تعريف لـ اهل جميلة
الاخ الكبير درع ٥٦ (ابو عمار ):
زوجته : خلود ٥٤
عيالهم :
عندهم ولد واحد الكبير اسمه ( عمار) عمره ٢٦
بنتهم الثانيه (وجدان ) عمرها٢٥
بنتهم الثالثه (جمانه ) عمرها ٢٤
بنتهم الرابعه (وله) عمرها ٢٣
الاخت الثانيه حصه ٥٥ (ام فارس )
زوجها توفى و عندها ولد واحد الي هو
(فارس ) عمره ٢٤
الاخ الثالث معتق ٥٤( ابو نايف )
زوجته سلوى ٥٤
ولدهم الكبير (نايف ) ٢٥
البنت الثانيه (وهج )٢٤
البنت الثالثه (غرام) ٢٣
البنت الرابعه (رغد ) ٢١
الاخت الرابعه ورد ٥٢ (ام سلطان )
البنت الكبيره (نوره ) ٢٦
عندها بنت صغيره اسمها ملك عمرها (١٠)
الولد الثاني (سلطان ) ٢٥
الولد الثالث (وافي )٢٤
البنت الرابعه (ريوف) ٢٢
حاتم كان صديق الوالد قديماً و للان باقي مع عياله و ماتركهم
-
في الطريق و هم ماشين وصلوا لموقع الجد و لقوهم فارشين فرشتهم و قاعدين يتقهوون
تركي وقف و قال: مكيف جدي
ذياب : اي و الله يلا نزلنا
نزلوا للجد و عياله و هم قاعدين في البر تحت الشجره يتقهوون
ذياب : السلام عليكم
كلهم: عليكم السلام
الجد : ابطيتوا علينا من اول نتحراكم
تركي: و الله طولنا عند الدكتور
عبدالاله : بشرني وش قال لكم ؟
تركي : و الله ياعمي الهنوف العمليه لابد فيها و أعطوها اكسجين
صقر : متى العمليه ؟
تركي : بعد العيد بإسبوعين بس مو في السعوديه
عبدالاله : اجل وين!
تركي : في المانيا
سالم : لا بالله ؟
تركي : اي و الله
الجد ناظر في الهنوف وابتسم و قال: بتطيب بنيتي و برقص في عشاها و زواجها لين يقولون هاذا ماكأنه شايب يلا يمشي و على عصاته
كلهم جلسوا يضحكون و قالت الهنوف : الله يخليك و لا يحرمنا منك ويطول في عمرك يابوي
كلهم امين
الجد : يازين الجو براد و ازين من كذا
لين: وين البراد ياجدي مافي غير هواء
الجد : اوهوه مااحد يحس بالاحساس الجميل الي احس فيه مره
اشتقت للبل و الله اني ببطي عنها لاكن شسوي و بعدين شوفي السماء مخيله ( مخيله يعني مغيمه)
جميلة : شاكر عندها معليك
الجد : و الله ماظنتي هاك الليل جيته لقيته فاتح الشبك و النياق ظاهره و هوه يعدي بين ذاك و ذاك
صقر : انا اتصل عليه كل شوي
هايف كان قاعد جنب رزان و طلع بسكوت من جيبه و مده لرزان و هو يقول : مااحبه خذي اكليه
رزان : حقك ذا انا ماابيه مايحتاج اكل شكلاته
هايف : خذيه ماابيه و الله سمي بالله و اكليه
رزان ابتسمت و هي اول مره تبتسم له : شكراً
هايف ابتسم : العفو
الجد : يلا نكمل طريقنا
سعود : توكلنا على الله
ركبوا كلهم سياراتهم و حركوا على الديره
عند سياره الهنوف هي بدت تسوق و قال تركي: مشاءالله سواقتك في السفر زينه
رفعت الهنوف رجل الي عند الباب ومتكيه في يدها على الطاقه و تسوق بيد وحده
ذياب : و بيد وحده مشاءالله عليك
علي : يارجال انا كم اخذت عشان اعرف اسوق بيدي الثنتين هههههه
الهنوف : هاذا انت مو انا ههههههه
علي : بكم سنه تعلمتي ؟
الهنوف : وش سنه اقل من سنوات بعد تعلمتها في اسبوع و نص
حتى كنت ااجل بعض الدروس و مو كل يوم اروح اتعلم
