اليوم الثاني صحوا و قاموا للفطور في الخيمه قامت الهنوف و جات هي و رزان
الهنوف : صباح الخير
رزان : صباح الخير
كلهم صباح النور
ناظر هايف في رزان و قعدت رزان جنب الهنوف و قربت سلمى و حطت راسها على كتف رزان و غمضت عينها
الجد : وراتس ماشبعتي نوم ؟
سلمى : لا و الله ماشبعت نوم ازعجتني هنوف باصياحها
ابتسم بهاج و قالت فاطمه : الله يصلحها مزعجه باشكل
جميلة: اليوم باخذها عندي
فاطمه : لا والله تزعجك
جميلة : انا ابي بنيتي عندي اليوم قلت لتس
ابتسمت فاطمه و نزلت راسها باحزن و هي تفكر في عطيه ليش ماجاء حتى انه ماكلمها ابدا و يشوف رسايلها و مايرد
صقر باهمس لاابوه : بيجي عطيه اليوم ؟
الجد: ايه عساه مايتراجع الرخمه ذا
سكتوا كلهم و كملوا فطور باهدوء
بعد ماخلصوا فطور و هو يبي كل واحد يروح مكان عشان يوم يجي عطيه مايشوفونه الجد : فاطمه روحي يابنتي اليوم للمستشفى الي في الرياض ياخذتس نايف و العيال و خذوا البنات معكم للحلال و انتن الحريم سمعت حرمت ابو عابد تعبانه روحوا زوروها
رواف : كنك تبي تطردنا ؟
الجد ابتسم : اي انت اول واحد
سكتوا كلهم لكلام الجد و قاموا البنات داخل يلبسون عشان يروحون للحلال
دخلت فاطمه و لبست و قالت الهنوف : بروح معتس
فاطمه : لا اروح و اجي انا
الهنوف : الا بروح
فاطمه : ليش ؟
الهنوف : بروح مع سميتي
فاطمه ضحكت : عشان سميتك و لا عشان تشوفين بحرك ؟
سكتت الهنوف يوم انكشفت و قالت : ياليل معاد باليد حيله ايه بروح اشوف تركي طيب
فاطمه : قولي كذا
الهنوف: بروح معتس انتظريني بلبس
رزان جات : انا بعدد خذينيييي
فاطمه : مااردتس يلا
طلعوا البنات للسياره و شافوا نايف و هايف معه وسلمى و جمانه ورواف و سلطان و ذياب و نجود و سهم و قمر راكبين السياره
فاطمه : سلامات وين بتروحون كلكم !
سلمى: بروح معكم
هايف : نايف طلبني
جمانه : بشوف الرياض زمان مارحت
فاطمه ناظرت في سلطان و قالت : و انت على وين بعد
سلطان : كذا و الله بروح
فاطمه : ذياب و نجود وين ان شاء الله
نجود ضحكت : انا برافق بنت اختي عاد
ذياب : و انا بسري مع القمر
و كان قصده نجود
سهم : انا مو كذا بروح المركز جاني طلب من الرئيس
قمر : اشتقت ل بيتنا
فاطمه : اي عشان عمي يجي و يكسر ضلوعكم كلكم تعصون كلامه
رواف : اذا قعدتي تهاوشين بايدري عننا و بكسرنا عشان كذا ياوخيتي اركبي بسرعه قبل يجي
ركبت فاطمه و هي تشوف مافيهم حل انهم ينزلون و مشوا دق تركي على الهنوف و قالت الهنوف : اص تركي دق عشان نسويها مفاجئه ماابيه يدري
فاطمه : الا خلي عنده علم ينصدم الدنيا كلها جايه عنده عشان موعد مستشفى
فتحت الهنوف الخط و قالت : هلا
تركي : هلا باعيون البحر
الهنوف ابتسمت : هلا بك
تركي : اشتقتت لتس كبر الدنيا
الهنوف : حتى انا
سلمى : وييع اخلصوا تتغزلون هنا
الهنوف ضربتها و قال تركي : وينتس ؟
الهنوف : ويني في البيت
تركي : زين
قال تركي يوم ناداه ثامر : عيون البحر الرئيس يناديني اذا طلعت اكلمتس
الهنوف : طيبب
قفلت الهنوف و كملوا الطريق للرياض
-
نرجع في الديره قعدوا العيال يدرونهم و قالت ليلى : بسم الله اختفوا !
