاب
فتح تركي الباب و دخل و سكر الباب و شاف الهنوف بشعرها الاحمر الطويل
الهنوف و هي لاصقه ب الجدار و تركي قدامها واقف
الهنوف : عمى اطلع
تركي : انتي الي قلتلي ادخل
الهنوف : و انت اي شي تصدقه ؟؟
تركي : اي ماقلتيها بمزوح
الهنوف جات بتكمل و سمعت صوت جميلة جاي
جميلة دقت الباب : ياهنوفي افتحي
الهنوف بتوتر و تركي في الغرفه و ماتدري وش تسوي
الهنوف : طيب يمي دقيقه
الهنوف بهمس : شفت يلا وين تروح الحين؟
تركي الي كان هايم في الهنوف و مو يمها
الهنوف : انا اكلم من تباني اضربك؟؟؟
مارد و هو يطالع فيها
الهنوف سحبته و دخلته الحمام و قفلت الباب
و فتحت الباب
جميلة : وراك طولتي؟
الهنوف و هي تناظر باب الحمام : كنت اغير
جميلة : اكلتي؟
الهنوف : اي اكلت
جميلة : وشبك مختبصه ؟
الهنوف : هاه و لا شي بس تعرفين اختبار و كذا
جميلة : اي اجل بخليك انا بنزل و تعالي اذا خلصتي
الهنوف : اي ان شاء الله
طلعت جميلة و فتحت الهنوف باب الحمام و طلع تركي و على طول الهنوف بدون اي مقدمات ضربته
: هاذي عشانك ماتستحي و هاذي عشان ناظرت و انا بدون حجاب و هاذي عشان يومني اكلمك ماترد و هاذي بدون سبب
تركي : اهخخ عورتيني
الهنوف جات بتضربه بس مسك رجلها تركي و رفعها
الهنوف و هي يلا واقفه على رجل
الهنوف : فك رجلي !
تركي : ماابي ليش تضربيني؟؟
الهنوف : تستاهل
تركي : يلا فكي رجلينس مني
دفته الهنوف بقوه على السرير و هو ماسك رجلها و طاحت عليه
الهنوف و هي تناظر فيه قامت بسرعه يوم استوعبت و ضربت رجله بقوه
تركي : و الله انه عسل على قلبي
الهنوف : ويش؟
تركي : ماقلت شي اقول عورتيني
الهنوف : انا ابي اعورك
تركي قرب : ماتقدرين تعوريني انتي تزيديني
الهنوف: وش ازيد؟
تركي في نفسه : حبي لك
تركي : و لا شي
سحب نفسه و طلع و سكر الباب
الهنوف و هي حاطه يدها على قلبها
: وش بلاك انت تدق كذا ترا كلها هوشه! ، حتى في هوشاتي ماقد دقيت كذا
-
راح تركي و هو متألم منها بس ان داخله سعيد يوم شاف الهنوف و هو يقول و الله انه عسل على قلبي
مشى و هو ماسك رجله ماشي عند هايف الي قاعد وسط المزرعه عند البير
هايف : شبلاك
تركي : مضروب
هايف وقف : انا ولد ابوي من ماد يده عليك اكسرها له!
تركي : و الله ماتمد يدك عليها
هايف : ويش
تركي : اقعد اعلمك عيون البحر الي ضربتني
هايف : ليش ضربتك؟
تركي : هي من يوم ماشفتني تضربني
هايف : ليش ضربتك الحين شكلها قويه
تركي و هو مبتسم : عشان دخلت الغرفه و هي بدون حجاب و جات جدتي و سحبتني الحمام و يوم راحت جدتي ضربتني ٥ مرات لا ٦ الاخيره على السرير
هايف : وش على السرير!!
تركي : لالا
هايف : وشو اجل
تركي : عشانها يوم جلست تضربني و دقت الباب جدتي كنت اتأملها و هي تقولي اندس و مارديت عليها و سحبتني و ضربتني و يوم طلعت و مسكت رجلها و دفتني بقوه و طحت انا و ياها على السرير و قامت وضربتني على رجلي
هايف : ماهي سهله
تركي : اي و الله كسرت ضلوعي بس يفدا عيون البحر
هايف : اول مره اشوف احد ينضرب و يقول يفداه
تركي : ماجربته ماجربت الحب ياهايف
هايف :الا و الله اني حبيت لي مزيونه غير عن كل المزايين
تركي لف : اخص اخص من ذي ؟
هايف : رزان
تركي : اما عاد هي حلوه ماقلنا شي بس ليش حبيتها
هايف : تذكر يوم انكسر العطر؟
تركي : اي؟
هايف : شفتها و حبيتها
تركي : اثرك يومنك كسرت العطر دخل الحب قلبك
هايف : اي و الله
تركي : الله يعينا ياخوي
هايف و هو يشد على ركبت تركي و يضحك : اي و الله
هايف : عطنا ياتركي قصيد
تركي : ابشر
تركي :
انتظرس من زمان و اتحرا مجيس
يالي عيونس اسرت قلبي و انفاسي
عينس الي لاشفتها قلت الا هاذي سهم
يدخل شرياني شلون تبيني اتناساس
؟ جعل ربي يقطع لساني يومني
اقول عيون البحر بنتٍ لمنهي ؟
يومني اشوفس مقبله يمي كن
عيوني ماتشوف غيرس الا و الله
اني ماادري بالبشر عندي
الا و الله انس تليتي قلبي
من اقصاه مير جعلني
كلي فدا لعيون البحر
-
هايف : صح لسانك
تركي : صح بدنك
-
انتهى اليوم يوم كل واحد قام و لغرفته و ناموا