علي : مشاءالله عليك صدق انا اخذت شهرين و كل ماغلطت محطني ابوي في العقال اذكر اخر مره علمني قال انزل انزل هههههههههه
لف علي لـ رزان و قال: و انتي رزان تسوقين؟
رزان : ايه بس اكيد مو ببراعت الانسه الهنوف
علي : احس ورا انسه شي
رزان : اشياء يارجال انا اذا نزلت من سياراتها اسجد سجود شكر اني بخير
الهنوف : حرام عليك بس عشان مره طاروا كلهم عندي قدام
سلمى : ههههههه اهخخ يوم قالت لي السالفه عجزت انساها انصرعت ضحك
تركي : ليه وش صار
رزان : تذكرون اول يوم جينا فيه ؟
تركي : شلون انساه ايه ؟
رزان ابتسمت : ياربي تركي ههههههه المهم قبل نجيكم سوينا حادث بس مو قوي يعني بس طياران
ذياب ضحك و قال : ههههه شلون
رزان : المترفه بنت الدلال هي الي ساقت السياره المهم و حنا ماشين و
الهنوف تسولف و من الحماس ماتناظر قدام الا وشو مطب مطب كبير
و تلف الغبيه ذي و بدال ماتضغط فرامل وش سوت ؟
علي : هههههههههه وشو ؟
رزان : ضغطت بنزين و يومن الكفر بدا يعدي على المطب ضغطت فرامل على اخر شي شوف الذكاء بنزين على اسرع شي و فرامل على طول على اخر شي و احط يدي انا يومني طرت قدام على الفرامل السياره مو حطت فرامل و شالت كملت مشي و لكم ان تتخيلون الموقف
نجود ضحكت و قالت : ياربي ههههههههههه
رزان : انا طرت قدام و الضعيفه فاطمه الحامل صقعت من فوق و عزوز جاكم طاير و المكيف منكسر في يده و الهنوف في القزازه راحت جبهتها
ماتوا كلهم ضحك من السالفه
علي : ياربيي عزوز يضحك ههههههههههههههه
تزكي : فدا لعيون البحر فدا
ابتسمت الهنوف له و رجع تركي قعد مكانه و هو يحاول يمد يده يمسك يد الهنوف الي كانت في عالم ثاني تقدم يبي يدينه الكبار تشابك يد الهنوف الصغيره ناظرت الهنوف في يدينه و هي تتحرك و قالت في نفسها : وش يسوي ذا
قرب تركي و مسك يد الهنوف ووقفت الهنوف و هي تناظر قدام و تحاول تفك يده عشان العيال
الهنوف بصوت خفيف ل تركي : تركي يشوفونا !
تركي : مايهمني
ناظرت الهنوف و هي تعودت عليه و ضحكت و لفت تكمل
سلمى: ياعيني ياتريكي المفروض تكون عارف طقوس السياره و سلمى معك شغل شي
ضحك تركي و قال : ههههههه ابشري ياسلموه وش بغيتي
سلمى : ماادري حط اي شي
تركي : يلااا انطربي يابنت سلمان
بدو يغنون كلهم مع بعض:
الله الي خلق حسنه بالوصوف الجنوبيه
طاغي الزين ويل امه تل قلبي بتأمينه
و اعتلت اصواتهم كلهم بصوت واحد :
ياهنوفن خذت قلبي جعل يفداش ما فيا
مد تركي يده و الهنوف تغني و هم يقولون :
و العمر و العمر كله فدوتش يا مضانينه
سلمى : اي و الله فدا هنوفي
الهنوف لفت و هي ترمي لها بوسه من بعيد
رزان : لالا لاتلفين انظري قدام
قعدوا يضحكون كلهم
تركي : يلا هاذي لعريسنا علي
علي قام يتنحنح : احم احم
سلمى : شوي شوي هههههههههههه
هايف : يلا كلنا مع بعض غنوا بصور لـ جدي
هايف كان يشوف جد تركي جده لانه كان دايم معه من يوم انهم صغار و هم اصدقاء طفوله
: ياعم جيتك لحد بيتك ليد بنتك انا اتقدم
على المله بشرع الله لنص الدين انا باتمم
هي مرادي غلا فؤادي طلبتك قولها لي تم .