راكان : ليكون راحوا الرياض مع نايف و فاطمه !!!!!
لين : هييي اي و الله انا شفت البنات لابسين عبايتهم بس حسبت عشان الحلال
محمد اخذ الجوال و اتصل على نايف الي قال لهم يسكتون ورد و قال: هلا حمود
محمد : من معك
نايف : من انا و فاطمه و سهم عشان بيروح المركز
محمد : من ثاني
نايف : محد
محمد : افتح السبيكر
فتح نايف و قال محمد : رايحين كلكم و ماعلمتونا هاوالله لقول ل جدي
قفل في و جيههم و قالت لين : افا يالغدره و الله لاازاعلهم
رجع دقت سلمى و قالت : حمودي خالي
محمد : اص بس الحين تعرفين خالك
سلمى بشوي شوي : اخرت عمري انادي محمد ابو ١٨ خالي
محمد : سمعتك
سحبت لين الجوال و قالت : هين ياحيوانات رحتوا و ماقلتوا لي و الله لااقول لجدي
امل : هجو و خلو لنا الحلال
الهنوف : امانه اسمعوني انا رحت عشان ارافق فاطمه و هم الي لحقونا
الجوهره : ووراتس ماقلتي لنا !
الهنوف : مادريت طيب ركبت على طول
نجود : و الله لااعطيكم الي تبون بس لاتقولون ل جدي
وافي : الي نبا ؟
نجود حست انها بالغت و قالت : اي يعني اشياء معقوله
وافي : انا ابي محل في الرياض تجيبون منه اغراض لي
رواف : بس ابشر ارسل وش تبي
وافي : انت كل تراب اوريك
رواف ضحك و قالت الهنوف : تكفون يااخواني عشاني و اجيب لكم الي تبون لاتعلمون جدي
محمد : عشانتس الهنوف بس ماراح نتكلم لاكن ماراح تروحون اذا جيتوا بنتطاق معكم
الهنوف : سوو الي تبون ههههههههه
محمد : تم
فارس : اذا وصلتوا علمونا
نايف : طيب
-
راحوا كل واحد فيهم الي للحلال و الي راح يزور جيرانهم و صفى الجد و عياله و عبدالاله و حاتم و درع و معتق
درع : وينه ماجاء ؟
معتق : دق عليه ياابو صقر
الجد : يجي هو الحين
اسكتوا شوي و شافوا سياره جايه من بعيد و قف عبدالاله و قال : جاء
نزل عطيه و ناظر للجد الي واضح الحقد في و جهه تقدم بالابتسامه فيها خوف و قال : السلام عليكم
كلهم : عليكم السلام
قرب عطيه بيغا يبوس يد الجد و الجد بعد يده و تفهم عطيه و قعد و قال الجد : اسمع باتكلم معك كلام رياجيل حق الشنب خط على و جيههم
عطيه : سم
الجد : متزوج الثانيه
عطيه : لا
الجد : صوت الحرمه
عطيه توتر : مسيار
الجد : وش سوت فيك بنيتي يومنك مسوي فيها كذا !
عطيه : ماسوت شي
الجد : ليش تاخذ عليها بدون شورها !
عطيه : الشرح حلل اربعه و معلي من كلامها
الجد : معليك ! وشوله سنين و انت ناقع عند باب بيتها عشان تاخذها
عطيه : احبها انا ماكرهتها بس اني بغيت الثانيه
الجد : و بنتك ماجيتها
عطيه : بنت مايحتاج اتعنى لها
انصدموا عبدالاله قال : عشانها بنت معليك منها
عطيه : بنت ماهي زي الولد الولد يشيلك و يرفعك و انا ماودي اشيل اسم بنت الناس تناديني ياابو فلانه
صقر عصب ووقف و قال : ماتخاف الله انت و صيه الرسول ذي من انت عشان تقول عنها كذا
حاتم : الي ربتك و خطت الشنب على ذا الوجه مره يالي ماستحتي
سالم : ياخساره ال ٩ شهور في بطنها
معتق : رجال انت رجال لا و الله تخسي
سعود : البنت امك البنت اختك البنت بنتك البنت سبب دخولك الجنه يالي رفست النعمه ماتخاف الله انت ماتخافه انسان انت !!
