راحت رزان الغرفه ترتب الاغراض و قاموا كلهم و بقى تركي و الهنوف جات ووقفت قدامه و هو ماناظر و قالت: ناظر فيني
تركي ماناظر و لبس حذيانه يبي يروح مشى و رجعت و قفت قدامه و هي حاطه يدينها ورا ظهرها راح مع الجهه الثانيه تركي و لفت الهنوف معه ووقفت في وجهه و هي مبتسمه ناظرها تركي و قال : وش تبين؟
الهنوف ماردت و ناظر تركي و جاء بيروح ووقفت مره ثانيه قدامه تركي باعصبيه : الهنوف! ورع انتي وش تبين
الهنوف : منت رايح مكان وش مزعلك
تركي : مافيني شي
الهنوف : ماتناظر في عيني و تقولي الهنوف مو عيون البحر و الحين معصب علي وش افسر ذا
تركي : مدري عنتس راجعي نفسك وش سويت
الهنوف باستغباء : وش سويت ماسويت شي
تركي رفع حواجبه بادهشه : ماسويتي شي !
الهنوف : اي مااذكر سويت شي علميني ويش سويتي
تركي اخذ نفس و زفره باهدوء و حط يده على الجدار و الهنوف قدامه و قال: قلتي لي وخر عني منتي فاضيه لي
الهنوف : ماقلت كذا من صدقي
تركي : اجل !
الهنوف : اهخ كنت ابي امزح معك و انت صدقتني و طلعت
تركي : تمزحين كنتي ؟
الهنوف : ايه
تركي : طيب من يعوضني الحين ؟
الهنوف : تعويض ؟ مافي شي تتعوض فيه عشان تدوره
تركي تقدم يبي يروح و جات الهنوف قباله و باست خده و قالت :
لاتزعل
و قربت باست خده الثانيه و خشمه وعيونه و قالت : تعويض بعد اربع مرات بستك وش تبي اكثر من كذا ؟
ناظر تركي فيها و قرب باخطواته و تراجعت الهنوف ووقفت على الجدار و قال تركي : باقي مكان ماحبيتيني منه
الهنوف و هي تأشر : خدك و خدك الثانيه و خشمك و عيونك جعلني أفداها وش باقي ؟ راسك و نحبه
قربت و باست راسه و قالت : وش ثاني
ضحك تركي و هو يدري باستهبالها و قال : انا اعلمك وش باقي
قرب من مبسها يقبله بكل حب غمضت الهنوف و هي ترفع يدينها لـ شعره و هي تبادله تراجع تركي و فتحت الهنوف عينها و ابتسم تركي و احتضنها بقوه ابتعدت و قالت الهنوف : زعلان و لا خلاص
تركي مسك خشمها : ماازعل منك اصلاً حتى لو بغيت
ابتسمت الهنوف و رجعوا للعيال و البنات عشان يروحون
فارس : يلا كل واحد يروح شغله و بعد ساعه نبي نتقابل هنيا
وقفوا كلهم في الحوش و فتح ذياب محفظته و طلع فلوس و عطاها يمنى و قال : خذي ذي ٥٠٠ اشتري فيها اغراضك و اغراض البنات معك
يمنى : لا و الله خذها معي فلوس
ذياب : لا و الله ماتدفعون بافلوسكم و انا عندكم خلو فلوسكم بيجي يوم تحتاجونها
جات امل و حبت راسه و قالت : اهخ ياربي يازين اخوي ياناس
ابتسم ذياب و قال : روحوا و انتبهوا
اخذوا البنات الاغراض و طلعوا للسوق على رجولهم باحكم السوق كان قريب مره مشوا البنات مع بعض جمانه : تبين مشلح امشي هنا المحل
دخلت جمانه و قالت : السلام عليكم يازول كيف حالك
سعيد : اهلا جمانه زمان ماجيتي
جمانه حطت يدها على الطاوله و تكت و قالت : و الله ياسعيد تعرف اشغال الدنيا الله المستعان و لا يشغلنا الي في طاعته
ضحك سلطان منها و تقدم و قال : تسولفين مع الرجال روحي خلصي اغراضك
ناظرت جمانه فيه و قالت : انت وشبك معصب اصبر يااخوي
سلطان : وش عندك مع الرجال
جمانه اشرت بأصبعها له يعني قرب و قرب سلطان و قالت بشوي شوي : لازم تكون عندك مصلحه مع التاجرين
رفع راسه و ضحك و قال: ياربي شكلي حبيت لي خبلة
تركي من وراه : حبيت من !
