نرجع في الرياض في السجن تحديداً دخل الشرطي على اللواء و هو في حاله رعب و خوف
الشرطي دق الباب و يدخل : السلام عليكم
الرئيس بدر : عليكم السلام
الشرطي : الرئيس بدر السجين مفلح هرب من السجن
انصدم بدر ووقف و قال : وش تقول!!!
الشرطي : هرب اليوم
الرئيس: كيف !
الشرطي : اليوم جاه زائر في السجن و قالنا انه يبغا يرافقه لحد الباب و راح معه لحد الباب و هرب
الرئيس عصب و علا صوته : شلون! لحاله كيف هرب و كيف سمحتوا له يطلع !
الشرطي بخوف و توتر : ماادري بس مو انا الي استأذن مني قال انه استأذن بس محد درا كذب
الرئيس: الان فرق البحث تنتشر اتصلي على اللواء سهم لاتخلي مكان ماتدورون فيه ! تسمع
الشرطي : عُلم
طلع الشرطي و اتصل الرئيس على سهم
الرئيس : السلام عليكم
سهم : عليكم السلام يارئيس بدر
الرئيس : اسمعني ياسهم مفلح هرب من السجن
انصعق سهم و قام من عند العيال و البنات ووقف بعيد و قال : وش تقول !!
الرئيس : هرب سوا نفسه يبي يودع الزائر الي جاه و هرب معه
سهم : وين شلون !
الرئيس : ماادري ياسهم لاكن اوامري الي الان موجهه لك انت و مازن و بهاج
سهم: ويش
الرئيس : ابقوا و احموا الهنوف مفلح يبي الهنوف و ممكن في اي لحظه يعرف مكانها و يجيها خليها في الديره في الفتره ذي
سهم : عُلم
الرئيس : انتبه ياسهم زين انتبه
سهم : ابشر يارئيس
الرئيس : يلا مع السلامه
سهم : مع السلامه
وقف باعصبيه و لف راح لهم و قال بهاج : وشبك ؟
سهم سكت و هو معصب و مايدري وش يسوي و قال ذياب : سهم علامك !
سهم : مفلح
رفعت راسها الهنوف و خافت و قال تركي : وشبه
سهم رفع راسه و ناظر في تركي و قال : هرب من السجن
انصدمت الهنوف و قال باتردد و خوف : ه ه هرب !!!
سلمى : شلون !
سهم ضرب ركبته ووقف و قال : ماادري ماادري
الهنوف : سهم بيجيني هاه
سهم : ماراح يصير فيك شي وعد انا و عدتك ماراح يلمسك الخسيس ذا
جاتني تعليمات من الاداره انا و بهاج و مازن راح نبقى هنا عشان نحميك منه و انتي لازم تقعدين هنا في الديره لانه مايدري وينك
سلمى : خله يجي و قسم بالله اني لااذبحه
جمانه : حتى الشهاده و الله مااخليه ينطقها
سهم : اصبرو انتم كلكم تبون تذبحونه ! خلونا نفكر
رزان : ياليته يجي وربي لااحط الرصاصه في نص راسه
سهم عصب و قال : انتم وش فيكم ! تبون تذبحون طيب نقول ذبحناه و خلصنا و بعدين وين بتروحون من العداله ؟ و عذاب ربي !
بهاج : لاتنسون اننا في السعوديه ماراح يروح
سكتوا كلهم و الهنوف تلبسها الخوف و هي ماتدري وش تسوي وقفت و قالت : ب بروح البيت عزوز عزوز في البيت ودوني بسرعه
تركي تقدم و مسك كتفها وقال : اهدي طيب يلا بنروح الحين
ركبوا سياراته و رجعوا للبيت ووصلوا و نزلت الهنوف تجري تدورهم دخلت البيت مالقته و قالت باخوف: عزوززييي فرحح احمدد ملكك
ماردوا هم كان يلعبون ورا في الحوش بس هي مانتبهت من التوتر و الخوف
الهنوف طلعت : مو فيه !!!!!
تركي : اصبري ياعيون البحر وين بيروح اهدي
ناظرت ليلى وقالت : شوفيهم يلعبون ورا
ركضت الهنوف و جات عند عبدالعزيز و حضنته و قالت : اناديك انا وشوله ماترد !
