رجعوا البنات و البندري مقهوره من الهنوف و بتسوي لها مكيده بس ماتدري كيف
عند البنات بعد ماناموا العجز و الكبار الهنوف و رزان في غرفهم قاعدين و فاطمه مشت بيتها الجديد و عبدالعزيز نايم
الهنوف : ياقلبي شوفي من التعب كيف نايم
رزان : مالومه لف المكان كله
دق الباب
لين : ادخل ؟
الهنوف : اي تعالي
دخلوا البنات بعد لين كلهم
ليلى : ليكون بتنامون؟
الهنوف الساعه :١:٠٠ الفجر
ليلى : ماننام ننزل عند العيال في المشب نسولف
الهنوف و رزان انصدموا
نجود : اي ترا حنا علاقتنا قويه مع بعض و دايم مع بعض نقعد بعبايتنا عندهم و الوضع عادي حتى جدي نجتمع عنده كلنا
الهنوف : اها
مريم : يلا هنوفي معنا
سلمى : اي بتنبسطون و بعرفكم على العيال راكان له ساعه يقول من ذي الهنوف الي جدتي قومت الدنيا فوق تحت عشانها
الهنوف انحرجت و ضحكت : و قالت بكيفكم
نزلوا البنات بعد مالبسوا العبايه الهنوف في الغرفه تحوس
الهنوف : ياربي مسفعي وين؟؟
رزان : يمكن ضاع مع العفش
الهنوف : مو وقته ابد كيف انزل الحين
جات ليلى قالت : خذي مسفعي عادي
لين : بسم الله عليك حتى عيونك تهبلل مشاءالله
لينا : اي مشاءالله ودي امدح بس يلا مافي وقت
الهنوف استحت و نزلت و كان عيونها طالعه تموت عيونها
نزلوا تحت في المشب و كانوا العيال كلهم فيه بلا استثناء حتى هايف فيه
-
راكان شكل الهنوف سحبت البنات دامه ماجو للحين
تركي و هو يفكر في الهنوف ووشلون لمح نص وجهها
سلمى دخلت بهجوم : السلام عليكم ودقت تحيه 🫡
وقف لها رواف و هم علاقتهم علاقه اخوان و دق لها تحيه هلا و مرحبا ببنت العم
لينا : اليوم جو معنا ضيفتين
تركي يوم قالت كذا لينا رمى الجوال و طالع يوم دخلت الهنوف و هي متحجبه و عيونها الزرقاء يتأملها و النمش واضح
و رزان دخلت و هي مستحيه
فهد: هلا بضيوف جدتي و بسكان بيتنا الجديدين
رزان : هلا بك الله يسلمك
محمد : خلونا نقعد برا على النار دام الجو زين
قاموا العيال و رتبوا المكان و سلمى تتهاوش هي و فهد على من يشغل النار
ذياب : لا انت و لاانتي انا
اخذها وولع النار كانت الهنوف واقفه جنب الباب وقرب تركي و قال
تركي : عسى مانكسرت رجلك ياعيون البحر؟
الهنوف لفت و جهها و طالعت فيه بعد ماعرفته انه تركي : لا مانكسرت قلت لك انا بنت ابوي مايجيني شي
تركي و هو حاط يدينه ورا ظهره :و النعم
الهنوف : ماعليك زود
قعدوا البنات في جهه و العيال في جهه
رواف : ايه من انتي نعرف الهنوف من عيونها الزرقاء من كثر ماجدتي تكلمت عنك
رزان : انا رزان
هايف دق قلبه و تذكرها عند الباب شلون كانت تهبل
رزان : صديقه الهنوف يعني تقدر تقول اني عشت في الميتم مع الهنوف و مع جدتك
راكان : تدرسون و لا مخلصين؟
رزان : ندرس جامعه تخصصي اخر سنه خلاص
ليلى : ماسألتكم صح وش تخصصكم
رزان : انا ادرس هندسه و الهنوف طب عام