قمز سلطان و قال : هاه بسم الله مااحد
تركي : و الله اني خابر من القصايد الي تكبتها ان قلبي مو فاضي
سلطان : لاتقول لاحد اسكت
تركي : هين و انا احسب ان كل شي عنك اعرفه و كل شي اقوله لك اثر مضحوك علي ياويلي عن نفسي
سلطان : و الله لااقولك كل شي
تركي تكى على طاوله المحاسبه : ايه من متى ؟
سلطان سكت و ابتسم و قال : من سنتين عرفت
تركي انصدم و قال : سنتين !!!
سلطان ضحك : ايه
تركي : ياحيوان و ماعلمتني
سلطان : مدري ياخي و مااعرف عنها اذا تحبني و لالا عشان كذا ساكت
تركي : اسألها طيب
سلطان : صاحي كيف اسألها ؟
تركي : اجل شلون باتعرف
سلطان : باتقدم لها
تركي : متى؟
سلطان : مدري خلنا نخلص من زواج علي ونشوف
تركي : زين
عند البنات واقفات ورا مع يمنى لين : يمناي شوفي ذا حلو
يمنى : ازرق !
جمانه : يايويلي تبين حريم الديره ماخلون كلمه الا قالوها
لين : معليك منهم
جمانه : اقول رديه بس
يمنى : خلاص باخذ ذا حلو
جمانه : اي ذا زين
لين : انا باخذ اجل الازرق
جمانه و يمنى في نفس الوقت: رديه
لين : يمه بسم الله رديته خلاص
ضحكت رزان هي و الهنوف و راحوا يحاسبون و شافوا سلطان و تركي واقفين يتكلمون لين : وش عندهم يتسرسرون كذا
رزان ضحكت : مدري عنهم بس شكلها سالفه مهمه
جات يمنى و قالت : قضينا
سلمى : تركي امسك ذي حاسب
البنات شافوا سلمى ماخذه خمسه اكواب و قالت يمنى : ان شاء الله تبين تاخذين ذي كلها
سلمى : اجل ؟
يمنى : اقول رديها وش ذا تبين تشربين بـ ذي كلها
سلمى : تكفين يمناي شكلها حلوه
سلطان : و حنا نلقط الفلوس من الشارع وريني سعرها كم ذي
تقدم سلطان و شاف سعرها بـ ١٠٠ و فتح عينه و قال : رديها بـ ١٠٠ ذي و الله لونك تسقيك من العطش و تحطين فيها ماء و مايخلص
سعيد : لا ياسلطاني هاذي الديزاين حقها مختلف
سلطان : مختلف و لا هم يحزنون قومي رديه و خذي لك كوب واحد
سلمى : ياليل ياسطان
يمنى: الهنوف وين ؟
لينا : توها كانت واقفه هنا
فجأه سمعوا صوت شي طاح و جروا كلهم للصوت شافوا الهنوف قاعده على الارض و هي متحضنه اللوح حقت الرسم و قالت يمنى : انتي علامك ياخبله
سلمى قعدت تضحك بدون اي سابق انذار و قال تركي : وش مطيحك
الهنوف : عديت على الدفاتر عشان اوصل للوح فوق و طحت انا و اللوح و الدفاتر على الارض
قعدوا كلهم يضحون بصوت عالي و الهنوف تضحك و قال تركي وهو و يضحك : قومي قومي ههههههههههههههههه
سعيد : ياربي ياازرق ياربييي كلو خربان الحين اعيد ترتيب من جديد
الهنوف : لا انا ارتب اسفه
سعيد : لالا خلي الحين تطيحين مره ثانيه
سلمى و هي ماسكه بطنها: ياخبله وش منقزك فوق اي طويله انتي بس ذا مره بعيد
الهنوف : وش يدريني اني بـ طيح ، سعيد طلع لي اللوحه الكبيره ذيك
تركي : الكبيره ذيك !
الهنوف : ايه
تركي : وش بتسوين فيها !