عبدالعزيز: ماسمعتك وشفيك ماما قلبك يدق بسرعه
الهنوف بعدت : مافيني شي بس خفت يومني اناديك مارديت
عبدالعزيز: انا اسف بس كنا نغني ماسمعناك
ضحك احمد الصغير و قال : ليش تقولهم
فرح : عادي انا صوتي حلو و غنيت
ضحكت الهنوف و حطت يدها على جبهتها و قالت : يازينكم
و قفت و رجعوا قعدوا في الدكه و قالت الهنوف : وش بيصير الحين ؟
سهم: ان شاء الله مو صاير الا كل خير لاكن سوو الي اقوله لااحد يسوي شي من راسه تسمعون ! تركي انت اول واحد بعدين سلمى بعدك
تركي : ماسويت شي
سلمى : وش دخلني
سهم : تركي يطرح الفكره و انتي تعززين و رزان تمسك السلاح و تطلق معليها و لين تخرب ممتلكات الحكومه و تصفق فيها و الهنوف ماتمسك نفسها و بس تضرب و معصبه دايم
سكتوا للحظه و تذكرت لين و قعدت تضحك و هي منزله راسه
ابتسم سهم و راحت عصبيته و ضحك بقوه و ضحكوا كلهم و قالت سلمى : ياربي يالموقف هههههههههههه
رزان : كانت اول مره نشوفك عشان كذا شيل ذي الفكره عنا
سهم : انا و بهاج اخذنا ذي الفكره عنكم و كنت اقول يمكن عشان العصبيه لاكن طلعت شخصيتكم الحقيقه تجون لـ بعض نبي نذبح و نضرب و الباقي لـ بعض تم
ضحكوا كلهم و قال ذياب : عاد انتم جيتوا في عائله ساطيه
سهم : عز الله ههههههههههههههههههه
رواف : جيعان
ريوف : انا بعد
ذياب : كلمت سعيد يجيب عشاء لنا و اتوقع انه جاء بعد
رواف : و الله !!
ذياب : ايه لو طولت شوي اكلتونا
رواف : خساره عاد لحمك حلو
ناظره ذياب باصدمه و ضربه على راسه و ضحك رواف و قام ذياب بياخذ العشاء من برا و قعدوا العيال يسولفون و قعدت نجود تدور حولها و قالت رزان : وش تدورين ؟
نجود : ضيعت سوارتي
سلمى : اول شفت سواره طايحه عند الباب
قامت نجود تدورها نزلت راسها و هي تدورها و تمشي مشت و صقعت راسها في بطن ذياب و هو جاي بالعشاء و قف باصدمه ورفعت راسها ماسكته بألم و قالت : حسب...
سكتت ناظرت فيه و قالت : ماشفتك
ذياب : وش تسوين
نجود : ضيعت سوارتي مدري وينها
ذياب : اصبري بودي العشاء و اجي ادورها معك
راح ذياب ونزل العشاء ورجع لـ نجود و هو يدورها معها نجود : ياربي وين راحت ذي
ذياب : مهمه مره ؟
نجود رفعت راسها : ايييه
ذياب بافضول : مِن مَن
نجود : من ابوي
نزلت يدها تدوره في الارض و الحوش وراء ظلام مافي غير نور القمر تقدم ذياب قدامها و قال : ارفعي راسك
نجود : اصبر بدورها
ذياب : ارفعيه طيب
رفعت راسها و ناظرت فيه و قالت : وشو
تقدم ذياب و توترت نجود و قالت باتوتر: و شبك ؟
ذياب طلع سوارتها من جيبه و قال : هاذي ؟
نجود ابتسمت : اييه وين لقيتها!!!