الجد : قم قم لااشوف وجهك و اسمعني ياخسيس زيننن اسمع تسجل اسم البنيه هنوف و فاطمه طلقها
عطيه : ماني مسجل البنت لي و فاطمه ماني مطلقها
الجد تقدم و قال : بـ تسجل الاسم و غصب عنك و لا و الله مابيننا غير المحاكم
خاف عطيه وقال : بحطها في الميتم و انت تبناها و سجلها لك
انصعق الجد و تقدم درع و ضربه و قال باصراخ : حسبي الله عليك يالي ماتخاف ربك امها حيه و ابوها الله ياخذه حي ليش الميتم !!
حاتم : البنت حتى لو انك ابوها بحطها بين عيوني و برفع اسمها قدام الناس هاذي بنتي الي افتخر فيها
صقر : انا اتباها في بناتي و اعتزي فيهم ماني مثلك رخمه وش اكبر نعمه دام عندي بنت ادخل الجنه من وراهم و انت ماتستحي على وجهك
عطيه قام يمسح دمه الي على شفته و قال : خلاص باسجلها بس ماني مطلق فاطمه
الجد : باتطلقها و غصباً عنك لا و الله لاجرجرك في المحاكم لين تجي تحب رجلي
عطيه : طيب طيب
راح عطيه و قعدوا كلهم باعصبيه و هم يفكرون و ساكتين مايدرون وش يسوون و هل عطيه باسوي نفس ماقالوا و لالا ؟
-
في السياره و صلوا للرياض متجهين للمستشفى عشان فاطمه نزلوا من السياره كلهم و قال نايف : سلامات كلكم نازلين !
الهنوف : عادي
نايف : ياجعلهم يردونكم
دخلوا كلهم مع فاطمه الهنوف و هي تمشي قالت نجود : ياربي متى اليوم الي تشتغل الهنوف هنا
الهنوف ضحكت : ياربييي قريببب
مشوا و دخلوا جوا غرفت الدكتوره كلهم و هم قاعدين يناظرون رواف من زود اللقافه تقدم لهيكل عظمي كان محطوط و قال : الحين حنا من داخل كذا ؟
نجود : الانسان بس انت دجاجه
رواف : انتي الدجاجه صدق اهرج حنا كذا ؟
نجود : ايه كذا
الهنوف : لو تدرون وش فيه من خلايا و اشياء كثيره في جسمنا ماسكت لسانكم عن سبحان الله خلقت ربي عجيبه و قدير ربي
رواف : سبحان الله
مد يده رواف ليد الهيكل العظمي و طاح يوم رفع يده على الارض و قفت فاطمه و قالت : رواف !!
رواف : مادريت كيف طاح غشاشين مو مسوينه زين
ذياب : الله يقلعك سوه قبل يجي
جات سلمى و قال نايف: ابعدي انتي تزيدين الطين بله
سلمى : وشو !
نايف ضحك و رفعه و حاول يثبت كل ماوخر يرجع يطيح و اخر شي لصقوه في الجدار لين ماثبت و قال نايف: ولد ابوك تلقف و امسكه انثبر لايطيح مره ثانيه ترا يادوب ثابت
دخلت الدكتوره و قالت: السلام عليكم
كلهم عليكم السلام ، انصدمت منهم كلهم داخلين الغرفه و عددهم كثير و قالت : فاطمه فين ؟
فاطمه: انا يادكتوره
الدكتوره ابتسمت : لو سمحتوا انا بس محتاجه المريضه اذا تقدرون تفضلوا برا
طلع رواف و هو عينه على الهيكل الي التف يمين وقال : طردتنا
نايف : مالومها
سلطان : الهيكل بيطيح
رواف : يارب تخلص فاطمه قبل يطيح خلونا نهج
سلمى : ذا الي فالح فيه خرب و الناس تسوي من وراك و هج
مشت رزان من عندهم تمشى بالمكان وقفت برا عند اله فيها عصير و قفت تناظر و قالت : الله في هنا بعد !
