(نجمة تقدير لتعبي ، اعتذر عن لخبطه الارقام عدلتها)
الصباح قاموا و جلسوا الرجال في الخيمه و البنات داخل في الدكه طلعت حصه و قالت : اليوم بنسوي تقسيم على الفطور
رزان : شلون ؟
حصه : كل يوم ٤ عليهم الفطور ، و انا الي اختار كل يوم اشوف من تطبخ الفطور من بكره
وقفت حصه تناظر فيهم و قالت : الهنوف و لين و سلمى و جمانه
بكره الفطور عليكم
سلمى : ياخاله اول يوم ليش انا
حصه : و لا كلمه ماابي اعتراض الساعه ٤ العصر تجون المطبخ و الي تتأخر يتضاعف عليها يومين ورا بعض
الهنوف : السالفه فيها عقاب اجل ، خلاص تم
حصه : يازين بنيتي ماتعترض زي ام لسان
ضحكت الهنوف و قالت سلمى : هاه؟
حصه : من قال هاه سمع
راحت حصه و قالت سلمى : ياربي تعب
الهنوف و هي تمسح على شعرها : باقي باقي تونا اول يوم
جات ورد و قالت : يبنات وحده تودي الفرشه الي هنا نساها جدكم و مطشوشه قدام الباب
قامت الهنوف و قالت : اشيلها انا
سلمى : القويه الي فينا الحمدلله مااشيل هم عندي من ياخذ حقي
ضحكت الهنوف و قامت جمانه هي و رزان و يشيلون معها و سلمى وراهم تحارشهم و هي تقول : يلا ياصديق مافي طيح عشان بعدين ماتخلينا حصيص نغسلها
ضحكت الهنوف وقالت : اكلي تراب لااجي اهبدك الحين
سلمى : ياصديق مافي قرقر واجد
قربت من الخيمه و قالت الهنوف : تعالوا شيلوا
جاء تركي و قال : ليش تشيلنها ثقيله كان ناديتيني
الهنوف : معليه ماهي ثقيله اصلاً
اخذها تركي و نزلها و قال الجد : افرشها ياتركي
فرشها تركي و ناظرت الهنوف في سلمى و حاوطت كتفها و قالت و هي تمثل انها تضحك و هي تقرص سلمى من الجنب
سلمى : هنوف عورتيني
الجد ناظر فيهم و ضحكت الهنوف و قال : شبلاكم انتم !
سلمى و هي تحاول توخر عن الهنوف و قالت : ياجدي شوف الهنوف تقرصني
الجد : اشوفك من اول تلوين
الهنوف : تكذب عليك ماسويت شي
ضحك تركي منها و هو يشوف يدها من ورا تقرص سلمى
سلمى : عيت تفكني جدي انا في وجهك ياعطالله
الجد : الهنوف فكيها ياابوي
الهنوف فكتها و قالت : عشانك ترا و لا ماارضى الي قالته لي انا و جمانه و رزان
الجد ابتسم و قال : تعالن اجلسن عندي
قعدوا البنات عنده و الهنوف جنبه و سلمى من يساره قاعده و جمانه جنب الهنوف هي و رزان و قال الجد : ايه سولفن علي
سلمى : شخبارك انت
الجد : الحمدلله بخير و انتي شلونتس ؟
سلمى : بخير ياابوي الحمدلله دامك بخير
الجد ابتسم و قال : ليني و البنات؟
الهنوف : لين و لينا يذاكرن و الباقيات خابرتهم داخل
الجد : الله يوفقهم
جات لين و جايبه اللابتوب حقها معها و قعدت و قالت : السلام عليكم
الجد : عليكم السلام، جابت قشها و جات
لين : بذاكر عندك يمكن تطرح علي البركه و ماانسى شي
ضحك الجد و قال : وش تقرين
قربت لين و قالت :شف ياابوي
ناظر الجد و شاف جسم انسان و كلام انجليزي حوله و قال : ابك ذا ويش
ضحكت الهنوف وقالت : هاذا جسمك كذا
ناظر الجد و قال : بالله ؟ هاذا الصغيرات وشهي
لين : خلايا
الجد : خلايا؟
لين : ايه هي الي تنظم طريقه العمل في جسمك و كذا
الجد : سبحانك ياربي
الهنوف : لو تشوف ياابوي كيف جسمنا في خلايا و اورده و اشياء كثيره ماتصدق
سلمى : اييه
رواف : سليمه انتي بذات شكل حتى عقل ماعندتس
سلمى : و الله انت الي فاضي عقلك ، هنوفي دوري لتس عقل و سوي له عمليه خلي عقله يشتغل زين
ضحكت الهنوف و قال الجد : سلمى و رواف من يوم ماطلعوا على الدنيا و هم مناقره امنيت حياتي يمر يوم بدون هواشاتكم
ضحك رواف و ضحكت سلمى و قالت : اسفه ياجدي
ابتسم الجد و قال مازن : بسألكم يادكتورات شي
الهنوف : سم