ذياب : شفتها طايحه عند الباب
نجود ابتسمت و قالت : شكراً لكككك
ابتسم ذياب و سكتت نجود و جات بتروح و قال ذياب : نجود
ناظرت و قالت : سم ؟
ذياب : سم الله عدوتس
تنحنح ذياب و هو يحاول يتكلم و يشيل التوتر بس مافي شي ينفع كانت مشاعرهم عاصفه بينهم سكتت نجود باتوتر و هي تقول بانفسها : تكفى مو الحين مااقدر امسك نفسي عنك
ذياب : انا
سكت و ناظر في الارض و رجع ناظر عينها و قال : عز الله عيونتس الي مخليتني هايم فيتس
فتحت عينها باصدمه ضحك ذياب و حط يده على جبهته و قال : مايصلح احب ؟ حتى اعتراف مااعرف اعترف
ابتسمت للحظه و سكتت و ناظرها ذياب و قال : ضحكتي ؟؟
نجود رفعت راسها و حطت يدها ورا ظهرها و قالت : لا من قال ؟
ذياب : الا الا
نجود : لا قاعده اسمع اعترافك
ذياب قرب باخطواته : ايه و انا انتظر ردتس ؟
نجود توترت و قالت بصوت خفيف : حتى انا
ذياب : وش قلتي ؟
نجود بانفس الصوت : حتى انا
ذياب : حتى انتي ويش ؟
نجود ناظرت : تستهبل ؟
ذياب ابتسم : لا بس وشو حتى انا ؟
نجود : امش العشاء يلا
ذياب : منتي رايحه وش حتى انتي ؟
نجود ابتسمت : ذياب !
ذياب : لبيه ياعيوني و روحي
سكتت ناظرت و ابتسمت و قالت : حتى انا احبك !
راحت نجود باسرعه ووقف ذياب على الجدار حاط يده على قلبه و الابتسامه شاقه و جهه و قال : ياويلي ياقلبي بس خلاص بعد الزواج بملك يادوب ماسك نفسي
رجع لهم و شافهم قاعدين على العشاء ناظر فيها و ابتسم نزلت راسها و ضحكت و قال تركي : وين كنت
ذياب : كنت انا و القمر سوا
رواف ناظره : وش يقول ذا
ناظر تركي في ذياب و ناظر في نجود و شافهم يناظرون في بعض و مبتسمين و قال تركي : القمر اجل الله يهينك لاكن اعرف انك لازم تستعجل هاه
ذياب : ابد ان شاء الله
راكان : وش تقولون انتم ؟
ذياب : شي ماتفهمه
سكتوا كلهم و كملوا اكل
-
في الرياض تحديداً في البر كان مفلح يحاول انه يبعد عن المدينه و الانظار بأسرع وقت مشى و هو يسرع باخطواته وقف عند بيت دق الباب سوا نفسه مسكين فتح الباب رجال عجوز تقدم مفلح و ضربه بقوه و طاح العم مغشي عليه تقدم في البيت و دخل اخذ سكين معه و اخذ عصاه و اخذ ماء و اكل و اخذ اشياء يحتاجها من البيت طلع من البيت و خلا الباب مفتوح مشى يبعد اكثر طلع فوق جبل و قعد فوقه و فرش اغراضه و قع يمسح جروحه ناظر تحت من شاف رجال واقف يدور ناظره و شافه و عرفه و طلع رابح قد انه قايل له المكان طلع له رابح و قال : من وين جبت ذا كله
مفلح : لقيت لي بيت و اخذت الي فيه
رابح : و اهل البيت
مفلح : شايب و ضربته و طاح
رابح طلع من جيبه سلاح و قال : خذ ذا معك
مفلح : طيب
رابح : وش بتسوي الحين ؟
مفلح : بدور الهنوف
رابح : و اذا لقيتها
مفلح : باخذها و بخليها تفصخ نكاحها من تركي الغثيث
رابح : و الشرطه ؟
مفلح : انا بهرب بس هي اعرف اهددها في من
رابح : خطتك جاهزه يعني
مفلح : ايه
-
في الديره كانوا قاعدين في الخيمه حول النار و يشربون شاهي و يسولفون الهنوف : فطوم وين ؟
رزان : مدري بس اليوم ماهي بالحيل
سلمى : باتولد قريب الله يسهلها
سهم : طيب ناخذها للمستشفى الحين
الهنوف : مدري عيت يوم قالها ابوي
وهج : بيجي مطر
رغد : من يقول ؟
وهج : شوفي البرق
وجدان : ايه و الله شفته
الهنوف : الله لو يجي مطر بنام في وسط التراب هناك
مازن : ماانصدم
ضحكوا كلهم قاموا من شافوا ملك جايه تجري هي و عبدالعزيز و يقولون باخوف : مامااااا خاله فطوم
الهنوف وقفت باخوف : وشبها !
ملك : مدري قاعده تصرخ و تبكي
راحوا كلهم ركض و دخلوا البنات شافوا باتولد و خافت الهنوف و تذكرت وش صار مع اختها سعاد ووشلون كان يهددها مفلح انها تولدها و قفت و قالت فاطمه : بولددد ياهنوففف
لين : مافي وقت للمستشفى!