وقفت ورا البنت الي كانت تشتري و قالت : كل شي حلو ياربي ويش اخذ ؟
فكرت و قالت : باخذ لي البنات عصير ربيع و العيال في حمضيات و هايف باقي وش يشرب ماادري اف خساره ماسألته ذاك اليوم
هايف وراها : اسأليني و بجاوبك
رزان ماانتبهت و قالت : استحي منه شسوي ؟؟؟
لفت بسرعه و ناظرت في هايف الي لحقها يوم مشت و قالت : بسم الله منين طلعت
هايف ضحك : مشيت وراك
سكتت و اشر هايف باعيونه على الاله و قالت رزان : وشو ؟
هايف : احب عصير رمان
رزان مشت بعد البنت و قالت : امش هايف شوف
جاء هايف و قال : كل شي حلو هنا
رزان ابتسمت: في بسكوت تدري ذا كنت احبه انا و الهنوف و كنا ناكله بـ لميتم
هايف : و الله ؟
رزان : اييه
هايف : اجل حتى انا باحبه
رزان : ليش تحبه انا اقولك انا الي احبه
هايف : عشانتس تحبينه
لفت رزان الي ابتسمت و ابتسم لها هايف و اشتري و يوم جو يبون يدخلون شافوهم طالعين
فاطمه : وين رحتوا ؟
رزان : شرينا عصير و بسكوت
رزان مدت ل الهنوف البسكوت و قالت : تذكرين ؟؟؟
فتحت عينها رزان و ابتسمت و قالت هي ورزان مع بعض : بسكوت حليمه !
ضحكوا و قالت رزان : الله يذكرها بالخير
الهنوف : اي و الله يازينها
ركبوا السياره و قال نايف : وين الوجهه ؟
فاطمه ناظرت في الهنوف و قالت : بنمشي للديره يلا
الهنوف : لااا
نايف ابتسم و هو يدري وش تبي: ويش !
الهنوف تنحنحت و هي ماتدري كيف تقول و قالت : بنمر بيتنا باخذ لي ملابس
ضحك نايف و ضحكوا كلهم معه و قال: ياربي الهنوف ماتعرفين تكذبين قولي تبين تركي ؟
ابتسمت الهنوف و حمر وجهها و اتجهوا للبيت ودخلوا شافوا سياره تركي ماهي فيه
نايف : مو فيه شكله ماجاء
الهنوف جات تبي تتكلم و دق تركي و قال انه توه خلص دوام و طالع للبيت دخلوا جوا يسوون له مفاجئه و كل واحد انسد مكان يوم شافوا رواف جاي يركض هو و سلمى و يقولون : جاء جاء
تخبوا كل واحد في مكان بس بانفس الصاله و هم حابسين الضحكه اما الهنوف كانت في غرفتها فوق تاخذ ملابس ل عبدالعزيز دخل تركي الي قال : اهخ يالتعب
تقدم تركي يوم سمع صوت ضحكه و قال : بسم الله
و جاء بيكمل طريقه فجأه طلعوا كلهم يصرخون و قالو: مفاجئه
قمز تركي وقال : بببسسمم الله منيننن طلعععتتتوااا لا اله الا الله
ضحكوا وجاء رواف الي نط عليه يضمه و قال : اشتقتتت لككك ياحيوان
ضمه تركي الي ضحك و قال : وش نجيبكم انتم ؟وش المفاجأة الحلوه ذي
تقدموا و سلموا عليه العيال فاطمه : شلونك ياتركي ؟
تركي : الحمدلله طيب
ناظر تركي فيهم و هو يدور باعيونه الهنوف و خاب ظنه يوم ماشافها و ابتسم سلطان و قال : بحرك فوق
تركي : جات !
رزان ضحكت و قالت : جات عشانك فوق في الغرفه ترتب الاغراض
تركهم تركي الي طلع يركض و فتح الباب بدون مايدقه شاف الهنوف واقفه و معها ملابس تقدم بسرعه و حضنها ابتسمت الهنوف وقال : متى جيتوا ؟؟
الهنوف : تونا جينا عشان موعد فاطمه
ابتعد تركي الي حاوط و جهها و قال : و الله انها احلا مفاجئه صارت لي
ابتسمت الهنوف و قال تركي : اشتقت لتس و الله
الهنوف ضحكت و قالت تعانده : شكراً
قطب حواجبه باستغراب و قال يقلدها : شكراً !
