-
ركبوا كلهم الطياره و الهنوف على اعصابها و الجد يدعي مايصير شي ل عبدالعزيز
كانت الهنوف قاعده و نجود جنبها و الهنوف ترتجف
نجود : هنوف ياعيني انظري فيني
الهنوف و هي تطالع فيها و تقول : انا ماعشت مع اهلي الحقيقين و بعدين يوم لقيت الي يحميني بدون ماادري ماتت بين يديني
و امنتني على ولدها و صار اخوي و جزء مني و الحين اخاف يانجود اخاف يروح من يدي ، مرت كل السنوات ذي كلها و انا كنت خايفه انه يطلع لي مفلح بس مادريت انه بيجي بدون لاادري و ياخذ اخوي مني
تركي : وش يدري الكلب مفلح عن مكانه عبدالعزيز؟
الهنوف : هاذا الي محيرني ماادري
تقدم لين و ضمتها و هي تطبطب على ضهرها اما عن تركي كان يتمنى يكون مكان لين و يواسي عيون البحر حقته
-
وصلوا البيت و الهنوف قامت و لبست عبايتها
الجد : وين بتروحين يابنتي
الهنوف : وهي تدور جوالها بدور اخوي بروح له
سلمى : يلا انا معك بروح
نجود : انا بعد عبايتي وين؟
سعود : اصبروا انتي و ياها الهنوف
الهنوف : نعم
سعود : تدرين وين بتدورينه يومنك بتروحين على عماك؟
الهنوف : بدق على مفلح و بدور مكانه هو قال انه حط رقمه عند فاطمه عشان اذا جيت اتصل عليه
الجد : انتي تسمعين ويش يقول ؟ يقول انه بيتزوجك و مدري وش الخرابيط ذي !
الهنوف : يابوي لو يضطر الامر عشان احمي اخوي بسويها
لينا قامت و قالت : صاحيه تبين تتزوجينه!!!!
الهنوف : انتي سمعتي ويش قال
وقف قلب تركي و قام و جاء قدامها و قال : ياعيون البحر اركدي بحر عيونك و طلعي انفاسك و اشربي مويتك و اهدي شوي عشان تدرين ويش تسوين
الهنوف : مااقدر ياتركي مااقدر
دق الباب و راح رواف فتحه و جات فاطمه و هي منهاره و تبكي فاطمه: هنوفف سامحينيييي ماقدرت امسكه ضربني و اخذه مني ياهنوف اخذ ولد اختي غصب عني
الهنوف : مادريتي انتي مو ذنبك
فاطمه : و هي تبكي الا و الله انا الي ماحميته بسببي انا
عطيه : مو ذنبك قومي
قام الجد : و انت يارجال البيت وين كنت وقت جاء الكلب مفلح
عطيه : هاه كنت في في الشغل ايه الشغل
فاطمه : شغلك مو الصبح ؟
عطيه : الا بس اخذت و قت اضافي
سكتوا و قامت الهنوف و علي جاء و قال جات الشرطه
دخل الشرطي
الشرطي : السلام عليكم و رحمه الله و بركاته
الجد : عليكم السلام و الرحمه ياحضره الشرطي تفضل استريح
قعد الشرطي و قال : وين الهنوف ؟
الهنوف : انا الهنوف
الشرطي : طيب يابنتي واضح عليك متوتره و ماتدري ويش تسوين ابيك تهدين و تشربين مويه و اعرفي دامك في السعوديه بتاخذين حقك و بيرجع اخوك لو انه في قاع الارض
جاء تركي و هو جايب مويه و قعد قدام الهنوف و قال : سمي بالله و اشربي
الهنوف : شربت المويه و هدت
الشرطي : علميني بصلتك بمفلح و صلته باولد و كل شي
بدت الهنوف تقول قصتها تحت سمع ال عطالله الي ماعمرهم تجرؤر و سألوا الهنوف عن حياتها خوف من انه يأثر عليها
: يوم كان عمري يوم انرميت باشارع بدال مااكون مصيونه عند اهلي جات ميمتي جميلة
و اشرت عليها
: ذي و لقتني في الشارع و اخذتني في الميتم و جات الشرطه و يوم حققوا بيدورون مين الي رماني و يدورون اهلي بس مالقوا شي حتى اسمي مو موجود في الاحوال منسبه لابوي الي مااعرفه مرت ١٧ سنه و جات حرمه تتباني و كانت سعاد ام اخوي عبدالعزيز و زوجها مفلح
اخذوني عندهم و كان يضربني و عذبني و يخليني اشتغل و انا طفله ! و يهدد امي ماتكلمني و لا تجيني و مرت السنوات و حملت امي و يوم جاء عمري ١٨ كنت مخططه اني اهج من البيت لاكن جات اللحظه الي ولدت فيها امي سعاد و قررت اني ارجع و اشوفها و اخذنا بعدين المستشفى حتى انه كان يبيني اولدها ! و كانت اول مره ابتعد عن بيتنا كنت بس من المدرسه الي قدام بيتنا لين البيت ، وولدت امي سعاد و جات و قالت لي و هي على فراش الموت سامحي......
