و قفوا اهل جميلة باتراحيب و رشاشات
درع : ارحببببوووااا ارحبواا تراحيب المطر الله يحييكم
معتق : هلا بالي تباطيناهم هلا باوخيتي هلا
نزلوا الرجال و جميلة معاهم و قالوا :
الجد : السلام عليكم و رحمه الله وبركاته، الله يبقيكم
نزلوا يسلمون على بعض و تقدموا اخوان جميله يسلمون على بعض بالاحضان
سلموا و البنات كلهم الا الهنوف ورزان و فاطمه واقفات بعيد
تقدم درع و هو منزل راسه ويمسح دموعه باشماغه : هلا ببناتي و الله انكم نورتونا و هاذا بيتكم و انتم اهلي
الهنوف : الله يسلمك ياعمي النور نورك
تقدم رواف يحضن وافي و هو يقول : اشتقت لك ياكلب وش ذا من زمان يارجال !
وافي ضحك: هههههههه و الله اني مشتاق لكم اكثر سنه يالقطوع !
رواف : شسوي ياخي
سلطان: هلا باتركي هلا
تركي : هلا فيك ارحب
دخلوا الحريم جوا و استقبلوهم باغطاريف
ورد : هلا و مرحبا هلا بالي فقدته هلا بأهلي و كل ناسي هلا باوخيتي
سلوى : الله يحييكم
تقدموا و سلمو على بعض و اخذت الدموع مجاريها عند الخوات ورد و جميلة و حصه
ورد بابكاء : سنه ياوخيتي سنه و الله اني اناظر بالطريق و احتري مجيس
جميلة : سامحيني ابطيت عليس
سلموا على بعض و قالت ورد : انتي الهنوف ؟
الهنوف : ايه
ورد : مشاءالله تبارك الرحمن الله يحفظك و الله انكم نورتوني انتي و انتم من ؟
فاطمه : انا فاطمه و هاذي رزان
جميلة : ذولي بناتي رزان و الهنوف و ذي وخيتي فاطمه
خلود : حياكم الله نورتونا و الله
ورد : انا ورد اخت جميلة و هاذي اختنا حصه و هاذي خلود زوجت اخوي درع و بناتها هاذي وجدان و هاذي وله و جمانه و هاذي سلوى زوجت اخوي معتق و بناتها وهج و غرام و رغوده ذي و ذولي بناتي نوره الكبيره و ذي بنتها ملك و ريوف بنتي
فاطمه : مشاءالله الله يحفظكم
حصه : تفضلوا ادخلوا
دخلوا البنات و نزلوا عباياتهم و كانوا كل وحده اجمل من الثانيه
جميلة: ورد ياوخيتي الناس جو ؟
ورد : اي سعيده و بناتها
التفتت ليلى و قالت : امي داخل ؟
ليلى من يوم المشكله ماراحت لامها و لا كلمتها
ورد : ايه يمي داخل
دخلوا جوا و بدوا يرحبون حريم الديره فيهم و كانت كلهم عيونهم على الهنوف وش ذي البنت الجميلة صدق ؟
-في قسم الرجال و هم جالسين في الخيمه كانوا قاعدين جنب بعض
راكان: وافي
وافي : لبيه
راكان : شخبار القلب باقي في محله
وافي ابتسم و قال: باقي من ساكن قليبي في محله معليك
نايف: ابلشنا كل شوي و هو شعر شعر لييينن انصقع راسي
فارس : اي في كل زمان و مكان يقول قصيده حتى لو تناديه الظاهر بيحط بيت يقول اليا ناداه احد
وافي ضحك و قال: ماتدرون بالحب ياجاهلينه
سلطان : ايه تركي و ملكت ؟
تركي ابتسم : ايه
عمار : اخذت عيون البحر مافي بديل
تركي : ابداً و لا بيجي بعدها و لا قبلها احد
احمد : بغا يموت يوم جدي رفضه اول مره بامزح
ذياب: احسه من كثر ماهو معصب لو بايحرق الدنيا عادي عنده
خالد : سلمنا ربي يوم جاء جدي و نادانا ههههههه
راكان ضحك بقوه و قال : لو تشوف جدي خلا ابوي و تركي يعيدون الخطبه
فارس : شلون! هههههه
بدا راكان يقول لهم و قال سلطان : يازينك ياعم ههههههههه
تركي : حيوان تضحك على ابوك و اخوك ههههه
راكان : و الله ازريت اقوم ذاك اليوم من الضحك ههههههههه
جاء حاتم و قعد و قال : شخباركم ياعيالي ؟
كلهم الحمدلله
