(نجمة تقدير ل تعبي )
في الديره ، وصلوا البنات و العيال للبيت و كانوا العجز قاعدين في الخيمه ، الجد : خلصتوا ؟
فهد : ايه قضينا
دخلت الهنوف داخل ، استغرب عبدالاله ووقف لحقها و دخل غرفتها شافها منسدحه و مغطيه نفسها ، دخل و قعد على السرير و قال : ابوي
الهنوف من تحت اللحاف مسحت دمعها ورفعت راسها و قالت : لبيه
عبدالاله قطب بـ ستغراب من و جهها الي وضح انها بكت ، و قال : بك شي ؟
الهنوف نزلت راسها و هي تقاوم دموعها و قالت : لا مافيني شي
عبدالاله حط يده على دقنها و رفع وجهها و قال : ابوك انا و ادري بلي فيك علميني
ناظرت الهنوف فيه و امتلت محاجرها دموع و قالت بصوت باكي : تعبت و الله ياابوي انا تعبت ، قلبي يعورني معاد اقدر اتحمل ، صرت اتمنى ربي ياخذ روحي و لا اعيش الي عايشته ياابوي معاد بي حيل اعيش و الله معاد اقوى
حضنها عبدالاله و هو يمسح عليها ويقول : بسم الله عليتس يمي ، لاجيبين طاري الموت ، اسأل الله ان يزيح همك ، ياابوي انا جنبك و انا ذراعك اليمين و سندك قبل اصير ابوك
بكى عبدالاله و كمل يقول : كل شي بسبيي انا الي تركتك ، سامحيني يابعدهم سامحيني يمي ، و الله معاد ادري ابكي على فرقاء امك و لا على وجع قلبك و الله معاد ادري ، و لا يرضيني الي يصير فيك
شد عليها و هم يبكون كلهم ، الهنوف ضايعه ماتدري ويش تسوي غير انها بكت في حضن ابوها ، و عبدالاله الي ندمان انه تركها معنه يدري ان ذا الشي مو بيده الا كان غصباً عنه
بعد ساعتين ، طلعت الهنوف و راحت ل غرفه فاطمه ، دقت الباب و قالت : فطوم
فاطمه : تعالي ياعيوني
الهنوف دخلت و سكرت الباب وراها و كانت فاطمه قاعده على السرير و هنوف الصغيره في حضنها ، نزلتها فاطمه و جات الهنوف و انسدحت على رجل فاطمه و قالت : تذكرين يمنك تمسحين على راسي و انام على رجلتس ؟
فاطمه ابتسمت و حطت يدها على شعرها و اخذت تمسح عليها وقالت : شلون انسى ماانسى انا اي شي فيتس
الهنوف ابتسمت ب خفه و قالت : فطوم
فاطمه : لبيه ياعيوني
الهنوف : شكراً لك
فاطمه : على ويش ؟
الهنوف : على كل شي ، عشانتس ساعدتيني و عشانك احتويتينها و خليتيني جنبتس و عشان وقت حزني انتي جنبي و على كل شي كل شي
فاطمه قطبت ب ستغراب و قالت : وشوله تقولين ذا كله الحين
الهنوف : مافي شي بس كذا طلع من داخلي
فاطمه باست راسها و كملت تمسح عليها و هم ساكتين
-
بعد يومين جاء اليوم المنتظر ، زواج تركي و الهنوف ، كان كل البيت حايس حرفياً و كل واحد مبتلش في نفسه و كلهم متوترين و حصه الي قالبه الدنيا فوق تحت ، و تركي الي وده الارض تنشق و تبلعه من التوتر الي فيه ، و الهنوف الي كانت خايفه مفلح يطلع و يخرب عليهم كل شي
راحوا البنات المشغل و العيال للحلاق ، في الصالون عند الهنوف قاعده و تسوي شعرها و كانت متوتره مره و فوق ذا كله خوفها من مفلح يسوي شي ، تقدمت رزان لها و قالت : كيف الاوضاع ياعروسه
الهنوف ابتسمت بخوف : زين
رزان قعدت قدامها و قالت بهمس : لاتخافين و لا تشيلين هم اليوم ، لاتفكرين بشي هاذا يومك انتي ، حنا معك و بحميك انا خلي مفلح ابن ابوه يطلع و الله لاالعنه ، و الشرطه متواجدين هنا ، و انا معي سلاح حاطته تحت فستاني ، سرقته بدون علم سهم الله يستر لايلعني انا و قمر
ضحكت الهنوف و قالت : وين حاشرته ! ووقمر معها سلاح !
رزان : لبست سروال طويل و حطيته تحت ، و قمر معي بعد
الهنوف : منتي صاحيه
رزان : و الله الاحتياط واجب ياوخيتي
جات نجود الي ماسكه الكاميرا و تصور فلوق و جات الهنوف وقالت: و هاذي بحرناا العروسه
الهنوف لوحت و قالت لين : احلا عروسه ، ياحظي صارت زوجت اخوي
رزان حضنت نجود من ورا و قالت : صوريني انا بعد
نجود لفت الكاميرا و قالت : وذي رزونه المزيونه
مشت نجود عند حصه و قالت : وذي حصحوصه
حصه : ووجع ويش حصحوصه شيلي ذا المعفن عني الناس تشوفني
ضحكوا كلهم و قالت رزان : مااحد يشوفك
جات عند فوزيه و قالت : عاد ذي الغلا و الحلا كله اطلق عمه في الدنيا
فوزيه ضحكت : ياحبيبتي انتي
جات رزان عند فاطمه و قالت ؛ فطومتييي الحلوه
فاطمه باستها ، ولفت نجود هي و رزان يصورون و جاء دورهم ووقفوا الفلوق لين مايخلصون
-
عند العيال و الجد و الرجال عند الحلاق ، وقف رواف وقال : يازول مافي سماعه
فيحان : اي ، مافيه ؟
الحلاق : الا فيه
رواف : ويش تنتظر افتح نبي ننطرب
راح الحلاق و فتح السماعه و قاموا يرقصون كلهم و حتى الي يشتغلون ، وقف نايف و هو نص محلق و نص لا و هو يرقص و قال فيحان : اي اي عاشووو
راكان جاء في النص و هو يهز كتوفه و يقول : افرحي يانجد و ارقصي ياديره اهلي ، يااهل الديره شرعوا خيامكمم اخوي عريسسسسس
الجد ضحك منهم و فرح من شافهم مبسوطين ووقف معهم يرقص في مكانه و هم يرقصون معه و انقلب المحل بدال حق حلاق صارت قاعه رقص ، بعد لحظات هجدوا و خلصوا انفسهم و توجهوا للبيت ، وقف سهم برا عند الشرطه و قال : انتبهوا لااي حركه او لااي شخص يدخل مانبي هاليله بذات تخرب عليهم
الشرطي : عُلم
دخل سهم داخل الخيمه و بدوا الناس يجون من كل مكان ، و جات الفرقه الي بدت تغني و تعرض العرضه السعوديه النجديه ، و الرجال و العيال رفعوا السيوف و هم يرددون معهم بفخر و فرح :
( تحت بيرق سيدي ... سمعاً و طاعه
تحت بيرق سيدي ... سمعاً و طاعه
تحت بيرق سيدي.. سمعاً و طاعه
يادارٍ لنا ... حقتس علينا
يادارٍ لنا ... حقتس علينا
و السلايل .. في يدينا
و السلايل .. في يدينا )
قال صقر : افرحي يانجد العذيه و هلي في فرح ولدي ، و اضحكي يانجد و افرحوا يااهلها ، فرحتي لليوم مابعدها فرحه ، افرح اليوم في فرح تركي
كملوا و هم يغنون و تشابكت صفوفهم هم و اهل الديره و رفعت السيوف فوق :
( لابكت نجد العذيه تهل دموعنا
بالهنادي قاصرين شوارب قومها
حن هل العادات مخضبين سيوفنا
و الطيور الحاميه جادعين لحومها
حن هل العوجا نهار الملاقى عيدنا
و الجزيرة كلها مدلين قرومها )
عند الحريم ، الهنوف داخل قاعده و البنات يجون ويروحون عليها ، قعدت و هي تفكر و قالت : ياربي يسرها ، ياربي عدي هاذي الليله على خير
سكتت من دخلت فاطمه و قالت : هنوف قلبي ، تبين شي
الهنوف : لا
فاطمه : جوالتس عندتس اذا بغيتي شي دقي
في الحوش الحريم قاعدين و الدقاقه تغني و هم يرقصون ، سلمى : لين امشي خلينا نرقص
لين : تم و الله انه تم
غرام و هي تسوي كعبها : بنات
لين : وشبك
غرام : في وحده من اول تناظر فيني
جمانه : مين ؟
غرام : العجوز الي قدامك بس لاتناظرون
لفت سلمى بسرعه عليها و ضربتها غرام و قالت : ياحماره لاتناظرين
سلمى : ايه هاذي سعده ام فيحان ، عاد هم يقولون تدور ل ولدها عروس
غرام : انقلعي بس
سلمى : حبيت غرام بنت المدينه و فيحان ولد الديره ههههههههه
غرام : سلمى !