مازن : الحين كيف تعرفون الميت كم له وقت ميت ؟
لين : من حراره الجثه و عيونه و صلابه جثته
الهنوف : و الاغلب ذي الاشياء يتدخل فيها الطب الشرعي
مازن : اهاا
جات غرام و هي شايله هنوف الصغيره معها و قالت : شوفوا من قامم
الجد : هلا و مرحبا هاتيها
اخذها الجد و هو يناظر فيها و مبتسم و حزنان عليها بانفس الوقت
ناظرت الهنوف و قالت: تشبه فطوم زي امها
الجد : ايه مشاءالله
صقر : عزتي عنها
و كان يقصد ابوها الي تاركها ، جات فاطمه تبكي وقفت قدامهم و قال الجد : وشبك !
فاطمه : جاتني رساله عطيه طلقني و تبراء من هنوف !
انصدم الجد مو على الطلاق بس عشان ان عطيه تبرا من بنته و هي توها لها ايام جات جميلة الي قالت : اهدي يافاطمه
فاطمه : خلا بنته خلاها ، و تركني انا
الجد قال لها : فاطمه في شي ماتعرفينه انتي
فاطمه : ويش ؟
الجد : عطيه تزوج ، و مابغا بنته جانا هنا في اليوم الي خليتكم تروحون الرياض و قالي انه مايبي بنتك عشانها بنت
انصدمت فاطمه و كل البنات و العيال وقفت جميلة و قالت : وشو!
عشانها بنت بس !!
صقر : رخمه ذا مسوي يعنني ابي ولد عشان يشيل اسمي
فاطمه زادت بكى و هي حابسه الشهقات و قالت : ماتهنيت حسبت انه بيقفل ثغر حياتي الناقص بعد وفات امي و اختي و ابوي لاكنه سواته اسوء من موته
تقدمت الهنوف و حضنتها و هي تقول : لاتبكين على خسيس زيه ، انا بغطي لتس كل ثغر حياتس و بحطك بين عيوني
رزان : لاتنزلين دمعتس و حنا معك
سلمى : رخمه ذا ماهو رجال
عبدالاله : يخسى يكون رجال
تنهدت جميلة باضيق و قالت حصه : تعوذي من بليس يافاطمه كل شي يهون ماهي موقفه الدنيا
ورد : عيشي لااجل بنتس و حنا بنعيش لاجل بعضنا و عشانتس انتي و بنتك
الجد : انتي بنتي و هنوف بنيتي و هو تبراء منها لاكن مو يعني ماعندها اب انا بكون لها اب و جد
صقر: بنتنا كلنا حتى بوجود الرخمه
سهم : تبيني اسجنه لك ؟
تركي : احكم عليه باقصاص ؟
فاطمه ناظرت فيه و قالت : ليش ؟
سهم : يستاهل
ضحك الجد و قال : انت نقلت لك العدوه بعد ؟
سهم : ليش
الجد : حتى انت بس ودك تضرب و تذبح
ابتسم سهم و قالت فوزيه : لاتخافين
فاطمه هدت من شافت كلامهم لها و مواساتهم لها حست بأمان معهم و هي ممتنه لهم كثييرر ، ماشالت هم شلون باتعيش او بنتها كيف باتكبر دامهم معها
-
بعد عاصفه بكاء و حزن من فاطمه كانت قاعده مع بنتها في الغرفه و ترضعها و قالت لها : لاتخافين يابنيتي و لا تحزنين بكون لك ام و ابو و كل شي ، لو تدرين ان عندتس عائله كبيره و كلهم يحبونك باتحمدين ربك عليهم زي مااحمد ربي انا
ناظرت فوق و قالت : ياربي اكتب لي الخير في كل شي و لا تحرمني من بنتي و اهلي و تاخذ حقي يارب من عطيه
جات الهنوف للغرفه و فتحت الباب و قالت : ادخل ؟
فاطمه ابتسمت : تعالي
قعدت الهنوف جنب فاطمه على السرير و ناظرت في هنوف و شالتها و سدحتها جنبها و قالت : اخذتي امك مني ! من زمان ماحضنتني ترا هي بعد امي
ناظرت الهنوف في فاطمه و ضحكوا و حضنتها فاطمه و هي تمسح على شعرها و قالت الهنوف : انا زعلانه مثلك
فاطمه : لاتزعلين خلي غمازاتك دايم ظاهره
الهنوف : شلون تبيني افرح و انتي زعلانه ؟
فاطمه : لاتشيلين همي ياهنوف قلبي ، انتي بس مبسوطه هاذا يكفيني
الهنوف : بس مااقدر انبسط و انتي زعلانه
ابتعدت الهنوف و قالت : تبيني اضربه لك ؟
فاطمه : و انتي ماعندتس غير ضرب
الهنوف : الي يزعلك اي ينضرب
فاطمه ضحكت و قالت : اهخ يالهنوف تبين تتزوجين و انتي باقي ماعقلتي
سكتت الهنوف و قالت فاطمه : متحمسه ؟
الهنوف: ل من؟
فاطمه : انك بتتزوجين تركي !