تركي : و انت شلونك ياعمي عساك بخير
حاتم : بخير بافضل الله
تركي : شخبار عمتي وضحى ؟
حاتم : طيبه الحمدلله و مشتاقه لكم ححيييلل
تركي : و الله حتى حنا اشتقنا لكم و لها ولديره
حاتم : سنه يارجال سنه و الله انه كلنا نتحرى مجيكم
تركي : عاد وش نسوي و انت تدري بالي صار لنا
حاتم ابتسم: شخبار عيون البحر
تركي ضحك و قال: بخير زي ماتحب
حاتم : ياحليلها و الله يوم سلمت عليها بنت اجاويد و جيده
راكان : اي و الله ياعمي مشاءالله عليها ماترضى احد يأذيها و لا للتحبهم و شخصيتها قويه بالحيل
حاتم : مشاءالله عليها ابوها عبدالاله؟
تركي : ايه توهم التقوا ببعض
حاتم : ياتسبدي عنه جيد الرجال و حليل
ذياب : هاذا الابو و هاذي بنته
حاتم : و البنيه الي معها فاطمه و عرفتها الثانيه ؟
تركي : رزان
دق قلب هايف و هو يتذكر رزان ووده تكون له بأسرع وقت
حاتم : ايه بنت من ؟
تركي : كانت هي و الهنوف مع جدتي في الميتم
حاتم : ايه
حاتم : اي و الله مير مافي شبهه اناظر في عيونه ابي لون ازرق مافي البنت غير عن الابو
عمار : مايتشابهون يمكن طالعه على امها
تركي : لا ام امها شعرها احمر و عيونها زرقاء و عيون البحر طلعت عليها
حاتم : بالله ؟
تركي : ايه قالته امها يوم سمعت الوصيه
حاتم : مشاءالله مير الله يفكها من حريم الديره ياكلنها الحين بالاسئله
فارس : ههههه اي و الله
درع : يلا ياعيال العشاء وصل و دخلو للحريم صحونهم
قاموا العيال و قال معتق : لا و الله انتم ضيوف خلوكم
تركي : لا و الله لنقوم نشيل حنا اهل محل
درع : اي اهل محل لاكن اليوم ارتاحوا بكره معاد افرق
معتق : اجلسوا ياعيالي
ذياب : ابشر
قاموا سلطان و نايف و عمار و فارس ووافي يشيلون العشاء و يحطونه داخل
فارس : ياامي ياخاله
جات خلود : هلا
فارس : خاله العشاء جاء
خلود : زين بس دخله في المطبخ ماقدامك احد
دخل فارس يحط الصحون جوا المطبخ ، عند البنات قعدوا في الصاله يسولفون لبعض
وجدان : يازينس ياهنوف بسم الله عليك
الهنوف : يازينتس انتي و الله
غرام : انتي دكتوره ؟؟؟
الهنوف : تخرجت بس باقي ماجاتني الوظيفه
سلمى : تجييك يارب و نفرح فيك
الهنوف: امين ياربب
جات لين و هي تعبانه من الرقص و منزله كعبها : اهخ ياتعب زمان مارقصت
الجوهره : محد قالس ادبكي على كل شيله و اغنيه اول الداخلين انتي
لين : شسوي سلمى عيت توقف كل شوي ترقص
سلمى : وش دخلس ترقصين معي اجل
لين : مو انا الي اخلي بنت خالتي ترقص لحالها
ريوف : اليوم فرحانه احسني شوي و اطير
وله : اشوفك البسمه عيت تروح من وجهس عساها دايمه
ريوف : بشوفتكم و الله يابناتت اشتقت لكم
ضحكت نجود و هي تقول : و الله حتى حنا
ريوف : مجهزه فعاليات نسويها
جمانه : اخرتس تقعدين على جوالس
ريوف : لالا ابد معاد اعرف شي اسمه جوال
جمانه: ههههه نشوف
لين : ابي مويه
وله : روحي المطبخ عندس
جات ملك تجري و معها جوال و عدت لين وراها تبي تاخذها طلعت ملك مع الباب المطبخ الثاني الي يطلع للحوش و لين و هي تجري طلع لها واحد و صقعت باصدره و مسكت راسها بألم و هي تقول : اهخخ الله يقلعك منين طلعت
ناظرت لين في الرجال و قالت بخوف : فارس !
ناظر فارس و قال : لبيه
دفته لين و رجعت للصاله تجري و قالت سلمى : شبلاك انتي
لين: هاه لا مافي شي
فارس: ياربي وش ذا الزين الي شفته ذي لين !