سلمى: علامتس عاد مشاءالله فيحان مزيون حلو و عنده شغل مشاءالله عليه ، و انتي مهبوله و هو مهبول اكثر منتس
رزان : شوفي التناسق بس
غرام دفتها و قالت : روحي ارقصي بس
راحوا البنات يرقصون ، و بعد دقايق عند الرجال ، سهم الي كان باله معهم و عيونه حول المكان ، وقف انظاره على رجال متلف و عيونه حمراء و مايدري مين ذا و عينه على تركي ، مشى سهم يم هذّال و قاله : خل عيونك على الطويل ذا ، مشكوك فيه
هذّال : حتى انا شاك فيه يده من اول في جيبه ، يتحسس شي بس مدري ويش
سهم : خلك قريب منه
تقدم هذّال و صار جنبه ، و يناظر في يدين الرجال الي واقف ، طلع الرجال بسرعه من جيبه المسدس ووجهه على راس تركي ، اما هذّال بسرعه البرق طلع سلاحه و مسك يده و قاله بهمس عشان الناس ماتسمع : اقسم بالله، لو يجيه شي ان موتك على يدي
نزل الرجال السلاح و سحبه هذّال بعيد عن الناس و لحقوه الشرطه و سهم و قال سهم : من انت
الرجال مارد و تقدم هذّال الي حط سلاحه على راسه و قال : ويش تبي في تركي !
الرجال : مالي دخل لاتذبحوني انا عبد مأمور
بدر : من أمرك تذبح تركي
الرجال : ماادري مين ماادري
بدر عصب و قال بصوت عالي : و كيف ماتدري مين !!
الرجال : بس رابح الي وجه لنا انا و البنت و جينا على كلامه
بدر : البنت ! وين
الرجال : داخل عند الحريم
بدر انصدم وقال : ويش معها ! مسدس ؟
الرجال : ايه لاكن عياره اقوى
سهم عصب و صرخ وقال : اقلعوه بسرعه و لايروح مكان
هذّال : الحريم داخل
سهم : اصبر ياهذّال ، انا بدخل داخل ، بنادي قمر ، لاكن الناس لاتدري و لااحد يدري خل الليه تمر على خير ، اليوم فرح تركي و عيون البحر ، لايصير شي
هذّال : طيب
دخل سهم عند الباب ووقف عند الجدار الي بين الحريم و نادى : يالقمرر
ماردت قمر و فتح جواله و دق عليها بس ماردت ، و دخل من باب المطبخ و هو يحاول ان محد يشوفه و خايف اي بنت تطلع في وجهه ، وقف عند الباب و صار ينادي قمر ، و جات رزان ترد عليه من جنب الباب : سهم ؟
سهم : رزان اللبسي عبايتك انتي و قمر و الان بسرعه تعالوا
رزان : وشفيه !
سهم : تكفين لاتسألين بسرعه
ركضت رزان و لبست عبايتها و اخذت قمر الي ماتدري ويش السالفه و طلعوا لسهم الي كان خايف و متوتر و معصب و قال : اسمعوا زين ، مو وقت الخوف
قمر : ويش فيك لاتخوفني !
سهم : عند الرجال كان في رجال مرسول من رابح و مفلح ، و معه مسدس كان بيذبح تركي بس لحق عليه هذّال
انصدموا البنات و قال سهم : في عندكم بنت من عند مفلح مرسوله معها مسدس عياره قوي
رزان : و..ويش تقول !!
سهم : معكم المسدس ؟
رزان : ايه اخذته انا و مع قمر واحد
سهم طلع مسدس و قال : خذي ذا عطيه الهنوف ، لايصير شي ، لااحد يدري ، الي تشكون فيه و غريب بينكم امسكوه انتبهوا ، الشرطه برا محاوطه المكان
بلعت قمر ريقها بتوتر و قالت : يمه ياربي عديها على خير ياربي عديها و حنا ماحنا فاقدين احد
كلهم اللهم امين
دخلوا البنات و مشت رزان يم الهنوف و اعطتها المسدس و قالت : خليه عندتس اذا صار شي
الهنوف خافت و قالت: مفلح فيه !
رزان : لا مو مفلح ، رابح مرسل ناس رجال عند الرجال و كان بيطلق على تركي لاكت انقذ الوضع هذّال ، و في بنت داخل بيننا معها مسدس ماندري مين
انصدمت الهنوف و قالت رزان : اسمعي ياعيوني ، اهدي و ان شاء الله مافي شي الشرطه برا و تركي بأمان ، و الحريم انا و قمر معنا مسدس
سكتت الهنوف و طلعت رزان و هي تناظر في الناس هي و قمر و تدور المشكوك في وضعها
طلع سهم عند الرجال و قال هذّال : الخطر عندنا مافيه ، لاكن داخل عند الحريم، البنت محد يدري مين هي
جاء ذياب و قاد : شفيكم مختبصين
سهم سحب ذياب و قاله كل شي انصدم ذياب و قال : ويش تقول !
سهم : اص مانبي احد يدري
ذياب : الحريم داخل لو يصير شي لهم
هذّال : مايصير ان شاء الله شي ، رزان معها السلاح خبيره هي
ذياب حط يده على راسه و قال : انا بوقف جنب تركي
سهم : خلونا حوله ، مفلح مستهدفه هو
راحوا العيال جنبه و الشرطه رجعت مواقعه لاكن بتشدد اكثر ، داخل عند الحريم قامت البنت الي رزان كانت تناظر فيها بدون علم رزان الي التهت في السوالف مع نوره ، قامت البنت و دخلت داخل ، رزان ناظرت و قالت : وين راحت !
نوره : مين ؟
رزان : كانت في بنت بعبايتها قاعده هنا
مشت رزان على طول و دخلت داخل تدورها ، وقفت من شافت البنت تكلم و تقول بصوت واطي : اطلق عليها ماعندها احد الحين
سكتت و بعدين قالت : ماني ذابحتها بس على كتفها
البنت : طيب طيب يلا
لفت البنت تدور غرفه الهنوف و انصدمت من شاف رزان وراها و موجه السلاح على راسها و قالت : نزلي سلاحك بدون اي مقاومه
رمت البنت السلاح على الارض و رفعت يدها و جات قمر و قالت : وين سلاحك الثاني طلعيه
ماردت البنت و قال بكذب تنكر : م..مامعي شي ثاني
قمر : السلاح الي معك الثاني طلعيه !