الهنوف : بعدين اعلمك طلعها ياسعيد
رزان : وش كبرها كيف بتشيلينها
الهنوف : كلكم شيلوها معي
طلع سعيد و نزلها و اخذها تركي و اشتروها و خلصوا و طلعوا و شافت جمانه رجال عجوز يبيع ايسكريم على الطريق و قالت : ابي اسكريم
سلطان : ابشري يلا امشي
الهنوف : حتى انا
سلطان : يلا كلكم تعالوا
راحوا كلهم ووقفوا عند الرجال و قالت الهنوف : كيف حالك ياعم ؟
العم: طيب يابنتي انتي شلونك؟
الهنوف ابتسمت : الحمدلله بخير
الهنوف : نبغا ياعم من عندك٣٠ حبه
العم انصدم : ٣٠!
الهنوف ضحكت : ايه ياعم حنا كثار واجد
تركي بينهم : بس انتي زدتي ١٠
الهنوف : انا ابي اشتري زياده من عنده
تركي فهم انها تبي تكسب الرجال فلوس زياده و ابتسم لـ تصرفها و اخذوه كله و مشوا في السوق يتمشون و كان السوق قديممم حق ايام زمان باقي زي ماهي ماتغيرت كانوا يمشون باوسط الشارع و ياكلون اسكريم
لين : ماتوقعت بـ يعجبني بس حبيت
سلطان : ماشفتي شي
لين : مافي مول ؟
تركي ضحك : لا المول في الرياض
سلطان : يلا رجعنا
-
في البيت ليلى ماراحت معهم و طلعت برا و شافت راكان قاعد و هي مستحيه منه بعد ماشافها قبل تقدمت تسوي نفسها عادي ناظرها راكان الي خفق قلبه بقوه و سكت ماتكلم ناظر فيها و هي منزله راسها يتأملها و رفعت راسها ليلى ناظرت في عينه و ماشلتها ل مده دقيقه استوعبت وشالتها باسرعه سكتوا للحظات و قال راكان يزيل التوتر الي بينهم : كيف حالك
ليلى رفعت راسها و قالت باتردد : الحمدلله بخير
راكان : حتى انا بخير
سكتوا شوي و قالت ليلى: تبي شاهي؟
راكان : عادي
صبته له و حطته عنده و قال راكان : ليلى
ليلى : سم
راكان : سم الله عدوك ، كنت بقولك شي
ليلى : وشو ؟
راكان : انا اح...
انفتح الباب و دخلوا العيال و البنات
تركي : السلام عليكم
راكان ناظر باللوحه الي وش كبرها و قال: وش ذا ؟
تركي : حقت عيون البحر
راكان : وش ذا ياهنوف
الهنوف : بعدين تشوفون
دخلوا الاغراض و قال فارس : يلا بنمشي
رواف و هو لابس قميص نوم و لاف الشماغ عصبه على راسه و حاط المسواك في فمه و ماخذ العصا معه و قال : توكلنا على الله
ناظره فارس و قال: انت علامك كذا
تركي : تقمص الشخصيه باسرعه لا اله الا الله
رواف : يعني مافي مهرب و قلت خلوني اتونس احسن
ذياب : امش الله يخلف على خالتي
ضحكوا كلهم و ركبوا السيارات متوجهين للحلال
وهم في السياره راكبين الشاص و النص الثاني في الجيب
الهنوف فتحت الطاقه تناظر و الي يسوق الهنوف و تركي جنبها و السياره هدوء و غنت سلمى فجأه بصوت عالي و قمزو كلهم :
(الا ياحسرتي بـ موت و اعرف بو جهة سياق الشاص المرفرف)
رواف : بسم الله الا اله الا الله
كملت الهنوف و هي تقول :
(شلع قلبي معه و إيجور و اسرف ياحظ الي يسوق الجيب حظاه )
غنى تركي و هو يرقص بايده و سلمى تصفق هي و رواف و لين و ريوف :
(هنوف كن عينه يوم سلهم تقول نظره عيونه تسلم
وهو سلهم بعينه ماتكلم اجل وشلون حالي لاسمع حكاه)
ضحكوا كلهم و قال ذياب : اي شي فيه الهنوف اول من يغني تركي
تركي ضحك : محد يلومني يازين اسم الهنوف و الهنوف و طاري الهنوف
ابتسمت له و مسك يدها و باسها و كملوا الطريق
وصلوا للحلال ووقفوا كلهم و نزلوا و نزل رواف و قال :
ياربي زمان عنها
فارس ضربه مع راسه : امس انت هنيا خل زمان
مشوا كلهم و قال سلطان : تقسيم بنسوي
