بعد يومين الصباح في بيت عطالله
لينا: يلا عشان نلحق على الطياره بسرعه
ليلى : يبنااتتت المناكير انكبت عليي
لين : تستاهلين في احد يحطها ركبته وش متوقعه
الجوهره : يلا جدي ينتظر من اول ينادي و لا يقول اقعدوا مافي سفره
ود : يسويها و الله
الهنوف : انا جهزت بنزل
رزان : اهخخ ياحضككك
روان :هنوفي شعرس طالع من ورا
الهنوف : يوه ماشفته
سوت طرحتها و نزل تحت و كان الجد قاعد في الصاله معصب و العيال عنده و جميلة و سعود و مضاوي فوزيه و غايه و الباقين ماراحوا
الهنوف : صباح الخير
الجد : صباح النور يابنتي
الهنوف : ابطيت؟
الجد : لا بس الباقين وين؟؟ الطياره بتقلع و انتم باقي
الهنوف : يجون الحين لاتعصب روق يبه
الجد و هو يمسح على وجهه : طيب
طالعت الهنوف في تركي و كان لابس ثوبه عكس العيال كلهم لابسين شورتات و بلايز
الجد : يلااا يبناتتتت اجعلن علي
سلمى : باقي على الطياره ساعتين وشبك ياجدي طاير
الجد : ساعتين اجل شوفي كم الساعه باقي ساعه و ١٠ د
سلمى : باقي وقت
الجد : عبال مانوصل و نخلص الاوراق ! بنطول وكاد
جميلة : يلا يلا مشينا
-
الجد : ياهنوف
الهنوف : لبيه
الجد : لاتاخذين سيارتس خذي الجيب حقي عشان تشيلكم
الهنوف : طيب
راكان : يمكن ماتعرف تسوقها
الهنوف : الا اعرف وش قصدك يعني؟
راكان ضحك : لا و الله ماقصدي شي بس يعني في ناس تسوق صغيره و ماتعرف للجيب
الهنوف : سيارتي ماهي صغير شانجان الكبيره
راكان : طيب اسف شكيت في قدراتس
تركي : احمد ربك تأسفت و لا كسرت راسك
الهنوف : محد يقدر يعصب فيني اليوم مبسوطه مره
تركي : دوم ان شاء الله
ركبوا السياره وكانت رزان و الهنوف و ليلى ولينا و سلمى و مريم و يمنى
وود جات بعدين بسياره
و الجد و سعود و جميلة و غايه و مضاوي و علي و فوزيه بسياره
و العيال بسياره وحده
سلمى : ود مالس مكان انتي و امل و الجوهره روحوا مع جدي
امل : تخسين عشان تفوتنا الفعاليات بركب لو فوقك بقعد
ليلى: وش فعاليته الله يصلحك ترا بروح على طول الطياره و بتكون طياره خاصه معليك بنقعد مع بعض
امل : بعد ماابي
الهنوف : طيب امشي معي
كانت سياره الهنوف كبيره و بعض سيارات الجيب فيها في الشنطه كراسي على جنب
الهنوف : اقعدي هنا و الجوهر عندس ود ياعيوني امشي يلا
ود و هي تتناقر هي وراكان : طيب يالعيون الزرقاء جيتس
مشت الهنوف برجلها عشان توطي عبدالعزيز عند فاطمه و فاطمه ماراحت عشان تعب الحمل
ركبت السياره و مشوا للمطار ، بعد ١٠ د وصلوا للمطار و نزلوا اغراضهم و بدوا بالإجراءات
الجد : باقي ٣ د على الطياران!
الهنوف : مركض ؟
تركي : قدام
رفع تركي ثوبه و اخذ اغراضه الي تنحط معه في الطياره
راكان: واحد اثنين ثلاثه
ركضوا كلهم الا الجد و جميلة و فوزيه يمشون بسرعه
علي و هو يركض: الي يسابقني ياويله تراني تراني عمكم
ذياب : مانعرف احد الحين
الهنوف كانت اسرعهم و كانت رافعه عباتها و تركض
تركي و هو يحاول يسابقها : و الله طلعتي منتي هينه حتى انس سريعه!