الهنوف : اكيد اني ابيه
فاطمه : تحبينه واجد ؟
الهنوف ناظرت تحت و ابتسمت و هي تقول : و الله اني احبه و اعشق خطاويه ياجعلني يافطيم فدوه ضحكته
فاطمه ابتسمت و قالت : اشوف الحب في عينتس و عينيه كن القمر لابان ضوه اشوف نظرتٍ لتس لاعاينتيه و اشوف بسمته و لهفته لاأقبلتي يمه
ضحكت الهنوف و قالت : ايه و الله اني احبه
فاطمه : الله يخليكم ل بعض و يسعدكم يارب
الهنوف : اللهم امين
فتحت الباب لين و قالت : يالعيون الزرقاء حصيص تدورك من اول امشي بانسوي الفطور
ضحكت الهنوف وقالت : يلا جيت
راحت الهنوف للمطبخ و قالت حصه : هنوفي سوي المرقوق و انا بخلص الباقي انا و البنات
الهنوف : ابشري
بدوا البنات يسوون الاكل و باب الحوش حق المطبخ مفتوح وقف تركي هو و هايف و سهم و فارس و سلطان عند الباب و قال تركي : ياوصايا النبي
حصه : هلا ياحبيبي
لبسوا البنات شيلتهم وقفوا العيال عند الباب و جاء رواف و بهاج و قال : وش بتسوون ، انا مشتهي اكله من يد سليمه
ناظر تركي في الهنوف و ابتسم لها
سلمى : فارق لااشوف وجههك تراها واصله معيي بالحيل
ضرب بهاج رواف و قال: احمد ربك و ابلع الموجود
رواف : تدافع عنها افا تركني عشان حبيبت قلبه
انصدموا و طالع بهاج في رواف و قال رواف باتوتر : اقصد يعني اخته يعني اكيد يبغا يحبها زي اخته يعني
ورد : تركي ياابوي
تركي : سمي
ورد : حطيت الصاج ورا الدكه جيبها بالله
تركي : ابشري
راح تركي و جاب الصاج و دخل داخل و حطاها عندها و اخذ الغاز و حطاها تحت الصاج و قعدت ورع و هي تفرد العجين تسوي فطير على النار، جلس تركي جنبها و قعدوا العيال على الدرج و جو ذياب و الباقين
ذياب : وش عندكم
جميلة : نسوي فطور امش اقعد مع اخوانك
قعد ذياب و هو يناظر نجود الي له كم يوم ماكلمها و هي مشغوله ،
عصبت لين و هي تحاول تلف العجينه الي عيت تسكر و قالت بعد مابعدت الصينيه برجلها : و لعنه ان شاء الله عيت تسكر خلها تقعد
حصه : لين ! اخلصي سويها باسرعه
لين : افف عيت تجي وش اسوي ياخاله
حصه : حاولي
ضحك فارس و قال : اساعدكم ؟
حصه : بكيفك
تقدم فارس و قعد جنب لين و هو يقول : هاتي اسويها
لين ناظرت فيه و قالت : تعرف ؟
حصه : ربي مارزقني ببنات بس فارس كان يساعدني
اخذ فارس الصينيه منها ناظرت فيه و هو يسويها و ماشالت عينها عنه قال باهمس لها : ادري انتس تحبيني لاكن لااحد يشوفتس و انتي تناظريني طول الوقت تسذا
فتحت عينها باصدمه ووقفت تنفض يدها و قالت : ب بادخل اغسل و اجي
ورد : المغسله هنا وشوله تروحين داخل
لين : هاه ابي صابون صابون
ابتسم فارس و هو يلف العجين و دخلت لين داخل
خلصها و جات لين الي قعدت على الكرسي و ابتسمت ورد و قالت : و الله اني مبسوطه
حصه : ياجعله دوم ياوخيه وش الي مبسطك ؟
ورد : انتن ياخواتي و عيالنا و اخواني و حريمهم و هنوفي و رزان و فطوم
كلنا مع بعضنا هنا و الله اني ماابي الاجازه تقضي و تعودون دياركم