هايف : كم مجموعه
سلطان : مجموعه للغنم يحطون الاكل و للنياق مجموعه للاكل و عاد بعدين كلنا نسرحها مع بعض
رواف قعد في الخيمه و قال : و انا بتكي هنا لين تخلصون
نايف : انت اول واحد قم حط الاكل للنياق
رواف : ياليل
يمنى انا بسوي لنا شاهي عشان نشرب و حنا نسرح الغنم
فارس : ازين مابتسوين يابنت الخاله
راحت يمنى للمطخ الي كان جنب الخيمه و راحت معها رزان
سلمى : انا و هنوفي و لين و امل وريوف و غرام نحط الاكل للنياق
فارس : تم و حنا يالباقين للغنم
سلطان : وشو تم تعرفون انتن للنياق ؟
غرام : سلامات يالحبيب انا كبرت و تربيت هنا في البران و بين النياق تشك فيني ؟
سلطان : لا ابد هههههههههه
غرام : يلا اسكت اجل خلنا نشوف شغلنا
راحوا البنات و قال نايف : بتخليهم؟
سلطان: بكيفهم
مشوا البنات و قالت الهنوف : غرام انتي تهايطين صادقه و لا ماعندتس سالفه
غرام : مايبيلها معرفه حطي الاكل و اطلعي
ريوف : و ان جات يمنا
امل تلثمت و كانت بس طالعه عيونها و كانت فعلاً تهبل و قالت : عادي امسحي عليها
لين : يقولون انها شيطان
ضحكت الهنوف و قالت : اعوذ بالله اي صح قالوا انها من سلاله الجن بسم الله بس الله اعلم
ريوف : عشان كذا الرسول صلى الله عليه وسلم قال ماننام في مرقدها و اذا اكلنا لحمها توضينا
(صلو على النبي)
الهنوف : ايه عليه الصلاه و السلام
دخلوا البنات و قالت سلمى : غرام انتي في المقدمه
غرام : الكبير اول
الهنوف : اعقبي انتي اول تقولين ان عندتس خبره
غرام تقدمت و اول مافتحت الباب و شافوا النياق الاكل معها جرت الناقه عندها و قعدت تجري برا الشبك و هي تصرخ و الاكل معها و الناقه وراها تجري وهي تقول : يمه بعديييييي
ناظروا العيال و قال سلطان : و الله اني خابره ماعندتس سالفه ياغرام
قعد يجري وراها و كلهم ميتين ضحك عليها سلطان و هو يجري : لاتجرينن
غرام : تبي تذبحني و انت تقول لاتجرينن
سلطان : ياغبيه الاكل الي معك هي تبيه
غرام نست الاكل الي معها و قالت : وين اي اكككككللل
ضحك سلطان و قال : ياخبلة يدتس يدتس شوفيها
ناظرت غرام في يدها و رمت الاكل بسرعه ووقفت الناقه عند الاكل بس ماوقفت غرام الي مترت المكان و هي تجري نايف : وقفيييي خلاص وشوله الركض
ماسمعته غرام و هي تجري و ضحكت الهنوف بأعلا صوتها و قالت و هي تضحك : ياخبله ههههههههه و قفييييي مافي احد وراتس
نايف : ربي رزقني بإخت خبله
راح نايف و الهنوف يجرون وراها و سحبها نايف و قال: حماره انتي خلاص وقفي راحت الناقه
رفعت راسها غرام و قال : و الله
الهنوف ضحكت و قالت : ههههههههههه ياخي غرام من اول موقفه الناقه تاكل
غرام رفعت راسها فوق و سوت نفسها مافي شي و تنحنحت و قالت : ايه انا ادري بس بشوف الناقه سريعه زي الانسان و لالا
ضحك نايف و ضربها مع راسها و قال : امشي امشي اي تبين تشوفينها سريعه اجل
غرام : رجلي تعورني مااقدر امشي شيلني
نايف : محد قالتس متري البر و انتي تعدين ماني شايلك اليوم
الهنوف قعدت على ركبتها قدام غرام و قالت : امشي فوقي
نايف : تراها ثقيله
غرام ضربته و قالت : وش شايفني
نقزت غرام على ظهر الهنوف و يوم قربوا سوت نفسها مغمى عليها لانها تدري ماراح تروح من محارشات سلطان و هي قبل شوي مهايطه عليه
سلطان : ايه قلتي لي انك بنت بران وراعيه ابل اشوفك انصرعتي
