بعد ثلاث شهور من عيش الهنوف و عبدالعزيز عند فاطمه
دخلت الهنوف الجامعه بتخصص طب عام و كانت من افضل الاشياء الي صارت في حياتها
الهنوف :يويلي يافطوم توتر هاذا علامه مايفتح !!
فاطمه : اهجدي يبنت الحلال معلق اكيد كل الناس داخله بتشوف انقبلت و لالا
الهنوف : بموت توتر
فاطمه: فتح فتح
الهنوف هجت للمطبخ: يمه لاتقولين شي صكيه خلاص
فاطمه فتحت و توسعت عيونها بقوه
الهنوف : مانقبلت صح ؟ داريه اصلاً ذا الوجه و جه نحس
فاطمه بصراخ : هنوووووفففف انقبلتتتيييييي طببب عاممم
الهنوف صنمت و سحب الاب و شافت ( عزيزي المتقدم تم قبولك بتخصص طب عام )
الهنوف : انقبلت
فاطمه : انقبلتي
الهنوف : ايه
فاطمه و هي تضحك بقوه و تمسح دموعها : فخوره فيك ياهنوفي فخوره
هنوف و هي تشد على فاطمه الحمدلله الحمدالله
و عاشت الهنوف على وصيت سعاد انها تحمي ولدها من مفلح و فعلاً مالقاهم مفلح عقب ماهجت هي و اخوها ل بيت فاطمه
تعريف عن فاطمه :
فاطمه عمرها ٣٤ غير متزوجه كانت تخاف من الزواج بسبب شكاوي اختها قبل و كانت ماتبي تتزوج و عايشه لحالها بعد وفاة امها و ابوها و زواج اختها الوحيده سعاد انسانه طيبه و متدينه و تحب الهنوف كثير تشتغل اداره اعمال
مرت الايام و الهنوف من الجامعه للشغل عشان تصرف عليها و على اخوها و تجمع فلوس للبيت عشان تطلع و ماتزعج فاطمه كانت الهنوف شاطره في دراستها كثيررر بس ماكانت تنام مرتاحه خوف من ان يطلع مفلح في اي وقت و ياخذ منها عبدالعزيز تغيرت حياة الهنوف تدريجياً صارت تطلع و تشوف الدنيا شلون تغيرت و صارت حلوه بس مع الاسف الباب سكر في وجهها دام مفلح باقي حي ...
بعد اسبوع زي اي يوم رجعت الهنوف من الدوام و هي راجعه كانت تحس ان فيه احد يمشي وراها بس مالتفتت
الهنوف : يمه بسم الله الرحمن الرحيم في احد يمشي وراي يمكن اتوهم اكيد اي ابن ادم يمشي الارض مو ارضي اكيد
قامت تضحك بخوف
و الي يمشي وراها شوي شوي يسرع خطواته و الهنوف تزيد اخر شي خافت وركضت لاشعورياً
الهنوف : يمه علامي اركض بسم الله ياربي ساعدني
الرجال: وقففففيي قلتتتتت وقفيييييي
الهنوف : يارب ساعدنيي ياربييي
الهنوف و هي تركض اسرع ماعندها وشافت بيت قدامها
وصلت الهنوف ل البيت و ماقدرت تدخل عبالها مفتوح الباب بس طلع مسكر الباب لفت بقوه و شافت الشخص الي يركض وراها و قال
: تحسبين بتهجين عني هاه؟
الهنوف : مفلح!
مفلح : اي انا مفلح اخذتي ولدي و هجيتي اندسيتي ثلاث شهور تحسبينك بتفلتين بفعلتك !
الهنوف بخوف : كيف دريت اني هنا من قالك!
مفلح : تحسبوني ماادري انتي و الزفت سعاد عن اختها الي تكلمها ضاحكه على نفسها تحسبني ماادري عنها!
الهنوف : وش تبي انت الحين خلاص روح !
مفلح ضحك و قال: شرايك اعرض عليك عرض و مااسوي ل ولدي شي و مااخذه منك
الهنوف: ويش العرض ؟
مفلح : تزوجيني ياالهنوف
الهنوف انصدمت و قالت : تسمع اذنك وش تقول!
مفلح: تدرين وش الي مخليني قبل مخليك عندي ؟
الهنوف: ويش
مفلح : جمالك قلت خلها تكبر و تبلغ و اخذها
الهنوف : تبطي عظم !
مفلح : بإمكاني اشتكي للشرطه و اتهمك بتهمه خطف ولدي!
الهنوف : تبي تشتكي؟
مفلح : اذا ماتزوجتيني ايه
الهنوف : اشتكي و انا ارفع عليك قضيه
مفلح :وش قضيته؟
الهنوف: واحد ضحكت على الميتم انك بتربيني بس استخدمتني عبده انظف و تضربني كل شوي اثنين حرمتني عن العالم ثلاث و حقوق سعاد الي اخذتها منها اربعه تعاطي المخدرات
مفلح: شلون دريتي اني اتعاطى!!!
الهنوف : ادري شفتك هاه مصر تشتكي ؟
مفلح : وين ولدي بشوفه!
الهنوف : ماراح تشوفه ابد احلم فيه
مفلح : مو انتي الي تحرميني من ولدي يا حلوه
الهنوف : نشوف
وقف كلامهم و هرب مفلح بعد ماطلع شايب من البيت الي واقفين عنده
الشايب : بغيتي شي يبنتي ؟
الهنوف : لا ياعم بس ضيعت بيت صديقتي
راحت الهنوف البيت و قامت تحل واجباتها و ماعلمت احد بلي صار وهي رغم الي صار خايفه
