الساعه ٢ اليل و البنات قاعدين يسولفون عند الهنوف الي مانامت
نجود : ياربي ياهنوف عندي صديقه من كثر ماتكلم عنك لها تبي تشوفك
الهنوف : مين ؟
نجود : جوري الي علمتك عنها
الهنوف : اهاااا
سلمى : عاد غثيثه ذيك من زينها
نجود: حرام عليك تهبل
سلمى : اعيدي النظر في حكمك على الناس
الهنوف : هههههههههه عادي كل شخص و حبه للناس كيف يكون
سلمى : و انتي هنوف مين صديقاتك
الهنوف : ماعندي غير رزان و انتم
نجود : الثانوي ؟
الهنوف : ماتعرفت كنت اخاف من كل شي و بس كنت ادخل من باب المدرسه ل باب البيت
نجود : عيشي حياتك الحين انسجن
الهنوف : السجن باقي لين اطلع الحين بيكون فيه محاكم
سلمى : تعدي ياهنوفي معليك
دق الباب :
سلمى : بسم الله من ؟
نجود : عندس ابره الحين ؟
الهنوف : لا مااحد قالي شي
رزان : غريبه من ؟
لبست سلمى عباتها و طلعت و لقت عند الباب تركي واقف
سلمى : وش جابك و انت الحين كنت فيه ؟
تركي : جيت تهريب عشان كذا اخذي نجود ورزان و انزلي تحت عند هايف و بهاج و ذياب
سلمى : وش انزل ليش انزل ؟؟
جات نجود : وشبك؟
تركي : ياليل لازم اقول؟
نجود : ايه
تركي: ابي اكلم الهنوف
سلمى : لا ممنوع
تركي: ليه !
سلمى : اخطبها بعدين تعال كذا مايصير
تركي : امانه سلومه بس بقولها شي و بروح و الله
نجود : حرام خليه من اول ماتشوفين نظراتهم لعض
سلمى : يلا طيب معك دقيقه
تركي : وش تسوي دقيقه !!!
سلمى : مو تقول بتكلمها بس ؟
رزان : سلمى وشبك عليه
تركي : اي بس ماتكفي دقيقه
نجود : يلا ربع ساعه بس
تركي : طيب
دخلت نجود تاخذ جوالها
الهنوف : مين عند الباب وين بتروحين؟؟
نجود : حبيب عيونك يبيك
الهنوف : هاه ؟
دخل تركي و اول ماشافته الهنوف استوت و قالت : تركي ؟
تركي : مالحقت اكلمك قدام اهلي و قلت اجيك بعدين
الهنوف : كيف دخلت ممنوع و البنات وين راحوا؟
تركي: دخلت تهريب و اتركيك من البنات هم تحت عند بهاج و هايف و ذياب و ركزي فيني
توتر الهنوف و قالت : وشو ؟
قعد تركي على السرير وقال : وش اعني لك ؟
الهنوف : وش تعنيلي مافهمت
تركي :الي قلتيه في اذني صادقه فيه ؟
الهنوف تقلد نفس ماسوى قبل : متى؟
تركي : وشو متى يوم جاتك الرصاصه في كتفك ليتها فيني و لا فيك
الهنوف : مااذكر
تركي : تستهبلين ؟
الهنوف : اي زيك الحين يوم نسيت تقولي ياعيون البحر حتى انا بنسى وش قلت لك
ارتخى تركي و قال : طيب ياعيون البحر عيدي وش قلتي لي
الهنوف : مره وحده سمعتها مايحتاج اعيد
تركي : ماسمعتك زين عيديها و بعد قلتي قصيد صح ؟ وشو
الهنوف ابتسمت و قالت: تتذكر عانك اني قلت لك قصيد
تركي قرب : اي ابي اسمعها من مبسمك مره ثانيه
الهنوف : مااعيد الكلام مره ثانيه
قرب تركي اكثر و قال : عيدي قبل تجي سلومه و تطردني
الهنوف في نفسها : يارب تجي احسني بموت من التوتر و ذا لايسوي زي ذيك المره
الهنوف :مصر ماتطلع لين اقول ؟
تركي : انا قاعد لين ترجعين تقولينها
الهنوف غطت راسها بالحاف و قالت : احبك قلت يلا اطلع
تركي ابتسم و قال : و انا اموت فيك
قرب تركي يبي قرب مبسمها بس جات سلمى و خربت و فتحت الباب و قالت : هييي انا بنت ابوي مو عساس كلمه بس و من بعيد و انت لاصق فيها
تركي : ياخي مالقيتي تجين غير الحينن؟؟؟
سلمى : ليش يالمخنس وش كنت بتسوي ؟
تركي : ماني مسوي شي وش بسوي
تركي : امشوا انتم مو قلت امسكوا سلمى بذات
هايف : ماتنمسك وش اسوي بها ؟
ذياب رفع يده : مالي دخل
بهاج : انا بعد
نجود: النيرس جات ادخلوا بسرعه
قفلت الباب عشان ماتشوفهم و دقت الباب و مسكتهم سلمى و دخلتهم الحمام عشان ماتشوفهم
بهاج : يويلي في الحمام مره وحده
ذياب : وين بتخش و ذا طولك مشاءالله جوا الدولاب و لا تحت السرير