طلعت السلاح البنت ووجهته عليها و قالت البنت : ابعدي و لا فتحت الباب و اطلقته عليها
رزان: ادخلي يلا و اطلقي عليها اذا كنتي بنت ابوك
ركضت ليلى برا تنادي سهم و شافت راكان و قالت : راكان
راكان ناظرها و هي ماكانت متحجبه زين و خصلها طالعه و قال : وشبك ويش مطلعك كذا!
ليلى : مو وقتك اسمع ، ناد سهم بسرعه قوله البنت موجه السلاح على الهنوف
راكان : مين !
ليلى : راكان ياعيوني لاتسأل تكفى روح ناد سهم لايتحول يومنا من سعد ل حزن
ركان ركض و قال ل سهم نفس ماقالت له ليلى ، دخل سهم و معه هذّال و بهاج و مازن و شرطيين ، وقف عند الباب سهم و قال : رزان
رزان : سهم انا ماني متغطيه لاتجي
سهم : طيب اللبسي لك اي شي
رمت ليلى عليها الشيله الكبيره و لبستها و دخل سهم و قال للبنت :
نزلي السلاح
مارضت البنت و قالت : ابعد و لا اطلقت عليها
و كانت موجهه السلاح على قمر خاف سهم و قالت قمر : اطلقي يلا خوافه انتي ، عانيك ترتجفين و السلاح في يدك
فعلاً الخوف كان واضح عليها و ماكانت ماسكه السلاح زين و ترتجف يدها و قالت : و الله لااطلق عليك ماني خايفه منك !
قمر : يلا
سهم تقدم بخطواته يقرب بهدوء عشان ماتحس البنت و هو يأشر بعيونه عشان قمر تشتت البنت و تهاوش هي وياها ، قرب سهم و مد يده و سحب السلاح من البنت الي اطلق من جنب كتف قمر الي انخدش لاكن مادخلت الرصاصه و قمر اطلقت الرصاصه على كتف البنت في نفس الوقت ، ناظر سهم بخوف عليها و البنت مسكوها الشرطه ركض سهم يمها و هو يقول : القمر فيك شي ! وين وين يعورك
قمر ماسكه كتفها بألم و نزف دمها و قالت : كتفي
لين جات : وريني
ناظرت و قالت : ماهو خطير بس خدش امشي اخيطه لك قومي الناس لاتجي
شالها سهم و حاوطت يدها رقبته و فتح باب غرفتها و دخل داخل ، و قال لين : نزلي
قمر : ويش انزل !
لين : نزلي فستانك من فوق
ناظرت قمر في سهم و قالت : صاحيه انتي
ابتسم بخفه من عرف انها مستحيه و قالت لين : شفيك ترا مافي غيري و ذا زوجك
انفتح الباب من حصه و قالت : وش صوت السلاح ذا !
سهم : لاتخافين اقعدي اعلتس
قعدت حصه و علمها سهم بكل شي و خافت من شافت دم قمر و جات عندها و قالت: فيك شي يمي يعورتس بالحيل ؟
قمر : لا مافيني شي ياخاله لاتخافين
حصه: اجل بنعشي الناس عشان يسرون
سهم : طيب
لين : يلا
قمر : انقلعي ماني منزله
لين جات و قالت : ياليل مستحيه مو وقتك يدك تنزف !
قمر : قلت لتس ماني منزله شي
لين : نزليه و لا انزل غصب
قمر : ماني امنزله !
تقدمت لين و هي تجر لبسها من كتفها وقف سهم وقال : انا بلف ماني يمك
لف سهم و هو مبتسم من حياها و قالت لين : بس كتفك
نزلت قمر لبسها من عند كتفها و قالت لين : سهم امسك كمها من هنا
قمر ناظرت فيها بعصبيه و هي وجهها محمر لف سهم و هو يناظر في وجهه قمر مو في جسمها و هي تناظر عينه ، قالت لين : ترا ببداء اخيط
لاتصارخين
قمر ماتكلمت الي تناظر سهم و هو يناظرها و بدت لين تخيط و قال قمر : اح يعور
لين : تحملي مافي بنج
بلعت ريقها بألم و تقدم سهم الي حاوطها و سند راسها على صدره و هو يمسح عليها ، ابتسمت لين و كملت خياطه و قمر الي تون من الالم و قالت : لين الله يقلع بليسك عورتيني ، وين الهنوف يدها خفيفه مااحس فيها، انتي اذا المريض ماتبنج من الابره بتبنج من يدك عورتيني
لين : اقول اسكتي خليني اخلص
خلصت لين بعد دقايق و رفعت راسها قمر الي كان وجهها دموع ، و ناظر سهم فيها و مسح دموعها و قال : وشوله تبكين
لين : انا بطلع اشوف الهنوف
طلعت لين و سكرت الباب و رفعت قمر بتسوي ملابسها بس عورتها يدها ووقف سهم يسويها وقال: ماناظر ترا في جسمك انا
قمر توترت : ماقلت شي
سهم : الا انتي عيتي تنزلين يومني عندك
قمر : متى !
سهم نزل وجهه لعندها و قال : لعاد تستحين تراني زوجك و انتي حلالي و انا حلالك و عادي اشوفك
انحرجت قمر من كلامه ووقفت قدامه و قالت : م.ماني مستحيه !
قرب سهم منها و قال بصوت رخيم : وجهتس احمر ويش يدل عليه
قمر : يومني بكيت !
تقدم سهم و رفع يدينها على رقبتها و هو يقربها له ، وقال : شلون تبيني اقاومك و انتي بازين هاذا !
بلعت ريقها بتوتر من قربه و قالت: سهم لااحد يدخل
قرب سهم و هو يُقبل نحرها ، ورجع يقبل ثغرها ، شدت على يدينها و هي تحس بافراشات في بطنها ، نست الم يدها و هي تبادله شعوره ، ابتعد بعد دقايق ياخذ نفس و قالت من ناظرت شفته عليها روج و قالت : شفايفك كلها روج
ضحك وقال : كله منتس كيف تبيني اطلع برا
قمر : انا الي قلت لك سو كذا
سهم : انتي محد قالك خليتس حلوه كذا !
قمر راحت و طلعت مزيل و هي تزيل روجها و قالت بعد ماخلصت : اطلع يلا خلصت
سهم : يدك انتبهي
قمر : طيب
طلع سهم و سكرت الباب قمر وقفت ورا الباب و حطت يدها على قلبها و قالت : يمه وش ذا الشعور
بعد ساعه جاء الوقت الي يدخل تركي ، مشوا كلهم معه لين وصلوا للباب و دخل عبدالاله و صقر و الجد مع تركي و سلموا على الهنوف و دخل عبدالاله الي من شاف بنته قام يبكي و حضن بنته و ابتعد بعد ماسلموا و صوروا مع بعض و تقدم تركي الي قال : ماتقدرين ترحمين قلبي ؟
الهنوف ابتسمت بخفه و هي مستحيه و نزلت راسها و قال تركي : نمشي ؟
الهنوف رفعت راسها و قالت : وين !
تركي ضحك و قال : تراني زيك مرتبك ، لاكن ويش وين ! الفندق
الهنوف : بكيفك
تركي : بنادي البنات يساعدونك
طلع تركي ودخلوا البنات ولبسوها و يوم جات تطلع بدو كلهم يبكون و قالت ليلى : ياخاله حصه شوف..
و ناظرت في حصه الي حتى هي قامت تبكي و قالت ليلى : ياويلي
مالقت حل غير انها تصيح معهم ، طلعت الهنوف برا ووقف ذياب الي قال : مبروك ياوخيتي الله يسعدك و يهينك
الهنوف : الله يبارك فيك يالذيب و يخليك لي ياخوي
ركبت الهنوف السياره و مشوا متجهين للفندق
-
عند مفلح ، الي عصب و قال : محد يرد !!!
رابح : انمسكوا من الشرطه
وقف مفلح الي ضرب رجله و قال : ولعنه !