سلمى : ولدوها
لينا : هاه !
رزان : انتي و لين و الهنوف دكتورات على ويش ولدوه كلكم تخرجتوا
الهنوف استجمعت نفسها و قالت : فطوم تسمحين لي ؟
فاطمه : انا واثقه فيك ايه
تقدمت الهنوف و قالت : ابي منشفه و ماء و مقص
طلعت ريوف و قال سهم: نوديها المستشفى!
ريوف : مافي وقت بتولد و البنات بيولدونها
تركي : الهنوف و خواتي !
ريوف : ايه ايه
راحت تركض و راح معها وافي يدورون الاغراض الي تحتاجها الهنوف و العيال و اقفين برا و قال بهاج : الله يسهل لها و الله انهم يعانون
نايف : الله بكون بعونها
عمار : زوجها وين ؟
ذياب : في الرياض
عمار : ندق عليه
ذياب : خله بعد ماتولد
جات ريوف و دخلت و قعدت عندهم و قالت الهنوف ل فاطمه : فطوم ياعيوني تنفسي زين خذي نفس
فاطمه : طيب
سوت نفس ماقالت ببكاء و بعد ساعه من التوتر و الخوف و الرعب و الانتظار سمعوا صوت صراخ طفل صرخوا البنات بافرح و سمعوا العيال صوت الطفل و ضموا بعض راكان و رواف و قال: الحمدلله ياربيي
الهنوف بكت و قالت : بنت يافاطوم تجنن بسم الله عليها
اخذتها فاطمه و سمت عليها وقف تركي و دق على عطيه الي قاله : و الله ياتركي مشغول مااقدر اجي لاكن انتم خذو محلي
وقفل بدون اي سابق انذار انصدموا من رده ذا و سكت تركي ماتكلم
دخلوا العيال بعد ماخلصوا البنات و اخذ البنت و قالت فاطمه : عطيه وين ماكلمته
تركي : كلمته انا
فاطمه : وش قال جاي ؟؟؟
تركي : ايه بس اليوم عنده شغل و لا هو فرحان يوم قلت له
فاطمه ابتسمت : الحمدلله
ماقال لها تركي عشان ماتزعل و سكتوا و قالت غرام : ايييه وش بتسمينها ؟؟؟
فاطمه ناظرت فيهم و سكتت شوي و قالت : الهنوف
لين : الهنوف !
فاطمه : ايه ابيها تطلع زي خالتها و سميتها الهنوف
الهنوف زادت بكاء و قالت : سميها الي تبين وربي انها اسعد ايام حياتي يوم اقبلت علي
فاطمه ضمت الهنوف و قالت : انتي لي الدنيا و مافيها انتي غطيتي كل ثغرات حياتي الفاضيه انتي دخلتي حياتي و اسعدتيني و مليتيها لي بافرح ياهنوفي شكراً لك
بكت الهنوف و ضمتها و قال تركي : مع اني اغار يعني ماابي غير هنوف
وحده بس يلا وش نسوي
ضحكوا كلهم و قالت فاطمه : عاد تصدق ؟ من يوم تزوجت و انا ابي بنتي الهنوف
فاطمه : اجل وش رايك
تركي : وشو
فاطمه : هاذي الهنوف و بنتي هنوف بدون ال عشان يقول في اختلاف بسيط
تركي : انا امزح معتس
فاطمه : ادري بس خلاص خلوها كذا الهنوف و هنوف
لين : عجبني تم
وقفت الهنوف و هي تناظر في هنوف الي في حضن تركي و هي تلاعبها و تركي يناظر في الهنوف ببتسامه و قالت الهنوف : شوف غمازاتها
تركي : اييه عندها
تقدم سهم و قال : ياربي بسم الله عليها
فاطمه : سهم
سهم الي ماناظر فيها و كان منزل راسه : سمي
فاطمه : اذن في اذنها
سهم : ابوها
فاطمه نزلت راسها و زفرت انفاسها و قالت : ابوها ماراح يجي
سكت سهم و اخذها من يد تركي و بداء يأذن و هنوف سكتت و ناظرت قمر في سهم و هي مبتسمه و تناظر شكله الجميل و طول و هيبته خلص سهم و عطاها امها و قال : الله يخليها لك و تتربى باعزك