الهنوف : اذكر ربك ، قلت لك انا بنت ابوي ماتقدر علي
تركي: اي و الله محد يقدر عليس
ركضوا ووصلوا على صك باب الطياره
سلمى : يويلي بيسكرون
تركي : لا و الله
وصل تركي و الهنوف بسرعه و من قو الجري ماوقفوا عند الباب حق الطياره
المضيف :الي يتأكد من الجوازات : خلاص ققلنا
ذياب : شلون تونا وصلنا طيب بندخل!
المضيف: تأخرتوا بعدين ذي طياره رجال اعمال و من الطبقه الغنيه و لها وقت محدد تطير فيه بدون اي تأخير
الجد و هو جاي و يطلع بطاقته : السلام عليكم
المضيف: عليكم السلام ياعم بس خلاص ارجعوا انتظروا الطياره الثانيه
الجد : هاذي بطاقتي انا المدير التنفيذي و التاجر عطالله عبد الكريم ال خالد
المضيف بعد ماتأكد من البطاقه : معليش سامحني تفضلوا
رواف : عز ياجدي عز
ركبوا الطياره و كانت المظيفه تقولهم اماكنهم و كان باقي الهنوف و تركي و رزان و راكان
المضيف : رزان عامر و راكان صقر هنا اقعدوا
راكان كان يبي يقعد عن الطاقه بس سبقته رزان و قالت : المرأه اولاً
راكان : يليل ابي اقعد هنا بصور
رزان : اصور لك انا
المضيفه : يلا يسيد
قعد راكان و رزان جنبه تقدمت الهنوف و تركي مع المضيفه
المضيفه : اقعدوا هنا
الهنوف قعدت عند الطاقه و تركي جنبها و كانت اول مره تركب الهنوف الطياره و كانت متوتره
الهنوف: يالمتستحي
تركي و هو تعود على لقبه الجديد : هلا ياعيون البحر
الهنوف : الحين بسألك سؤال بس لاتضحك
تركي : ويش؟
الهنوف : خلاص بتقعد تضحك علي
تركي : لا و الله قولي
الهنوف: الحين انا اول مره اركب طياره يعني
تركي : ايه ؟
الهنوف : بنطيح؟
تركي ضحك : كيف بتطيحين؟؟
الهنوف : مدري كنت اشوف مقاطع و طياره طاحت و كذا
تركي : لا مايصير ذا ان شاءالله
الهنوف : بعدين قلت لك لاتضحك!
تركي : سؤالك يضحك وش اسوي
سكتت الهنوف و لفت تتأمل الطياره قبل تقلع
الطياره : اعزائي الركاب نتمنى منكم ان تربطوا احزمة الامان لسلامتكم سوف تقلع الطائره الان
الهنوف و هي تجر باحزام ذا كيف ينربط؟؟
تركي : اسحبيه من الجهه الثانيه
الهنوف : عيا مدري وش بلاه
تركي ابتسم و تقدم و صار قريب وجهه من وجهه الهنوف يبي يربط الحزام تراجعت الهنوف على ورا و تركي يناظرها
الهنوف بتوتر : اخلص اربطه
تركي ربطه ورجع : خلاص سويته لس
غمضت الهنوف و هي تقرا دعاء السفر و تركي يردد معها بداخله اول مامشت الطياره مسكت الهنوف الحزام بيد و اليد الثانيه ماسكة كتف تركي بقوه و هي تضغط عليها و مغمضه عيونها
تركي ابتسمت صح انه متألم منها بس عاجبه هدا الوضع
الهنوف : خلاص ؟
تركي : اي خلاص طرنا
فتحت الهنوف عيونها
تركي : طلعتي تخافين من الطياران تمسكتي فيني لين طرنا
الهنوف: مامسكتك
الهنوف و هي باقي ماسكه كتف تركي
تركي طالع على يدها و قال : وذي يد من
سحبت على طول يدها و قالت : ترا شي طبيعي الواحد اول مره و يخاف
تركي : اي زين