رابح : اهجد خلنا نفكر
مفلح : بكره بروح للهنوف
رابح : بكرها بتاخذها ؟
مفلح : ايه بكره
سكتوا و مفلح يفكر و هو مخطط ياخذها بكره و يتم خطته
-
في الفندق و صلوا تركي و الهنوف و نزلوا من السياره و دخلوا للغرفه ، و دخلت الهنوف الحمام على طول و قفلت الباب وقعدت في الحمام و هي متوتره ، وقفت تحاول تفك سحابها الي عيا ينفتح ، و تذكرت انها ماخذت ملابسها ، طلعت و شافت تركي قاعد على الكنب و مشت و هي ساكته و اخذت ملابسها و تقدمت ل تركي وقالت: فستاني عيا ينفك
تركي : افكه لك ؟
توترت الهنوف وقالت : ا..ايه فكه
وقف تركي الي مبتسم بخفه و فتحه لها و مشت الحمام و غيرت ملابسها ، ناظرت في لبسها الي حطوه لها البنات ، و كان شورت و قالت
: حسبي الله ، هاذا كيف بطلع فيه !!
فكت شعرها و هي معصبه لانه متشبك و قالت : لعنه صار مثل العلف ناشف !
فكته و مسحت ميكبها و صار خفيف و ناظرت في لبسها و هو قصير و عصبت و طلعت و هي تسب البنات ، وقفت من ناظرت تركي الي ناظرها ، ناظرها و هو اول مره يشوفها كذا ، حمر وجهها و بلعت ريقها بتوتر ، و قربت قعدت جنبه ، نزل راسه و ابتسم بخفه و قال : العشاء تعشي
قربت الهنوف و تعشوا و هم ساكتين ، بعد لحظات وقفت الهنوف و شالت شنطتها ، ووقف قدامها تركي و حاولت تسوي نفسها ماتشوفه ، و مسك كتوفها و قال : ناظريني
رفعت نظرها تناظر عينه و قال تركي : لاتستحين ياخي ماني متعود عليك كذا
رفع يده يشيل شعرها من على وجهها و قال : انتي نجمة في سماي ياعيون البحر ، و الله اني احبك و اغليك و اني لموت عشانك و انها اسعد ايامي معك ، ابي باقي العمر وياك و لا ابيه من دونك ، ابي اموت و ايدي ماسكه يديك و لا ابي ايامي الحلوه دونك ، انتي عيوني و انتي لي روح و انتي خفوقي و كل احلامي
تقدم و باس راسها و قال : تصيرين لي بحر و اصير لك نجم
ابتسمت الهنوف بخفه و اقبل يبوس خدها و قال : اسمحيلي انهي شوقي
حاوط وجهها و هو يقبل ثغرها بشغف و ينهي كل لحظه تماناها معه و ينهي شوقه الي داخله ، ابتعد و ...
-
في البيت طلعوا كلهم في الدكه بعد يوم متعب و شاق و مليء بالاكشن ، قعدوا كلهم برا يتقهوون جاء سهم هو و بهاج و هذّال و مازن بعد التحقيق و قعدوا في الحوش و قالت سلمى : جيتوا
مازن : اهخخ ياسليمه تعب اليوم
هذّال : بحياتي ماخفت و لا توترت زي اليوم
سلمى : يايويلي عن اخواني اقعدوا اقعدوا اشربوا شاهي
قعدوا و صبت لهم شاهي و قعدوا ساكتين للحظه و قالت غرام : افف اشتقت للهنوف
رزان : اسكتي تراني ماسكه دمعتي
سلمى : تونا مالنا كم ساعه مفترقين و اشتقنا كذا
جمانه : انا عني بدخل في اكتئاب و ابن ابوه يدخل علي
ناظرها سلطان و قال : بسم الله عليتس
ناظرت فيه بصدمه و كلهم بعد و قال يوم استوعب : يعني عليكم كلكم
ابتسمت غرام و شربت الشاهي و هي تشفطه و تطلع صوت و هي مستحيه و مالها دخل و قال سلطان : وجع ياغرام اشربي شاهيتس زين
غرام ضحكت و قالت : ماتبي مبسمي يضحك و انت تغزل بالغزال هنيا
شلون ماتبي قلبي يفرح لقلبك الي يتمنى قربها .. اتركي يالغزال شور الكبرياء و التغلي و افتحي ل قلبتس عنان المحبه و التهني .. قدامتس الصقر يفرح و يهلّي بقربتس و بشوفك يتهنى .. على الطيب و العز تربى منتي مدوره من فعول الرجالي مثل ذا الصقر الي يفدي عمره لجل ضحكت عمرك و تعنى .. و لاهو بلاقي مثل زينك و حلو عينك بنيه .. تبين مني شور لاتفوتين يالغزال الصقر الي يتمنى حلو مبسمك و يقبله و يتهنى
ناظرت جمانه بها و فتحت عينها بقوه من كلامها و بذات اخر شي و كلهم انصدموا ان ذا الكلام طلع و من غرام وقالت امل : اخص اخص ، من متى يطلع منتس !
غرام رفعت حاجبها و ابتسمت وقالت : اييه بعدكم ماشفتوا شي
رواف : الله يالغرام ، منحرفه ويش اخر شي بس عجبني
جمانه ناظرت في سلطان الي ناظرها وقفت و قالت : ا..بدخل داخل
ود : وين ! تو الناس
جمانه مشت و لبست شبشبها و دخلت داخل و فتحت باب غرفتها و قعدت و حطت يدها على قلبها و قالت : يمه وش قاعده احس فيه ! ، الله ياخذ عدوتس يالغرام
وقفت من دق باب غرفتها و قالت : من ! اذا غرام قومي فارقي و الله ماتنامين هنا اليوم عشان كلامك الوصخ اخر شي
سلطان : انا سلطان
انصدمت جمانه و قامت و قالت : ويش تبي
سلطان : افتحي الباب و تعالي برا لايجي جدي و يهبدنا
جمانه : ليش اطلع
سلطان : ابيك بشي اطلعي
جمانه : ماني طالعه لين تقولي
سلطان : منتي طالعه ؟
جمانه : لا
سلطان : عنيده انتي من يومك طيب
طلع سلطان في الحوش ورجعت جمانه تجلس على السرير رفعت راسها من حست بالي يفتح باب الطاقه و قمزت و ناظرت وشافت سلطان الي يحاول يفتح ، و قالت من فتحه : سلطان !
سلطان : تطلعين و لا تراني دخلت
جمانه : ماني طالعه
سلطان : تراي بدخل !
جمانه حطت يدها على خصرها و هي تحسبه بس يقول كلام و قالت : يلا ادخل اذا كنت رجال
سلطان رفع ثوبه و نقز و قالت جمانه : امزح اطلع و الله اجي الحين
سلطان : ويش يثبت لي !
جمانه : و الله بطلع و الله بس لاتدخل تكفى يجي احد نموت
سلطان : إمشي انزلي من هنا
جمانه : صاحي كيف تبيني انزل من الطاقه !
سلطان : من بعده تراني واقف
جمانه : و اذا طحت
سلطان : مايجيك شي و انا معك
جمانه ترددت و قالت : بطلع من هنا انا الباب ازين
سلطان : جدي يقوم الحين الساعه ٤
جمانه بلعت ريقها و تقدمت و قالت : طيب بعِد
بعد سلطان و مشت جمانه و قالت : ياربي شايفني الهنوف الي تنقز من فوق الجدار
سلطان ضحك و قال: خليتس زيها يلا بسرعه قبل يجي جدي
جمانه : امرنا لله
مسكت حواف الجدار و رفعت رجلها و نزلت رجل ، قرب سلطان خاف انها تطيح و هو ماد يده ، زلقت رجلها و صرخت : اوه بطيح
ركض سلطان الي فتح يده و سندت نفسها عليه و صارت بحضنه و رجلها وحده داخله في الغرفه رفعت راسها و ناظرت و جهه الي كان قريب منها مره ، دفته من توترت من قربه و جات تطيح لان مافي شي تسمك فيه و رجع مسك كتفها و قال : حرام ادري ، بس بشيلك عشان تنزلين
سكتت مصدومه و شالها و نزلها على الارض و هي مصدومه منه و قال : اسف لمستك
جمانه : قلت لك وشوله انزل من هنا قرد انا !
