ورا بعد مامشت الهنوف و هي تبكي و تشهق و تدور مكان تقعد فيه جلست ورا عند الشجر في مكان ظلام على الكرسي
الهنوف و هي تبكي : ياربي وش تختبرني فيه؟
تركي وقف و رفعت راسها الهنوف
الهنوف : شتبي بتكمل انت بعد؟
تركي : هاذي جزاتي جاي اتطمن عليك
الهنوف : روح
تركي : ماني رايح
الهنوف : مو وقت عنادك
سكتوا ووقفت الهنوف بكاء و قامت تفرك يدها ببعض
تركي : المكان ظلام و انا ماراح اشوفك ابكي
الهنوف : وش يدريك اني ببكي
تركي : يومنك صغيره تحكين يدك في بعض اذا جيتي تبكين
الهنوف ناظرت فيه و طاحت لثمه الهنوف و قالت : انت تركي صدق؟
تركي هز راسه ب ايه
الهنوف ابتسمت : شلون تغيرت ماعرفتك
تركي : ادري بس أنا عرفتك على طول
الهنوف : شلون؟
تركي : من عيونك ، عيونك بحر و انا اعرف البحر كيف يكون
الهنوف طالعت فيه و قالت : طيب ليش ماقلت من البدايه انك تركي؟
تركي : كنت ابيك تتذكريني و انتي ماتتذكرين
الهنوف : الا تذكرتك بس ماكنت متأكده
تركي: كيف حياتك كانت
الهنوف تنهدت بضيق : لاتسأل عن جرح فتح قلبي
تركي : كنت دايم اتسأل شلون عشتي و كيف حياتك
الهنوف : ليتني مت و لا عشت عيشتي ذيك
تركي : وش موته استغفر الله
الهنوف : صدق و الله عشت حياه صعبه ياتركي
جات ليلى تركض و هي تبكي
الهنوف و هي تمسح على راسها : علامك من مبكيك علميني
ليلى : انا اسفه عشان امي قالت لك كل ذا
الهنوف قعدت على ركبتها هي و ليلى و العيال و البنات واقفين وراهم
الهنوف : امسحي دموعك الله ياخذ الي ينزلها ضحكت ليلى ببكاء
الهنوف : اي اضحكي ، لا تتأسفين لي و لا تزعلين نفسك انتي مالك دخل و الله ماشفت منكم الا كل خير كلكم كلكم حبيتوني و استقبلتوني بكل حب (كانت تقولها و هي تطالع فيهم ببتسامه و غمازاتها طالعه)و هاذي امك ماادري وش سويت لها بس معليه مسامحتها بس لاتبكين عيونك الحلوه تكفين
ليلى ضمتها : و قالت يازينك الحمدلله عرفناك الحمدلله جيتي
الهنوف و هي تشد عليها : الحمدلله بعد عرفتكم كلكم
لينا و هي ماتحب البكاء و ذي الاشياء: يليل من ذي الدراما قوموا يلا اخلصوا
جلسوا يضحكون من لينا و قاموا رجعوا للمجلس و جات جميلة كانت تدور الهنوف و شافتها دخلت
جميلة : هنوفي فيك شي؟
الهنوف : مافيني شي هاذا انا بخير لاتخافين
جميلة : سا
الهنوف : لاتقولينها و لا احد بعد ماسويتوا لي شي ابداً
الهنوف حبت راس جميلة ورجعت لاخوها فوق
________
الصباح الساعه ٦:٠٠
لين و هي مصبحه عليهم عشان اول يوم الجامعه بعد ماكانت اجازه اسبوع
لين عند الهنوف: صبحوا يلا دوام انتي وياها مافي نوم
الهنوف: لين تكفين ٥ دقايق بس
رزان قامت و قالت : واضح منتي متحركه من راسي لين اقوم فا خليني اقوم افضل
لين : شاطر رزرونه ، عيون الزرقاء قومي صبحي علينا بشوفه بحرك
الهنوف : بعدين تكفييينننن
لين جرت اللحاف من الهنوف و الهنوف تصيح ماتبي تقوم
مر تركي و هو يسمع صوت الهنوف تصيح ماتبي تقوم و قعد يضحك و قال: مجنونه و كسلانه بعد
لين : هنوف ترا اكب المويه عليك و الله اول دوام اف كيف نايمه
ليلى جات من سرير غرفتها لغرفه الهنوف و رزان؛ هي اول يوم دوام مانامت و ماخلتها نرقد معها
لين : حماس ياخي وش اسوي
جات ليلى انسدحت جنب الهنوف
لين : ياويلي بدال مااقوم بقره بقوم بقرتين قومي اقومك من هناك تجين تنامين هنا!!