فاطمه : اللهم امين
فهد : مادقينا على جدي و بشرناه
خالد : بروح اتصل عليه
محمد : بشيلها
فاطمه : خذها
شالها محمد و هو يمسح على راسها و قالت قمر : ياربي عقبال ماتشيل ورعك
ناظرها محمد و قال : ترا توني ١٨ هههههه
قمر : عادي تمر السنين و تزوج و تجيب ان شاء الله
رواف ضحك : يارب و نفتك منه
ابتسم محمد و نزلها ل فاطمه و جاء خالد و قال : هههههههه جدي يحسبه مقلب
سلطان : ليش ؟ههههههه
خالد : ماعمره شافني جِدِي في الامور ذي
محمد : كل شوي تضحك هههههه
خالد : فرح و قام يعلمهم و قال بنجي بكره ان شاء الله
كلهم : ان شاء الله
سلمى : و ياربي تممها في زواج علي
علي باصوت عالي : يارببببببي اامممييينننن
ضحكوا كلهم و قال نايف : هانت هانت ثلاث ايام و تجتمع في هداك
علي : ان شاء الله
طلعوا العيال عشان تاخذ راحتها فاطمه و قعدوا البنات و طلعت الهنوف باتعب تغسل يدها جاء تركي الي حضنها من ورا و قال : تعبتي ؟
الهنوف ابتسمت : ايه بس فدا ل سميتي
ابتسم تركي ورفع نفسه و لف الهنوف يمه و ضماها و هو يمسح على شعرها و قال : ودي اقولك شي بس خايف على بطني
ضحكت الهنوف و قالت : وشو
تركي : كنت بقول عقبال ماتشيلين بنتنا بين يدينك
حمر و جهها و سكتت و قال تركي : الحمدلله تسكتين و لا تضربيني
الهنوف : معاد باضربك
تركي : وعد ؟
الهنوف رفعت راسها و ناظرت فيه و قالت : مااقصد اعورك انا
تركي قرب و باس خشمها و ابتسم و قال : ادري
ناظر تركي في و جهها و هو باقي حاضنها و قال : كن نمش وجهك خف ؟
الهنوف : و الله ؟
تركي : ايه كان في ثلاثه هنا وين راحوا
الهنوف : ماادري اصلاً توني ادري ان كان عندي ثلاث هنا تعرف تفاصيل و جههي اكثر مني
تركي : قلت لك اعرف بحري كيف يكون
ابتسمت الهنوف و قالت : يلا بروح انام انا
تركي مسك يدها و طلع و قالت الهنوف : وشبك وين بنروح
مارد تركي و طلع هو وياها فوق السطح و ناظرت الهنوف في الفراش المحطوط و قالت باصدمه : وش ذا !
تركي ضربها من راسها و قال : لايروح تفكيرتس بعيد بس اليوم قريت ان كوكب زحل بيكون باين و انتي تحبين ذي الاشياء
الهنوف: انت الي تفكيرك وصخ موب انا
تقدم تركي و حاط يده باخصرها و قال : لاحقين معليك
ضربته الهنوف مع صدره و قالت : مشتهي الضرب شكلك
ضحك تركي و قال : اقعدي
قعدت الهنوف و قعد تركي جنبها و مد تركي الفروه عليها و لبسها اياها و قالت الهنوف : و انت برد ؟
تركي : انتي تدفي معليك مني
فتحت الهنوف الفروه و ناظرت فيه و قالت : ادخل
تقدم تركي و دخل معها في الفروه و هم يناظرون السماء و نامت الهنوف بسرعه ابتسم تركي و سدحها و هو قاعد يناظر السماء و قال فجأه : عيون البحر قومي طلع الكوكب شوفي
قامت الهنوف و قالت : وين !!
تركي : شوفييي
ناظرت الهنوف و كان بس شكله زي النجمه كبيره و ناظرت فيه باذهول و فرح و قالت : سبحان الله!!!! خساره ليت معنا تليسكوب
تركي طلع من وراه و قال : هاذا هو
الهنوف انصدمت و قال : متى جبته من وين اخذته!!!