ضحكوا كلهم بقوه ريوف و هي تهوي نفسها و تمسح دموعها : اهخخ يابطني ياربي ياغرام
غرام ماردت و هي مغمضه عينها و ماسكه الضحكه و قفت الهنوف عند الخيمه و قالت : انزلي ياراعيه البران و صلنا
نزلت غرام ووقفت و قالت : ترا عادي انصرعت لاني جريت بقوه و انا ادرب الناقه على الجري
سلطان حط يده على خصره و قال : ليش ان شاء الله تدريبينها على الجري
غرام رفعت كتوفها و قالت : وش يدريك يمكن ابي اشارك في مسابقه الهجن
سلطان : ايه مشاءالله عليتس
عمار : اقول خلونا نخلص يلا
تقدم تركي و قال امشوا ورا للاسطبل الخيل
الهنوف : فييي خخييلل !!!
تركي : اييه
سلطان : مافي تهايطون زي غرام اول
الهنوف : انا بركب
سلطان : لا اخرتس زي غرام
رزان : الهنوف خياله
تركي لف : صدق !
الهنوف ابتسمت : ايه و الله و حاصله على جائزه بعد
تركي ضحك : امانه !
الهنوف : اي و الله
راكان : كل يوم ننصدم بموهبه من مواهبتس عاشت زوجت اخوي
ضحكت الهنوف و قال تركي : حتى انا خيال
الهنوف ضحكت : حتى انت !
تركي ضحك : ههههههههه اهخ ياربي نفس الموهبه و تونا ندري عن بعض
الهنوف : سباق ؟
تركي : قدام
تقدم تركي و دخلوا الاسطبل و طلع تركي حصانه و قال : هاذا حصاني برق
سهم : مشاءالله مشاءلله وش كبره
الهنوف : انا ابي ذا الاسود
تركي : خذيه خلاص صار بإسمك
الهنوف فتحت الاسطبل و طلعت الحصان و قفت قدامه و قالت : هاي يااسود انا اسمي الهنوف و انت ؟
ضحك بهاج و قال : و انا اسمي اسود
ضحكت الهنوف و قالت : انا بسميه اجل
تركي وقف : يلا سميه
كان تركي مسميه من قبل بس قال انه بيشوف وش بتسميه الهنوف
الهنوف قعدت تفكر و قال تركي : عيون البحر اسمه اساساً
الهنوف لفت بقوه و ناظرت فيه : عيون البحر !
تركي هز راسه : ايه كنت مسميه عيون البحر عليتس
ابتسمت الهنوف و قالت : و الله
ناظرت في الخيل و قالت : اسمك عيون البحر زي اسمي ؟
ضحكت الهنوف و قالت لين : عيون البحر التقليدي حنا عيون البحر حقتنا وحده
تركي : اكيد القمر مايتبدل
ابتسمت الهنوف و طلعت الخيل برا و جاء تركي باحذيان الكبيره حقت الخيل عشان تلبسها و قعد تركي و قالت الهنوف : انا البسها
تركي : خليه انا اسويه حطي يدتس على كتفي عشان ماتطيحين و ارفعي رجلتس
حطت الهنوف يدها على كتف تركي و قعد تركي و لبسها الحذيان ووقف و قال : يلا
تقدموا و ركبوا على الخيل الاثنين كان حق الهنوف اسود و حق تركي ابيض و قال تركي : سباق من هنا ليينن هنااك
الهنوف : تم و اذا فزت ترا بيكون عندي شيين تسويها لي مانسيت الاولى
تركي : ابشري
تقدموا ووقفوا جنب بعض و قال سهم : واحد اثنين ثلاثه يلاااااا
قاموا يتسابقون بالخيل و هم يناظرون في بعض و يضحكون و الهنوف مدت يدها الثنتين في الهواء و فكت العنان و القطعه ( الحبل الي في الحصان عشان نوجهه ) ورمته تركي ناظرها و قال : لاتطيحينن
الهنوف : مايجيني شي
و صلوا و فازت الهنوف و جو بيرجعون مره ثانيه ووقفت الهنوف على الخيل و تركي متوتر انها تطيح و مقرب خيله منها و ماد يده من ورا وصلوا الاثنين و قال سلطان : مشاءالله خياله مشاءالله عليك
الهنوف : تسلم
عمار : توقعت ماتعرفين
رزان : هنوفي خياله من زمان
لين : ابي اركب
تركي : لا ماتعرفين لو طحتي
لين : بركب ورا اي احد
الهنوف : اركبي ورا رزان رزان خياله بعد
لين : حتى انتي !