ليلى: ٥ د
لين : الساعه بتجي سبعه و ماجهزتوا و لا تدرون وش تلبسون !
الهنوف : اي شي معليك
لين : ياربي مين قالك اي شي الحين بجهز الملابس من ذوقي و لا وحده تفتح فمها
قامت ليلى بسرعه و جاتها دوخه و مسكت الجدار و هي تقول : لاا تكفين خلاص هذاني قمت ياهنوف قومي ترا تلبسك اضيق شي في الدنيا
قامت الهنوف بسرعه و كانت حمامات البيت مليانه بحكم الناس توها تقوم من النوم دوامات و شغل
و كان باب الحمام الي عند غرفه جميلة فاضي ليلى كانت واقفه جنب الهنوف عند باب غرفتها تناظر في باب الحمام و روان ماشيه للحمام ماتدري وش بيصير وراها وود و لينا يتساحبون من اول وحده تروح
ليلى بصوت عالي : الميدان ياحميدان
الهنوف من جهه تجري و ليلى من جهه من سور حق الدرج
جات سلمى تجري : و الله ماتسبقوني و انا بنت سليمان
البنات مع بعض: و نعم
شطفوا روان الي صرخت تقول : بسم الله منين جيتوا
وود و لينا يجرون وراهم و كلهم بصوت عالي يتكلمون
لينا و هي تجري : و الله ماتدخلون
الهنوف: و الله لادخل
وود : شفيني مااوصل بسرعه
ليلى : سلحفاه من يومك
يوم قربوا عند الباب و يطلع الجد عطالله واقف بعصاه و هو يدري فيهم يتسابقون
الجد : صباح الخير و السرور
الهنوف : صباح النور يابوي
سلمى و هي تمشي يم الحمام : السموحه ياجدي بس ابي..
الجد حط عصاته قدامها : ماسمحت لس اصبري
الجد طالع في الهنوف و قال: اي قلت ذول مهبل بس ماهقيت انس زيهم مجنونه
تركي : و هو واقف : اجن منهم كلهم عيون البحر
الهنوف : بسكت عنك مانيب متعانده معك الحين
ليلى : هاوشنا بعدين بس و الله ابي الحمام
الجد : بفكر بشوف يمكن خمس دقايق و تدخلين يعني كذا عشان الدبيك الي صار
ناظر الجد في الهنوف و قال : تعالي انتي اول وحده عشانس ضيفه
دخلت الهنوف الحمام و مدت لسانها للبنات ورا
الجد لف قبل تسكر الباب : و لا غيرت رأيي تعالي روان ضعيفه ماعدت معكن تعالي روان ادخلي
البنات بصدمه ليلى : لا هاذي تقعد سنه في الحمام دخل الهنوف و لا روان
سلمى : تكمل نومتها في الحمام روان
الجد : قلت كلامي ادخلي قبل اغير رأيي
ليلى : لاتدخلين غير رأيك
جرت روان و دخلت الحمام الله يكرمكم
و قعدت فيه حرفياً ربع ساعه اول مادخلت سمعوا صوت الدش
لينا : يالله صباح خير تروشت ذي !