تركي ضحك : اخذته من عند سعيد و قلت ارده بكره امشي ناظري
تقدمت الهنوف و غمضت عينها و فتحت الثانيه تناظر فيها شقت الابتسامه و جهها و ناظرت و قالت باحماس : تررركييي يمه سبحان الله شكله يجنن تعال شوف
قرب تركي و كان لاصق خده براسها و مافي شي يفصل بينهم تشتت انتباهه من حس باشعرها يلعب فيه الهواء و يجي على و جهه قامت الهنوف و قالت : بروح و اجي بسرعه
تركي : وين
لفت الهنوف مشلحها و نزلت تحت و بعد دقيقتين رجعت و معها كراستها و مرسامها
تركي : ترسمين !
الهنوف : امسك التليسكوب و انا ابي ارسم الكوكب
تركي : طيب قربي يمي
قريبت الهنوف و حطت رجلها على رجل تركي وبدت تناظر و ترسم و تركي يتأملها خلصت و حطت المرسام بين شفتها ناظر فيها ورفعت عينها الهنوف و هي مبتسمه و قالت : شوف !
ناظر تركي الرسمه و هو باله معها مو يم رسمتها و قال : واو مشاءالله عليك تهبل
الهنوف نزلت راسها ورجعت حطت المرسام بين شفايفها و هي تناظر في رسمتها ناظرت الهنوف فيه و قالت : ادري وش تفكر فيه خلك تسوي شي فجأه
ضحك تركي بقوه و قال : وشو تقرين افكاري ؟
الهنوف : ايه وحده من مواهبي
قرب تركي اكثر و مد يده يشيل شعرها ورا اذنها رفعت راسها تناظر في كراستها باتوتر مد يده يسحب المرسام من بين شفايفها قرب و حط يده تحت دقنها و لفاها يمه قرب يناظر في عينها و يناظر مبسمها كتمت انفاسها من التوتر تقدم يقبل ثغرها باكل شغف رفعت يدينها تحاوط رقبته مد يده ل خصرها بحاوطه نست كل شي كانت تخاف منه سكتت مستسلمه لقلبها كان عارف ان هي الامان بانسبه له السعاده و الفرح و كل شي باحياته ، بعدوا عن بعض بعد دقايق رفع يده يرفع شعرها ناظر عينها و ابتسم و قربها و حضنها و هو يشد عليها ابتسمت الهنوف من الشعور الحلو الي قاعده تحس فيه سكتت ل خمس دقايق و نامت في حضنه نزل راسه ناظر فيها و ضحك و قال : كيف قدرتي تنامين؟ انتي في حضني و كذا و عجزت اتنفس و انتي نمتي ههههههههههههه
رفعها و سدحها على الفراش و اخذ كراستها و فتحها و يشوف رسماتها و يتأملها و قف عند ورقه مكتوب فيها : الامان بانسبه لي ..
فتحها و شاف نفسه شاف كل ورقه فيها رسمه مختلفه له ابتسم بافرح و هو يشوف شلون انها متقنه ملامحه و تفاصيل و جهه ضحك و قال : هاذا انا؟
سكت ناظر فيها ورجع ناظر في كراستها و قال : لو تدرين اني فتحتها تكسرين ضلوعي
نزل الكراسه و انسدح جنبها و باس راسها و قال :
(جيتي علي من الله هديه
ياسعد عيني يومني لي
مثلك وليف ).
-
اليوم الثاني الصباح قاموا على صوت الجد جاي هو اهله و حاتم ووضحى و مخلد معه
الجد باصوت عالي : يااهل البييتت وينكم
كانوا كلهم نايمين مافي غي فاطمه صاحيه هي و يمنى و سلطان و ذياب قاموا كلهم للصوت و طلعوا و سلموا عليهم
الجد : توكم قايمين؟
ذياب : لا من اول قاعدين عن فاطمه
الجد : يمنى باابوي باندخل عند فاطمه
يمنى : طيب
دخلت يمنى وقالت لها و لبست فاطمه و دخلوا
جميلة : مبروك ياامي مبروك ياروحي
فاطمه : الله يبارك فيك
فوزيه : مبروك يافطومه
الجازي : الله يخليها لك يارب
جميلة : اعذريني ماكنت عندك
فاطمه : الله يبارك فيكم جميع معليه ياامي البنات ماقصروا
الجد : هاتي بنيتي هاتيها
اخذها الجد و باسها بشوي شوي و هو يقول : بسم الله عليها الرحمن الرحيم
زينب : مثل امها تهبل
الجد : وش بتسمينها ؟
ماكانوا يدرون بالاسم و قالت فاطمه : سميتها هنوف
عبدالاله : هنوف ؟
فاطمه : اي على هنوفي
ابتسم عبدالاله و هو يشوف ان الكل يحب بنته كثير و ممتن لربي انه التقى فيها و قال صقر : زين ماسميتي على بنيتي تستاهل
الجد : على الطاري اشوفكم كلكم هنا وين عصافير الحب ؟
لين : مدري من يوم ماقمت ماشفتهم
الجد : ناظري مع الجدار تلقينهم طابين علينا مثل الحراميه
ضحكوا كلهم و قال ذياب : لا مطلعوا
طلع ذياب و نادى نجود و قال : نجودي تركي و عيون البحر راقدين فوق السطح
نجود فتحت عينها : فوق !!!