ناظرت فيها و قالت : دكتورتنا المستقبليه
الهنوف ابتسمت
و قال خالد : ليش ماتسولفين ؟
تركي كان يطالع فيها و تحركت الهنوف و هي تقول بصوتها الهادي
الهنوف : وش تبيني اقول؟
خالد : اي شي يعني مثلاً علمينا وين كنتي قبل جدتي تلقاك؟
محمد : وش دخلك انت
الهنوف : شدعوه عادي خله ، انا قبل ٢٣ كنت في الميتم و تبنوني ناس و بعدين صار عمري ١٨ و رحت عشت عند فطوم و هاذي حياتي ب المختصر
خالد فهم انها ماتبي تقول اي شي و قال : اها
فهد : ادري سؤالي غبي بس انا فضولي يعني
الهنوف : تفضل
فهد حط يده عن عيونه : عيونك حقيقه؟ يعني اول مره اشوف شخص كذا عيونه و بحكم اننا سعوديين يعني شي ننننااااددددرررر مره
الهنوف ضحكت و قالت : اي و الله انها حقيقه باقي بحط لصقه و اقول عيوني طبيعيه
ذياب : شكلك تعانين
الهنوف : ويني و المعناه لا و الله اجاهد
جلسوا يضحكون و ضحك تركي و هو يناظر فيها و هي تسولف
راكان : يمكنك منتي سعوديه
الهنوف : تبي الصدق ؟ حتى ابوي ماادري وش اسمه
وقفوا كلهم ضحك و قال رواف : شلون يعني ؟
الهنوف : اي انا يتيمه و انرميت عند باب الميتم و اسمي مو مسجل في الاحوال اساساً
ذياب : اجل من سماك؟
الهنوف : ميمتي جميلة
ذياب: كانت تجيك هي و تركي زمان
الهنوف سكتت و هي تنتظر ذياب يقول ان ذا تركي
الهنوف : ايه
لينا بتغير السالفه : عاد يازييينن الهنوف اخلاق و لطافه الحمدلله اني عرفتك و رزان بعد تهبلين
الهنوف : تسلمين حتى انتم و الله
الهنوف وقفت و قالت : يلا استأذنكم انا بروح
ود : بدري
مريم : شوفي الساعه كم
ود : كم
فتحت جوالها و شافت الساعه ٣:٣٠ و قمزت يويلي يقوم جدي يمحطنا
كلهم قاموا و طفوا النار و كل واحد راح غرفته
-
جاء الصبح و قام الجد و الكبار يفطرون
الجد : شوي في اليل سوو قهوه و العائله كلها تجي في المشب
جميلة : ان شاء الله بس وش المناسبه
الجد : بعدين تعرفين
جميلة : زين
قامت جميلة و تدق عليهم و تقولهم يجون
-
في اليل الساعه ٩:٠٠ اجتمعوا كل العائله عند الجد
الجد : وين الهنوف و رزان و فاطمه و اخوهم
جميلة : فوق كانوا يجهزون للجامعه و يرتبون اغراضهم
الجد : ناديهم
البندري : بس انت قلت العائله ياعم؟
الجد : و الهنوف و رزان و عبدالعزيز و فاطمه من العائله صاروا !
سكتت البندري و هي ناويه الهنوف
الجد: لين يابوي روحي ناديهم
لين : سم
طلعت لين تناديهم
في الغرفه عند رزان و الهنوف الي ١٠٪ شغل و الباقي لعب و هواش
دقت لين الباب و دخلت
لين : يبنات جدي يبيكم تحت
الهنوف و هي ماقابلته من يوم ماجو
: ليش
لين : مدري بس مسوي اجتماع و يبيكم
الهنوف : طيب يلا
لين : تعال عزوزي معي
راح عبدالعزيز مع لين و نزلوا البنات و دخلت الهنوف و رزان
الهنوف : السلام عليكم
الكل : و عليكم السلام
الجد : هلا يابنتي يالهنوف
الهنوف : هلا بك يا..