سلطان و هو جاي معه الصحن: ابعد شبلاك واقف
دخلوا الصحون داخل و طلعوا للرياجيل قام حاتم و قال: حياكم الله يارجال على العشاء
ولف على صقر و اخوانه و عيال اخوانه وقال: و اعذرونا يااهلي على القصور
وقف صقر و قال: مامن قصور كلفتوا على نفسكم الله يخليكم
درع : ماهو حقكم و الله
رواف بهمس لراكان : ماهو بوقتكم جيعان
راكان ضحك: انت ماهمك غير بطنك
معتق : تفضلوا
رواف : الحمدلله
جلسوا على الصحون و بدوا يتعشون و كذالك عند الحريم
خلصت العزيمه و بدوا الحريم يروحون ليلى الي كانت حزينه و مادخلت جوا ماتبي تشوف امها داخل لفت على صوت البندري تناديها و قالت : لولو وينك يامي ماكلمتيني
ليلى : لاتكلميني زعلانه عليك
البندري : تبين اشرح لك ؟
ليلى بتردد : عن ويش ! كل شي واضح مخدرات ياامي مخدرات!! ليشش
البندري : ابي فلوس كنت ابي اجمعها و يمكن وسواس شيطان و انتهى
ليلى : تبين فلوس ابوي وش مقصر عليك فيه تقولين له ابي عيونك يقولك سمي و اذا بينتهي شي عندس انتي ، تدرين وش فتحتي اي باب على الهنوف ؟ البنت تدمرت حياتها من مفلح ، علميني وش سوت لتس اذا اذتك قوليلي اروح اخذ حقتس
البندري : ماسوت لي شي بس
ليلى: بس وشو!
البندري : كنت ابي الفلوس من مفلح و علمت و كرهتها من اول يوم
ليلى : تبين الفلوس ؟
البندري : ايه
ليلى : انسيني طيب لاتذكرين ان عندك بنت اسمها ليلى
البندري : وين تعيشين لحالك لاام و لا خوات و لاخوان
ليلى ضحكت باسخريه و قالت : و مين قالتس ماعندي ؟ خواتي هذولي هم معي و اخوان عندي و ابو عندي و ام عندي جميلة امي !
البندري : و انا ماني امك !
ليلى : امي كانت عندي قبل شهر لاكن الان لا ماعندي ام
راحت ليلى بعصبيه و بانت عصبيتها باحدت ملامحها الجميلة
و طلعت البندري بيتها مع امها و خواتها
خلص اليوم وراحوا البنات يغيرون و دخلت ورد غرفت البنات و قالت :
يلا اذا خلصتوا اطلعوا في بيت الشعر عند خوالكم و العيال نبي نتقهوه ماش احد
سلمى : زين
-
في الخيمه دخلوا الحريم الكبار و قعدوا يتقهوون ، لف تركي يناظر يدور ياعيونه هنوفه يتحراها تجي بعد ماشاف البنات جو و قعدوا لف تركي للينا و قال : لينا
لينا : سم
تركي : سم الله عدوس
لينا : تبي الهنوف و هاذي هي جوا تحط اكسجينها
تركي : كيف دريتي بسم الله
لينا : اشوف تبقبق بعيونك تدورها
ضحك تركي و قام للهنوف داخل
فتح الباب ووقف عند الغرفه الي في زاويه الحوش دخل مالقى الهنوف جوا و سمع صوت احد يغني بصوت هادي ورا الغرفه لف تركي و ناظر لقى الهنوف قاعده و حاطه اكسجينها و ترسم ابتسم تركي و قال:
وش مقدتس هنا ماجيتي مع البنات ؟
لفت الهنوف و هي حاطه يدها على قلبها: بسم الله انت منين جيت
تقدم تركي و قعد جنبها و قال: جو البنات و ماجيتي معهم و جيتك
ابتسمت الهنوف و قال تركي : ليش ماجيتي
تكت راسها الهنوف على الجدار و قالت : بخلص من الاكسجين وبطلع
تركي : عادي اطلعي فيه وشفيها ؟
الهنوف : مافيها شي بس ماابي اطلع
ناظر تركي في كراستها و قال : هاذا من الي ترسمينه؟
شالت الهنوف كراستها و حطتها على جنب و تقدم تركي : ليش شلتيه وريني
الهنوف : لا مب الحين
قرب تركي منها و مد يده يبي ياخذ الكراسه قالت الهنوف و هي تناظر قدام من قرب تركي لوجهها : تركي خلها مب الحين
لاحظ تركي توترها و قال : انظري فيني طيب ليش صاده
للهنوف : ماني صاده انت الي لاصق فيني
تركي : ادري انظري فيني
ماردت الهنوف و رفع يده لدقنها و لفاها لوجهها تقدم تركي لمبسمها فتحت الهنوف عيونها بقوه و هي متجبصه مكانها تراجع تركي و قالت الهنوف بتوتر : ت تركي
تركي و هو هايم فيها يبي يسرق منها بوسه مره ثانيه : عيوني و روحي
قامت الهنوف و قالت: يلا بلبس بروح لهم برا
راحت بسرعه و قعد ترك يضحك و قال : هاذا انتي كل ماقطعت المسافات ابعدتي عني
-
لااحل و لا استبيح الي ياخذ اقتباس او قصيده و ينسبها له حسابي تيك توك loly.uu و انستا نفس يوزر حسابي هنا رأيكم يهمني حطو لايك و اكتبوا تعليقكم ❤️