ذياب ضحك : مدري وش الرومانسيه ذي نايمين تحت الشمس
ضحكت نجود و قالت : بطلع اقومهم
طلعت نجود وراح ذياب معها بس وقف برا عشان الهنوف و تقدمت نجود و ضحكت و ناظرت في ذياب و قالت بشوي شوي : جوالك معك؟
ذياب : ليش ؟
نجود : بصورهم
ذياب ابتسم : امشي خذي
تقدمت نجود و اخذت جواله و صورتهم و قالت باصوت عالي تقلد جدها : انا ولد ابويي انتم للحين رقود !
قمز تركي و ضحكوا عليه و قامت الهنوف و قالت : يمه
ضحك ذياب و قال : يلا انت وياه وش جوكم راقدين هنا
تركي قام : مادريت عن نفسي
قاموا كلهم و قالت الهنوف : اي ياراسي
نجود : مالك حيله انصقعتي من الشمس
ذياب : جدي جاء
تركي : كلهم ؟
ذياب : ايه
قاموا و نزلوا تحت و هم نازلين مع الدرج ناظر ذياب في نجود الي تضحك عليهم و ناظرت فيه و ضحكت و هو بعد ضحك و قالت : يضحكون شفت كيف قمزوا ؟
ذياب : اييه هههههههههه
دخلوا الغرفه و شافوهم جالسين و تقدموا و سلموا عليهم و قال الجد : وين كنتم ؟
تركي : نايم
الجد : زين
تقدمت الهنوف و قالت : هاتي سميتي الحلوه
سعود : علمتي عطيه ؟
فاطمه نزلت راسها : يدري هو
سالم : وينه ماجاء لـ بنته ؟
فاطمه : يقول عندي شغل
الجد : كذاب الشغل له كم معطيهم اجازه
انصدمت فاطمه و قالت : يمكن اخذ شغل ثاني
الجد : ابتصل عليك اشوف و انتي لاينشغل بالك
فاطمه : طيب
قام الجد و قاموا عياله و عبدالاله معه و طلعوا و اتصل على عطيه الي رد و هو صوته نايم الجد : السلام عليكم
عطيه بصوت شخص توه صاحي من النوم : عليكم السلام
الجد : مبروك ماجاك
عطيه : وش جاني
الجد : بنتك !
عطيه : اها
و قال بعدم مبالاه : الله يبارك فيك
الجد عصب منه و قال : وينك ماجيت ل زوجتك ؟
عطيه : مافضيت
الجد : وش عندك !
عطيه : شغ..
و سمع الجد صوت حرمه تقول : عطيه ياعيوني وين الفطور ؟
انصدم الجد و قال : من ذي !
عطيه باخوف : هاه محد مافي صوت اي صوت
الجد : و الله اني خابر انك رخمه و منت رجال
وقفل الجد فيه و جهه ووقف باعصبيه و قال صقر : وشفيه يايبه ؟
الجد : الخسيس ذا سمعت صوت حرمه عنده
سالم : يمكن اهله
الجد : ماعنده غير ام و عجوز و انا شاك فيه اصلاً في احد مايجي ل بنته ! يومني باركت فيه يالله قال الله يبارك فيك و يوم انخطف عزوز من البيت قال انه في الشغل و الوقت ليل !
عبدالاله : حسبي الله و نعم الوكيل الضعيفه شلون بنقول لها تعبانه و حالتها حاله و بتنصدم من الحيوان ذا
الجد : بيجي هو اكيد لاكن يشوف وش اسوي فيه لاتقولون ل فاطمه شي الحين
سعود : زين
دخلوا جوا و الجد يحاول مايبين انه معصب و قعدوا يتقهوون .