سكتوا من سمعوا صوت عطالله يردد الدعاء يقول : الله اكبر ..
سحبها وراحوا ورا الخزان و قال : اص لايسمعنا
سكتت و هي تناظر في الجد بخوف و سلطان هايم في تفاصيل و جهها و قال في نفسه ، يمسك نفسه مايلمسها و هي ماتحل له : اعوذ بالله من الشيطان الرجيم ، ياربي لاتخليني اسوي الي مايرضيك و هي باقي ماصارت حلالي
غمض عينه و ناظر في الفراغ و لفت و قالت : طلع
سلطان: راح ؟
جمانه : ايه قوم الارض وصخه
وقفوا كلهم و قالت جمانه : شبغيت ؟
سلطان نسى ويش كان يبي و الكلام الي مرتبه في راسه و حافظه و قال : مدري نسيت
جمانه : شلون نسيت ! ، ياويلك تنسى و انت مطيحني من فوق الطاقه عشان تقولي
سلطان حط يده على راسه من ورا و هو مايدري ويش يسوي و قال : ليش هجيتي اول ؟
جمانه توترت و قالت : ماهجيت
سلطان : الا هجيتي يوم قالت غرام ذاك الكلام
جمانه بلعت ريقها بتوتر و قالت : ماله دخل و غرام تخثرد من راسها تقول تحبني و مدري وشو
سلطان : ماتخثرد هي
جمانه : الا تخثرد
سلطان : صادقه بكلامها ، اهيمتس انا يابنت درع
فتحت عينها بقوه ودق قلبها من قالها و قال : ماتشوفيني انتي ؟
جمانه : و..ويش اشوف !
سلطان : حبي لك و محاولتي معتس و انتي تحطين جدرانك و اكسرها و ترجعين تبنينها حدود بينا ، معاد ابيها انا ابي وصالك انتي
سكتت جمانه تناظره و قال : لاتسكتين و تناظريني بعيون الغزال كذا تراني توني نتعوذ من بليس
فتحت عينها بقوه و تراجعت بخطواتها و قالت : ياويلك تسوي شي
سلطان ابتسم : اخاف ربي ماني مسويه لتس شي الا اذا صرتي حلال لي
جمانه : ها طيب صير حلالي و نشوف وقتها
ابتسم سلطان و قال : اخطبك ؟
جمانه : انت تعرف علوم المراجل على قول غرام ، تعال و اخطبني
سلطان : اي و الله اني رجال و ابشري
جمانه ابتسمت و مشت و هي تقول : الصلاه راحت عليك لو يدري جدي يقص راسك
سلطان ضحك : قدهم في الركعه الثانيه خليني الحق
طلع و هو فرحان جداً و مبسوط و مشى يلحق الصلاه عشان ماتفوته
-
بعد الصلاه جاء سلطان و هو متأخر ، و دخل البيت و شاف البيت هدوء و كلهم نايمين حتى الجد الي دايم ماينام نام من دوخة بعد الزواج
-
اليوم الثاني ، في الفندق عند العرسان ، فتح عينه من شافها بين يديه نايمه ، ابتسم بخفوت و ناظر في السقف و قال : علم و لا احلم ؟ اذا حلم ماابي اقوم
رفع يده يمسح على شعرها و فتحت عينها تناظره و قال : صبحي علي ببحرك ياعيون البحر
ابتسمت الهنوف و قالت : صباح النور يانجم بحرك
ابتسم و حضنها و بعد دقايق قام و قال : يلا قوموا عشان الغداء عند جدي و انا بروح اصلي الظهر
الهنوف قامت و راحت تغسل و صلت الظهر و هم يجهزون عشان يروحون لبيت الاهل عشان الغداء ، لبست فستانها و سوت شعرها و حطت ميكب خفيف و جاء تركي الي فتح الباب و دخل الغرفه و ناظر في بحره الي كانت فعلاً تهبل ، مشى و هو يناظر و قال : انتي لازم تصيرين حلوه كذا كل مره ؟
الهنوف ابتسمت و تقدمت له و قالت : عاد شنسوي البحر لازم يكون مزيون مثل نجمه
ابتسم تركي و باس راسها و قال : ياحظ النجم يوم صرتي بحر له
دق جوال الهنوف و فتحت تكلم ابوها و قالت اخر شي : طيب يلا جايين
تركي : ويش عنده عمي ؟
الهنوف : يقول نحتريكم
تركي : مسرع يشتاقون ههههه
لفت الهنوف و انتبه تركي ل ظهرها الي كان نصه فاتح و فيه جروح ، قطب حواجبه و تقدم لها و حط يده على ظهرها و قال : هاذا من ويش!
الهنوف لفت : وشو ؟
تركي : الجروح الي في ظهرتس !
الهنوف استوعبت و قال : اوه نسيت احط كونسيلر عليه
تركي سحبها و قال : من الي مسوي لتس كذا!
الهنوف ناظرت و نزلت راسها و سكتت و قال تركي الي معصب : مفلح؟؟
الهنوف : اي بس قديم معليك
تركي : شلون معلي ! مجرحك جعل يدينه للكسر جعلها في جهنم ان شاء الله
الهنوف ابتسمت: مايعورني اساساً بس كذا آثار
تركي : حسبي الله ونعم الوكيل
الهنوف ابتسمت و رفعت رجله توصل ل وجهه و باست خده و قالت : لاتشيل هم و تعصب نفسك مايعورني خلاص
تركي ارتخى و قال : انتي ودتس نقعد مانروح ؟
الهنوف ضحكت و لبست عبايتها و مد يده تركي و مسكتها و طلعوا للسياره و مشوا متوجهين للبيت
-
في البيت قاعدين في الدكه كلهم و بعد دقايق وقف سلطان من جاء ابوه ، الي مايجي لااهله الا من متى لمتى بسبب عمله و دخل و قال ،
رائد : السلام عليكم و رحمه الله وبركاته
وقفوا كلهم وسلموا عليه و قعدوا و قال الجد : وينك معاد نشوفك
رائد : و الله لاتسأل اشغال الدنيا
ريوف جات من داخل و قالت : ابوي !
وقف رائد و ضحك و قال : هلا بعيوني
تقدمت ريوف الي مادرت انه بيجي و ضمته و قالت : متى جيت ؟
رائد : توني سويت لتس مفاجئه
ريوف ابتعدت و قالت : احلا مفاجئه
قعدوا و تقهوى رائد و بعد دقايق دق الباب و دخلوا تركي و الهنوف
وقفوا كلهم و هم مبسوطين بشوفتهم ، عبدالاله الي مشى يم بنته و حضنها و قال : اقسم بالله كن اليوم سنه
سلم على تركي و سلموا كلهم و جات الهنوف تحضن سلمى الي همست و قالت : كيف اليله ؟
قرصتها الهنوف و قالت : وجع يالمنحرفه
ضحكت سلمى و سلمت الهنوف و دخلوا الحريم داخل و بعد دقايق تكلم رائد و قال : و الله انا جيت في هاليوم الحلو ياابوا عمار نبي بنتك جمانه لولدي سلطان
درع : و الله و اسعد الايام
رائد : اطلب يد بنتك لولدي سلطان على سنة الله ورسوله
درع وقف : اشوف بنتي
دخل درع داخل و نادى جمانه ، و جات و دخل معه عمار و قال درع : سلطان ولد عمتك خطبك
انصدمت جمانه انه بسرعه خطبها و قالت : و الله !
