في الحلاق وصل تركي و شاف العيال يرقصون و الحلاق يرقص معهم دخل و هو يضحك علي : عاش صديق عاشش
تركي : منطرب خل طاقتك شوي عشان ترقص
علي : طاقتي فيه و برقص اربعه و عشرين ساعه مين قدي اليوم
ضحك تركي و جاء عند هايف الي كان هادي و مبتسم بس قرب عنده و صغر عيونه و هو يناظر فيه و هايف يسوي مثله يقلده و ضحك تركي و قال : و شبك
هايف : مافيني شي
تركي : لا كذاب
هايف : مااكذب
تركي : تضحك علي من يومنا ورعان مع بعض تحسبني مااعرف زعلك من فرحك ادري بك لك كم يوم زعلان
هايف نزل راسه و سكت للحظه و قال تركي : عشان رزان؟
هايف ناظر تركي و ابتسم باحزن و قال : واضح ؟ و هي مادرت عني
تركي : تباها للحين ؟
هايف : ماراح اخليها الا على موتي
تركي : هاوالله مااحد ياخذها غيرك
هايف : شلون ؟ ماراح اغصبها تتزوجني دام ماتبيني
تركي : رزان تحبك
هايف ضحك باستهزاء : تحبني ؟
تركي : ايه تحبك
هايف : لو تحبني مارفضتني
تركي : يمكن انها خايفه من شي
هايف : وشو ؟
تركي : ماادري انت اسئلها مره ثانيه
هايف : لا
تركي : اجل خلك ثقيل و رزين عندها و اضحك و سولف خلها تحس فيك و تحبك اكثر بعد
هايف : تقوله ؟
تركي : وربي ل تجي و تقولك بعدين
هايف : امشي على كلامك يعني
تركي : معليك
سكتوا و قاموا يضحكون على العيال
-
في الصالون عند البنات و قفوا يحترون دورهم و كانت مريم تسوي شعرها
الهنوف : ودي اسوي شي
ليلى : وشو
الهنوف : بس اخاف اندم بعدين
جمانه : ويش ؟؟
الهنوف : ابي اقص شعري
لفت فوزيه باكل مااوتيها من قوه و قال : تقصنيه!!!
ناظروا الناس يوم علت صوتها فوزيه و كلهم نزلوا روسهم من الفشله وقالت امل : اقصري صوتس الناس كلها سمعت ودرت الله يخليتس لي
فوزيه : بشوف ذي وش تقول لوين تبين تقصينه!
الهنوف و هي تناظر نفسها في المرايه : ابي اقصه ودي لين رقبتي و اسوي غره
جميلة : يامي شعرتس يهبل لاتقصينه كله طيب لو ل نص ظهرك
الهنوف : وش الفايده انا ابيه تغير مره
رزان : انا باقصه بعد قصير
الجازي : انتي شعرك مو طويل مره بكيفك عاد بس الهنوف مره طويل ياامي
الهنوف : بفكر لين يجي دوري بس بقص غره ذا اكيد
جميلة : عاد ذي بكيفك
سلمى : قصيه لين ظهرك و بعدين شعرتس مشاءالله يطول باسرعه البرق
الهنوف : ايه عشان كذا لو ماطلع حلو يرجع بسرعه
وله : كل شي حلو عليك متأكده بس فكري زين
لين : شرايتس الهنوف نقص انا و ياك مع رزان ؟
الهنوف ابتسمت ل فكرتها و قالت : و الله ؟
لين : ايه ترا كله شعر و مرده يرجع يطول
رزان ضحكت : تمم
جمانه : و انا ودي اغير بسوي لي قصه من قدام