-
بعد ساعتين اقبلوا على الديره ووقف الجد عند مسجد و هو يقول :
يلا ادخلوا ياحريم جوا المسجد و تجهزوا و حنا في المسجد نلبس ثيابنا
سلمى : ياويلي ياجدي كيف تبينا نلبس جوا و نتمكيج و نستشور لو جاء احد ؟
الجد : مااحد جاي مسكون المسجد
رواف : هههه مسكون و مدخلنا جوا
الجد : تبون تروحون في عبسكم يلا
لين : لالا يلا دخلنا بسم الله تحصنوا و ادخلوا
الجد : يلا ساعه كذا و اخلصوا
جميلة : ان شاء الله يلا
دخلوا جميلة و حفيداتها و زوجات عيالها جوا المسجد الي ماكان في اي احد
جميلة : سمو سمو بالله عيا يفتح الباب ذا مصدي
الباب كان حديد و معلق مو راضي يفتح من الصديد
مريم : من عهد الخلفاء الراشدين شكل مااحد دخله
الجازي : شهد بالله نادي احد من العيال وراك
شهد : ابشري
راحت شهد تناديهم عشان الباب بس تصرفت الهنوف و هي تقول :
ابعدي يمي ابعدي
جميلة : عيا يفتح وش بتسوين
رفعت الهنوف عباياتها من تحت و هي ترجع على ورا و ماده رجلها
جو تركي و هايف و ذياب عشان يفتحون و شافوا الهنوف مستعده تكسره
هايف : هنوف اصبري
الهنوف: بسم الله
جرت بأقوى ماعندها و دفت الباب برجلها بس ماحسبت حساب انها مع القوه ذي ماراح توقف دخلت جوا و صقعت في الجدار الي كانقدامها على طول
زينب : ياويلي هنوف
لين : ههههههههههههههههه ياخبله
جلسوا كلهم يضحكون عليها دخل تركي و هو ماسكها ويقول : فيك شي عورك شي
الهنوف : لا مافيني شي
صارت لحظه صمت و فجأه قاموا كلهم يضحكون منها
ذياب : ياربي ياغبيه طيب فتحتي وشوله دخلتي مسرعه مافي بريكات
الهنوف وهي تضحك : ماادري عجزت اوقف
هايف : عندكم البطله الخارقه الهنوف وشوله تنادونا
جميلة : بديت اشك انها بنت
تركي : اوهوه انتي توك تستوعبين ياجده ماشفتيها يوم نقزت من فوق الصندقه
جميلة : من ويننن!!
ضربت الهنوف تركي من رجله و قالت : ههههههه يحب يمزح
لينا : ياويلي وش هالريحه !!!
دخل تركي و هو ساد خشمه : و الله مبطي محد دخل هنا
سلمى : جدي جايبنا مسجد الظاهر حتى الجنونه و العفاريت ماتدخله
فوزيه : تعوذي من بليس
شيخه : فوق فيه مصلى خلونا نروح فوق
مضاوي : اي يلا يابنات
رجعوا العيال و طلعوا البنات فوق و بدوا يتجهزون
نجود : يلا بسرعه فرح امشي اخلص شعرس بسرعه
الهنوف و هي تقيس الفستان و ظهره مفتوح كان : كيف الفستان؟
الجده : يهبل بس لفي من ورا
لفت الهنوف و ظهرها طالع و كان في جروح الجده وقفت بخوف و قالت : هاذا الي في ظهرس من ويش !!