رزان ضحكت : ايه
تركي نزل : اركبوا على خيلي
لين : و انت ؟
تركي : باركب مع عيون البحر
نايف : عز الله الحصان بيموت شلون بـ تركبون كلكم عليها !
تركي وقف و جاء ورا الهنوف الي توترت منه و سوت نفسها مشغوله تسوي الحبل و قالت رزان : سباق انا و لين ضد تركي و عيون البحر حقته
تركي : تمم
قرب تركي ورفعت نفسها الهنوف تشم ريحه عوده و حست بقربه منها ارتجف قلبها و دق بقوه من قربه مسكت الحبل بيدينها و قرب تركي و حط يده على يدها و رفعت راسها الهنوف باصدمه و مشاعرهم عاصفه في صدورهم بس كل واحد يدعي الثقل على الثاني بدوا السباق و هم يتسابقون على نفس الخيل فك تركي يده و حاوط خصر الهنوف الي وقفت و قال تركي: امسكي الحبل لانخسر ياعيون البحر
تنحنحت الهنوف و فكت الحبل و هم راجعين و كانوا في المقدمه و قالت الهنوف : و الله ماتفوزون
لين باصراخ : الله ياشعوورررررر يهبللللل بصيير خياله خلاااصص
تركي: اي و الله يهبل
و كان قصده الهنوف الي تهبل مو الخيل وصلوا و نزل تركي و فتح يده للهنوف الي ناظرت في العيال و كلهم لفوا على طول و قال سلطان: تراب ياتركي و الله انك ماتسحي
ضحك تركي وقال : زوجتي شتبي بكره تزوج حبيبه قلبك و نشوف
لفت جمانه تناظر فيه و قالت غرام : اخص اخص طلعت تحب !
ريوف : انا اختك علمني من ؟
سلطان سكت و قال و ناظر في جمانه و قال : مدري وش يخبص ذا
نزلت الهنوف و قال تركي : ههههههههههههههههههههه
سهم : انا بعد بركب
تركي : اي انت خيال بعد و قمر بعد
سهم ناظر فيها و قالت قمر: ايه بس عاد زمان ماركبته
الهنوف : ليش
قمر : طحت من فوقه
سهم : صار شي لتس !
قمر : لالا الحمدلله بس رضوض
تركي : امشي اركبي الحين
قمر : يلا طيب
سلمى : انا بعد
سلطان : انتي و غرام مننوع
غرام : ليش !