الجد : انتي تنادين جميلة يمي و انا ناديني يابوي
الهنوف : ابشر يا ا بوي
الجد : بعدين اي اجتماع عائلي تعالوا انتم من العائله و هاذا البيت بيتكم و مكان مكانكم و حنا اهلكم من كبيرنا ل صغيرنا و الله ماغليتكم الا من غلات جميلة لكم و انكم بناتي
الهنوف : الله يسلمك ماتقصر
رزان : الله يعطيك العافيه ويطول في عمرك
الجد : يالهنوف
الهنوف : لبيه
الجد : لبيتي في منى ، مرتاحه يابوي في جناحك انتي و رزان؟
الهنوف : اي و الله مرتاحين
الجد : محتاجه شي ناقصك شي؟
الهنوف : لا و الله
الجد : جامعتكم و قبلتكم فيها اليوم جاتني رساله مشاءالله يبناتي تخصصاتكم حلوه الله يوفقكم و ينير دربكم
كمل الجد : سمعت انكم تسوقون؟
الهنوف : اي كلنا
الجد دخل يده في جيبه و قال
: قبل كل شي و الله ثم و الله هاذي من قلبي هديه طلعت سياره لك و ل رزان و فاطمه و زوجها عندهم قسمهم سيارتك يالهنوف هاذي مفتاحها و يارزان تروحون فيها جامعتكم و الي تبون و بساميكم بعد صارت
الهنوف : لا يايبوي و الله كثير و ماتقصر انت بعد يكفي البيت
الجد : ماترديني طالبك و اسمعيني
الهنوف : سم
الجد : اخوك اول سنه ابتدائي ؟
الهنوف : اي
الجد : ابي ملفه اسجله مع العيال مع بعض يدرسون و انتي و رزان بنيتي في جامعه مع البنات و العيال ماترديني و لا تحلفين هاذي هديه و الهديه ماترد
الهنوف : كلفت على نفسك و الله كثيره
رزان : الله يخليك و يطول في عمرك في طاعه الرحمن
الجد : امين يبناتي امين
فوزيه : وش تخصصاتكم يبنات
الهنوف : انا طب عام
كلهم: مشاءالله
رزان : انا هندسه
فوزيه : مشاءالله
البندري : يتامه وش بينفع
الهنوف : شلون؟
سالم : البندري !
البندري : كذبت ؟ يتيمه هي و عايشه حياتها تهرب من مفلح و مهربه طفل في يدها و جات الحين تدور الفلوس عند جميلة و انت مشاءالله ياعم ماقصرت عطيتها مبتغاها على طول
وقفت الهنوف و قالت قدام عطالله وزوجته و احفاده و عياله :
قالت انا بنت يتيمه ايه و درست لين الثانوي و شديت حيلي و دخلت الجامعه بصعوبه و بصير دكتوره و انتي بس فالحه تذكريني اني يتيمه ايه ماعندي عائله و لا شي و الشخص الي كان يحميني و انا ماادري ماتت في حضني طلعت روحها و انا اسمع اخر كلامها و شهقاتها و عشت حياه قاسيه ربيت طفل و انا طفله ! اي هربت من العذاب الي انا كنت فيه وواجهت مفلح و انجرحت و تحملت و من البيت ل الشغل هاذي حياتي كانت! و انحبست و تعرضت لتحرش ب كلام عشان ذا الجمال الي كل شوي تمشين قدام الحريم و تقولين شعرها صبغه عيونها عدسات ! لو ذا الجمال خلاني اعيش حياتي ذي كلها ماابيه من جمال ! فلوس و ماابيها و الله يعلم في نيتي اذا جيت عشان الفلوس و لا عشان اجي ل ميمتي جميلة ! و ماجيت سكنت هنا الا عشان ماارد طلبها ميمتها
قامت الهنوف و طلعت رزان بس لحقها تركي و قال خليها بروح لها رزان انصدمت و هي ماتدري رزان ان ذا تركي بس قعدت
الجد : و الله يالبندري مااخليك
الجد : سالم
سالم : سم
الجد : اقلع حرمتك عن وجههي
قام سالم و البندري معه و سالم متحلف مايخليها