ماقدرت تكمل الهنوف و قامت تبكي بقوه و كلمت : سامحيني ياهنوف هو كان يهددني و كان يضربني مقابل انه مايضربك وولدي ماجاء برضاي لا هو جبرني و بعدها ياعم الشرطي اخذت اخوي بعد مااعطتني رقم اختها و مبلغ مالي و هربت و جيت و عشت عند فاطمه اخت سعاد
و بس
الشرطي : ماقابلتي مفلح بعد ماهربتي انتي و اخوك؟
الهنوف : الا بعدها باثلاث شهور
الشرطي : وين؟
الهنوف : و قالت له كل شي و قالت له انه يتعاطى
الشرطي: وقف و قال حلو يتعاطى وكان يضربك بيكون اشياء ضده كثيره و بينسجن
الهنوف وقفت و قالت: ماابي شي غير اخوي يرجع
الشرطي : ابشري يابنتي بتبداء إجراءات البحث ان شاء الله
راح الشرطي و قعدت الهنوف و جات عندها جميلة و قعدت على ركبتها و قالت : صار الوقت الي اقولك وين كنت وليش ماانقضتك
الهنوف رفعت عيونها و كان بحر مايركد
جميلة : بعد مارحتي كنت احاول اني اخذ التبني لي بس حصه كانت رافضه ذا الشي و تهاوشت معها و قالت لي انها ماكانت تحبني ابدا و كانت قاصده تعطيك اي شخص يجي يبي تبني حتى بدون ماتشوف كيف حالهم المادي او بيتهم بس تبي تتخلص منك ساءت حالتي ياهنوف و دخلت المستشفى و طلعت من وظيفتي دورتك مالقيتك و يوم اسأل حصه ماتقولي شي لاكن بين الحق ربي و يوم جو بيسون الإجراءات يجون يشوفون كيف حالك جو بعد سنوات مالقوك في البيت و سألوا عنك و كان في شايب قاعد و سؤلوه عن اهل البيت و قال لنا ان البنت هربت و الاب يدورهم و الام ولدت و ماتت و قال انه كان فقير مفلح و يضربهم و اسمع صراخ و اشوف البنت فيها كدامات لاكنهم اختفوا و صرت بس اشوف الاب يجي وكان يجي متعاطي و من بعدها فصلوا حصه بسبب انها اعطتك ل ناس ماتستاهل التبني و هاذي هي ياهنوف مانسيتك و الله
الهنوف : الشايب ياميمتي كان دايم يعطيني فلوس و يعطيني اكل اذا جيت من المدرسه
جميلة : بس مات بعد فتره ياهنوف
الهنوف انهارت و بكت زياده و ضمتها جميلة و جو البنات وضموها و قعد الجد يبكي على حالها و تركي عصب و ماقدر يتمالك نفسه و قال بيجي اليوم الي بذبحه فيه
-
رجعوا كل واحد في مكانه و مانامت الهنوف و نزلت اليل الساعه ٢:٠٠
في الحوش و هي حاطه بطانيه على ظهرها و جلست ورا و قعدت و هي تفكر بحال عبدالعزيز جاء تركي و قعد
تركي : مانمتي ؟
الهنوف رفعت البطانيه و حطتها على راسها عشان شعرها : شلون تبيني انام و ماادري اخوي ويش يسوي و هل هو بخير و لالا شبعان و لا جيعان
تركي : ياعيون البحر اخوك بيكون بخير صدقيني و بيجي عندس و بتشوفينه
الهنوف و هي تطالع فيه و عيونها تدمع
تركي : وعد بلقاه لك و الله مايصيبه شي
الهنوف لفت و قالت : توعدني و عد رجال اتعزوى فيه و مايكسر ظهري ؟
تركي : وعدي و عد رجال انتي في وجهي و شنبي و الله مايلحقك ضرر بإذن الله و انتي عندي و اعقب اكسر ظهرك جعل ربي ياخذ روحي اذا كسرته لك
الهنوف ضربته مع كتفه و قالت: وش موته انت بعد !
ابتسم تركي و قال : فدا ياعيون البحر فدا
لفت الهنوف و قالت : بقولك شي بس لا تسألني بعدها شي بس جواب اي لا
تركي : ابشري
الهنوف بعد تردد: الكلام الي قلتلي اياه يعني وقت .. وقت يعني في البحر و قتها صدق ؟
تركي و هو يستغبي : وين؟
الهنوف : عند البحر يوم قلت لي ذيك الكلمه ؟
تركي : ايت؟
الهنوف : ياربي تركي تستغبي انت
تركي : احبك
قرب تركي و ضم الهنوف و دخلت بين ضلوعه و هو يشد عليها و يشم ريحت طيبها و شعرها و هو ممتن ل ربي انه رجعا له الهنوف دفته الهنوف و هي تقول :
تركي ياحيوان!! شلون تضمني كذا مايجوز حرام !
تركي : ماقدرت اقاوم عاد شسوي
الهنوف : وش الي ماتقاوم تبيني اضربك الحين مره ثانيه ؟
تركي : كلها ان شاء الله اتخرج و بخطبك و بتصيرين ملكي و حلالي و بيصير ذا كله و اكثر بدون ماتضربيني
وقفت الهنوف وقالت : تحلم و مين معطيك الثقه اني بوافق؟
تركي ابتسم : بتوافقين علي
الهنوف وهي تمشي : ماني موافقه
تركي : الا بتوافقين
الهنوف : تخسي و تعقب تحلم
تركي : بنتظرك حبيتك ٢٣ سنه و انتظرتك ١٧ سنه تحسبين بيهون علي اترك عيون البحر ؟
لفت الهنوف و هي مبتسمه و قالت : نشوف
رجعت الهنوف الغرفه بس بالها في عبدالعزيز
