بعد ساعتين و هم كانوا متجهين المالديف
تركي و هو حاط سماعاته في اذنه و متكي راسه و مغمض عيونه فجأه حس براس الهنوف على كتفه طالع فيها كانت نايمه و ماحست و لفت رقبتها يم تركي ، نزل تركي سماعاته و هو يتأمل الهنوف
تركي بإبتسامه : اقدر اشوفك الحين بدون ماتضربيني
وصلوا بعد ٥ ساعات اول ماهبطت الطياره ماقوم تركي الهنوف عشان ماتخاف زي الطياران و قفت الطياره و بدو الناس ينزلوا رفع تركي راسه و بدا ينادي الهنوف عشان تقوم قامت من اول مره
تركي : عيون البحر وصلنا قومي
الهنوف: اهخ ياراسي انا متى نمت
رفعت راسها بقوه اول ماناظرت انها مستنده على تركي
الهنوف : شلون انسدحت كذا!!
تركي : مدري عنك انتي الي انسدحتي علي
الهنوف : مادريت
تركي : مادريتي و لا داريه بس تسوين نفسك
الهنوف ضربته مع كتفه: تخسي
تركي : اهخ يدي يكفي راسك
الهنوف : احسن
رزان من ورا : يلا بعدين تتهاوشون
نزلوا من الطياره و اول ماطلعوا من الباب كان التاكسي مستقبلهم و ركبوا معه على اربعه سيارات و الخامسه حقت العفش
البنات كانوا في سياره الهنوف و رزان و نجود و يمنى و سلمى
كان السواق رجال و راكب قدام تركي جنبه و كانوا ساكتين طول الطريق وتعرفون ضحكه الهستيريه حقت زحمت السياره؟ اي هاذي الي صابت سلمى و الهنوف
سلمى و هي حابسه ضحكتها و الهنوف وهي حاطه راسها على كتف نجود عشان ماتطلع ضحكتها قدام الرجال
انفجرت سلمى لثانيه و عيونها مدمعه
يمنى : وجع الرجال يسمعك
تركي لف : سلامات سلمى وشوله الضحك
سلمى و هي تهوي نفسها : مدري وش فيني
و كملت ضحك
رزان : محد يضحك غيرها المشكله
نجود اشرت بيدها على الهنوف : حتى الهنوف ميته عندي
رفعت راسها يمنى و شافت وجهها محمر و هي تهزز من الضحك
سلمى اول ماشفتها زادت الضحكه و يمنى ماسكه الضحكه و هي تشوف راس سلمى كيف و قعدت تهاوش عشان هيبتها ماتروح
تركي ابتسم اول ماشاف ضحكت الهنوف و راحت عصبيته
تركي : بس سلمى و الهنوف وش جاكم؟
الهنوف و هي تهوي نفسها بيدينها : حسبي على عدوس ياسلمى صرعتيني
سلمى : ماسويت شي و الله
الهنوف : ادري بس وجهس ضحكني شوفي راسك كيف
كانت سلمى فوق يمنى و عشانها طويل رقبتها محشوره عند سقف السياره بحكم انها سياره صغيره و كان شكلها يضحك ناظرت رزان و قامت تضحك و جلسوا يضحكون كلهم عليها
وصلوا و نزلت سلمى و الهنوف ميتات يضحكون
الجد : بسم الله وش فيهم ذول
يمنى : ماهم صاحيات قاموا يضحكون فجأه
جميلة و هي تطالع في هنوف الي تضحك بقوه و هي ماسكه سلمى : خلو هنوفي و سلومتي يضحكون وش تبون فيهم
تركي و هو يتأمل ضحكت الهنوف قال بصوت خفيف : اي و الله خلو عيون البحر تضحك عسى الله يمحي من يبكيها
نزلوا و انقسموا على فلتين البنات في جهه و العيال في جهه
الهنوف و هي تنزل الاغراض و توها تنتبه على البحر و اول مره كانت تشوفه ماقد راحت له قبل و طت الاغراض الي في يدها و قامت تجري على الرمل
سلمى : وشفيها
رزان و كلهم يناظرون في الهنوف: الهنوف طول عمرها كانت محبوسه و يوم هجت كانت تخاف تطلع يعني من الملعون مفلح و امنيتها كانت تشوف البحر و هاذي هي فرحانه
وصلت الهنوف للبحر و جات بتتقدم للمويه بس تراجعت ووقفها تركي الي وراها و قالت : مو كان حلمك؟
الهنوف : اي
تركي : ليش تتراجعين
الهنوف : مدري ليش خايفه
فجأه جو العيال يجرون من ورا و سلمى وراهم بعد مارفعوا عباياتهم و كانوا بحجابهم و بنطلونهم مغطي رجلينهم و دخلوا في المويه الهنوف و هي تطالع فيهم
جاء تركي و كلن ماسك طرف عبايتها و سحبها جوا المويه : لاتخافين انا معك ، هاذا البحر الي في عينك لاتخافين منه
سلمى و هي ترش المويه و هي تدري ان الهنوف تحب المناقرات و عشان تشيل التوتر الي فيها رشت المويه عليها و قاموا يتبادلون رش الماء على بعض
روان و هي جايه تجري من بعيد و محد انتبه لها الا يوم دخلت و هي تقول
روان : حان وقت التروييشششش
دفت بيدها الهنوف و سلمى و نجود و كلهم طاحوا جوا المويه
الهنوف: حسبي على عدوس شربت نص المويه
تركي ناظرها و قعد يضحك
سلمى : تراب ياروان ياحيوانه
روان مادخلت راسها جوا المويه زي البنات و جات نجود و مسكت راسها و دخلته جوا المويه
سلمى : كفو ايه انتقمي
روان بعد مارفعت راسها : يويليي
نجود : تروشي معنا
و قامت تجري بعيد عن روان
مشت الهنوف في البحر كثير بس ماوصلت للغميق و هي تناظر فيه و تقول: سبحانك ربي مااجمل خلقك !
تركي : ارجعي ورا عشان ماتوصلين الغريق و تغرقين
الهنوف : لامعليك مايصير فيني شي
تركي : امشي نرجع لو يشوفك جدي ابعتدي بيقعد يطالب تعرفين جدي
الهنوف و هي تناظر في المويه : سمكه !!!
تركي : وينها
الهنوف : هنا امش شوي شوي لاتهج
قعدت الهنوف و جلس تركي زيها و الهنوف تتأمل السمكه و تقول : ياربي يجنن لونها شوف سبحان الله!
تركي الي كان يناظر في الهنوف ويقول : اي تجنن مره
الجد من بعيد : تركييي الهنوف امشي بسرعه !
راحت السمكه ، الهنوف : حتى حنا نخاف منه مو بس انتي بس تراه حنون
قام تركي يضحك و مشوا لين وصلوا قعدوا على التراب كلهم و هم مبللين
ود : ياربي كل شي ثقيل فيني وش ذا
الجوهره: في احد ينزل بابنطلون جنز في البحر!
ود : وش اسوي شفتكم جريتوا و طبيت معكم مافي وقت اغير
الجد :قوموا غيروا بسرعه لايدخل فيكم البرد
دخلوا يغيرون و تركي يشوف الهنوف و هي تسحب بنطلونها و ترفعه على فوق و هي معصبه لانه طويل عليها و مو قادره تمشي زين و قعد يضحك