وهج : كلنا نبي نغير و بينصدمون الناس وش ذا كلهم باشكل جديد
ضحكوا البنات و قالت لين : الحين اتفقنا ويش يقنع اهلنا ؟
لينا : امشوا نكلمهم
الهنوف : باتصل على ابوي بقوله
راحت الهنوف و دقت على ابوها الي رد و هو عند الحلاق توه وصل
الهنوف : ابوي
عبدالاله : لبيه ياعيوني
الهنوف : لبية حاج في منى ، ابوي بقولك شي
عبدالاله : وشو
الهنوف : بس محتاره
عبدالاله : وش محيرتس ؟
الهنوف : ودي اقص شعري
عبدالاله انصدم : تقصينه ؟
الهنوف : ايه
عبدالاله: بس شعرك ياامي وش زينه لوين تبين تقصينه ؟
الهنوف : مدري بس ليه رقبتي شرايك؟
عبدالاله: و الله يابنتي بكيفتس ذا شعرتس انتي و الي تبينه سويه لاكن ماتندمين بعدين
الهنوف : طيب بفكر لين يجي دروي
عبدالاله: زين
قفلت الهنوف من عند ابوها وراحت تشوف البنات يحاولون في امهاتهم يقصون
جميلة : وش طرا عليكم ؟؟
لينا : تغير يامي
حصه عصبت : لا البنت شعرها زينتها تروحون انتي وياها مثل الكفار معاد نفرق بين البنيه و الولد
ريوف : يوه ياخاله ترا بطلوا هالتفكير و بعدين مو قصه تقليد و لا حنا قاصينه زي العيال
حصه : لوين ؟
رغد : اقصر شي لين رقبتي
حصه : وش بقى و تصيرين ولد
وجدان : ياربي ياخاله ترا لين تحت اذني بس
زينب : سوو الي تبون بس فكونا من نقتكم
فرحوا البنات و كل وحده تدور لها قصه عشان تسويها
جاء دور الهنوف و قعدت و هي متوتره و قالت لها البنت الي تقص : لوين ياحلوه ؟
الهنوف : الحين شعري ل عند ركبتي صح ؟
البنت : ايه
الهنوف : شيليه لي لحد نص ظهري بعدين بشوف الي باكمل و لالا
البنت : ابشري
وقفوا البنات و نجود تصورها و هم متوترين معها و قالت لها البنت : اوقفي عشان ببداء اقصه
وقفت الهنوف و بدت البنت تقصه لها و غمضت عيونها الهنوف و هي تحس في شعرها ينقص و صوت المقص و هي تقص شعرها خلصت البنت ولفت الهنوف و قالت سلمى : وريني !
لفت الهنوف وقالت : يمه يهبل كن وجهتس طلع
وجدان : ايه و الله
الهنوف : اقصه اكثر ؟
البنت: تبين رأيي واضح انك محتاره
الهنوف ابتسمت : ايه و الله
البنت ضحكت و قالت : طيب شوفي اولاً شعرك مشاءالله صحي و مره كثيف و صبغتك حلوه
الجوهره : بس شعرها مو صبغه
البنت لفت : طبيعي !
لينا : ايه
البنت : اوه مشاءالله معليش
كلمت و قالت : اقصه لين رقبتك ؟ و لا تحت مرفق يدك ؟
الهنوف ناظرت في البنات و قالت لها رزان : قصيه ل حد خصرها
البنت : ايش رأيك يالهنوف ؟
الهنوف: تمام
قصته لها لين خصرها و قالوا البنات نجود : واوو يهبللل
رغد : يجنن اخيراً وجهك طلع زين !