ود : اييهه عز الله تاخذ غفوه بعد يلا انا قمت
قامت الهنوف بشوي شوي و فجأه ركضت و هي تقول : يمدي رزان طلعت و قضت من الحمام
جلست تجري و هي ماشافت ذياب الي قدامها الهنوف لابسه بس مشلحها و حاطه مسفعها على راسها
ذياب : انتي شبلاك
الهنوف : السلام عليكم صباح الخير و خر لو سمحت بلحق الحمام
ذياب : شفيكم كلكم انحشرتوا بوقت واحد رواف و محمد يتشاعفون من يدخل اول
جرت الهنوف و رزان طالعه من الباب
رزان : يمه الله ياخذ عدوس
الهنوف جات من جنب رزان عشان ماتصقعها
الهنوف ضحكت و دخلت الحمام
جات نجود و غاده و هم جاهزين عشان يروحون مع بعض الجامعه
نجود : شكلكم حايسين
ود وهي تحط مكياجها : اي و الله
مريم : ياحظكم قضيتوا؟
قمر : اي ماعندهم حمام يتهاوشون عليه زي الورعان
نجود : وش صار ؟
قمر تسولف و هي تسوي شعرها
قمر : العيال يتشاعفون على الحمام و الهنوف و ليلى و سلمى وود و لينا يتهاوشون على الحمام
غاده : و من فاز
قمر : عمي تدخل و دخل روان
جات الهنوف و هي حايسه في شعرها : يبناتت بكلتي ضاعت و عفشي مافكيته للحين ابي بكله ( يعني مطاط او ربطه)
نجود فتحت شنطتها : خذي يالعيون الزرقاء
الهنوف : تسلممييينن
لين : هي خير ذا اسمي انا انادي الهنوف بس
نجود : عادي كلنا
طلعت العمه فوزيه فوق و قالت يوم شافتهم متجمعين البنات : الساعه صارت ٧:٣٠ و محاضراتكم كلكم ٨ صح ؟؟
الهنوف : لا انا ٩ تبداء
فوزيه : تعرفين عمي مايحب التأخير معكم ٢٠ د اخلصوا
ود و البكرات ناشبه في راسها تحاول تفكها : يويلي طيب
نجود : لا مو كذا هاتي هاتي
خلصوا البنات لبس و نزلوا و كل وحده لابسه عباتها اما حفيدات عطالله بس كانوا حجاب يحطون و الهنوف كانت بعض الاحيان تتنقب و بعض الاحيان بس حجاب و رزان محجبه و تحجبوا كلهم و طلعوا
تركي و هايف و خالد و احمد و رواف و راكان واقفين ينتظرون البنات عبالهم بيركبون معهم مع السواق
راكان : مابيغتوا!
تركي عيونه على الهنوف و هي تكلم فاطمه عشان تودي عبدالعزيز ل فاطمه عبال ماتجي من الجامعه
الهنوف : بروح اودي عزوز ل فطوم و اجي
رواف : بيتها هاذا
و اشر لبيت فاطمه الي جنب البيت تماماً
الهنوف : اي بس اوديها و اعود بسرعه
مشت الهنوف و عزوز معها
عبدالعزيز: وين بتروحين ي ماما
الهنوف : بروح ادرس الجامعه و اجي
عبدالعزيز: بتطولين؟
الهنوف: امم لا اليوم بس محاضرتين و اجيك و انت من بكره تبداء دوام متحمس؟
عبدالعزيز: لا
الهنوف : ليش؟؟
عبدالعزيز: مدري يمكن يصير زي مدرستي القديمه
وقفت الهنوف و نزلت ل مستواه و مسكت كتفه و قالت: وش صار؟
عبدالعزيز: كان عندي صديق يقول ياحرام ماعندك ابوي و لا ام بس اخت و انت تقول هاذي امي بس ذي اختك
الهنوف زعلت على حاله و قالت : انا امك و ابوك و اختك و صديقتك و كل شي في حياتك ، سامحني عزوزي بس ذا كله عشان اشوف ذا الوجه يضحك لا تسمع له ! بالعكس يوم قالك كذا ورا ماصفقته!
تركي قال : تبينه مجنون مثلك
الهنوف وقفت : انت متى جيت؟
تركي كان يمشي وراهم بس ماانتبهت الهنوف
تركي: مشيت وراكم
الهنوف : محد قالك امش
سحبت الهنوف عبدالعزيز ووصلوا بيت فاطمه
الهنوف : ها ادخل عند فطوم لين اجي لا تزعجها!
فاطمه : افا عزوز مايزعجني بنلعب انا و ياه بس
الهنوف : زين
فاطمه : هنوف ذا علامه جاي؟
الهنوف : مدري عنه
فاطمه : ذا تركي؟
الهنوف : ايه
فاطمه ابتسمت و قالت : الي كان يحبك؟
الهنوف : اص وش يحبني بعدين زمان ذا
فاطمه : و الله ماضنتي نساك
الهنوف : ياربي فاطمه يلا مع السلامه استودعتك الله عزوزي
و مشت قدام تركي
تركي : ياعيون البحر
لفت الهنوف : نعم ؟
تركي : انتي الحين دايم معصبه ماتضحكين؟
الهنوف : اي حتى بعض الاحيان اضرب تبي تجرب
تركي : لاجربت مايحتاج
لفت الهنوف و ابتسمت بينها و بين نفسها