ناظرت الهنوف فيه و ضحكت و قالت : امزح عليك حتى انا اشتقت لك لو مااشتقت لك ماكان ضحيت بانفسي و جينا بدون علم ابوي
تركي : جدي مايدري !!!
الهنوف ضحكت : يدري عن نايف و فطوم و حنا لا
تركي : ياويلي و الله ليرثع فيكم
الهنوف : معليه يغطون علينا البنات و العيال هناك
تركي : الله يستر منتم صاحيين
سكتوا شوي و قال تركي : امشي بنروح مكان
الهنوف : وين !
تركي : انتي سويتي مفاجئه و انا سويت لتس بعد
الهنوف : وين طيب
تركي : البسي عباتس و تعالي
لبست الهنوف و نزل تركي الي قال : متى بترجعون ؟
فاطمه : بكره عندي موعد
تركي جلس و قال: اجل اقعدوا لـ بكره و امشوا اذا خلصتوا
فاطمه : و الله ماادري انا جايه و ذولي جايين و مااحد يدري
تركي : دقي على جدتي و علميها
فاطمه : طيب
دقت فاطمه و ردت جميله و قالت : ياخاله وينتس
جميلة : راجعين البيت انتم وين وصلتوا
فاطمه : مامشينا
جميلة : ليش ؟
فاطمه ؛ بكره اعطتني الدكتوره موعد
جميلة : زين
فاطمه : بس انا ماجيت لحالي انا و نايف
جميلة : شلون؟
فاطمه : انا لاتعصبين علي هم الي جو معي
جميلة : من ؟
فاطمه : نايف و هايف معه وسلمى و جمانه ورواف و سلطان و ذياب و نجود و سهم و قمر و الهنوف و رزان
جميلة انصدمت و قالت : من خليتوا ماجاء بعد ! عطالله يدري ؟؟؟
فاطمه : المصيبه مايدري
جميلة : و انتي مهبوله ماخذتهم كلهم معتس !
فاطمه : شسوي سهم جاء عشان المركز استدعوه و الباقين كذا رايحين الهنوف تكذب تقول رحت عشان بنت اختي و هي رايحه عشان تركي
ابتسم تركي و قالت جميلة : اي و الحين جدكم معصب مره و يالله عاد الله معكم وش يبغا يسوي فيكم
سلمى : هاذا الي ماحسبنا حسابه
الهنوف : يمي تكفين غطي علينا
جميلة : مالي دخل عشان يهاوشني انا معكم بعد
رواف : تكفين ياجده
جميلة عصبت : و انت وش مروحك معهم و هو قايل لكم روحوا الحلال
رواف : اشتقت للرياض
جميلة : مشاءالله عسى تشتاق لك العافيه بعد مايهبدكم جدكم و يعلمكم الشوق
فاطمه : وش السواه
جميلة: اشوف اشوف
قفلت جميلة و قالت فاطمه : تستاهلون و انتي خلي الحب ينفعتس و انتم خلو اللقافه مره ثانيه
سكتوا و قال رواف : من زمان عن الاكشن
حذفت فاطمه عليه المخده و سكتوا شوي و قال تركي : انا باخذ الهنوف و نجي
فاطمه : ايه انت يلا بعد خذها و لعاد تجون ثم ادوركم بكل الرياض
تركي ضحك : لا و الله معليك بس شوي
فاطمه : بكيفكم
تقدمت الهنوف و حضنتها و قالت : لاتزعلين مادريت انه معصب ابوي اليوم
فاطمه راحت عصبيتها و جو البنات و حضنوها و قال رواف : اسف
ذياب : انا باتحمل المسؤليه معتس
فاطمه : معليه ربي كاتب
راحت الهنوف مع تركي و ركبوا السياره و هم متجهين للمكان الي يبيه تركي و قالت الهنوف : ياربب زعلت
تركي : معليه جدي مايزعل عليكم كثير قلبه طيب
الهنوف : حتى لو هو معصب الحين و بيعصب زياده
قمزت و قالت : لو يرتفع ضغطه لو يغمى عليه لاسمح الله !!
