عند بيت جميلة و احفادها
لينا : يبنات كيف شعري؟
لين : تهبلين ياتوأمي تهبليييننن
ليلى : لي الله حتى اخت ماتمدحني
لينا : شدعوه اختي تراك انتي بعد !
ود : يبنات مين شافت فستاني ؟
روان : اخذته زينه اتوقع تكويه
الجوهره : لاا ترا ماتعرف تكوي اخر مره حرقت فستاني
ود ركضت تلحق على فستانها
امل جات
غاده : ها جات نقاله العلوم وش عندس علوم؟
امل ضحكت و قالت : لا بس اخر الاحداث ان جدتي ماهي مخليه احد الا عازمته
مريم : متحمسه اشوف الهنوف
لينا : يبناتتت كامله و الكامل الله
سلمى : ياحلوها تهبل بسم الله عليها
يمنى : اخلاق و لطافه و كلها تنوكل
قمر : ياحضكم شفتوها
امل : معليه بنشوفها شوي
مضاوي : ها يبنات جهزتن ؟
يمنى : باقي ياخاله شعري انتظر مريم الكسلانه تخلص
مريم : شدعوه خلاص اخر خصل
قمر : اخر خصل قصدك من الجنب الثاني؟
نجود : مريم بجي اسويه لس بسرعه ب خمس دقايق اخلصه
مريم : ودي اقول لا بس يلا
قامت نجود تخلص مريم
-
عند تركي و هو متحمس كثيييرر عشان عيون البحر
راكان : ثوبي وين؟
ذياب : مدري
راكان :كنت موطيه على السرير وين اختفى
تركي : يمكن على قوله ابوي جني
جا رواف و هو لابس ثوب و قصير عليه
ناظروا فيه العيال و ضحكوا
تركي :ليكون بتطلع للرياجيل كذا؟
رواف : صاحي تبي جدي يقضي علي
راكان : ياتيس ذا ثوبي وش منقزك عليه
رواف : مدري شفته هنا حسبته حقي و شلته
راكان : حمار تلقط اي شي
احمد جاء و هو جاهز و يدور عطر و كان مع تركي عطر يهبل
احمد: يقولون ان تريكي عنده عطر يموت
تركي : يكذبون عليك
راكان : لا و الله صدق عنده
تركي : رح بس غالي ذا
احمد : بكم؟
تركي : ١٠٠٠
ذياب : صاحي انت؟
تركي : عجبني و قلت مااخليه في خاطري
احمد و هو يشم العطر على تركي : تكفى بخه وحده بس
تركي : انا ابخه
بخ تركي ل احمد و ماشاف الطابور الي وراه
كان ذياب و فهد و خالد و راكان و رواف و محمد و علي و عبد الرحمن ورا احمد
تركي : سلامات لو احط بخه لكم كلكم خلص عطري من كثركم؟
علي : بس بخه بس و اذا خلص اجيب لك
خالد: بعدين كلنا نفس الريحه مايصير؟
رواف : عادي يرجال محد منتبه
فهد : محد منتبه اجل و الله يجيك حامد يشفط ريحتك شفط
جلسوا يضحكون كلهم على فهد بعد محاولات بخ لهم كل واحد بخه
و نزلوا و تركي قلبه يركض قبل رجلينه من الفرحه
-
في بيت جده جات الساعه ٦:٣٠ و البيت قالب فوق تحت
لينا : كعبي ووويينن مين الي ماخذه كانت فرح بنت غايه ماخذته تدور فيه
غايه : علامك انتي تصارخين
لينا : كعبي مدري وينه
فرح جات و هي يلا تمشي ب الكعب
فرح : ماما شوفي الكعب كيف مطولني
لينا : و تراب ايه
راحه لينا بتصفق فرح بس انقذت غايه بنتها و قالت
غايه : في وجهي ذي المره هذا كعبك خذيه
لينا : كل مره في وجهس ذي
غايه : اخر مره
لينا : بشوف
دق الباب و بدوا الناس يجون و امتلت الصاله
نزلوا البنات مع بعض و كانت كل وحده اجمل من الثانيه على نزولهم دق الباب
فتحت غايه الباب و طلعت البندري جايه
لين بينها و بين مريم : ذي شجابها؟
مريم : مدري بتوطى في بطنها بس تحمد ربها ليلى تشفع لها
لين : اي و الله
سلمى : ليني نتعاون عليها ؟
لين : قدام
يمنى : و قسم بالله لااكسر راسك انتي و ياها اهجدوا مو وقتكم
-
و قفوا العيال يستقبلون الرجال برا و عيون تركي و هايف معه على الطريق ينتظر سياره الهنوف تجي وفعلاً وصلوا و دخل عطيه
عطيه : السلام عليكم
فهد : عليكم السلام اقلط حياك الله
ووصلت سياره رزان و الهنوف : رزان وهي تلف طرحتها و ناظرت في تركي و عرفته بعد اخر موقف
رزان : يمه من وين ندخل وذول واقفين كذا
عبدالعزيز: انا رجال معكم
رزان : اقول انثبر دقيقه
الهنوف : دقيقه عزوزي اصبر
نزلت الهنوف و رزان و بيدها عبدالعزيز
مرت رزان و الهنوف وراها و تراجعوا العيال ورا
و قالت رزان : السلام عليكم
كلهم و عليكم السلام
هايف : من هنا طريق الحريم
رزان : اي ادري شكراً
هايف : العفو
دخلوا البنات جوا و دقوا الباب و استقبلوهم حفيدات جميلة و جميلة معهم
فاطمه : السلام عليكم
كلهم عليكم السلام
جميلة : هلا و مرحبا اسفرت و انورت حياكم الله في بيتكم و محلكم
فاطمه : الله يحيك ماتقصرين
بعد ماسلموا البنات على بعض ووطت الهنوف عباتها و كانت لابسه فستان قصير لونه اسود ماسك عليها و من تحت واسع و رزان لابسه افرول احمر و فاطمه فستانها موف واسع بحكم هي حامل
و مشوا ورا بعض و دخلوا مع بعض و كان المجلس كبيرر و مليان حريم و عجايز
فاطمه : السلام عليكم
كلهم وقفوا : و عليكم السلام
جميلة : حياكم الله ياضيوفي و اهلي
سلموا البنات و كانت عيونهم على الهنوف كيف البنت تهبل و تجنن و جسمها مشاءالله
البندري عند خواتها
صيته : ذي حقيقه ؟
البندري : مااتوقع كله فيك
مروى : مشاءالله جميلة هي
صيته ناظرتها نص عين : ماطبها الزين
مروى : هاذا كله و ماطبها الزين اقول اسكتي بس قولي انك تغارين منها
صيته : اغار ؟ لا من قال
مروى : ها صكي فمس