تركي : متعود انا
ذياب : انت خلك على جنب
بهاج : شكلك متعود تجي للهنوف و الضعيفه تبتلش فيك و تدخلك الحمام اذا جاء احد
تركي: هههههههههههه ايي
فتحت الباب رزان و قالت : راحت امشوا
طلعوا كلهم من الحمام و تركي يناظر بالهنوف الي و جهها صار احمر ووده يصفق سلمى
بهاج : الحمدلله على سلامتك يالهنوف
الهنوف : الله يسلمك ، من انت؟
بهاج : انا بهاج الي كنت معكم البيت الي كنتي فيه
ذياب : رفيقي بهاج
ابتسم بهاج لي ذياب
ذياب : يلا مشينا بنروح الوقت تأخر الساعه ٤:٠٠
تركي : مع السلامه اذا بغيتي شي كلميني
سلمى : ليكون زوجها و حنا ماندري
تركي : قريب ان شاء الله تخرجي بعد بكره انا و بتجيني وظيفتي بسرعه و على طول بخطب عيون البحر
نجود : صدق؟
تركي : اي تقريباً كلنا بعد يومين متخرجين بس باقي غاده ماتتخرج الحين
سلمى : اي و الله الحمدلله بخلص اخيراً
نجود : اي الحمدلله تعدي على خير يارب
كلهم : امين
تركي : حض ذياب مخلص و يشتغل و بهاج بعد
بهاج و هو يطبطب على كتف تركي : يلا يارجال كلها يومين و تجي معنا
سلمى : تركي الحين انت صدق بتصير محامي؟
تركي : اي وشبك منصدمه
سلمى : لا بس يعني ماتوقعت اخبرك داشر طول عمرك
كلهم : ههههههه
رزان : و هنوفتي احلا دكتوره
ابتسمت الهنوف بحب ل رزان
الهنوف : هييييييي
تركي : ويش علامك بك شي يعورك شي؟؟؟
الهنوف: امس كان تقديم الوظائف الصحيه !
رزان : قفلل ؟؟؟؟
الهنوف : مدري شكله
سلمى : لا ان شاء الله افتحي افتحي رزان شوفي
فتحت رزان و كلهم على اعصابهم انه يقفل رزان مفتوح !!
الهنوف : بالله !!
رزان : ايييي
سلمى : الحين يلا سجلي
رزان : مكتوب الساعه:٦:١٠ يقفل
الهنوف : يعني ساعه
رزان : ايي ، يلا انا بقولك وش المطلوب و انتي قوليلي و انا بكتب،
رزان و هي تناظر في الجوال و ماحست بانفسها و هي تنادي هايف : هايف بالله هات الطاوله
هايف : ابشري خذي
حطت و بدت : الاسم الهنوف عطالله ال خالد
العمر ؟ ٢٤ سنه و قريب ال ٢٥ بس ماني حاطه غير ٢٤
و بدت تحط المؤهلات و كل شي
رزان : خلصت يلا بسم الله
سلمى : الهنوف يلا حطي تسجيل انتي
الهنوف ضغطت و قالت نجود : يارببب تجيكك ياربببب
سلمى: وشبك كنس تضايقتي؟
استوت الهنوف و قالت : بقولكم شي قاله لي عايض يوم اني انحبست في القبوا
تركي : ويش ؟
الهنوف : قالي ان عندي ام و اب و قالي اسمائهم
رزان : مين ؟
الهنوف : هي الام نوف و الاب عبد الا اله
بهاج : ماتعرفين وش اسم الجد ؟
الهنوف : لا ماقالي غير كذا ، تهقون صدق عندي اهل ؟
نجود : اهلك اكيد يبونك دام عايض الي خطفك
الهنوف : طيب ليه مادوروني ؟
ذياب : يمكن دور عنك بس مالقوك
الهنوف : مدري بس احس اني خايفه من الموضوع ذا
بهاج : لا تخافين و ببحث لك في الموضوع
الهنوف : شكراً
بهاج : العفو
رجعوا للبيت كلهم و ناموا البيت بعد ليلة متعبه لهم
-
اليوم الثاني في بيت عطالله و عياله كلهم عنده
الجد : على اخر كلامك ياسالم طلقتها؟
سالم : اي يبه خلاص معاد ابيها
الجد : الله يهديها
صقر : و بتقولون للهنوف للي صار؟
الجد : لين تطلع من المستشفى و نقولها
سعود : ان شاء الله
الجد : بنسوي لهم عشاء على سلامتهم
صقر : ان شاء الله يبه ابشر و الذبايح علي اروح للحلال و اجيب بس كم تبي ذبيحه يابوي ؟
الجد : جيب ١٢ او ١٥
سعود : تبيها كبيره ؟
الجد : لا بس ودي اوزع بعضها على الناس المحتاجين
سالم : الله يكتب اجرك
الجد : امين ، و ترا بعد العشاء ان شاء الله نبي نفلح لاهل امكم في حائل
صقر : ليش ؟
الجد : خلو امكم تزور اهلها مبطي ماشافتهم من يوم جات الهنوف انشغلت عنهم
سعود : اجل انا اخبرهم في القروب ان شاء الله
الجد : زين