تركي : مو صايره شي معليك لاتفكرين كذا انسي الحين
سكتت الهنوف و كملوا الطريق
-
في الديره عند الحلال راحوا العيال مع البنات للبل و نزلوا و بدوا يشتغلون ناظر فارس في لين الي تحاول تشيل العلف و بكل مره تشيله يطيح و قالت و هي معصبه : يالييلل كل مارفعته طاح عساهم مااكلوا !
ضحك فارس و تقدم لها و شاله من بين يدها بدون سابق انذار ناظرت باصدمه و قالت : خل..
راح فارس و نفضت يدها تلحقه و قالت و هي تمشي جنبه : ترا مايحتاج تسوي نفسك سوبر مان و تاخذه اقدر اشيله انا بعد
فارس : ادري من يوم شفتك ترفعينه و تطيحينه
لين : هو يطيح وش اسوي
فارس ضحك : طيب
لين : وش يضحكك
فارس : انتي
لين : ماسويت شي يضحك سامج انت
فارس : انا سامج
لين : ايه تضحك بدون سبب
فارس : اضحك عليتس قلت
لين : انا مااضحك
فارس : ابشري
سكتت لين ووصلوا عند البل و فتح الشبك ووقف قدام لين و مد لها العلف وقال : يلا دخليها اذا تقدرين عليه
لين : تقلل من مهاراتي !
فارس ابتسم : ايه دخليه خليني اشوفتس انتي و مهاراتس
مدت يدها لين و لمست يده بالغلط و شالتها باسرعه و قالت : ماشفتها شيل يدك
فارس : معليه
لين و هي بشوي شوي تكلم : معليه و هو مسوي يستحي و انا صاقعه فيه و شايفني بدون حجاب
سكت فارس الي ابتسم على جنب و هي ماتدري انه سمعها و اخذ العلف منها و نزله و قال: مادريت ذاك اليوم و اسف يومني شفتس بدون حجاب
لين : وش اسف وش تسوي باتحذف من ذاكرتك و جههي بدون شيله و لا شعري و لا جسمي بالفستان !
فارس : ماتقدر تحذفها اساساً
لين : عشان كذا ماينفع اسف
فارس حط يده ورا ظهره و ناظر وراها و رجع ناظر فيها و تقدم باخطوه و قال : اجل عندي فكره عشان ربي يسامحني
لين : وشو ؟
فارس : تزوجيني
انصدمت لين و فتحت عينها و قالت : و وش تقول انت
فارس : سمعتي
لين ضحكت باتوتر و قالت : ياحليلك تحب تمزح طلعت
فارس : ماامزح انا صادق انا ابي اتزوجك
لين انصدمت مره ثانيه و سكتت و قال فارس : وش ردتس يابنت صقر ؟
لين تراجعت وراها و ماانتبهت لباب الشبك و صقعت فيه و جات باتطيح و سحبها فارس يمه و صقعت راسها باصدره مره ثانيه و قال و هو رافع راسه يناظر فوق : عورتيني مره ثانيه
دفته لين الي رجعت و قالت : ليش تسحبني بعدين انت الي عورت نفسك محد قالك امسكني
فارس : الا انتي عورتيني
لين: حساس انت ترا صقعت راسي على صدرك بس
فارس : الالم في قلبي مو صدري
لين سكتت وقال : كل ماشفتك ابلشني بادقه القوي
لين ماردت و بعدت تمشي و لفت تناظر فيه و رجعت كملت و ضحك من نظاراتها و دخلت جوا الشبك و حطت الاكل لها قعدت عند المكان الي يحطون فيه المويه و قعد جنبها ووخرت شوي من جنبه و ضحك فارس و قال : اذا احد اعترف لتس تسوين كذا ؟
لين : وش سويت
فارس : هجيتي و مارديتي
لين لفت و قالت : صادق بكلامك ؟؟
فارس : امزح معك اجل
لين سكتت و قال : حطي يدتس على قلبي وشوفي شلون من قربتس ييي يطلع من مكانه
لين وقفت و قالت : حتى لو ابي اتزوجك باقي ماخلصت دراستي باقيلي
فارس وقف و قال : بانتظرك لو العمر كله
لين : لو بعد ٦ سنين بيدخل احد مكاني