كان شكلها مره تغير و صارت تهبل بالقصه الجديده قصوا البنات و خلصوا و دقوا على تركي الي جاء هو و هايف طلعوا البنات و البسمه شاقه و جيههم على التغير الي سووه و كل وحده طلعت احلا من الثانيه
و لااحد يدري من العيال غي عبدالاله عنهم تقدمت الهنوف و تركي واقف و ابتسم لها وركبوا السياره و مشوا للبيت
الساعه ٧ ونص بدوا الناس تجي و البنات يلبسون دخل رواف و هو يقول : شماغي وينن؟
ورد : هنا ياابوي خذ حق اخوانك ودها لهم
رواف تقدم و باس راسها و قال: جعل هاليدين ماتمسها النار
طلع يركض و شاف علي الي حاط يده فوق على عمامته و يركض و ثيابه في الكيس ماسكها و هو متوتر مايدري وين يروح
رواف : انت وشبك انثبر
علي : ياويلي مدري وش فيني ضيعت
رواف ضحك و قال : اركد فديت الشنب الي مغير فيه
علي : مو وقتك انت بموت انا و انت توك تلاحظ
تركي جاء معصب : علي امش يلا انت مالبست !
علي : يووووه نسيت مااخذت فلوسي من عند الي يكوي الملابس
تركي : منت صاحي امش البس الناس جات
ركض علي و ضحك رواف و راحوا يلبسون اما عند البنات سلمى جات و قالت : وله شوفي مكياجي كيف ؟؟؟
وله : حلو بس سوي ايلاينرك
سلمى : طيب
جات مريم و يدينها رافعتها فوق و الفستان موقف عند راسها و عيا ينزل
جات و هي يلا تشوف و قالت : يبناتت عيا يدخل
جمانه : لاتكفين مو وقتك مافي خياط !!!
جات فوزيه و قالت : انتي وشبك نزلي فستانك
مريم : عيا يدخل
فوزيه : ياويلي
قعدت فوزيه و هي تحاول تنزله بس كان ضيق من النص
ورد : هاتي المقص
فوزيه : نحفي نفسك و يبنات امشوا جروه تحت اذا قلت يلا
جو البنات و كل وحده ماسكه جهه و قالت فوزيه : نحفي و جروا يابنات
جروه و عيا ينزل غير شوي و فجأه سمعو صوت قطع وقفوا باصدمه يناظرون و قالت مريم : و الله لو ينقطع ماجبت غيره !
ورد : انقطع من داخل امشي بقص الخياطه الي على جنب عشان يتوسع
قعدت و فكه الخيوط الي جوا و نزل عليها و جات تبي تسجد و سمعوا صوت قطع و قالت فوزيه : مريييمممم انثبري لاتسجدين و لا شي
مريم : يمي ضيققق
رغد : تحملي لين نخلص وش بتسوين
قعدت متجبصه و ناظروها البنات و ضحكوا و قالت مريم : اضحكوا اضحكوا
سلمى : اهخخ يامريوم
جات حصه و قالت و هي معصبه : سلوى وين و خلود !
رزان : يلبسون في غرفه ميمتي جميلة
حصه : الحريم جو اخلصن انتن بعد !
امل : طيب ياخاله انا افداك ريلاكس شوي
حصه : اقول و الله ١٠ د ماخلصتن ياويلكن
تجهزوا البنات و قالت سلمى يبناااتتت اذا لبسنا كل وحده تندس مكان
الهنوف : فاضين تبين نلعب مكشوف !
ضحكت و قالت : لاا عشان اشكالنا جديده و بنشوف بعض كذا و حنا كاشخين مع بعض
لينا : اها يلا طيب
راحوا لبسوا و طلعوا يوم قالت سلمى : واحد اثنين ثلاثه
تقدموا و كلهم و كل وحده احلا من الثانية الجوهره : يمه بسم الله عليكم تهبلون
يمنى و هي حاطه يدها و تقراء الاذكار و جات مسحت على روسهم وحده وحده و قالت : حصنتكم باسم الله
الهنوف : شكلي يجننن!
لين : اهخخ لو يشوفك تركي ينصرع ماالومه
استحت الهنوف و سكتت و كانت لابسه فستان كحلي قصير و ظهرها فاتح من ورا وراحت تساعدهم في الاغراض طلعت برا و معها المعشره حقت القهوه و حطتها ورجعت داخل المطبخ سمعت صوت تركي و نادت عشان لو كان احد من العيال معه و قالت : يمي عندتس احد ؟
زينب : تعالي ياحبيبتي مافي غير رجلتس
تقدمت الهنوف و ناظرها تركي الي كان ماسك ثلاجه القهوه و طاحت منه و انكسرت و قال زينب : ياويليي وين عقلك ياحمار !