لينا : حتى انا ماابي ارجع
رواف : صح اني اكره الحلال لاكني ماابي اترك الديره
ذياب : و لا ابيكم تروحون انتم بعد
تجمعت الدموع في محاجر فوزيه و قالت ورد : يايويلي لاتصحين خلاص سكتنا
ضحكت فوزيه و دمعها ينزل و جاتها الهنوف الي حضنتها و قالت : دمعتس غالي ياعميمه لاتبكين
فوزيه : و الله اني ماودي اروح حتى انا
ضحكت سلمى و قالت : المفروض انها مشاعر اخر اليل لاكنها صارت مشاعر عصريه رمضان مع الصيام
شيخه : تعوذي من بليس باقي ماقضينا
شهد : اول مره اجي معكم للديره بس مبسوطه و ماودي ارجع
الجازي : الديره الديره شي ثاني
فارس : اسكنوا عندنا
جميلة : وين نسكن عندكم و نترك مدارسنا و شغلنا
فارس : البنات و العيال قضو جامعه مابقي غير لين بعد ٤ شهور مدري ٦ تخلص معليه
زينب : لين باتتخرج بعد اسبوع وشو ٤ شهور ؟
انصدم فارس و ناظر لي لين و قال : مو ٤ شهور !
زينب : لا الاسبوع الجاي تقضي
سكت فارس و قال ذياب : صدق باجديه اهرج اسكنوا عندنا
جميلة : منا يالذيب ليين نوصل العيد و نقضي من زواج البحر و تركي و بعدين عاد نشوف
جاء عبدالعزيز وقال : ماابي ابي اروح مدرستي عشان لمياء !
الهنوف ناظرت فيه و قالت : لمياء ادوختني فيها لمياء لمياء
عبدالعزيز: هي صديقتي ماابي اخليها
الهنوف : طيب ياحبيبي يصير الي تبيه لاكن لعاد تجيب طاري هالمياء
عبدالعزيز: اذا شفتيها باتحبينها
الهنوف: اجي مخصوص لمدرسه عشان ابي اشوفها
عبدالعزيز: تم
راح عبدالعزيز و مسكت الهنوف راسها و قالت: ياويلي لو يحبها صدق ؟
جميلة : خليه يحب
الهنوف : اخليه ؟
جميلة : تركي يحبك من يومنه صغير و يقولك و هو ورع يبي يتزوجك و تزوجك هاذا هو
استحت الهنوف و نزل راسه تركي و ابتسم و قالت غرام : علمينا خاله وش كانو يسوون
جميلة رفعت راسها : يازين ايام الميتم ، كنت اخذ تركي بس معي
لين : اي كانت كل ماجيت بروح تطردني
جميلة : لا و الله مو عن بس اني رايحه شغل و مااخذ غير تركي ، و هو مايروح الا عشان عيون البحر ، و ذيك المره زمان جاتني الهنوف زعلانه تقولي تركي يقول يبي يتزوجني اذا كبرت
نزلت راسها و هزت راسها بأسف و شوق للايام الي فاتت و قالت : ياسرع الايام امس وراعين اركض وراكم و الحين تركي وش كبره كنه حمار و الهنوف غزال
تركي : وش العنصريه ذي ليش انا حمار؟
جميلة : خلاص تبي الهنوف حمار و انت غزال؟
تركي : لا و الله اخسى
ضحكت جميلة و قعدت الهنوف و قالت : يمي بسألك
جميلة : هلا
الهنوف : فيني فضول بس لاتزعلين
جميلة : ماازعل عليتس لو تحطين الجمر بين يدي
الهنوف : جعلني مااوجعك يمي ، حصه ذيك ليش اعطتني ل مفلح و انتي تبيني ؟
جميلة ناظرت فيها و قالت : حصه ماتحبني و يوم جات وخيت فاطمه و اعطتك على طول لها بدون مشاوره احد
الهنوف : وينها الحين ؟
جميلة : ماادري عنها شي و لا ابي اعرف
سكتت الهنوف وقالت : اسفه يمي
جميله : وشوله تتأسفين يمي اسألي عادي