فارس : و الله مايجي احد محلتس لو يصير الي يصير انتي باقيلتس اربع شهور و تخلصين و بانتظرس فيها
لين سكتت و حست باجديته في الكلام و قال : منتي مصدقتني ؟
لين : ماادري انت رجال و اكيد قلبك بايحب مره
فارس : اي انا رجال و احب بنت و هي انتي
كمل و قال : و محد بيحل مكانتس و الله مااحد يجي محتلس لو يصير الي يصير نذر علي
لين قالت : نشوف طيب في الخمس الشهور ذي
فارس ابتسم : نشوف
جات ليلى و قالت : خلصنا نرجع للبيت
فارس : يلا مشينا
قاموا و مشى فارس وراهم و هو يغني و يقول ؛
( ياعذلين الهوى مايفيد الغرام مسكين مسكين
من قد بلي بـ الغرام يامنية العاشقين أحيني ابتسام)
لفت لين و ناظرت فيه و ضحكت ليلى و قالت :
ترا راعي الهوى مفضوح
ضحك فارس و مشوا للسياره متجهين للبيت
-
في الرياض وصل تركي و الهنوف للمكان يوم قربوا وقف تركي و قال :
غمضي بحرتس
الهنوف: ليش ؟
تركي : بسرعه و بتشوفين
غمضت عينها و تقدم تركي للمكان و نزل من السياره و مسك يدها و نزلوا ، الهنوف : تركي مااشوف شي
تركي : ادري ماابيك تشوفين
الهنوف : بطيح
تركي : ماسك انا و الله ماتتعورين
مشوا متوجهين للمكان و دخلوا للحوش الي زي الحديقه و فيه مسبح كبيره و البيت كان مره كبير و قف و قالت الهنوف : وشبك افك عن عيني ؟
تركي جاء وراها و فكاه و لفاها يمه و اعطت البيت ظهرها و قالت : وين حنا
تركي ابتسم و نزل وجهه ل وجهها و قال : المفاجئه وراتس ياعيون البحر
لفت الهنوف و شافت البيت و قالت : بيت من ذا !
تركي : بيتنا
فتحت عينها باصدمه و قالت : كذاب ! ش شلون بيتنا من متى مين جابه
تركي ضحك و دخل و هو يقول : كنت اجمع له قبل الوظيفه عشان اشتريه
و الحمدلله و كتب ربي و شريته لنا و صار بيتنا و عساه معمور باوجودتس
ابتسمت الهنوف و تجمعت الدموع في محاجر عينها و قالت : حياتي كلها مافيها الزين لاكن انت و اهلك خواتي و ابوي الورود الي فيها ، جعل ربي مايخلاني منك يااجمل مضانين العمر و اجمل صدفها
تقدمت تحضنه و هي متأكده ان افضل شي سوته انها دورت عليهم و لقتهم و لقته ووافقت عليه و حبته من صميم قلبها ، تقدم يشد عليها و قال : انا نجمك و انتي لي بحر و كل بحوري ياعيون البحر
ابتسمت الهنوف و ابتعد تركي و مد يده يمسح دموعها و قال : لاتنزلين دمعتس و انا حي ، امشي شوفي البيت يلا
مسك يدها و هو يتمشى معها في البيت و قال تركي : هاذي غرفة عبدالعزيز
الهنوف : حاط له غرفه !
تركي : اييه هو لدك و بيصير ولدي بعد
ابتسمت الهنوف له ووصلوا في البلكونه و ناظرت في البحر و هي توها تشوفه و قالت : ببحرر !!!!!!!!
تركي ضحك : اييه بحر
الهنوف: شميت ريحه رطوبه بس مادريت اننا قدامه !
تركي : انتي تحبين البحر و حطيت البيت قدامه عشانتس
نطت الهنوف و طلع تجري للبحر ووقفت قدامه وقالت : الله يازين البحر
تركي : يازينتس انتي
رجعوا جلسوا على الرمل و قالت الهنوف : الحين كل يوم بشوف البحر من قريب كذا ؟؟
تركي ضحك : ايه طول عمرتس
الهنوف ضحكت و هي تناظر في البحر قرب تركي الي حاوط كتفها بايده و قربها له و هو يحتضنها و مستعد يسوي اي شي لاجل هاذي الضحكه