ماتكلم تركي الي يناظر في الهنوف و ناظرت زينب و قالت : يمه لا اله الا الله مشاءالله يابنتي
استحت الهنوف و حمر و جهها و جاء صقر الي دخل و قال: حصني نفسك يابنتي
سكتت الهنوف الي عجزت تتكلم و تمنت مادخلت المطبخ عشان ماتنحرج كذا و قالت باصوت واطي : وش اسوي معك ياخاله
زينب : امشي سوي قهوه بدال الي كسرها تركي
ناظرت زينب في تركي الي باقي يناظر ضربته على كتفه و قالت : و تراب ياتركي بعدين تناظر امش شييل الفناجيل و خلك تكسرها
تركي : هاه طيب طيب
طلع تركي و هو مختبص منها ووقفت الهنوف و هي مستحيه باقي تنتظر القهوه تخلص جات رغد الي قالت : الضيوف جو و الدقاقه جات
خلود : دخليها يلا
طلعت لها سلوى و رغد و استقبلوا الضيوف و طلعوا هدى و اهلها و دخلت هدى الغرفه و امها و خواتها الثنتين معها و جات الدقاقه الي قعدت و جو الضيوف و طلعوا يستقبلونهم البنات
بدت الدقاقه و هي تغني و تقول :
(عسى الفرح يدخل من اوسع الابواب لـ علي
و عسى الفرح و السعاده ماتترك هدى)
بدوا الناس ترقص و الفرح منتشر بينهم و قالت ورد : يبنات يلا ارقصن
الهنوف : انا خارج الموضوع
حصه : اعد من واحد لين ثلاثه ماتوسطتن المكان ياويلكن
مايمديها تخلص من الكلام الا كلهم طابين يرقصون و ضحكوا كلهم و قال الدقاقه :
( عاشن حفيدات جوجو و بنات خواتها و عاشت ام العيون الزرقاء ورزون )
صيته : قصت شعرها هالهنوف !
البندري : ايه اشوف كلهن قصنه
صيته : بروح اطب اخرب عليهن
البندري : روحي
دخلت صيته الي كانت بشعه و شعرها كايش و لابسه فستان اخضر فاتح يصك العين و مكياجها الي مو ضابط وبدو الحريم بينهم يقولون : الاغنيه عن جميلة و اهلها وش دخلها هي ؟؟
_
في قسم الرجال دخلت الفرقه باعرضه النجديه ووقفوا الجد و عياله و احفاده و كذالك عيال خوات جميلة و حاتم و مخلد و سهم و بهاج و مازن و هايف صف و رفعوا السيوف و هم يغنون مع الفرقه و يقولون :
( نجد شامت لابو تركي )
صرخ رواف و قال ( لـ ابو صقر )
و عاد الرجال الي يغني و هو يضحك و يقول :
( نجد شامت لابو صقر و اخذها شيخنا
و أخمرت عشاقها عقب لطم خشومها )
بدوا يرفعون السيوف و يرقصون و هم يقولون :
( لابكت نجد العذيه تهل دموعنا
بالهنادي قاصرين الشوارب قومها
حنا هل العادات مخضبين سيوفنا
و الطيور الحايمه جادعين لحومها )
بعد كم اغنيه و قفوا العيال على الاغنيه ذي الي طلبها رواف عشان مازن:
( الا يا وجودي وجدي من عانق السمران
وجود الي يبعد عن اهله و خلانه)
قاموا سحبوا مازن لانه الاسمر شوي بينهم و هم يعطونه السيف و يرقص معهم و قاموا شباب الديره يصفقون و يشاركون معهم
رواف : عاششش مازن عااشششش
مازن و هو يرقص و يضحك: عااشت ايامك
خلصوا و قال وافي : سامري لاجل عيون علي
ضحك علي و رفع بشته و قال : ورانا ردح
ضحكوا و بدو يرقصون على :
( ياناس راعي المحبه لا تعذلونه)
-
جاء و قت العشاء ووقفت جميلة و قالت : حياكم الله على العشاء
دخلوا الحريم و اما عند هدى و خواتها
دخلت لين و قالت : علي بيدخل
هدى : يمه الحين !