درع : ايه علامتس
ابتسم عمار بخفه و هي يدري ب سلطان يحبها و قالت : الي تشوفه
درع : حياتس ذي ياابوي الي ودك ، سلطان رجال و مايحتاج لاكن كلمتس اولى
جمانه : موافقه
درع ابتسم و حضن بنته و تقدم عمار و ضربها بخفه و قال : و كبرت جمانتي
جمانه ابتسمت و طلعوا برا للرجال و جاء درع و قعد و قال : و عطيناكم بنتنا
فرحوا كلهم و سلطان الي حس الارض ماتشيله من الفرحه و قال الجد : و الملكه باتسر
سكتوا شوي و قال الجد للعيال : الي ودك يخطب من الحين خلونا نخلص منكم
و كان يقصد في كلامه فارس و هايف و راكان ، ناظروا في بعض و سكتوا شوي و قال هايف : ابوي
عطالله : سم
هايف : سم الله عدوك ، بغيتك في موضوع
عطالله : سم ياابوي
ابتسم تركي و هو عارف بالي يبيه هايف و ناظر في هايف الي ابتسم له و قال : ابي اخطب رزان
الجد ابتسم و قال : ابوك ياولدي وينه
نزل راسه و قال : انت تدري ياابوي
الجد تنهد : انا اكلمه اليوم و ابشر ، لاكن بعد لاتنسى رأي بنتي اهم
وقف عطالله و قال : بروح اشوف بنتي
و قام عبدالاله و تركي معه ، ووقف عند الباب ينادي عطالله : يالاميره رزان
رزان ابتسمت و جات و قالت : سم ياابوي
عطالله: تعالي اقعدي ابيك
مشت رزان و جات جميلة هي و الهنوف و فاطمه و نوره ، و قال الجد :
اول شي ابيك تعرفين انك بنتي و اني ابوك و ان ذولي اخوانك و خواتك و ام صقر امك ، منتي لحالك يابنتي و انتي بنتي
ابتسمت رزان و قالت : الله يخليكم
الجد : اليوم تقدم واحد ل بنتي
رزان : مين !
الجد : هايف تقدم لك
رزان انصدمت و قال الجد : موافقه ؟
رزان ناظرت في الهنوف الي هزت راسه ب قولي ايه ، و قالت رزان : موافقه
الجد : ابتسم و قال : مبروك يابنتي ياجعل ايامك كلها سعاده
رزان ابتسمت : يبارك فيك ياابوي و يخليك و يطول بعمرك
تركي : مبروك ياوخيتي و الله هايف رجال و يحبك و بيصونك
رزان ابتسمت و جات الهنوف الي نقزت و حضنتها و ضحكت و قالت : اختي بتصير عروس
ضحكت رزان و ضمتها و طلع وقال ل هايف : جيب ابوك ياوليدي و بنتي وافقت عليك
ابتسم هايف بس تلاشت ب لحظات من تذكر امه و خوفه من انه ترفض مره ثانيه .
-
داخل عند البنات قاعدين مع بعض و يسولفون و بعد دقايق دق الباب و قام رواف يفتح و شاف ام مرزوق و ام سعيد و ام جار الله ، واقفين عند الباب و قال في نفسه : تجمعوا نقالات العلوم
ام سعيد : هلا يارواف شلونك ياولدي
رواف : هلا ياخاله وعليكم السلام
ضحكت ام سعيد و قالت : نسينا عاد
الجد : من الي عند الباب
دخلوا الحريم داخل و قالت ام مرزوق : شلونك ياابو صقر
عطالله : هلا الحمدلله بخير شلونكم طيبات
ام جار الله : الحمدلله
صقر : الحريم داخل
جات غرام الي اول ماشافتهم ركضت داخل تعلم الحريم انهم جو ،
غرام : في حريم جو
جميلة : من !
غرام : ام مرزوق و ام سعيد
حصه : ايه ماهم ضيوف
غرام : ام جار الله معهن !
حصه فتحت عينها و قمزت تغير ملابسها و كلهم تنافضوا يرتبون و يغيرون دفت جمانه الهنوف برا عشانها هي الي لابسه ، طلعت الهنوف بعد مالبسه شيلتها عند الباب حق المطبخ و قالت : هلا و مرحبا
قعدت تسلم و هي تأشر للرجال يسولفون معهم عشان يمدي البنات يرتبون ، قمز الجد و قال : ا شسمه ياام جار الله
لفت و قالت : هلا
عطالله : عيالك و ابو جار الله جو ؟
ام جار الله : ايه جينا كلنا
رواف : جار الله جاء
ام جار الله : ايه ياوليدي اقولك كلنا جينا
ام مرزوق ناظرت في الهنوف الي حاطه يدينها على الباب و قالت: ابك انتي علامك نبي ندخل
الهنوف ضحك بخوف : هههه تعالي بوريتس ياام مرزوق ورا الحوش شي
تقدمت الهنوف و حاوطت كتفها و سحبتها و قالت : تعالي شوفي
مشت الهنوف و هي ماتدري وين تروح فيهم ، مشت ووقفت عند الجدار و قالت : شوفي شلون دهنا الجدار
ام سعيد : انتي داهنته
الهنوف : ايه ياخاله انا دهنته شرايتس بس
ام سعيد : لا مشاءالله عليتس سنعه
ضحكت ام جار الله و قالت ل عبدالاله : مشاءالله بنتك جيده حتى الجدار صبغته
عبدالاله: ايه بنيتي ذي
خالد بهمس : حنا طرنا
محمد : اص بدخل اشوفهم خلصوا و لالا
محمد وقف عند الباب ينادي و قالت ود : هاه !
محمد : خلصتوا ! الهنوف انهبلت قامت توريهم دهان الجدار
حصه جات تركض و هي تلف طرحتها و قالت : ايه ايه دخلهم
محمد طلع و قال : ياخاله ، ادخلوا داخل
الهنوف : ايه يلا ادخلوا ابطيتوا برا
طلعت حصه الي قالت : هلا يالله حيهم
دخلت وضحى و ناظرت بالحريم و راحت لها الهنوف و قالت : ام جار الله و ام مرزوق و ام سعيد
وضحى : يوك الحين كل العلوم عند الناس
ضحك حاتم و قال : الله يعينكم
وضحى مسكت الهنوف و مشت هي و ياها داخل، و قعدوا يصبون القهوه و قالت ام جار الله : و الله اقشتقنا لكم وللديره
وضحى : الله يسلمك و الله جيتكم ابرك الساعات
ام مرزوق : شلونك يالعروسه
الهنوف ؛ بخير ياخاله شلونتس انتي ؟
ام مرزوق : و الله الحمدلله بخير
ام سعيد : انعزمتوا ل زينت ولد ام عثمان ؟
الجازي : اي و الله انعزمنا
فوزيه : و بتروحون انتم ؟
ام مرزوق : اي و الله ماني قاعده عنها
سكتوا شوي و ناظرت ام مرزوق في شهد و قالت : و انتي ياوليدي ماحملتي ؟
شهد رفعت راسها و قالت : لا و الله
وضحى : الله يرزق ياام مرزوق كل شي عند ربي سبحانه مكتوب و مقدر
ام مرزوق : اي و الله صدقتي
وقفت شهد و دخلت داخل على السرير و بكت ، و لحقوها البنات و قالت الجازي : تبكين !
الهنوف : ويش يبكيك
سلمى : عشان نقاله العلوم الي ماتمسك لسانها تبيني اروح العنها
الجازي : طايره سلمى اهجدي
شهد سكتت و قالت نوره : ربي بيرزقك لاتخافين و معليتس من قول الناس
شهد : اليوم استفرغت و مصدعه و حالتي حاله
فوزيه : حللتي !