رزان بعد تفكري طويل معنها كانت تخاف تسأل ذا السؤال حتى يمنها صغيره قالت : يمي
جميلة : سمي ياعيوني
رزان : خلاص خلاص
دخل درع و قال : ياذكرت ربي كلكم في المطبخ
ورد : تعال اقعد ياخوي
قامت لين من على الكرسي و قعد درع و هو مبتسم و قال : وش عندكم ؟
جميله : خلصنا الفطور و جلسنا نسولف
ناظر درع في البنات و ماشاف قمر و قال : القمر حقي وينه غايب ؟
جميلة : قمرر
جات قمر و قالت : هلا
جميلة : خالتس يدورك
جات قمر و قال: وينتس اليوم ماشفتك ؟
قمر : فيه بس حايسه في مشروع تخرجي بخلص تدري
درع : يعني خريجاتنا الاسبوع الجاي القمر و التؤام المزيون روان الحلوه و غادتنا و مريوم و محمد و رغوده و ريوفي ووله و الغرام
جميلة : اييه
درع : و يبقى امول و خالد كذا ؟
جميلة : ايه مابقي غيرهم
درع : يخلصون على خير مابقي لهم غير سنه
ورد : ان شاء الله
سكتوا شوي و قمزت ورد الي قالت : الفطايررر في الفرررنننن
حصه : العيشه راحت
فتحت جمانه الفرن و قالت : مااحترق معليك كان على وشك اننا نقعد بدون فطور بس الحمدلله لحقنا
زفرت باراحه و جاء عبدالاله و قال : هنوفي وش سوت عشان مااكل غير منه
ضحكوا كلهم و قالت رزان : عاد يا
سكتت و قال عبدالاله : ابوي
رزان : ابوي ايه ، الهنوف مع الاسف ماهي فالحه غير بالضرب و الهجوم
الهنوف : انا بنت ابوي المفروض تحسنين سمعتي عند ابوي
رزان :ابوي ماابيه يموت
ضحك عبدالاله و قال تركي : خلي عنتس الهنوف تعرف تطبخ و طبخها وش زينه
رزان : متى ذقته ؟
تركي : ذقته ، لو تجيب لي اكل محروق بس انه من يدها يطلع الذ شي ذقته باحياتي
لين : اهخخ يايمي الحقي قليبيي ياشيب راسي وخيي ماعمره قالي تسذا
ضحك تركي و قرب و باس راسها و قال : انتي غير
سلمى : يع الله يقطع عدوك تركي خلنا نكمل صيام تغزل عندي هنا
ضحك تركي و قال : اخخ ياربي متى نرقص في زواج سلموه
سلمى: اعوذ بالله
ناظرها بهاج و سكت ، هايف : الله يلحقنا لليوم ذا الي نرقص بازواج اختي
سلمى: تراني صايمه لا ارثع فيكم
ورد : وش فيك انتي كنه شي حرام
سلمى : مو حرام بس انا ماابي اتزوج
حصه : بتزوجين و انتي طيبه
سلمى : و الله ياخاله ماابي اراددك بس مانيب متزوجه
شيخه : خلتس احسن
سلمى : اي والله عشان كذا لاتزعجوني
راح بهاج و لحقه سهم الي يمشي وراه و بهاج يمشي في الشارع بين حواري الديره و هو حاط يده في مخباته و منزل راسه بازعل
سهم : اي يابهيج وش وصلت
لف بهاج و قال : بسم الله متى جيت
سهم : من اول امشي وراك
بهاج : ماحسيت فيك
سهم : ادري ، وش مزعلك
بهاج : مافيني شي
سهم: عشان سلمى قالت ماتبي تتزوج ؟
بهاج : وش يدريك
سهم : ادري اعرفك اكثر منك ، ادري انك تحبها
بهاج ابتسم للحظه و قال : بس هي ماتبيني ماتشوفني غير اخوها
سهم : باتدرك اصبر انت
بهاج : مااتوقع ، شايله فكره الزواج نهائي من راسها
سهم : وش يدريك يمكن تحبك و بتوافق عليك
بهاج : ماعندي امل في ذا الموضوع بس نصبر