سلطان : خبلات انتم بعدين لو تطيحون ويصير فيكم شي نبلش
غرام : لا و الله مايصير شي اركب مع الهنوف
سلطان : انكان مع الهنوف عادي اما لحالتس لا
طلع سلطان ٤ خيول ثانيه و ركبوا كلهم على اثنين اثنين و صفوا يبون يسابقون ركب تركي قدام و الهنوف وراه رجع يده تركي و مسك يدينها الصغيره بانسبه لـ يده الكبيره و حاوطه يدينها حول بطنه فتحت عيونها باصدمه رجع راسه لورا عند اذنها و همس و قال : خليتس كذا تشبثي بي زين لاتطيحين
سكتت الهنوف و تركي باقي ماسك يدها و هم باقي مابدوا سباق ، ناظر سهم في قمر الي ناظرت فيه و رجعت ناظرت في الخيل و كل واحد متوتر من الثاني
قمر في نفسها : وش فيه ذا كل شوي ينظر ؟
سهم في نفسه : و الله انتس القمر صدق
سكتوا يوم قال نايف : يلاااا الي يفوزون نسوي لهم اي شي يبونه
سلمى : تعجبننييييي
سلطان : لا كنسل لو تفوز سلمى كلنا بنصير عبيد لها
ضحكوا كلهم باعلا صوتهم و قال سهم : واحد اثنين ثلاث
بدوا يتسابقون و كل واحد يحاول يسبق الثاني تركي الي هايم في الهنوف و مو مركز في سباقهم و الهنوف بعد وقفوا يوم وصلوا و الي فاز رزان و سلمى فرحت رزان و صرخت سلمى باعلا صوتها و قالت : يسسسسسسس اقدر اخليكم تسوون لي الي تبونننن
نايف : حسبي الله ليش تفوزينننن
ضحكت سلمى و هي فرحانه و قالت : يلا بفكر وش تسوون لي اي ابي اول شي مساج
طاحت لين من فوق الخيل و هي تحاول تنزل و مسكتها رزان وقالت : انتي كيف نزلتي يالخبله
لين : خلونا نعيد السباق ماابي سلمى تفوز الحين تخليني اهمزها لين نصبح الصبح الثاني
ضحكوا كلهم و قالت لينا : جيعانه
رواف : اي و الله حتى انا
ذياب : توكم فاطرين !
لينا : مااكلت زين
تركي : يويلي نسينا نسرح الغنم !
بهاج : التهينا في الخيل و تركنا المهم
ذياب : يلا خلونا نسرحها تاكل شوي و نرجع
الهنوف : ماابي امشي تعب
سهم : شرايكم بالخيل ؟
ذياب : تم
الهنوف : اي كذا اعجبني
تركي و هو جاي : الي يعجب عيون البحر يصير
ضحك رواف و قال : يع ياشينك
ضحك تركي و فكوا الشبك و طلعت الغنم و النياق و مشوا وراها بالخيول
وافي : ماقد صارت ذي
لين : تجربه جديده
الهنوف : و حلوه
تلثمت الهنوف و كان عيونها طالعه تهببلل تقدم تركي و قال باهمس لها : شرايتس تغطين عيونتس بعد
الهنوف لفت : ليش ؟
تركي سحب الشال حقها من فوق و غطى عينها و قال: ماابيهم يشاركوني شوف عينتس
الهنوف : تغار ؟
تركي : ايه
سكتت الهنوف و رفعت الطرحه و فكت اللثمه و رجعت سوتها من جديد تركي : تعاندين تسوين الي تبين؟
ضحكت الهنوف و قالت : مااحد يعلمني وش اسوي
تركي : اها اوكيه
تقدم بالخيل حقه و الهنوف شافته جاي جرت بالخيل حقها و لحقها تركي و الهنوف تضحك و تركي يحاول يمسكها نايف: ياليييلل امشوا خلونا نخلص
هايف : خلهم يسوون الي يبون
تقدم تركي و صار جنب خيل الهنوف مد يده يحاوط خصرها من ورا و رفعها و دفته الهنوف و قالت و هي تضحك : تركييي
تركي : انا اسوي الي ابي معلي من احد
شالها و حطاها قدامه على خيل وجهه باوجهها سكتت تناظر وجهه و هو يناظرها مد يده يرفع شعرها الي طاح مع الهواء و قال :
نجمتين عينتس مااداني احد يناظر فيها يابنيه زينتس الي حير قلبي و عيني شلون لاشافك واحدٍ ثاني اغار من نظره غريب لاتأمل عيون البحر
تقدم تركي باس عينها و قال: جعلني افدا هالعيون ياناس
ابتسمت الهنوف و حاوطت يدينها بوجهه تركت شعور انها ماتبي تتجراء لااي حركه من مشاعرها تجاهه سكتت تمسح على لحيته و ترفع شعره و هي مبتسمه بـ خفه و قفت تناظر عينه تقدم تركي يمسح على وجهها غمضت عينها و قرب مباشره يقبل مبسمها كان شعور القرب منها عنده للابد كل شي في حياته من شعور حلو و سعيد انها معاد تصده لا صارت تبادله كل شي باحب بعد عنها ياخذ انفاسه تقدمت و ضمته و حطت اذنها على صدره ناظر و رجع حط يده على شعرها يمسح عليه و يشد عليها بإيده الثانيه .