شهد : لا اخاف زي كل مره اتحمس و مايطلع شي
نوره : قومي بس الحين حللي و لا روحي انتي و احمد للمستشفى
شهد : بحلل معي انا واحد زايد
الجازي : روحي يلا ننتظرك
دخلت شهد بتوتر و حللت و طلعت و هي ماشافت النتيجه ، و الجازي قالت : هاه !
شهد : ماشفت انتي شوفي
اخذته الجازي و فتحت عينها بقوه و قالت رزان: شهد !
شهد ؛ ادري و الله ادري مافي شي كالعاده
صرخت غرام و قالت : انتي حامل !! خطين ذييي
شهد انصدمت و حطت يدها على فمها و قالت فاطمه : انتي حامل ياشهوده
شهد ناظرت و قعدت تبكي و حضنوها البنات و جات جميلة و قالت: ويش ذا الصراخ ؟؟؟
الجازي : شهد حامل
جميلة ناظرت و قالت : امانه !
شهد هزت راسها ب ايه و هي تبكي و تقدمت جميلة تحضنها و تبارك لها
شهد : بطلع ل احمد ببشره
الهنوف : ايه روحي له
طلعت شهد و نادت احمد ورا و قال احمد : هلا ياعيوني
شهد ماتحملت و قامت تبكي و تضحك و قال احمد : ليش تبكين !
شهد طلعت الجهاز و قالت : شوف
احمد ناظر و قال : قلت لك لاتعبين نفسك الي ربي كاتبه بيصير و انا ماابي غير سلامتك
شهد : احمد انا حامل !
احمد انصدم و فتح عينه وقال : و..ويش تقولين !
شهد : بيصير عندنا نونو
احمد ناظر بصدمه و ضحك و قام يبكي من حضن شهد و قال : ماني مصدق !
ضحكت شهد بقوه و ابتعد احمد الي ركض لجده و العيال برا و قال و هو يبكي ، قمز الجد من شاف دموعه و قال : وشفيك !
احمد : بصير ابو !
صقر : ويش تقول ؟
احمد : شهد حامل اقول بصير ابو
فرحوا كلهم و تقدموا العيال يحضنونه و دخل فيحان و قال : السلام عليكم
احمد ركض له و هو يحضنه و قال فيحان : بسم الله علامك انت
احمد : بصير ابو
فيحان انصدم وقال : كذاب !
احمد : و الله
فيحان حضنه و قال : مبرروكككك يااخوي مبروك
احمد : الله يبارك فيك
درع : ويش اليوم الحلو ذا ، خطبنا ل هايف و سلطان و شهد حامل و امس زوجنا البحر و نجمها
الجد : الله لا يغير علينا
كلهم : امين
قعدوا بفرح كلهم و شهد الي يادوب سكتت ، في اليل بعد ماراحوا الحريم و الرجال للزواج ، قعدوا في الدكه كلهم العيال و البنات
سهم : انا بمشي للرياض
راكان : ليش !
سهم : بروح و ارجع في نفس اليوم صد رد
تركي : متى ؟
سهم : الحين بروح استدعوني في المركز و بسري انا و القمرا
غرام : ماتاخذون طرف ثالث معكم ؟
سهم : لا انتي بذات لا
غرام : افا
وقف سهم و قال : يلا يالقمر
قامت قمر و لبست عبايتها و مشت هي سهم
قامت الهنوف و قالت : بروح اشوف كايو
ليلى : كايو برميها في الشارع صبرك علي
الهنوف : و ليش ان شاء الله
ليلى : شوفي يدي خرمشتني
الهنوف : يويلي كيف عورتك ؟
ليلى : شلتها و خرمشتني اول مره تسويها
يمنى : عشانها زعلانه يوم الهنوف راحت
مريم : و الله مو بس كايو كلنا
خالد : فاتتس امس قلبوها ذكريات و انتي ماصار لتس ساعه رايحه
الهنوف ضحكت : اووه ادري انكم بتشتاقون لي لاكن مو بهاذي السرعه !
رزان : عاد شنسوي طول عمري معتس شلون تبيني مااشتاق لتس
ود : و الله البيت امس خايس بدونتس
امل : تبين الصدق بس لحد يضحك ؟
الهنوف : وشو
امل : انت اول واحد يارواف تضحك تراني بهبدك
رواف : ماسويت شي
امل : امس رحت على سريرك و بكيت و نمت
الهنوف : بكيتي !
امل : اي و الله مدري ويش جاني تذكرتس فجأه و انسدحت و بكيت
الهنوف حضنتها و قالت سلمى : معليتس تراكمات هههههههههههه
رزان : عزوز امس نام و دمعته في عينه
الهنوف بدت تزعل و يتجمع الحزن في عينها و قالت : ياحبيبي
لينا : تتبكون الحين و لا وشو !
لين حطت يدها على عينها و قال مازن : شفيكم انتم تراهم ماراح للابد نشوفهم كلها كم يوم
خالد : و الله مكانك فاضي ياتريكي امس
لينا وقفت : و لعنه ايه ، يلا اقلبوها عزاء
ريوف : مسويه طالعه منها امس شافتنا نبكي كلنا و بكت معنا هههه
فارس : اما لينا بكيتي
لينا : حتى امك بكت
فهد : اما ! بكت
روان : اي و الله بكت امس معنا و بكينا كلنا
الهنوف : أفف خلاص ماابي اصيح الحين
جاء عزوز و قال : ماما
الهنوف لفت : عيون ماما
عزوز مد يده : تعالي امشي معي
قامت الهنوف مع عزوز و قال خالد ل تركي : روح معهم
تركي : لا خلها مع اخوها شوي ، عزوز ضعيف مايحس بالامان غير معها
رزان : امس يبكي و كل شوي يقوم و هو نايم ينادي ماما
هايف : يحزني و الله
سكتوا كلهم و مشت الهنوف مع عبدالعزيز الي قال : ماما امس اشتقت لك مانمت زين كل شوي اقوم خايف
الهنوف: خاله نايمه عندك ليش تخاف
عبدالعزيز: انتي دايم تنوميني في حضنك و تغنين لي و تمسحين علي لين مانام امس مااحد سوالي كذا ، و اول مره انام بدونك
الهنوف حضنته و قالت : انتظر بس اسبوع كذا و بعدين تعيش معي
عبدالعزيز : طيب بس لاتطولين اكثر من كذا
الهنوف : ابشر ياعيوني
عبدالعزيز : ماما تعالي نطلع برا
الهنوف : وين !
عبدالعزيز : تعالي معي بوريك شي
الهنوف مشت معه و فتحت الباب و طلعوا برا و مشى عبدالعزيز ووقف عند جحر و قالت الهنوف : ويش ذا
عبدالعزيز تقدم و قعد عنده و هو ينادي و يقول : كابي تعال
الهنوف : كابي ويش !
عبدالعزيز : تعالي اقعدي شوفي صديقي الجديد
قعدت الهنوف و قالت : وشو
عبدالعزيز دخل يده و طلع ثعلب صغير وقال : شوفي
الهنوف فتحت عينها و قالت : ويش ذا !
عبدالعزيز : ثعلب هاذا بس عمو رواف يقول حصني
الهنوف : حصني هو ثعلب ، هاذا وين لقيته
عبدالعزيز اشر عند الجبل و قال : لقيته طايح هناك امه ماهي عنده ، وصرنا اصدقاء لاننا زي بعض
الهنوف ناظرت فيه بحزن و فجأه تقدم الرجال الي لابس طاقيه و قال : اهلي ويش عندكم
وقفت الهنوف بصدمه و سحبت عبدالعزيز وراها من شافت مفلح و قال مفلح : تعال ياعزوز ل ابوك
عبدالعزيز خاف و قام يبكي و قال : ماما هاذا الي ضربني
الهنوف : ويش تبي انت !