حط سهم يده على كتف بهاج يشد عليه و قال بهاج : و انت يارئيس الي كنت تقول انا صعب الميراس ، اشوف جابتك القمر على طول
ضحك سهم و قال : عاد وشنسوي
بهاج : درت ؟
سهم : ماقلت لها شي ، بس هي كنها تعرف
بهاج : تحبك؟
سهم : يمكن
سكتوا للحظه و هم يمشون في الديره و بهاج يهوجس وش بيصير معه و هل سلمى بتحبه و لالا
-
اذن المغرب في الديره و الحريم داخل و الرجال في الخيمه ، دق الباب و قامت سلمى تفتح الباب وشافت وضحى جايه للفطور
سلمى : هلا يالخاله تفضلي
وضحى : هلا فيك يابنتي
دخلت داخل و سلمت عليهم و قعدت تفطر ، دق الباب مره ثانيه و قالت سلمى : احد يروح يفتح
قامت الهنوف و فتحت الباب و شافت ام فايز واقفه عند الباب هي و ام مرزوق ، استغربت الهنوف من جيتهم بدون ماقالوا لهم
الهنوف : هلا
ام مرزوق انصدمت من البنيه الجميلة الي شافتها و هي اول مره تشوف الهنوف وقفت و قال ، ام مرزوق : ياذكرت ربي انتي بنت من ؟
الهنوف ارتبكت : عبدالاله
قطبت باستغراب ام مرزوق و هي تحاول تعرف من ذا و قالت ام فايز : امشي ياام مرزوق خلي عنتس العلوم
دخلوا جوا و قاموا منصدمين من جيتهم الي ماعلموهم فيها ، ام فايز: و الله ماتقومون ، افطروا افطروا لاحقين على السلام
حصه : اقعدن افطرن معنا
جلسوا الحريم معهم و اشرت حصه باعيونها للبنات يجيبون زياده فطور قامت رزان هي و جمانه يجيبونها
رزان : ودينا الزايد برا عند الرجال
جمانه : ياليل الحين وش نسوي
رزان : نروح ناخذها
جات قمر و قالت : بسرعه حصيص تقول اخلصن
جمانه : الفطور الثاني وديناه برا
قمر : يايويلي خلونا نروح نجيبه
لبسوا مشالحهم و طلعوا قمر و رزان و جمانه برا مشوا للخيمه و شافوهم يفطرون
قمر : نبي ناخذ زود الفطور الي حطيناه عندكم
الجد :ليش ماكفاكم؟
قمر قعدت تحطه في الصحن : لا ام فايز و ام مرزوق مالقوا غير يسيرون الحين
تركي : داخل ؟
قمر : ايه قاعدين جوا
جمانه : قمر جيبي الجريش الي عند رواف ، يقولون ام مرزوق ماعندها سنون
قمر : سوت سنونها خليها تبلع الي قدامها
قعدت رزان تاكل و قال الجد : اكلي ياابوي
جات الهنوف و هي معصبه هي و سلمى ، الهنوف : ووجع ان شاء الله لطن في العيشه و حنا خالتي مرثعه فينا
قمر : ابوي قالنا
قعدت الهنوف ترفع الصحون و قالت : عاد مو وقتك ياابوي الحريم جوا ماعندهم فطور
سلمى : يهبي ياام ذا المرزوق
ضحكوا العيال و قال سلطان : سوتها مره ثانيه ؟
سلمى : ايه و فاتكم شلون تناظر بالهنوف و تسألها انتي بنت من
رواف : نقاله علوم ، انتبهوا حتى الحمام تدخلونه بتروح تقول للديره
شالت الهنوف المعشره و قام تركي اخذها منها و قال : امشي قدامي عشان الطريق
ابتسمت الهنوف و مشت و هي تلف عليه و هو يبتسم ، مشت جمانه و قالت : يازينهم
دخلوا البنات و دخل تركي المطبخ و نزل المعشره و انحت الهنوف و هي مبتسمه تقول باهمس : تسلم
ابتسم لها مبسم تركي و مسك خشمها و قال : الله يسلمتس
طلع تركي و دخلوا البنات عند الضيوف يفطرون