لين : ايه ايه الحين
هدى : لين كل شي ضابط ؟؟
لين : اركدي وشفيها يدك تنتفض
هدى : مدريي
اختها روز : هدى ياعيوني اهدي مافي شي
هدى : بموت و انتي تقولين مافي شي
قمزوا على صوت تركي و هو يقول : ياعرب
طلعوا البنات وبقت هدى و مشى علي ووراه خالاته و عماته و جدته و ام هدى يغطرفون دخل علي و شاف هداه الي كانت جميلة تقدم لها ووقف جنبها و هو مو اقل منها باتوتر طلعوا اهلهم بعد ماسلموا و وقف علي ماتحرك و هدى بعد و صار صمت بينهم لف علي بعد مااستجمع نفسه بعد دقيقتين و قال : مبروك
هدى سكتت
و قال علي : وش نسوي الحين
الوضع كان يضحك بينهم ناظرت هدى باصدمه و قال : اول مره اتزوج مدري وش اقول و اسوي
هدى : حتى انا اول مره اتزوج !
علي ضحك و قال : ماادري وش اقول ههههههه
ابتسمت هدى و تقدم علي و باس راسها و قال : الحمدلله الي جمعني فيك يااجمل ماعطاني ربي ، نمشي ؟
هدى توترت و سكتت و قال : يلا بنادي امك تلبسك عباتك
طلع علي و قعدت هدى و قالت : يمه نسيت كيف اتنفس
جات امها و لبستها و سلمت عليها و قامت تبكي و بكت هدى معها و طلعت برا
تركي بعد ماركبوا : مع السلامه ياعريسس
سهم : ياعسى السعاده ماتفارق دارك
مشى علي و رجعوا العيال يتعشون و انتهت الليله على خير قعدوا البنات الي باقي ماغيروا مشت رزان يم الباب حق المطبخ تبي تدخل و قفت يوم ناظرت باصدمه في هايف الي قاعد ياكل وقف هايف و هو منصدم من الملاك الي شافها باشعرها القصير الي طايح على وجهها و فستانها الاحمر القصير و ملامحها الحلوه الحاده توترت رزان و ماعرفت تحرك جات باتروح و سمعت صوت فارس جاي و قالت : فارس !
تقدم هايف و سحبها ورا الباب و انكتمت منصدمه منه راح فارس و لف هايف الي كان يناظر عينها رزان : هايف شفتني !!!
هايف استوعب ولف بسرعه و قال : ا ا انا اسف
طلع برا ووقفت رزان باتوتر و صدمه و هي حاطه يدها على قلبها اول مره يكون باذا القرب منها رجال طلعت تسوي نفسها ماصار شي و قعدت باصمت بين البنات وقفت الهنوف بعد ماارسل لها تركي و قال: تعالي عند السور ابيك
راحت الهنوف بعد ماحطت مشلحها و قفت يوم شافت تركي واقف باشماغه و شياكته ينتظرها ابتسمت و تقدمت له و ناظرها تركي و قال: وش سويتي فيني انتي ؟
نزلت راسها باحياء و قال تركي : قصيتي شعرتس ؟
الهنوف : ايه مو حلو!
تركي : الا والله يهبل عليتس
سكتت و ابتسمت قرب تركي يحاوط خصرها و قال :