مفلح : اص لاتصارخين لااحد يجي و لا السلاح معي ترا
سكتت الهنوف بخوف و قال مفلح : ايه مارديتي علي
الهنوف : ويش تبي انت
مفلح : تزوجتي ؟ لاكن ماراح تهنين و بتفصخينه
الهنوف لفت ل عبدالعزيز و قالت : ادخل ياعيوني جوا و لا تبكي و تقول لااحد انا اجيك الحين
عبدالعزيز : ماابغا أخليك لاتروحين و تخليني
الهنوف حضنته و قالت : ماني مخليتك و الله بس ادخل داخل
دخل عبدالعزيز و هو خايف و لفت الهنوف على مفلح و قالت : ويش تبي انت !
مفلح : ابيك انتي ، امشي معي
الهنوف بلعت ريقها بخوف وقالت : اروح معك و بشرط
مفلح : ويش
الهنوف : اهلي لاتقربهم و بذات عزوز و تركي
مفلح : تم ، امشي معي ، ادخلي داخل جيبي ملابسه و انا احتريك ورا في السياره
مشت الهنوف داخل و هي خايفه بس مابينت عليها دخلت بسرعه و طلعت ورقه و قلم و كتبت و نزلت الورقه على سريرها و جمعت ملابسها في كيس تقدمت ل عزوز الي دخل و قالت له و هي تبكي و هو يبكي
الهنوف : لاتبكي ياقلبي طيب
عبدالعزيز : ماما لاتخليني
الهنوف بكت و قالت : اذا انت معي في خطر
مدت اصبعها و قالت : اوعدني ماتنساني ، و اوعدني ماتترك خاله و اوعدني ماتبكي علي و تجتهد في دراستك و تصير قوي و كبير
عبدالعزيز هز راسه بنفي و هو يبكي و قال : لاتخليني زي ماما انتي بعد الله يخليك
الهنوف : عزوز يابابا اسمعي تكفى ياعيوني سو الي قلت لك
عبدالعزيز : بترجعين لي ؟
الهنوف : وعد و الله لااجيك دايم و بشوفك من بعيد ، بس لاتعلم احد و احضن عمو تركي و بوس راسه عني و قول لهم اني احبهم كثيييرر
عبدالعزيز حضنها و هو يبكي و ابتعدت الهنوف و طلعت من الباب الي ورا ، جاء مفلح الي قال : هاتي اساعدك
الهنوف : انقلع عني
مفلح : اوكي ماقلنا شي يالحمراء اركبي
ركبت الهنوف ورا و هي تبكي بصمت ماكان همها غير تنقذ اهلها من مفلح و سوت الي يبي ، في البيت بعد ساعه ، راح تركي ورا يدور الهنوف و مالقها و دخل داخل البيت في غرفتها و شاف عزوز جنب السرير قاعد و ضام رجلينه و يبكي تقدم تركي و قال : عزوز ! وشبك ليش تبكي
عبدالعزيز حضن تركي وقال : ماما خلتني
تركي خاف و قال : وين الهنوف !
جو كلهم على صوتهم و قال عطالله : ويش فيه !
عبدالعزيز : الرجال اخذ ماما
مد عبدالعزيز الورقه الي كتبتها الهنوف و قراها تركي بصوت عالي و هو يقول : لااحد يدروني و لا تشيلون همي ، انا اسفه ياتركي سامحني اخوي امانه عندكم لين ارجع ، ابوي لاتبكي علي و اكل علاجاتك في اوقاتها و اهتموا بنفسكم و في ابوي عطالله تكفون لاتسألون ليش و تدوروني ادري اني انانيه رحت بدون اودعكم ،يمي جميلة شكراً من كل قلبي على الي سويتيه لي ماراح انسى فعايلك ابداً لو اموت ، خواتي و اخواني احبكم اكثر من اي شي لاتتركون بعض و سامحوني لاكن انتم اهم من نفسي انتم في خطر معي عزوز امانه معكم تكفون لاتتركونه ، سامحني ياتركي مره ثانيه سامحني يانجمي و كل بحوري احبك ، استودعتكم ربي اللذي لاتضيع ودائعه
بهاج ركض على طول برا و تركي راح معه طلعوا كلهم برا ، بكت جميلة و تقدمت رزان حضنت عبدالعزيز الي يشاهق و هو يبكي
بهاج و هو متوجه للسياره طلع الجهاز اللاسلكي و قال : لكل الفرق ، تسمعوني
كلهم : نسمع ارسل
بهاج: مفلح اخذ الهنوف و هرب دورو في كل مكان في كل مكان لاتخلون شي بسرعه
ركض تركي و ركب سيارته و الشرطه بعد معهم ، مشى و هو مايدري وين يروح ، انتشروا كلهم في كل مكان حتى الجد ركب سيارته و هو يبكي و قال : بدور بنتي ماني قاعد
عبدالاله : مالي قعده مفتاح سيارتي وين ؟
فهد جابه و قال : خذ ياعمي
مازن رفع جواله و دق على سهم و قاله يرجع بسرعه
ركبوا كلهم و طلعت رزان ل سيارتها وركبتها هي و جمانه و سلمى و يمنى و امل و هم يدورون معهم و الباقين في البيت
-
عند الهنوف طلعوا برا الرياض متوجهين حايل و قدهم في نص الطريق ، اخذ الجوال مفلح و كسره منها عشان مااحد يعرف وين مكانها
عند الشرطه في سياراتهم بعد بحث دام وقت وقفوا كلهم بدون جدوى الا تركي الي عيا يوقف
هايف : تركي مافي احد يقولك طلعت برا الديره !
تركي : بلقاها قلت لو اروح تحت الارض
سهم عصب و قال بصراخ : تركي وقف السياره !
وقف تركي و ناظره و دمعت عينه و قال سهم : لاتضعف الحين اصبر
تركي : لو مالقيناها كيف تبوني اعيش العمر دونها
سهم : بنلقاها قلت لك قلت حرام علي ماني رجال لو ماتليت مفلح
رجعوا ادراجهم للبيت ، وصلوا كلهم بعد امر من بدر نزلوا بخيبه امل و بحزن انهم مالقوها ، جلس عبدالاله يبكي و طاح الجد من مقامه قاموا كلهم يركضون يمه ، جات لينا و هي تشوفه و قالت: ضغطه مرتفع
سهم : المستشفى
جاء فيحان الي ركض يمهم و قال : وشفيه !
مازن علمه و قال فيحان : بروح معكم
ركب معهم و لينا حاطه راس جدها في حضنها و هي تمسح على راسه و تقراء قران بصوت مهزوز و هي تبكي و تحاول تكتم نفسها ، لف فيحان و قال : استهدي بالله ماراح يصير شي ان شاء الله
وصلوا للمستشفى و نزلوا فيه ، و ركضوا المسعفين يمه مشت وراهم و قالت النيرس للينا : ممنوع تدخلين
لينا طلعت بطاقتها و قالت : انا الدكتوره لينا صقر ال عطالله
ابتعدت على طول و قالت : تفضلي معليش ماعرفتم دكتوره
قعد فيحان هو و سهم و ذياب و تركي على الكراسي و حط يده تركي على راسها و قال : ياربي و انت ربي ياربي و انت ربي
فيحان مسح على ظهره يحاول يهدي الوضع و هو مختبص معهم لاكن لازم احد قوي فيهم
بعد دقايق صحى الجد و قام و قال : ودوني البيت
تركي : ياجدي اصبر توك قمت
الجد : ودوني بسرعه ماني قاعد و بنتي ماهي عندي و لا ادري وينها
قاموا العيال و طلعوا من المستشفى و هم متجهين للبيت
-
(محتاجه نشركم للروايه معي و لا مضطره اوقفها ، ساعدوني اتعب عليها و اخر شي مافي دعم يستاهل ذا كله ، البارتات ماراح تنزل غير الاسبوع الجاي ماادري الوقت متى اخبركم انستا و شكراً لكم 🩶)