الهنوف نست الي في ظهرها و هي ماكانت تبي احد يدري بس انكشفت
الهنوف : زمان ذا زمان يمي
الجده : من الي مسوي لتس كذا !
الهنوف سكتت
وقالت الجده : مفلح!!!
الهنوف : خلاص يمي افتكينا منه الحين مافيني شي
الجده : المحاكم بعد شهر و اقسم بالله اني لااتله الي يلمس بنتي و مااكون بنت ابوي
شيخه : حريم الديره يدققن على كل شي و بيسألونك من ويش و الخبر ينتشر في الديره ب ٥ د ماعندس فستان ثاني ؟
سلمى : اغطيه لك بافونديشن امشي الفستان حلو عليها لا تغيرين
الهنوف : طيب
فجأه جات لين تركض و هي شايله الملابس في يدها و دعست على عباتها و طاحت عند الباب و قامت بسرعه و هي تقول : في حريم جو
جميلة: بسم الله انتي وش فيس !
لين : في حريم جو يصلون شيلوا عفشكم بسرعه
قامت الجوهره بسرعه لفت المسفع و كبرت يعننها تصلي : الله اكبر
لينا : وش تصلين انتي بعد
لمو الاغراض بسرعه و فجأه سمعوا صوت راكان عند الباب : يمي خذو الاغراض
شيخه : الله يقطع بليسك يالمصروعه اخوك ذا و انتي ارثعتي فينا !
لين و هي باقي متحضنه الملابس :امانه راكان !
ليلى : حسبي عليك و الله مااخليك انحرقت يدي من الفير
امل : ماتعرفين اخوتس انتي !
لفت الهنوف على الجوهره و انصرعت تضحك و هي تقول : ياخبله ههههههههههههه
رزان : لفت الحجاب و البكرات باقي في راسها
سلمى انصرعت ضحك : اهخخ يابطنييي
طلعت زينب لولدها و اخذت الاغراض و هو يقول : جدي يقول استعجلوا
زينب : يلا طيب دقايق يابوي
دخلت زينب و بعد مرور ١٠ د خلصوا البنات و لبسوا عباياتهم عشان يمشون
-
في الديره عند اهل جميله كان الوضع حوسه و الناس بدت تجي من بدري ، دخل سلطان و معه دبه الغاز عشان يدخلها جوا المطبخ دخل الحوش و شاف قدامه ملاك جميلة جداً طالعت جمانه و قال سلطان : م ماشفتك
جمانه من الخوف قالت : معليك
ودخلت جوا ووقفت عند الباب و هي تقول : حماره انتي !! وش معليك!
سلطان في الحوش واقف مكانه جاه نايف : وشبك انت يلا امش
سلطان : يلا يلا
ورد و هي ترتب الكراسي في الحوش : ريوف وينك
ريوف : هنااا
ورد : امشي شيلي الفناجيل و حطيها فوق على الطاوله يلا
ريوف : ابشري
غرام : سعيده و بناتها جو
خلود و هي شايله ثلاجات القهوه : دايم اول الحضور مايفتون شي
جمانه : اي بسم الله
وقفت نوره تستقبلهم : هلا و مرحبا حياكم الله
سعيده : الله يحييك
دخلت هي و بناتها الي كانوا :
البندري زوجت سالم السابقه ام ليلى
و اختها صيته و مروى
وجدان : وش مجيبها الخسيسه ذي
ورد : عيب لاتسمعك
وله : محد عزمها
وهج : ماتفوت شي لازم تحضر كل شي
تقدمت وهج تقهويهم بدون نفس لان العائله ذي محد يحبها
جات ملك تركض و هي تقول : جو جو عمو عطالله جاء
وهج : و الله ؟؟
ملك : ايه
طلعوا البنات يستقبلونهم
